ఆవృత్తిరసకృదుపదేశాత్ ॥ ౧ ॥

లిఙ్గాచ్చ ॥ ౨ ॥

ఆత్మేతి తూపగచ్ఛన్తి గ్రాహయన్తి చ ॥ ౩ ॥

న ప్రతీకే న హి సః ॥ ౪ ॥

బ్రహ్మదృష్టిరుత్కర్షాత్ ॥ ౫ ॥

ఆదిత్యాదిమతయశ్చాఙ్గ ఉపపత్తేః ॥ ౬ ॥

ఆసీనః సమ్భవాత్ ॥ ౭ ॥

ధ్యానాచ్చ ॥ ౮ ॥

అచలత్వం చాపేక్ష్య ॥ ౯ ॥

స్మరన్తి చ ॥ ౧౦ ॥

యత్రైకాగ్రతా తత్రావిశేషాత్ ॥ ౧౧ ॥

ఆ ప్రాయణాత్తత్రాపి హి దృష్టమ్ ॥ ౧౨ ॥

తదధిగమ ఉత్తరపూర్వాఘయోరశ్లేషవినాశౌ తద్వ్యపదేశాత్ ॥ ౧౩ ॥

ఇతరస్యాప్యేవమసంశ్లేషః పాతే తు ॥ ౧౪ ॥

అనారబ్ధకార్యే ఎవ తు పూర్వే తదవధేః ॥ ౧౫ ॥

అగ్నిహోత్రాది తు తత్కార్యాయైవ తద్దర్శనాత్ ॥ ౧౬ ॥

అతోఽన్యాపి హ్యేకేషాముభయోః ॥ ౧౭ ॥

యదేవ విద్యయేతి హి ॥ ౧౮ ॥

భోగేన త్వితరే క్షపయిత్వా సమ్పద్యతే ॥ ౧౯ ॥

వాఙ్మనసి దర్శనాచ్ఛబ్దాచ్చ ॥ ౧ ॥

అత ఎవ చ సర్వాణ్యను ॥ ౨ ॥

తన్మనః ప్రాణ ఉత్తరాత్ ॥ ౩ ॥

సోఽధ్యక్షే తదుపగమాదిభ్యః ॥ ౪ ॥

భూతేషు తచ్ఛ్రుతేః ॥ ౫ ॥

నైకస్మిన్దర్శయతో హి ॥ ౬ ॥

సమానా చాసృత్యుపక్రమాదమృతత్వం చానుపోష్య ॥ ౭ ॥

తదాఽపీతేః సంసారవ్యపదేశాత్ ॥ ౮ ॥

సూక్ష్మం ప్రమాణతశ్చ తథోపలబ్ధేః ॥ ౯ ॥

నోపమర్దేనాతః ॥ ౧౦ ॥

అస్యైవ చోపపత్తేరేష ఊష్మా ॥ ౧౧ ॥

ప్రతిషేధాదితి చేన్న శారీరాత్ ॥ ౧౨ ॥

స్పష్టో హ్యేకేషామ్ ॥ ౧౩ ॥

స్మర్యతే చ ॥ ౧౪ ॥

తాని పరే తథా హ్యాహ ॥ ౧౫ ॥

అవిభాగో వచనాత్ ॥ ౧౬ ॥

తదోకోఽగ్రజ్వలనం తత్ప్రకాశితద్వారో విద్యాసామర్థ్యాత్తచ్ఛేషగత్యనుస్మృతియోగాచ్చ హార్దానుగృహీతః శతాధికయా ॥ ౧౭ ॥

రశ్మ్యనుసారీ ॥ ౧౮ ॥

నిశి నేతి చేన్న సమ్బన్ధస్య యావద్దేహభావిత్వాద్దర్శయతి చ ॥ ౧౯ ॥

అతశ్చాయనేఽపి దక్షిణే ॥ ౨౦ ॥

యోగినః ప్రతి చ స్మర్యతే స్మార్తే చైతే ॥ ౨౧ ॥

అర్చిరాదినా తత్ప్రథితేః ॥ ౧ ॥

వాయుమబ్దాదవిశేషవిశేషాభ్యామ్ ॥ ౨ ॥

తడితోఽధి వరుణః సమ్బన్ధాత్ ॥ ౩ ॥

ఆతివాహికాస్తల్లిఙ్గాత్ ॥ ౪ ॥

ఉభయవ్యామోహాత్తత్సిద్ధేః ॥ ౫ ॥

వైద్యుతేనైవ తతస్తచ్ఛ్రుతేః ॥ ౬ ॥

కార్యం బాదరిరస్య గత్యుపపత్తేః ॥ ౭ ॥

విశేషితత్వాచ్చ ॥ ౮ ॥

సామీప్యాత్తు తద్వ్యపదేశః ॥ ౯ ॥

కార్యాత్యయే తదధ్యక్షేణ సహాతః పరమభిధానాత్ ॥ ౧౦ ॥

స్మృతేశ్చ ॥ ౧౧ ॥

పరం జైమినిర్ముఖ్యత్వాత్ ॥ ౧౨ ॥

దర్శనాచ్చ ॥ ౧౩ ॥

న చ కార్యే ప్రతిపత్త్యభిసన్ధిః ॥ ౧౪ ॥

అప్రతీకాలమ్బనాన్నయతీతి బాదరాయణ ఉభయథాఽదోషాత్తత్క్రతుశ్చ ॥ ౧౫ ॥

విశేషం చ దర్శయతి ॥ ౧౬ ॥

సమ్పద్యావిర్భావః స్వేనశబ్దాత్ ॥ ౧ ॥

ముక్తః ప్రతిజ్ఞానాత్ ॥ ౨ ॥

ఆత్మా ప్రకరణాత్ ॥ ౩ ॥

అవిభాగేన దృష్టత్వాత్ ॥ ౪ ॥

బ్రాహ్మేణ జైమినిరుపన్యాసాదిభ్యః ॥ ౫ ॥

చితితన్మాత్రేణ తదాత్మకత్వాదిత్యౌడులోమిః ॥ ౬ ॥

ఎవమప్యుపన్యాసాత్పూర్వభావాదవిరోధం బాదరాయణః ॥ ౭ ॥