స్మృత్యనవకాశదోషప్రసఙ్గ ఇతి చేన్నాన్యస్మృత్యనవకాశదోషప్రసఙ్గాత్ ॥ ౧ ॥

ఇతరేషాం చానుపలబ్ధేః ॥ ౨ ॥

ఎతేన యోగః ప్రత్యుక్తః ॥ ౩ ॥

న విలక్షణత్వాదస్య తథాత్వం చ శబ్దాత్ ॥ ౪ ॥

అభిమానివ్యపదేశస్తు విశేషానుగతిభ్యామ్ ॥ ౫ ॥

దృశ్యతే తు ॥ ౬ ॥

అసదితి చేన్న ప్రతిషేధమాత్రత్వాత్ ॥ ౭ ॥

అపీతౌ తద్వత్ప్రసఙ్గాదసమఞ్జసమ్ ॥ ౮ ॥

న తు దృష్టాన్తభావాత్ ॥ ౯ ॥

స్వపక్షదోషాచ్చ ॥ ౧౦ ॥

తర్కాప్రతిష్ఠానాదప్యన్యథానుమేయమితి చేదేవమప్యవిమోక్షప్రసఙ్గః ॥ ౧౧ ॥

ఎతేన శిష్టాపరిగ్రహా అపి వ్యాఖ్యాతాః ॥ ౧౨ ॥

భోక్త్రాపత్తేరవిభాగశ్చేత్స్యాల్లోకవత్ ॥ ౧౩ ॥

తదనన్యత్వమారమ్భణశబ్దాదిభ్యః ॥ ౧౪ ॥

భావే చోపలబ్ధేః ॥ ౧౫ ॥

సత్త్వాచ్చావరస్య ॥ ౧౬ ॥

అసద్వ్యపదేశాన్నేతి చేన్న ధర్మాన్తరేణ వాక్యశేషాత్ ॥ ౧౭ ॥

యుక్తేః శబ్దాన్తరాచ్చ ॥ ౧౮ ॥

పటవచ్చ ॥ ౧౯ ॥

యథా చ ప్రాణాది ॥ ౨౦ ॥

ఇతరవ్యపదేశాద్ధితాకరణాదిదోషప్రసక్తిః ॥ ౨౧ ॥

అధికం తు భేదనిర్దేశాత్ ॥ ౨౨ ॥

అశ్మాదివచ్చ తదనుపపత్తిః ॥ ౨౩ ॥

ఉపసంహారదర్శనాన్నేతి చేన్న క్షీరవద్ధి ॥ ౨౪ ॥

దేవాదివదపి లోకే ॥ ౨౫ ॥

కృత్స్నప్రసక్తిర్నిరవయవత్వశబ్దకోపో వా ॥ ౨౬ ॥

శ్రుతేస్తు శబ్దమూలత్వాత్ ॥ ౨౭ ॥

ఆత్మని చైవం విచిత్రాశ్చ హి ॥ ౨౮ ॥

స్వపక్షదోషాచ్చ ॥ ౨౯ ॥

సర్వోపేతా చ తద్దర్శనాత్ ॥ ౩౦ ॥

వికరణత్వాన్నేతి చేత్తదుక్తమ్ ॥ ౩౧ ॥

న ప్రయోజనవత్త్వాత్ ॥ ౩౨ ॥

లోకవత్తు లీలాకైవల్యమ్ ॥ ౩౩ ॥

వైషమ్యనైర్ఘృణ్యే న సాపేక్షత్వాత్తథాహి దర్శయతి ॥ ౩౪ ॥

న కర్మావిభాగాదితి చేన్నానాదిత్వాత్ ॥ ౩౫ ॥

ఉపపద్యతే చాప్యుపలభ్యతే చ ॥ ౩౬ ॥

సర్వధర్మోపపత్తేశ్చ ॥ ౩౭ ॥

రచనానుపపత్తేశ్చ నానుమానమ్ ॥ ౧ ॥

ప్రవృత్తేశ్చ ॥ ౨ ॥

పయోమ్బువచ్చేత్తత్రాపి ॥ ౩ ॥

వ్యతిరేకానవస్థితేశ్చానపేక్షత్వాత్ ॥ ౪ ॥

అన్యత్రాభావాచ్చ న తృణాదివత్ ॥ ౫ ॥

అభ్యుపగమేఽప్యర్థాభావాత్ ॥ ౬ ॥

పురుషాశ్మవదితి చేత్తథాపి ॥ ౭ ॥

అఙ్గిత్వానుపపత్తేశ్చ ॥ ౮ ॥

అన్యథానుమితౌ చ జ్ఞశక్తివియోగాత్ ॥ ౯ ॥

విప్రతిషేధాచ్చాసమఞ్జసమ్ ॥ ౧౦ ॥

మహద్దీర్ఘవద్వా హ్రస్వపరిమణ్డలాభ్యామ్ ॥ ౧౧ ॥