विदुषः सत्यसङ्कल्पत्वे लाभान्तरमाह -

अत इति ।

उपासितुरीश्वराधीनो भोगो न सङ्कल्पमात्राद्भवितुमलमित्याशङ्क्य सूत्रं व्याकरोति -

अत एवेति ।

सत्यसङ्कल्पत्वेऽपि कथमीश्वराधीनत्वं विदुषो नेष्यते, तत्राह -

नहीति ।

ईश्वरप्रसादाद्भोगः स्यादित्यपि प्रार्थयमानो जनो दृश्यत इत्याशङ्क्याह -

सत्यामिति ।

विदुषोऽनन्याधीनमैश्वर्यमस्तीत्यत्र मानमाह -

श्रुतिश्चेति ।

विद्यानुवादद्वारा तत्फलोक्त्यारम्भार्थोऽथशब्दः ॥ ९ ॥