ఇన్ద్రియం వ్యావర్తయతి —
వాగితీతి ।
శబ్దస్య జ్యోతిష్ట్వం స్పష్టయితుం పాతనికాం కరోతి —
శబ్దేనేతి ।
తద్దీపనకార్యమాహ —
శ్రోత్రేతి ।
మనసి విషయాకారపరిణామే సతి కిం స్యాత్తదాహ —
తేనేతి ।
తత్ర ప్రమాణమాహ —
మనసా హీతి ।
ఎవం పాతనికాం కృత్వా వాచో జ్యోతిష్ట్వసాధనార్థం పృచ్ఛతి —
కథమితి ।
కా పునరత్రానుపపత్తిస్తత్రాఽఽహ —
వాచ ఇతి ।
తత్రాన్తరవాక్యముత్తరత్వేనోత్థాప్య వ్యాకరోతి —
అత ఆహేత్యాదినా ।
ప్రసిద్ధమేవాఽఽకాఙ్క్షాపూర్వకం స్ఫుటయతి —
కథమిత్యాదినా ।
ఉపైవేత్యాది వ్యాచష్టే —
తేన శబ్దేనేతి ।
జ్యోతిష్కార్యత్వం తజ్జన్యవ్యవహారరూపకార్యవత్త్వమితి యావత్ । తత్ర వాగ్జ్యోతిష ఇత్యత్ర చతుర్థపర్యాయః సప్తమ్యర్థః ।
కిమితి గన్ధాదయః శబ్దేనోపలక్ష్యన్తే తత్రాఽఽహ —
గన్ధాదిభిరితి ।
ప్రశ్నాన్తరముత్థాపయతి —
ఎవమేవేతి ।
తథాఽపి స్వప్నాదౌ తస్య ప్రవృత్తిదర్శనాత్తత్కారణీభూతం జ్యోతిర్వక్తవ్యమితి శేషః ॥౫॥