ಔಪಾಧಿಕೋ ದೃಷ್ಟ್ಯಾದಿಭೇದೋ ನ ವಾಸ್ತವೋಽಸ್ತೀತ್ಯುಪಪಾದ್ಯ ವೃತ್ತಮನುದ್ರವತಿ —
ಜಾಗ್ರದಿತಿ ।
ಯತ್ರೇತ್ಯುತ್ತರವಾಕ್ಯವ್ಯಾವರ್ತ್ಯಾಮಾಶಂಕಾಂ ದರ್ಶಯತಿ —
ನನ್ವಿತಿ ।
ಕಿಮಸ್ಯ ವಿಶೇಷವಿಜ್ಞಾನರಾಹಿತ್ಯಂ ಸ್ವರೂಪಂ ಕಿಂ ವಾ ವಿಶೇಷವಿಜ್ಞಾನವತ್ವಮ್ । ಆದ್ಯೇ ಜಾಗ್ರತ್ಸ್ವಪ್ನಯೋರನುಪಪತ್ತಿಃ । ದ್ವಿತೀಯೇ ಸುಷುಪ್ತೇರಸಿದ್ಧಿರಿತಿ ಭಾವಃ ।
ಪ್ರತೀಚಶ್ಚಿನ್ಮಾತ್ರಜ್ಯೋತಿಷೋ ವಿಶೇಷವಿಜ್ಞಾನರಾಹಿತ್ಯಮೇವ ಸ್ವರೂಪಂ ತಥಾಽಪಿ ಸ್ವಾವಿದ್ಯಾಕಲ್ಪಿತವಿಶೇಷವಿಜ್ಞಾನವತ್ತ್ವಮಾಶ್ರಿತ್ಯಾವಸ್ಥಾದ್ವಯಂ ಸಿಧ್ಯತೀತ್ಯುತ್ತರವಾಕ್ಯಮವಲಂಬ್ಯೋತ್ತರಮಾಹ —
ಉಚ್ಯತ ಇತ್ಯಾದಿನಾ ।
ತಚ್ಚೇತ್ಯಾವಿದ್ಯಂ ದರ್ಶನಮಿತ್ಯರ್ಥಃ ॥ ೩೧ ॥