సుహృఞ్జీవనమరణాదినిమిత్తయోః సుఖదుఃఖయోః సమతాకరణం కథమ్ ? ఇతి, తత్రాహ -

రాగద్వేషావితి ।

లాభః - శత్రుకోషాదిప్రాప్తిః, అలాభః - తద్విపర్యయః । న్యాయ్యేన యుద్ధేనాపరిభూతేన పరస్య పరిభవో జయః, తద్విపర్యయస్త్వజయః, తయోర్లాభాలాభయోర్జయాజయయోశ్చ సమతాకరణం సమానమేవ, రాగద్వేషావకృత్వేత్యేతద్దర్శయితుం తథేత్యుక్తమ్ ।

యథోక్తోపదేశవశాత్ పరమార్థదర్శనప్రకరణే యుద్ధకర్తవ్యతోక్తేః సముచ్చయపరత్వం శాస్త్రస్య ప్రాప్తమిత్యాశఙ్క్యాహ -

ఎష ఇతి ।

క్షత్రియస్య తవ ధర్మభూతయుద్ధకర్తవ్యతానువాదప్రసఙ్గాగతత్వాత్ అస్యోపదేశస్య నానేన మిషేణ సముచ్చయః సిధ్యతీత్యర్థః ॥ ౩౮ ॥