ఇన్ద్రియాణాం స్వవశత్వసమ్పాదనానన్తరం కర్తవ్యమర్థమాహ -
తానీతి ।
ఎవమాసీనస్య కిం స్యాత్ ? ఇతి తదాహ -
వశే హీతి ।
సమాహితస్య - విక్షేపవికలస్య కథమాసనమ్ ? ఇత్యపేక్షాయామాహ -
మత్పర ఇతి ।
పరాపరభేదశఙ్కామపాకృత్య ఆసనమేవ స్ఫోరయతి - నాన్యోఽహమితి ।
ఉత్తరార్ధం వ్యాకరోతి -
ఎవమితి ।
హిశబ్దార్థం స్ఫుటయతి -
అభ్యాసేతి ।
పరస్మాదాత్మనో నాహమన్యోఽస్మీతి ప్రాగుక్తానుసన్ధానస్య ఆదరేణ నైరన్తర్యదీర్ఘకాలానుష్ఠానసామర్థ్యాదిత్యర్థః ।అథవా - విషయేషు దోషదర్శనాభ్యాససామర్థ్యాత్ ఇన్ద్రియాణి సంయతానీత్యర్థః ॥ ౬౧ ॥