ವಿರೋಧಂ ಪರಿಹರನ್ ಆಶಂಕತೇ -

ತತ್ರೇತಿ ।

ಸಂಬಂಧಗ್ರಂಥೇ ಹಿ ವೃತ್ತಿಕಾರಸ್ಯೈತದಭಿಪ್ರೇತಮ್ - ಗೃಹಸ್ಥಾನಾಮೇವ ಸತಾಂ ಪರಿಪಕ್ಕಜ್ಞಾನಮಂತರೇಣ ಯಾವಜ್ಜೀವಶ್ರುತಿಚೋದಿತಾಗ್ನಿಹೋತ್ರಾದಿತ್ಯಾಗೇನ ಕೇವಲಾದೇವಾಪಾತಿಕಾದಾತ್ಮಜ್ಞಾನಾತ್ ಮೋಕ್ಷಮಪೇಕ್ಷಮಾಣಾನಾಂ ಯಾವಜ್ಜೀವಾದಿಶಾಸ್ರೈರಸೌ ನಿಷಿಧ್ಯತೇ, ನ ತು ಸ್ವರೂಪೇಣೈವ ಕರ್ಮತ್ಯಾಗೋ ಜ್ಞಾನಾನ್ಮೋಕ್ಷೋ ವಾ ನಿಷೇದ್ಧುಮಿಷ್ಯತೇ । ತೃತೀಯೇ ಪುನರಧ್ಯಾಯೇ ಕರ್ಮತ್ಯಾಗಿನಾಂ ಗೃಹಸ್ಥೇಭ್ಯೋ ವ್ಯತಿರಿಕ್ತಾನಾಮೇವ ಕೇವಲಾದಾತ್ಮಜ್ಞಾನಾನ್ಮೋಕ್ಷೋ ವಿವಕ್ಷ್ಯತೇ । ಅತೋ ಭಿನ್ನಾವಿಷಯತ್ವಾನ್ನಿಷೇಧಾಭ್ಯನುಜ್ಞಾನಯೋರ್ನವಿರೋಧಾಶಂಕೇತ್ಯರ್ಥಃ।

ವಿರೋಧಾಂತರೇಣ ವಿರೋಧಂ ದರ್ಶಯನ್ನುತ್ತರಮಾಹ -

ಏತದಪೀತಿ ।

ವಿರೋಧಮೇವಾಕಾಂಕ್ಷಾದ್ವಾರಾ ಸಾಧಯತಿ -

ಕಥಮಿತ್ಯಾದಿನಾ ।