ఆశిషాం విదుషో నిర్గతత్వే హేతుమాహ -

యతేతి ।

చిత్తవత్ ఆత్మనః సన్యమనం కథమ్ ? ఇత్యాశఙ్క్యాహ -

ఆత్మా బాహ్య ఇతి ।

ద్వయోః సంయమనే సతి అర్థసిద్ధమర్థమాహ -

త్యక్తేతి ।

సర్వపరిగ్రహపరిత్యాగే దేహస్థితిరపి దుఃస్థా స్యాత్ , ఇత్యాశఙ్ర్యాహ -

శరీరమితి ।

మాత్రశబ్దేన పౌనరుక్త్యాదనర్థకం కేవలపదమ్ , ఇత్యాశఙ్క్యాహ-

తత్రాపీతి ।

శారీరం కేవలమిత్యాదౌ శారీరపదార్థం స్ఫుటీకర్తుముభయథా సమ్భావనయా వికల్పయతి -

శారీరమితి ।