శ్రీభగవానువాచ —
అనాశ్రితః కర్మఫలం కార్యం కర్మ కరోతి యః ।
స సంన్యాసీ చ యోగీ చ న నిరగ్నిర్న చాక్రియః ॥ ౧ ॥
అనాశ్రితః న ఆశ్రితః అనాశ్రితః । కిమ్ ? కర్మఫలం కర్మణాం ఫలం కర్మఫలం యత్ తదనాశ్రితః, కర్మఫలతృష్ణారహిత ఇత్యర్థః । యో హి కర్మఫలే తృష్ణావాన్ సః కర్మఫలమాశ్రితో భవతి, అయం తు తద్విపరీతః, అతః అనాశ్రితః కర్మఫలమ్ । ఎవంభూతః సన్ కార్యం కర్తవ్యం నిత్యం కామ్యవిపరీతమ్ అగ్నిహోత్రాదికం కర్మ కరోతి నిర్వర్తయతి యః కశ్చిత్ ఈదృశః కర్మీ స కర్మ్యన్తరేభ్యో విశిష్యతే ఇత్యేవమర్థమాహ — ‘స సంన్యాసీ చ యోగీ చ’ ఇతి । సంన్యాసః పరిత్యాగః స యస్యాస్తి స సంన్యాసీ చ, యోగీ చ యోగః చిత్తసమాధానం స యస్యాస్తి స యోగీ చ ఇతి ఎవంగుణసమ్పన్నః అయం మన్తవ్యః’ న కేవలం నిరగ్నిః అక్రియ ఎవ సంన్యాసీ యోగీ చ ఇతి మన్తవ్యః । నిర్గతాః అగ్నయః కర్మాఙ్గభూతాః యస్మాత్ స నిరగ్నిః, అక్రియశ్చ అనగ్నిసాధనా అపి అవిద్యమానాః క్రియాః తపోదానాదికాః యస్య అసౌ అక్రియః ॥ ౧ ॥
శ్రీభగవానువాచ —
అనాశ్రితః కర్మఫలం కార్యం కర్మ కరోతి యః ।
స సంన్యాసీ చ యోగీ చ న నిరగ్నిర్న చాక్రియః ॥ ౧ ॥
అనాశ్రితః న ఆశ్రితః అనాశ్రితః । కిమ్ ? కర్మఫలం కర్మణాం ఫలం కర్మఫలం యత్ తదనాశ్రితః, కర్మఫలతృష్ణారహిత ఇత్యర్థః । యో హి కర్మఫలే తృష్ణావాన్ సః కర్మఫలమాశ్రితో భవతి, అయం తు తద్విపరీతః, అతః అనాశ్రితః కర్మఫలమ్ । ఎవంభూతః సన్ కార్యం కర్తవ్యం నిత్యం కామ్యవిపరీతమ్ అగ్నిహోత్రాదికం కర్మ కరోతి నిర్వర్తయతి యః కశ్చిత్ ఈదృశః కర్మీ స కర్మ్యన్తరేభ్యో విశిష్యతే ఇత్యేవమర్థమాహ — ‘స సంన్యాసీ చ యోగీ చ’ ఇతి । సంన్యాసః పరిత్యాగః స యస్యాస్తి స సంన్యాసీ చ, యోగీ చ యోగః చిత్తసమాధానం స యస్యాస్తి స యోగీ చ ఇతి ఎవంగుణసమ్పన్నః అయం మన్తవ్యః’ న కేవలం నిరగ్నిః అక్రియ ఎవ సంన్యాసీ యోగీ చ ఇతి మన్తవ్యః । నిర్గతాః అగ్నయః కర్మాఙ్గభూతాః యస్మాత్ స నిరగ్నిః, అక్రియశ్చ అనగ్నిసాధనా అపి అవిద్యమానాః క్రియాః తపోదానాదికాః యస్య అసౌ అక్రియః ॥ ౧ ॥