ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಧೂಮೋ ರಾತ್ರಿಸ್ತಥಾ ಕೃಷ್ಣಃ ಷಣ್ಮಾಸಾ ದಕ್ಷಿಣಾಯನಮ್ ।
ತತ್ರ ಚಾಂದ್ರಮಸಂ ಜ್ಯೋತಿರ್ಯೋಗೀ ಪ್ರಾಪ್ಯ ನಿವರ್ತತೇ ॥ ೨೫ ॥
ಧೂಮೋ ರಾತ್ರಿಃ ಧೂಮಾಭಿಮಾನಿನೀ ರಾತ್ರ್ಯಭಿಮಾನಿನೀ ಚ ದೇವತಾ । ತಥಾ ಕೃಷ್ಣಃ ಕೃಷ್ಣಪಕ್ಷದೇವತಾ । ಷಣ್ಮಾಸಾ ದಕ್ಷಿಣಾಯನಮ್ ಇತಿ ಚ ಪೂರ್ವವತ್ ದೇವತೈವ । ತತ್ರ ಚಂದ್ರಮಸಿ ಭವಂ ಚಾಂದ್ರಮಸಂ ಜ್ಯೋತಿಃ ಫಲಮ್ ಇಷ್ಟಾದಿಕಾರೀ ಯೋಗೀ ಕರ್ಮೀ ಪ್ರಾಪ್ಯ ಭುಕ್ತ್ವಾ ತತ್ಕ್ಷಯಾತ್ ಇಹ ಪುನಃ ನಿವರ್ತತೇ ॥ ೨೫ ॥
ಧೂಮೋ ರಾತ್ರಿಸ್ತಥಾ ಕೃಷ್ಣಃ ಷಣ್ಮಾಸಾ ದಕ್ಷಿಣಾಯನಮ್ ।
ತತ್ರ ಚಾಂದ್ರಮಸಂ ಜ್ಯೋತಿರ್ಯೋಗೀ ಪ್ರಾಪ್ಯ ನಿವರ್ತತೇ ॥ ೨೫ ॥
ಧೂಮೋ ರಾತ್ರಿಃ ಧೂಮಾಭಿಮಾನಿನೀ ರಾತ್ರ್ಯಭಿಮಾನಿನೀ ಚ ದೇವತಾ । ತಥಾ ಕೃಷ್ಣಃ ಕೃಷ್ಣಪಕ್ಷದೇವತಾ । ಷಣ್ಮಾಸಾ ದಕ್ಷಿಣಾಯನಮ್ ಇತಿ ಚ ಪೂರ್ವವತ್ ದೇವತೈವ । ತತ್ರ ಚಂದ್ರಮಸಿ ಭವಂ ಚಾಂದ್ರಮಸಂ ಜ್ಯೋತಿಃ ಫಲಮ್ ಇಷ್ಟಾದಿಕಾರೀ ಯೋಗೀ ಕರ್ಮೀ ಪ್ರಾಪ್ಯ ಭುಕ್ತ್ವಾ ತತ್ಕ್ಷಯಾತ್ ಇಹ ಪುನಃ ನಿವರ್ತತೇ ॥ ೨೫ ॥

ಪ್ರಕೃತಂ ದೇವಯಾನಂ ಪಂಥಾನಂ ಸ್ತೋತುಂ ಪಿತೃಯಾಣಮ್ ಉಪನ್ಯಸ್ಯತಿ-

ಧೂಮ ಇತಿ ।

ಅತ್ರಾಪಿ ಮಾರ್ಗಚಿಹ್ನಾನಿ ಭೋಗಭೂಮೀಶ್ಚ ವ್ಯವಚ್ಛಿದ್ಯ ಆತಿವಾಹಿಕದೇವತಾವಿಷಯತ್ವಂ ಧೂಮಾದಿಪದಾನಾಂ ವಿಭಜತೇ -

ಧೂಮೇತ್ಯಾದಿನಾ ।

ತತ್ರೇತಿ ಸಪ್ತಮೀ ಪೂರ್ವವದೇವ ಸಾಮೀಪ್ಯಾರ್ಥಾ, ‘ಇಷ್ಟಾದಿ’ ಇತ್ಯಾದಿಶಬ್ದೇನಪೂರ್ತದತ್ತೇಗೃಹ್ಯೇತೇ । ‘ಕೃತಾತ್ಯಯೇಽನುಶಯವಾನ್ ‘(ಬ್ರ. ಸೂ. ೩ - ೧ - ೮) ಇತಿ ನ್ಯಾಯಂ ಸೂಚಯತಿ -

ತತ್ಕ್ಷಯಾದಿತಿ

॥೨೫॥