ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಮಹರ್ಷಯಃ ಸಪ್ತ ಪೂರ್ವೇ ಚತ್ವಾರೋ ಮನವಸ್ತಥಾ ।
ಮದ್ಭಾವಾ ಮಾನಸಾ ಜಾತಾ ಯೇಷಾಂ ಲೋಕ ಇಮಾಃ ಪ್ರಜಾಃ ॥ ೬ ॥
ಮಹರ್ಷಯಃ ಸಪ್ತ ಭೃಗ್ವಾದಯಃ ಪೂರ್ವೇ ಅತೀತಕಾಲಸಂಬಂಧಿನಃ, ಚತ್ವಾರಃ ಮನವಃ ತಥಾ ಸಾವರ್ಣಾ ಇತಿ ಪ್ರಸಿದ್ಧಾಃ, ತೇ ಚ ಮದ್ಭಾವಾಃ ಮದ್ಗತಭಾವನಾಃ ವೈಷ್ಣವೇನ ಸಾಮರ್ಥ್ಯೇನ ಉಪೇತಾಃ, ಮಾನಸಾಃ ಮನಸೈವ ಉತ್ಪಾದಿತಾಃ ಮಯಾ ಜಾತಾಃ ಉತ್ಪನ್ನಾಃ, ಯೇಷಾಂ ಮನೂನಾಂ ಮಹರ್ಷೀಣಾಂ ಚ ಸೃಷ್ಟಿಃ ಲೋಕೇ ಇಮಾಃ ಸ್ಥಾವರಜಂಗಮಲಕ್ಷಣಾಃ ಪ್ರಜಾಃ ॥ ೬ ॥
ಮಹರ್ಷಯಃ ಸಪ್ತ ಪೂರ್ವೇ ಚತ್ವಾರೋ ಮನವಸ್ತಥಾ ।
ಮದ್ಭಾವಾ ಮಾನಸಾ ಜಾತಾ ಯೇಷಾಂ ಲೋಕ ಇಮಾಃ ಪ್ರಜಾಃ ॥ ೬ ॥
ಮಹರ್ಷಯಃ ಸಪ್ತ ಭೃಗ್ವಾದಯಃ ಪೂರ್ವೇ ಅತೀತಕಾಲಸಂಬಂಧಿನಃ, ಚತ್ವಾರಃ ಮನವಃ ತಥಾ ಸಾವರ್ಣಾ ಇತಿ ಪ್ರಸಿದ್ಧಾಃ, ತೇ ಚ ಮದ್ಭಾವಾಃ ಮದ್ಗತಭಾವನಾಃ ವೈಷ್ಣವೇನ ಸಾಮರ್ಥ್ಯೇನ ಉಪೇತಾಃ, ಮಾನಸಾಃ ಮನಸೈವ ಉತ್ಪಾದಿತಾಃ ಮಯಾ ಜಾತಾಃ ಉತ್ಪನ್ನಾಃ, ಯೇಷಾಂ ಮನೂನಾಂ ಮಹರ್ಷೀಣಾಂ ಚ ಸೃಷ್ಟಿಃ ಲೋಕೇ ಇಮಾಃ ಸ್ಥಾವರಜಂಗಮಲಕ್ಷಣಾಃ ಪ್ರಜಾಃ ॥ ೬ ॥

ತಥೇತಿ ಮನೂನಾಮಪಿ ಪೂರ್ವತ್ವೇನ ಆದ್ಯತ್ವಮ್ ಅನುಕೃಷ್ಯತೇ । ಕೇ ತೇ ಮನವಃ? ತತ್ರ ಆಹ-

ಸಾವರ್ಣಾ ಇತೀತಿ ।

ಪ್ರಸಿದ್ಧಾಃ ಪುರಾಣೇಷು, ಪ್ರಜಾನಾಂ ಪಾಲಕಾಃ, ಸ್ವಯಮ್ ಈಶ್ವರಾಶ್ಚ ಇತಿ ಶೇಷಃ ।

ಮಹರ್ಷೀಣಾಂ ಮನೂನಾಂ ಚ ತುಲ್ಯಂ ವಿಶೇಷಣಮ್ -

ತೇ ಚೇತಿ ।

ಮಯಿ - ಸರ್ವಜ್ಞೇ ಸರ್ವೇಶ್ವರೇ, ಗತಾ - ಭಾವನಾ ಯೇಷಾಂ, ತೇ ತಥಾ । ಭಾವನಾಫಲಮ್ ಆಹ -

ವೈಷ್ಣವೇನೇತಿ ।

ವೈಷ್ಣವ್ಯಾ ಶಕ್ತ್ಯಾ ಅಧಿಷ್ಠಿತತ್ವೇನ ಜ್ಞಾನೈಶ್ವರ್ಯವಂತಃ, ಇತ್ಯರ್ಥಃ ।

ತೇಷಾಂ ಜನ್ಮನೋ ವೈಶಿಷ್ಟ್ಯಮ್ ಆಚಷ್ಟೇ -

ಮಾನಸಾ ಇತಿ ।

ಮನ್ವಾದೀನೇವ ವಿಶಿನಷ್ಟಿ-

ಯೇಷಾಮಿತಿ ।

ವಿದ್ಯಯಾ ಜನ್ಮನಾ ಚ ಸಂತತಿಭೂತಾ ಮನ್ವಾದೀನಾಮ್ ಅಸ್ಮಿನ್ ಲೋಕೇ ಸರ್ವಾಃ ಪ್ರಜಾಃ, ಇತ್ಯರ್ಥಃ

॥ ೬ ॥