ಶ್ರೀಮದ್ಭಗವದ್ಗೀತಾಭಾಷ್ಯಮ್
ದ್ವಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶ್ರೇಯೋ ಹಿ ಜ್ಞಾನಮಭ್ಯಾಸಾಜ್ಜ್ಞಾನಾದ್ಧ್ಯಾನಂ ವಿಶಿಷ್ಯತೇ ।
ಧ್ಯಾನಾತ್ಕರ್ಮಫಲತ್ಯಾಗಸ್ತ್ಯಾಗಾಚ್ಛಾಂತಿರನಂತರಮ್ ॥ ೧೨ ॥
ಶ್ರೇಯಃ ಹಿ ಪ್ರಶಸ್ಯತರಂ ಜ್ಞಾನಮ್ । ಕಸ್ಮಾತ್ ? ವಿವೇಕಪೂರ್ವಕಾತ್ ಅಭ್ಯಾಸಾತ್ । ತಸ್ಮಾದಪಿ ಜ್ಞಾನಾತ್ ಜ್ಞಾನಪೂರ್ವಕಂ ಧ್ಯಾನಂ ವಿಶಿಷ್ಯತೇ । ಜ್ಞಾನವತೋ ಧ್ಯಾನಾತ್ ಅಪಿ ಕರ್ಮಫಲತ್ಯಾಗಃ, ‘ವಿಶಿಷ್ಯತೇ’ ಇತಿ ಅನುಷಜ್ಯತೇ । ಏವಂ ಕರ್ಮಫಲತ್ಯಾಗಾತ್ ಪೂರ್ವವಿಶೇಷಣವತಃ ಶಾಂತಿಃ ಉಪಶಮಃ ಸಹೇತುಕಸ್ಯ ಸಂಸಾರಸ್ಯ ಅನಂತರಮೇವ ಸ್ಯಾತ್ , ನ ತು ಕಾಲಾಂತರಮ್ ಅಪೇಕ್ಷತೇ ॥
ಶ್ರೇಯೋ ಹಿ ಜ್ಞಾನಮಭ್ಯಾಸಾಜ್ಜ್ಞಾನಾದ್ಧ್ಯಾನಂ ವಿಶಿಷ್ಯತೇ ।
ಧ್ಯಾನಾತ್ಕರ್ಮಫಲತ್ಯಾಗಸ್ತ್ಯಾಗಾಚ್ಛಾಂತಿರನಂತರಮ್ ॥ ೧೨ ॥
ಶ್ರೇಯಃ ಹಿ ಪ್ರಶಸ್ಯತರಂ ಜ್ಞಾನಮ್ । ಕಸ್ಮಾತ್ ? ವಿವೇಕಪೂರ್ವಕಾತ್ ಅಭ್ಯಾಸಾತ್ । ತಸ್ಮಾದಪಿ ಜ್ಞಾನಾತ್ ಜ್ಞಾನಪೂರ್ವಕಂ ಧ್ಯಾನಂ ವಿಶಿಷ್ಯತೇ । ಜ್ಞಾನವತೋ ಧ್ಯಾನಾತ್ ಅಪಿ ಕರ್ಮಫಲತ್ಯಾಗಃ, ‘ವಿಶಿಷ್ಯತೇ’ ಇತಿ ಅನುಷಜ್ಯತೇ । ಏವಂ ಕರ್ಮಫಲತ್ಯಾಗಾತ್ ಪೂರ್ವವಿಶೇಷಣವತಃ ಶಾಂತಿಃ ಉಪಶಮಃ ಸಹೇತುಕಸ್ಯ ಸಂಸಾರಸ್ಯ ಅನಂತರಮೇವ ಸ್ಯಾತ್ , ನ ತು ಕಾಲಾಂತರಮ್ ಅಪೇಕ್ಷತೇ ॥

ತ್ಯಾಗಸ್ಯ ವಿಶಿಷ್ಟತ್ವೇ ಹೇತುಮ್ ಆಹ -

ಏವಮಿತಿ ।

ಪ್ರೀಣಾತು ಭಗವಾನ್ , ಇತಿ ತಸ್ಮಿನ್ ಕರ್ಮಸಂನ್ಯಾಸಪೂರ್ವಕಮ್ , ಇತ್ಯರ್ಥಃ । ಪೂರ್ವವಿಶೇಷಣವತಃ - ನಿಯತಚಿತ್ತಸ್ಯ ಪುಂಸಃ ಯಥೋಕ್ತತ್ಯಾಗಾತ್ , ಇತ್ಯರ್ಥಃ ।

‘ಅನಂತರಮೇವ’ ಇತ್ಯುಕ್ತಂ ವ್ಯನಕ್ತಿ -

ನ ತ್ವಿತಿ ।