ವಿವೇಕಿನೋಽಪಿ ದೇಹಧಾರಿತಯಾ ದೇಹಭೃತ್ತ್ವಾವಿಶೇಷೇ ಕರ್ಮಾಧಿಕಾರಃ ಸ್ಯಾತ್ ಇತಿ ಆಶಂಕ್ಯ ಆಹ -

ನ ಹೀತಿ ।

ಕರ್ತೃತ್ವಾಧಿಕಾರಃ ತತ್ಪೂರ್ವಕಂ ಕರ್ಮಾನುಷ್ಠಾನಂ ತಸ್ಮಾತ್ ಇತಿ ಯಾವತ್ । ಜ್ಞಾನವತಃ ದೇಹಧಾರಣೇಽಪಿ ತದಭಿಮಾನಿತ್ವಾಭಾವಃ ಅತಃಶಬ್ದಾರ್ಥಃ ।

ಅಜ್ಞಸ್ಯ ಸರ್ವಕರ್ಮತ್ಯಾಗಾಯೋಗಮ್ ಉಕ್ತಂ ಹೇತೂಕೃತ್ಯ ಫಲಿತಮಾಹ -

ತಸ್ಮಾದಿತಿ ।

ಕರ್ಮಾನುಷ್ಠಾಯಿನಃ ತ್ಯಾಗಿತ್ವೋಕ್ತಿಃ ಅಯುಕ್ತಾ ಇತಿ ಆಶಂಕ್ಯ ಆಹ -

ಕರ್ಮ್ಯಪೀತಿ ।

ಕರ್ಮಿಣಾಪಿ ಫಲತ್ಯಾಗೇನ ತ್ಯಾಗಿತ್ವವಚನಂ ಫಲತ್ಯಾಗಸ್ತುತ್ಯರ್ಥಮ್ ಇತ್ಯರ್ಥಃ ।

ಕಸ್ಯ ತರ್ಹಿ ಸರ್ವಕರ್ಮತ್ಯಾಗಃ ಸಂಭವತಿ ? ಇತಿ ಆಶಂಕ್ಯ ವಿವೇಕವೈರಾಗ್ಯಾದಿಮತಃ ದೇಹಾಭಿಮಾನಹೀನಸ್ಯ ಇತ್ಯುಕ್ತಂ ನಿಗಮಯತಿ -

ತಸ್ಮಾದಿತಿ

॥ ೧೧ ॥