నను అపరమార్థసంన్యాసవత్ అవిశేషాత్ అజ్ఞానాం పరమార్థసంన్యాసోఽపి కిం న స్యాత్ ? త్యాగస్య సుకరత్వాత్ । తత్ర ఆహ -
అతః పరమార్థేతి ।
తస్య సమ్యగ్దర్శనాత్ అవిద్యానివృత్తౌ తదారోపితక్రియాకారకాదినివృత్తేః ఇతి హేత్వర్థః ।
విద్యావతః సర్వకర్మసంన్యాసిత్వసమ్భావనామ్ ఉక్త్వా ఎవకారవ్యావర్త్యం దర్శయతి -
న త్వితి ।
అవిదుషః అశేషకర్మణాం తద్ధేతూనాం చ రాగాదీనాం త్యాగాయోగే కారకేషు అధిష్ఠానాదిషు ఆత్మత్వదర్శనం హేతుమ్ ఆహ -
క్రియేతి ।
కథమ్ అధిష్ఠానాదీనాం క్రియాకర్తృతత్వమ్ ? కథం వా అవిదుషః తేషు ఆత్మత్వధీః ? ఇతి ఆశఙ్క్య అనన్తరశ్లోకచతుష్టయస్య తాత్పర్యమ్ ఆహ -
తదేతదితి ।