ಆತ್ಮಾ ಕರ್ಮತ್ವೇನಾವಭಾಸತೇ ಅವಭಾಸಮಾನತ್ವಾದನಾತ್ಮವದಿತಿ ಭಾಟ್ಟಶ್ಚೋದಯತಿ -

ನನು ನಾಯಮಿತಿ ।

ಅಹಮುಲ್ಲೇಖಃ, ಅಹಮವಭಾಸಃ । ಆತ್ಮಾವಭಾಸ ಇತ್ಯರ್ಥಃ ।

ಏಕಸ್ಯಾನಾತ್ಮನಃ ಏಕಸ್ಯಾಂ ಕ್ರಿಯಾಯಾಂ ಕರ್ತೃತ್ವೇನ ಗುಣಭಾವಃ, ಕರ್ಮತ್ವೇನ ಪ್ರಾಧಾನ್ಯಂ ಚ ಅನುಕ್ತಮಿತಿ ತತ್ರಾಹ –

ತಸ್ಮಿಂಶ್ಚೇತಿ ।

ಜ್ಞಾತೃತ್ವೇನ ಪ್ರಮಾತೃತ್ವಮಿತಿ ।

ಜ್ಞಾನಕ್ರಿಯಾಶಕ್ತಿಮದಿತಿ ವಿಶೇಷರೂಪೇಣ ಪ್ರಮಾತೃತ್ವಮಿತ್ಯರ್ಥಃ ।

ಕರ್ಮತಯಾ ಆತ್ಮಾವಭಾಸಕತ್ವಾತ್ ಆತ್ಮವಿಷಯಜ್ಞಾನಮಪಿ ಘಟಜ್ಞಾನವದಿದಂ ಪ್ರತ್ಯಯಃ ಸ್ಯಾದಿತ್ಯಾಶಂಕ್ಯ ಪ್ರಥಮಂ ಜಡಾಕಾರಮವಲಂಬ್ಯ ತದವಚ್ಛಿನ್ನಸದ್ರೂಪಾತ್ಮನಿ ಪರ್ಯವಸಾನಾತ್ ಘಟಾದಿಜ್ಞಾನಸ್ಯೈವ ಇದಂಪ್ರತ್ಯಯತ್ವಮ್ , ಅಹಮಿತಿ ಪ್ರತ್ಯಯಸ್ಯ ತು ಆತ್ಮಾ ಸಾಧಾರಣಂ ಜ್ಞಾತ್ರಾಕಾರಂ ವಿಷಯೀಕೃತ್ಯ ಪಶ್ಚಾದ್ಘಟಾದಿಸಾಧಾರಣದ್ರವ್ಯಾಕಾರೇ ಪರ್ಯವಸಾನಾದಹಂಪ್ರತ್ಯಯತ್ವಮಿತ್ಯಾಹ –

ಪ್ರಮಾತೃಪ್ರಮೇಯನಿರ್ಭಾಸರೂಪತ್ವಾದಹಂಪ್ರತ್ಯಯಸ್ಯೇತಿ ।

ಅನಂಶತ್ವಾದಿತಿ ।

ದ್ರವ್ಯರೂಪಸ್ಯ ಆತ್ಮಾನಾತ್ಮಸಾಧಾರಣ್ಯಾತ್ ಆತ್ಮತ್ವಾಯೋಗಾತ್ , ಆತ್ಮಾಸಾಧಾರಣಸ್ಯ ಅಸಾಧಾರಜ್ಞಾತ್ ಇತಿಜ್ಞಾನರೂಪಸ್ಯ ನಿರಂಶತ್ವಾತ್ ತತ್ರ ನ ಕರ್ತೃಕರ್ಮವ್ಯವಸ್ಥೇತ್ಯರ್ಥಃ ।

ಅಪರಿಣಾಮಿತ್ವಾದಿತಿ ।

ಜ್ಞಾನರೂಪಸ್ಯಮಾತೃಕಾಯಾಂ ನ ಸ್ಪಷ್ಟಮ್ ನಿರವಯವಸ್ಯ ಯುಗಪತ್ ಜ್ಞಾನದ್ವಯಪರಿಣಾಮಾಯೋಗಾದಿತ್ಯರ್ಥಃ ।

ಪ್ರಮೇಯಸ್ಯ ಚೇತಿ ।

ಗ್ರಾಹಕರೂಪಸ್ಯ ಸಂವಿದಾಶ್ರಯತ್ವೇನ ಸ್ವಯಂಪ್ರಕಾಶತ್ವೇನ ಚ ಸಿದ್ಧ್ಯನಭ್ಯುಪಗಮಾದಸಿದ್ಧತ್ವಾಯೋಗಾಚ್ಚ ಕರ್ಮತಯಾ ಸಿದ್ಧಿರ್ವಕ್ತವ್ಯಾ, ತಥಾ ಸತ್ಯನಾತ್ಮತ್ವಮಿತ್ಯರ್ಥಃ । ನೀಲಾದಿಜ್ಞಾನಫಲಮಿತ್ಯತ್ರ ಜ್ಞಾನಶಬ್ದೇನ ಜ್ಞಾಯತೇಽನೇನೇತಿ ವ್ಯುತ್ಪತ್ತ್ಯಾ ಚತುಷ್ಟಯಸನ್ನಿಕರ್ಷಾಖ್ಯಸಾಮಗ್ರ್ಯಭಿಧಾನಮಿತಿ ದ್ರಷ್ಟವ್ಯಮ್ ।

ಅಹಂಕಾರಸ್ಯ ಅನಾತ್ಮತ್ವಂ ಸಾಧಯಿತುಮಾತ್ಮನಃ ಸ್ವಯಂಪ್ರಕಾಶತ್ವಸಾಧನಾಯ ವಿಕಲ್ಪಯತಿ -

ಅತ್ರೇದಮಿತಿ ।

ಉಭಯಸ್ಯಪಿ ಸ್ವಯಂಪ್ರಕಾಶತ್ವೇ ಕಲ್ಪನಾಗೌರವಂ ಪ್ರಸಜ್ಯೇತ, ತತ್ಪರಿಹಾರಾರ್ಥಂ ಏಕಃ ಸ್ವಯಂಪ್ರಕಾಶ ಇತಿ ಪಕ್ಷಮಾಹ -

ಕಿಮಾತ್ಮಾ ಚೈತನ್ಯಪ್ರಕಾಶ ಇತಿ ।

ಅನುಭವಸ್ಯ ಜಡತ್ವೇ ಜಗತಃ ಆಂಧ್ಯಪ್ರಸಂಗಪರಹಾರಾರ್ಥಂ ಪಕ್ಷಾಂತರಮಾಹ -

ಉತ ಸೋಽಪಿ ಇತಿ ।

ಪಂಚಪಾದಿಕಾಯಾಂ ನ ದೃಶ್ಯತೇಪುನರಿತಿ ।

ಕಲ್ಪನಾಗೌರವಂ ಪ್ರಾಪ್ತಂ ಪರಿಹರ್ತುಂ ಅನ್ಯಂ ಪಕ್ಷಮಾಹ -

ಅಥವಾ ಸ ಏವ ಚೈತನ್ಯಪ್ರಕಾಶ ಇತಿ ।

ಜ್ಞಾಪನವ್ಯವಧಾನೇನ ವಿಷಯೇ ಪ್ರಕಾಶಾದಿವ್ಯವಹಾರನಿಮಿತ್ತಚಕ್ಷುಷೋ ಜಡತ್ವಮಸ್ತು, ಅವ್ಯವಧಾನೇನ ವಿಷಯೇ ಪ್ರಕಾಶಾದಿವ್ಯವಹಾರನಿಮಿತ್ತತ್ವಾತ್ ಪ್ರಮಾಣಫಲಸ್ಯ ಸ್ವಯಂ ಪ್ರಕಾಶತ್ವಂ ವಕ್ತವ್ಯಮನ್ಯಥಾ ವಿಶ್ವಸ್ಯಾನವಭಾಸಃ ಸ್ಯಾದಿತ್ಯಾಹ -

ಜಡಸ್ವರೂಪೇ ಇತಿ ಪ೦ಪಾ೦ಜಡರೂಪೇ ಪ್ರಮಾಣಫಲ ಇತಿ ।

ತದ್ಬಲೇನೇತಿ ।

ಜಡಾನುಭವಬಲೇನೇತ್ಯರ್ಥಃ ।

ಚಿತ್ಸ್ವಭಾವಸ್ಯಾತ್ಮನೋ ಜಡರೂಪಾನುಭವಾಪೇಕ್ಷಯಾ ಚೇತಯಿತೃತ್ವೇ ದೃಷ್ಟಾಂತಮಾಹ –

ಪ್ರದೀಪೇನೇವೇತಿ ।

ತನ್ನ, ಸ್ವಯಂ ಚೈತನ್ಯೇತ್ಯಾದೇರಯಮರ್ಥಃ, ಚಿತ್ಸ್ವಭಾವಸ್ಯಾನ್ಯಾಧೀನತಯಾ ಪ್ರಕಾಶಮಾನತ್ವಂ ನ ಸಂಭವತಿ । ವಿಷಯಪ್ರಮಾ(ಲಕ್ಷಣಾಯ)ಪ್ರವಣೇನಾತ್ಮನಃನ ಸ್ಪಷ್ಟಮ್ ಪ್ರಕಾಶಮಾನತ್ವಂ ಚ ನ ಸಂಭವತಿ । ಚೈತನ್ಯಸ್ಯಾಚೇತನೇನ ಪ್ರಕಾಶಮಾನತ್ವಮಪಿ ನ ಸಂಭವತಿ । ಚಿದ್ರೂಪಾತ್ಮನೋ ಜಡಾನುಭವನಿಮಿತ್ತತಯಾ ವಿಷಯೋಪರಾಗೇ ಸತಿ ಆತ್ಮಚೈತನ್ಯೇನ ವಿಷಯಸ್ಯಾವಭಾಸಮಾನತ್ವಂ ವಿನಾ ಜಡಾನುಭವಾದೇವ ಅವಭಾಸಮಾನತ್ವಂ ಚ ನ ಸಂಭವತಿ ಇತಿ ಪ್ರಮಾಣಫಲಸ್ಯ ಪ್ರದೀಪವಜ್ಜಡತ್ವಾಂಗೀಕಾರಾತ್ , ತಸ್ಯಾವ್ಯವಧಾನೇನ ವಿಷಯೇ ಪ್ರಕಾಶತ ಇತಿ ವ್ಯವಹಾರಹೇತುತ್ವಾಭಾವಾತ್ , ತೇನ ಚೇತಯತ ಇತಿ ಜನ್ಯಾನುಭವಾಂತರಂ ವಕ್ತವ್ಯಮ್ । ತಸ್ಯಾಪಿ ಜಡತ್ವಾತ್ ತೇನ ಚೇತಯತ ಇತ್ಯನುಭವಾಂತರಮಿತ್ಯನವಸ್ಥೇತ್ಯಾಹ -

ಕಿಂಚ ಪ್ರಮಾಣಫಲೇನ ಚೇದಿತಿ ।