குஸுமக³தமேவ ஸத்யலௌஹித்யம் ஸ்ப²டிகாத³விவிக்தம் பா⁴தீத்யக்²யாதிவாதீ³ சோத³யதி -

கத²ம் புநரிதி ।

ப்ரதிஸ்பா²லிதா இதி ।

ஸ்பா²டிகஸ்ய தேஜோத்³ரவ்யத்வாத் தத: ப்ரதிஹதா யதி³ ஜபாகுஸுமம் க³ச்சே²யுரித்யர்த²: ।

ததே³வ ஜபாகுஸுமமேவ லோஹிதம் க்³ருஹ்ணாதீத்யாக்³ருஹ்ணந்தீதிஶங்க்ய, தர்ஹி ஸந்நிவேஶவிஶிஷ்டம் புஷ்பம் லோஹிதமிதி க்³ராஹ்யேயுரித்யாஹ –

விஶிஷ்டஸந்நிவேஶமிதி ।

தோ³ஷப³லாதி³ந்த்³ரியஸ்ய குஸுமஸம்யோகா³பா⁴வாத் ந ஸந்நிவேஶக்³ரஹணமிதி, நேத்யாஹ -

ந ஹி ரூபமாத்ரநிஷ்ட² இதி ।

ரூபமாத்ரம் ஸ்ப²டிகே ப்ரதிபி³ம்பி³தம் ஸ்ப²டிகாத்மநா பா⁴தீத்யந்யதா²க்²யாதிவாதீ³ வத³தி, தந்நேத்யாஹ -

நாபி ஸ்வாஶ்ரயமிதி ।

லௌஹித்யகு³ணாஶ்ரயத்³ரவ்யப்ரபா⁴வத்³த்³ரவ்யஸ்ய ஸ்ப²டிகே வ்யாப்த்யங்கீ³காராத் தத்³த்³வாரேணாக³தம் ரூபம் ஸ்ப²டிகாத்மநா பா⁴தீதி சோத³யதி -

நந்வபி⁴ஜாதஸ்யேவேதி ।

குலீநஸ்யாஸங்கரஸ்யேத்யர்த²: ।

ஸ்ப²டிகஸம்ஸ்ருஷ்டம் லௌஹித்யம் ஸம்ஸர்க³ஸ்ய மித்²யாத்வாத் தத்³விஶிஷ்டரூபேண மித்²யேத்யாஹ -

ததா²பி ஸ்வயமலோஹித இதி ।

லௌஹித்யஸ்ய ந ஸ்ப²டிகஸம்ஸர்கா³வபா⁴ஸ இத்யக்²யாதிவாதி³நோ மதம் த³தா³தி -

அத² ப்ரபை⁴வேதி ।

ஶௌக்ல்யமபி தர்ஹீதி ।

ஸம்யுக்தஸமவாயஸ்ய ஸம்யோக³ஸ்ய வா வித்³யமாநத்வாதி³தி பா⁴வ: ।

ப்ரப⁴யாபஸாரிதமிதி ।

லௌஹித்யாக்²யவிரோதி⁴கு³ணயா ப்ரப⁴யேத்யர்த²: ।

ரூபித்³ரவ்யஸம்யோகா³தி³தி பம்0 பாம்0ந ரூபிஸம்யோகா³தி³தி ।

ரூபிப்ரபா⁴ஸம்யோகா³நாம் ந சாக்ஷுஷத்வமித்யர்த²: ।

'ஜபாகுஸுமம் ப்ரபா⁴வத் ரக்தத்வாத் பத்³மராகா³தி³வத்’ இத்யாஶங்க்யாஹ -

யதா² பத்³மராகா³தி³ப்ரபே⁴தி ।

நிராஶ்ரயபீதிமாஶ்ரயமண்யவச்சே²த³கதே³ஶாத்³தே³ஶாந்தரம் வ்யாப்ய மாம் ப்ரதி ஸமாக³ச்ச²தீதி ப்ரதீயத இத்யர்த²: ।

அஹங்காரோபராக³ இத்யத்ர ஆத்மநி கர்த்ருத்வாத்³யநர்தா²ரோபஹேதுரித்யத்⁴யாஹார: । நாஹங்காரஸ்யாநர்த²ஹேதுத்வம் ‘பி⁴த்³யதே ஹ்ருத³யக்³ரந்தி²மு0 உ0 2 - 2 - 9’ ரிதி ஹ்ருத³யக்³ரந்தே²ரநர்த²ஹேதுத்வஸ்ய ஶ்ருத்யவக³தத்வாதி³தி தத்ராஹ -

தத: ஸம்பி⁴ந்ந இதி ।