ನನು ಫಲನೈಯಮಿಕನೈಮಿತ್ತಿಕಪ್ರಾಯಶ್ಚಿತ್ತಚೋದನಾ ವರ್ತಮಾನಶರೀರಪಾತಾದೂರ್ಧ್ವಕಾಲಸ್ಥಾಯಿನಂ ಭೋಕ್ತಾರಮಂತರೇಣಾಪಿ ಪ್ರಮಾಣತಾಮಶ್ನುವತ ಏವ । ಯಥಾ ಚೈತದೇವಂ, ತಥಾ — ‘ಏಕ ಆತ್ಮನಃ ಶರೀರೇ ಭಾವಾತ್’ (ಬ್ರ. ಸೂ. ೩-೩-೫೩) ಇತ್ಯಧಿಕರಣಾರಂಭೇ ದರ್ಶಯಿಷ್ಯಾಮಃ, ಸತ್ಯಮೇವಮ್ ; ತಥಾಪಿ ಸಕಲಶಾಸ್ತ್ರಪರ್ಯಾಲೋಚನಾಪರಿನಿಷ್ಪನ್ನಂ ಪ್ರಾಮಾಣಿಕಮರ್ಥಮಂಗೀಕೃತ್ಯಾಹ ಭಾಷ್ಯಕಾರಃ । ತಥಾ ಚ ವಿಧಿವೃತ್ತಮೀಮಾಂಸಾಭಾಷ್ಯಕಾರೋಽಪ್ಯುತ್ಸೂತ್ರಮೇವಾತ್ಮಸಿದ್ಧೌ ಪರಾಕ್ರಾಂತವಾನ್ । ತತ್ ಕಸ್ಯ ಹೇತೋಃ ? ‘ಧರ್ಮಜಿಜ್ಞಾಸೇ’ತಿ ಕಾರ್ಯಾರ್ಥವಿಚಾರಂ ಪ್ರತಿಜ್ಞಾಯ ತದವಗಮಸ್ಯ ಪ್ರಾಮಾಣ್ಯೇ ಅನಪೇಕ್ಷತ್ವಂ ಕಾರಣಮನುಸರತಾ ಸೂತ್ರಕಾರೇಣ ವಿಶೇಷಾಭಾವಾತ್ ಸ್ವರೂಪನಿಷ್ಠಾನಾಮಪಿ ವಾಕ್ಯಾನಾಂ ಪ್ರಾಮಾಣ್ಯಮನುಸೃತಂ ಮನ್ಯತೇ, ತಥಾ ‘ಚೋದನಾ ಹಿ ಭೂತಂ ಭವಂತಂ ಭವಿಷ್ಯಂತಂ ಸೂಕ್ಷ್ಮಂ ವ್ಯವಹಿತಂ ವಿಪ್ರಕೃಷ್ಟಮಿತ್ಯೇವಂಜಾತೀಯಕಮರ್ಥಂ ಶಕ್ನೋತ್ಯವಗಮಯಿತುಮ್’ ಇತಿ ವದನ್ ಚೋದನಾಶೇಷತ್ವೇನಾಪಿ ಸ್ವರೂಪಾವಗಮೇಽನಪೇಕ್ಷತ್ವಮವಿಶಿಷ್ಟಮವಗಚ್ಛತೀತ್ಯವಗಮ್ಯತೇ । ಸ ಚ ಸ್ವರೂಪಾವಗಮಃ ಕಸ್ಮಿನ್ ಕಥಂ ವೇತಿ ಧರ್ಮಮಾತ್ರವಿಚಾರಂ ಪ್ರತಿಜ್ಞಾಯ, ತತ್ರೈವ ಪ್ರಯತಮಾನೇನ ಭಗವತಾ ಜೈಮಿನಿನಾ ನ ಮೀಮಾಂಸಿತಮ್ ; ಉಪಯೋಗಾಭಾವಾತ್ , ಭಗವಾಂಸ್ತು ಪುನರ್ಬಾದರಾಯಣಃ ಪೃಥಕ್ ವಿಚಾರಂ ಪ್ರತಿಜ್ಞಾಯ ವ್ಯಚೀಚರತ್ ಸಮನ್ವಯಲಕ್ಷಣೇನ । ತತ್ರ ಚ ದೇಹಾಂತರೋಪಭೋಗ್ಯಃ ಸ್ವರ್ಗಃ ಸ್ಥಾಸ್ಯತಿ । ತಚ್ಚ ಸರ್ವಂ ಕಾರ್ಯಕರಣಸಂಘಾತಾದನ್ಯೇನ ಭೋಕ್ತ್ರಾ ವಿನಾ ನ ಸಿಧ್ಯತಿ । ತತ್ಸಿದ್ಧಿಶ್ಚ ನ ಆಗಮಮಾತ್ರಾಯತ್ತಾ ; ಪ್ರಮಾಣಾಂತರಗೋಚರಸ್ಯ ತದಭಾವೇ ತದ್ವಿರೋಧೇ ವಾ ಶಿಲಾಪ್ಲವನವಾಕ್ಯವದಪ್ರಾಮಾಣ್ಯಪ್ರಸಂಗಾತ್ । ಅತಸ್ತತ್ಸಿದ್ಧೌ ಪರಾಕ್ರಾಂತವಾನ್ । ತೇನ ಸತ್ಯಂ ವಿನಾಪಿ ತೇನ ಸಿಧ್ಯೇತ್ ಪ್ರಾಮಾಣ್ಯಮ್ , ಅಸ್ತಿ ತು ತತ್ । ತಸ್ಮಿನ್ ವಿದ್ಯಮಾನೇ ನ ತೇನ ವಿನಾ ಪ್ರಮಾಣ್ಯಂ ಸಿಧ್ಯತಿ ಫಲಾದಿಚೋದನಾನಾಮ್ ಇತಿ ಮತ್ವಾ ಆಹ —
ಶಾಸ್ತ್ರೀಯೇ ತು ವ್ಯವಹಾರೇ ಯದ್ಯಪಿ ವಿದ್ಯಮಾನೇ ಬುದ್ಧಿಪೂರ್ವಕಾರೀ ನಾವಿದಿತ್ವಾತ್ಮನಃ ಪರಲೋಕಸಂಬಂಧಮಧಿಕ್ರಿಯತೇ ಇತಿ ॥
ಶಾಸ್ತ್ರೀಯೇ ತ್ವಿತಿ ಭಾಷ್ಯೇಣಾದೃಷ್ಟಾರ್ಥಪ್ರವೃತ್ತಾಪ್ರವೃತ್ತದಾವಾತ್ಮನ ಇತಿವಾತ್ಮನೋ ದೇಹಾದ್ವ್ಯತಿರಿಕ್ತತ್ವಜ್ಞಾನಮಭ್ಯನುಜಾನಾತಿ । ಅಭ್ಯನುಜ್ಞಾಮಾಕ್ಷಿಪತಿ -
ನನು ಫಲನೈಯಮಿಕೇತಿ ।
ತತ್ರ
ಫಲಚೋದನೇತಿ ।
ಪಶುಕಾಮೋ ಯಜೇತ, ಸ್ವರ್ಗಕಾಮೋ ಯಜೇತೇತ್ಯಾದಿಚೋದನೇತ್ಯರ್ಥಃ ।
ನೈಯಮಿಕಚೋದನೇತಿ ।
ಯಾವಜ್ಜೀವಂ ಜುಹೋತೀತ್ಯಾದಿಚೋದನೇತ್ಯರ್ಥಃ ।
ನೈಮಿತ್ತಿಕಚೋದನೇತಿ ।
ಗೃಹದಾಹವಾನ್ ಯಜೇತೇತ್ಯಾದಿ ಚೋದನೇತ್ಯರ್ಥಃ । ಸ್ವರ್ಗಶಬ್ದಾರ್ಥಸ್ಯ ಸುಖತ್ವಾತ್ ಅಸ್ಮಿನ್ ಜನ್ಮನಿ ಲಬ್ಧುಂ ಶಕ್ಯತ್ವಾದಿತಿಭಾವಃ ।
ಯಥಾ ಚ ಏತದೇವಮಿತಿ ।
ವ್ಯತಿರಿಕ್ತಾತ್ಮಾ ನಾಸ್ತೀತ್ಯೇತದ್ ‘ಏಕ ಆತ್ಮನಃ ಶರೀರೇ ಭಾವಾತ್ಬ್ರ೦ಸೂ೦ ೩ - ೩ - ೫೩’ ಇತಿ ಪೂರ್ವಪಕ್ಷಸೂತ್ರೇ ಪ್ರದರ್ಶಯಿಷ್ಯಾಮ ಇತ್ಯರ್ಥಃ ।
ಸತ್ಯಮ್ , ಮಂತ್ರಾರ್ಥವಾದಾದೀನಾಂ ಪ್ರಾಮಾಣ್ಯಮನಂಗೀಕುರ್ವತಾಂ ಮೀಮಾಂಸಕಾನಾಂ ನ ವಿಧಿಪ್ರಾಮಾಣ್ಯಾರ್ಥಂ ದೇಹವ್ಯತಿರಿಕ್ತಾತ್ಮಾಪೇಕ್ಷಾ । ಭಾಷ್ಯಕಾರಸ್ತು ಮಂತ್ರಾರ್ಥವಾದಾದೀನಾಂ ಪ್ರಮಾಣಾಂತರೇಣಾಸಿದ್ಧೇಽವಿರುದ್ಧೇ ಚಾರ್ಥೇ ಪ್ರಾಮಾಣ್ಯಮಂಗೀಕೃತ್ಯ ತದ್ಬಲೇನ ಪ್ರಾಪ್ತಸ್ಯ ದೇಶಾಂತರೇ ಕಾಲಾಂತರೇ ದೇಹಾಂತರೇಣೋಪಭೋಗ್ಯಸ್ಯ ಸ್ವರ್ಗಾಖ್ಯಫಲಸ್ಯ ಸಾಧನಯಾಗವಿಧೀನಾಂ ಪ್ರಾಮಾಣ್ಯಾರ್ಥಂ ದೇಹವ್ಯತಿರಿಕ್ತ ಆತ್ಮಾಪೇಕ್ಷ್ಯತ ಇತಿ ತಮಭ್ಯನುಜಾನಾತೀತ್ಯಾಹ -
ಸತ್ಯಮೇವಮ್ , ತಥಾಪೀತಿ ।
ವಿಧಿನಿರ್ಣಯಾರ್ಥಂ ಪ್ರವೃತ್ತಃ ಶಾಬರಭಾಷ್ಯಕಾರಃ ವ್ಯತಿರಿಕ್ತಾತ್ಮಾನಂ ಸಾಧಯತಿ । ಅತಃ ವಿಧಿಪ್ರಾಮಾಣ್ಯಾಯ ವ್ಯತಿರಿಕ್ತಾತ್ಮಾಪೇಕ್ಷಾ ಇತ್ಯಾಶಂಕ್ಯ ತಥಾ ಸತಿ ಸೂತ್ರೇಣಾಪಿ ಭವಿತವ್ಯಮ್ , ತದಭಾವಾತ್ ನ ವಿಧಿಪ್ರಾಮಾಣ್ಯಾತ್ ತಸ್ಮಿನ್ ಪ್ರಮಾಣಾಪೇಕ್ಷಯಾ ವ್ಯತಿರಿಕ್ತತ್ವಾಸಾಧನಮಿತ್ಯಾಹ -
ತಥಾ ಚ ವಿಧಿವೃತ್ತೇತಿ ।
ವಿಧೌ ಪ್ರವೃತ್ತಾ ಮೀಮಾಂಸಾ, ವಿಧಿವೃತ್ತವಿಷಯಾ ಮೀಮಾಂಸಾ, ವಿಧಿವೃತ್ತಮೀಮಾಂಸೇತಿ ವಾ ನಿರ್ವಾಹಃ ।
ವಿಧಿಪ್ರಾಮಾಣ್ಯಾನಪೇಕ್ಷಿತಸ್ಯಾಸೂತ್ರಿತಸ್ಯ ಚ ಭಾಷ್ಯಕಾರೇಣ ಪ್ರತಿಪಾದನಮಯುಕ್ತಮಿತ್ಯಾಕ್ಷಿಪತಿ -
ತತ್ಕಸ್ಯ ಹೇತೋರಿತಿ ।
ಕಸ್ಯ ಹೇತೋಃ ಕಸ್ಮಾದ್ಧೇತೋರಿತ್ಯರ್ಥಃ ।
ಧರ್ಮವಿಚಾರಂ ಪ್ರತಿಜ್ಞಾಯ ತಸ್ಮಿನ್ ಪ್ರಮಾಣಾಪೇಕ್ಷಾಯಾಂ ಚೋದನಾಂ ಪ್ರಮಾಣತ್ವೇನೋಚೋಪನ್ಯಸ್ಯೇತಿಪನ್ಯಸ್ಯ ಕಥಂ ಚೋದನಾಯಾಃ ಪ್ರಾಮಾಣ್ಯಮಿತ್ಯಪೇಕ್ಷಾಯಾಂ ತದ್ವಿಧಿವಾಕ್ಯಂ ಪ್ರಮಾಣಂ ಬಾದರಾಯಣಸ್ಯ ಅನಪೇಕ್ಷತ್ವಾದಿತಿ ಮಂತ್ರಾದೀನಾಮಪಿ ಸಾಧಾರಣಹೇತುಪ್ರಯೋಗಾತ್ , ಸೂತ್ರಕಾರೇಣ ಮಂತ್ರಾದೀನಾಮಪಿ ಪ್ರಾಮಣ್ಯಮನುಸೃತಂ ಮನ್ವಾನೋ ಭಾಷ್ಯಕಾರಸ್ತತ್ ಪ್ರಾಮಾಣ್ಯನಿಮಿತ್ತಸ್ವರ್ಗಾದಿಫಲಭೋಕ್ತೃತ್ವೇನ ದೇಹವ್ಯತಿರಿಕ್ತ ಆತ್ಮಾಪಿ ಸೂತ್ರಕಾರೇಣಾನುಮತ ಇತಿ ಕೃತ್ವಾ ವ್ಯತಿರಿಕ್ತಾತ್ಮಾನಂ ಸಾಧಯತಿ ಇತ್ಯತೋ ನ ನಿರ್ಮೂಲಂ ವ್ಯತಿರಿಕ್ತಾತ್ಮಸಾಧನಮಿತ್ಯಾಹ -
ಧರ್ಮಜಿಜ್ಞಾಸೇತಿ ಕಾರ್ಯಾರ್ಥವಿಚಾರಮಿತಿ ।
ವಿಶೇಷಾಭಾವಾದಿತಿ ।
ಅಪೌರುಷೇಯತ್ವೇನ ವಕ್ತೃಜ್ಞಾನಾದ್ಯನಪೇಕ್ಷತ್ವೇ ಕೃತ್ಸ್ನವೇದವಾಕ್ಯಾರ್ಥಾನಾಂ ವಿಶೇಷಾಭಾವಾದಿತ್ಯರ್ಥಃ ।
ಸ್ವರೂಪನಿಷ್ಠಾನಾಮಿತಿ ।
ಸಿದ್ಧಾರ್ಥನಿಷ್ಠಾನಾಮಿತ್ಯರ್ಥಃ ।
ಸೂತ್ರೇಣ ಮಂತ್ರಾದಿಪ್ರಾಮಾಣ್ಯಸ್ಯ ಸೂತ್ರಿತತ್ವಾತ್ ತದ್ಬಲಪ್ರಾಪ್ತಸ್ವರ್ಗಾದಿಭೋಕ್ತ್ರಾತ್ಮಾನಂ ಸಾಧಯತಿ, ನ ವಿಧಿಪ್ರಾಮಾಣ್ಯಾಯ ಅಪೇಕ್ಷಿತತ್ವಾದಾತ್ಮಾನಂ ಸಾಧಯತೀತಿ ಕಥಂ ನಿರ್ಣಯ ಇತ್ಯಾಶಂಕ್ಯ ಭಾಷ್ಯಕಾರೇಣಾಪಿ ಮಂತ್ರಾದಿಪ್ರಾಮಾಣ್ಯಸ್ಯೇಷ್ಟತ್ವಾತ್ ನಿರ್ಣಯ ಇತ್ಯಾಹ -
ತಥಾ ‘ಚೋದನಾ ಹೀ’ತಿ ।
ಚೋದನಾಶೇಷತ್ವೇನಾಪಿ ಇತಿ ।
ಚೋದನಾಸನ್ನಿಧಿಪಠಿತಾರ್ಥವಾದಾದೀನಾಂ ಚೋದನಾಶೇಷತ್ವಾತ್ ಶೇಷಗತಭೂತಾದ್ಯರ್ಥಪ್ರತಿಪಾದಕತ್ವಂ ಶೇಷಿಣ್ಯುಪಚರತಿ ಭಾಷ್ಯಕಾರ ಇತಿ ಭಾವಃ ।
ಅವಗಚ್ಛತಿ ಇತಿ ।
ಗಮ್ಯತ ಇತಿ ।
ಭಾಷ್ಯಕಾರೋಽವಗಚ್ಛತೀತ್ಯಸ್ಮಾಭಿರ್ಗಮ್ಯತ ಇತ್ಯರ್ಥಃ ।
ಮಂತ್ರಾದಿಪ್ರಾಮಾಣ್ಯಸೂಚನದ್ವಾರೇಣ ವ್ಯತಿರಿಕ್ತಾತ್ಮಾಪಿ ಅನುಮತಶ್ಚೇತ್ ತತ್ಪ್ರತಿಪಾದಕಸಮನ್ವಯವಿಚಾರೋಽಪಿ ಸೂಚನೀಯ ಇತಿ, ನೇತ್ಯಾಹ -
ಸ ಚ ಸ್ವರೂಪಾವಗಮ ಇತಿ ।
ಆತ್ಮಪ್ರತಿಪಾದಕವಾಕ್ಯಮಿತ್ಯರ್ಥಃ ।
ಕಸ್ಮಿನ್ನಿತಿ ।
ವೇದಾಂತಾನಾಂ ಚೋದನಾಶೇಷಭೂತಾತ್ಮನಿ ಪ್ರಾಮಾಣ್ಯಂ ಸ್ವತಂತ್ರಾತ್ಮನಿ ವೇತ್ಯರ್ಥಃ ।
ಕಥಂ ವೇತಿ ।
ಏಕರಸಾರ್ಥಪ್ರತಿಪಾದಕತ್ವಂ ಸಂಸೃಷ್ಟಾರ್ಥಪ್ರತಿಪಾದಕತ್ವಂ ವೇತ್ಯರ್ಥಃ ।
ಉಪಯೋಗಾಭಾವಾದಿತಿ ।
ಧರ್ಮಸ್ಯ ವ್ಯತಿರಿಕ್ತಾತ್ಮನಿ ಅಪೇಕ್ಷಾಭಾವಾತ್ ಫಲಸ್ಯೈವ ತದಪೇಕ್ಷತ್ವಾತ್ । ಫಲೇ ಚ ಜೈಮಿನೇಃಜಯಿಮಿನಿನಃ ಇತಿ ಪ್ರಯತ್ನಾಭಾವಾತ್ ವ್ಯತಿರಿಕ್ತಾತ್ಮಾ ನ ಮೀಮಾಂಸಿತ ಇತ್ಯರ್ಥಃ ।
ಫಲಮಪಿ ವ್ಯತಿರಿಕ್ತಾತ್ಮಾನಮಪೇಕ್ಷತೇ ಚೇತ್ ತತ್ರಾಪಿ ಪ್ರಯತ್ನೋ ಯುಕ್ತೋ ಜೈಮಿನೇರಿತಿ, ನಾನ್ಯಥಾಸಿದ್ಧತ್ವಾದಿತ್ಯಾಹ -
ಭಗವಾನ್ಸ್ತು ಪುನರಿತಿ ।
ಮೋಕ್ಷಫಲರೂಪಂ ಬ್ರಹ್ಮ ತದ್ಭೋಕ್ತಾರಮ್ ಅಸಂಸಾರ್ಯಾತ್ಮಾನಂ ಚ ಪ್ರತಿಪಾದಯತ್ಯಾಚಾರ್ಯಃ । ನ ಸ್ವರ್ಗಫಲಂ ತದಪೇಕ್ಷಿತಸಂಸಾರ್ಯಾತ್ಮಾನಂ ಚ ಪ್ರತಿಪಾದಯಪ್ರತಿಪಾದಯತ್ಯಾಶಂಕ್ಯ ಇತಿತೀತ್ಯಾಶಂಕ್ಯ ವಿಧಿರಹಿತವಾಕ್ಯಾನಾಂ ಸಿದ್ಧಾರ್ಥೇ ಪ್ರಾಮಾಣ್ಯೇ ಸಾಧಿತೇ ವಿಧಿರಹಿತಮಂತ್ರಾದೀನಾಮಪಿ ಪ್ರಾಮಾಣ್ಯಂ ತದರ್ಥಸ್ವರ್ಗಾದಿವತ್ಸಿದ್ಧಂ ಸ್ಯಾದಿತ್ಯಾಹ -
ತತ್ರ ಚ ದೇಹಾಂತರೋಪಭೋಗಯೋಗ್ಯಃ ಸ್ವರ್ಗಃ ಸ್ಥಾಸ್ಯತೀತಿ ।
ಸ್ಥೀಯತಾಂ ನಾಮ ಸ್ವರ್ಗಃ, ಸ್ವರ್ಗಾಖ್ಯಲೋಕ ವಿಶೇಷಪ್ರಾಪ್ತಯೇ ದೇಹವಿಲಕ್ಷಣ ಆತ್ಮಾಪೇಕ್ಷಾದೇಹವಿಲಕ್ಷಾತ್ಮನ್ಯಪೇಕ್ಷಾ ಇತಿ ನಾಸ್ತಿ, ವರ್ತಮಾನಶರೀರೇಣೈವಾರ್ಜುನಾದೀನಾಂ ಸ್ವರ್ಗಪ್ರಾಪ್ತೇಃ ಶ್ರುತತ್ವಾದಿತ್ಯಾಶಂಕ್ಯ, ಯದ್ಯಪಿ ಲೋಕವಿಶೇಷಪ್ರಾಪ್ತಯೇ ನಾಪೇಕ್ಷಾ ತಥಾಪಿ ತತ್ಸ್ಥಸ್ಯಾನ್ಯಸ್ಯ ದೇಹಾಂತರಪ್ರಾಪ್ತೇರಪಿ ಶ್ರುತತ್ವಾತ್ ವರ್ತಮಾನದೇಹೇನ ಸಹ ದೇಹಾಂತರಪ್ರಾಪ್ತೇರಸಂಭವಾತ್ ತದುಪಪತ್ತ್ಯರ್ಥಂ ದೇಹವಿಲಕ್ಷಣ ಆತ್ಮಾ ಸ್ವೀಕರ್ತವ್ಯ ಇತ್ಯಾಹ -
ತಚ್ಚ ಸರ್ವಮಿತಿ ।
ಸಮನ್ವಯಸಾಮರ್ಥ್ಯಾತ್ ದೇಹವ್ಯತಿರಿಕ್ತಾತ್ಮಸಿದ್ಧೇರ್ಬಾದರಾಯಣಸ್ಯಾಧ್ಯಾತ್ಮವಿಚಾರಃ ಪಿಷ್ಟಪೇಷಣಮಿತಿ, ನೇತ್ಯಾಹ –
ತತ್ಸಿದ್ಧಿಶ್ಚೇತಿ ।
ವ್ಯತಿರಿಕ್ತಾತ್ಮನಃ ಸಿದ್ಧವಸ್ತುತ್ವಾದೇವ ಪ್ರಮಾಣಾಂತರಯೋಗ್ಯಸ್ಯ ಪ್ರಮಾಣಾಂತರವಿಷಯತ್ವಾಭಾವೇ ಮನುಷ್ಯೋಽಹಮಿತಿ ದೇಹಸ್ಯಾತ್ಮವಿಷಯಪ್ರಮಾಣಾಂತರವಿರೋಧೇ ಚಾಪ್ರಾಮಾಣ್ಯಪ್ರಸಂಗಾತ್ ನ ಕೇವಲಮಾಗಮೇನ ವ್ಯತಿರಿಕ್ತಾತ್ಮನಃ ಸಿದ್ಧಿರಿತ್ಯರ್ಥಃ ।
ತರ್ಹ್ಯಾಗಮಸ್ಯ ವ್ಯತಿರಿಕ್ತಾತ್ಮನ್ಯಪ್ರಾಮಾಣ್ಯಮೇವೇತಿ ನಾತ್ಮಸಿದ್ಧಿರಿತಿ ನೇತ್ಯಾಹ –
ಅತಸ್ತತ್ಸಿದ್ಧಾವಿತಿ ।
ತೇನೇತಿ ।
ವಿರೋಧಪರಿಹಾರಫಲೇನ ವಿಚಾರೇಣೇತ್ಯರ್ಥಃ ।
ಉಕ್ತಮರ್ಥಂ ಸಂಕ್ಷೇಪತೋ ದರ್ಶಯತಿ -
ಸತ್ಯಮಿತ್ಯಾದಿನಾ ।
ವಿನಾಪಿ ತೇನೇತಿ ।
ಮಂತ್ರಾದಿಪ್ರಾಮಾಣ್ಯಸ್ವರ್ಗಾಸ್ವರ್ಗಾವನಭ್ಯುಪಗಚ್ಛತಾಮಿತಿದ್ಯನಭ್ಯುಪಗಚ್ಛತಾಂ ವ್ಯತಿರಿಕ್ತಾತ್ಮನಾ ವಿನಾಪಿ ವಿಧಿಪ್ರಾಮಾಣ್ಯಸಿದ್ಧೇರಿತ್ಯರ್ಥಃ ।
ಅಸ್ತಿ ತು ತತ್ ಇತಿಅಸ್ತಿ ತು ತದ್ಭೂತಯ ಇತಿ ।
ಮಂತ್ರಾದಿಪ್ರಾಮಾಣ್ಯಂ ಸ್ವರ್ಗಾದಿರ್ವೇತ್ಯರ್ಥಃ ।
ನ ತೇನ ವಿನೇತಿ ।
ವ್ಯತಿರಿಕ್ತಾತ್ಮನಾ ವಿನೇತ್ಯರ್ಥಃ ।