ಅಧಿಷ್ಠಾನತ್ವಾದವಭಾಸಮಾನತ್ವಮೇವೇತ್ಯಾಶಂಕ್ಯ ಅಧಿಷ್ಠಾನವಿಶೇಷೋ ನ ಪ್ರಕಾಶೇತ ಇತ್ಯಾಹ -

ನ ಹಿ ಶುಕ್ತೌ ರಜತಾಧ್ಯಾಸ ಇತಿ ।

ತರ್ಹಿ ಅತ್ರಾಪಿ ಸರ್ವಗತತ್ವಾದಿವಿಶೇಷಾಕಾರೋ ನ ಪ್ರಕಾಶತ ಏವೇತಿ ।

ಆತ್ಮನಃ ಸಾಧಾರಣಾಕಾರಃ ಸತ್ವಮ್ , ಚಿತ್ವಂ ವಿಶೇಷಾಕಾರಃ ಅಂತಃಕರಣಸ್ಯ ಸಾಧಾರಣರೂಪಶೂನ್ಯತ್ವಂ ಜಡತ್ವಂ ವಿಶೇಷಾಕಾರಃ ಸ ಪ್ರತಿಭಾಸತ ಇತ್ಯಾಹ -

ಪ್ರಕಾಶತೇ ಚೇಹ ಚೈತನ್ಯಮಿತಿ ।

ನಾಹಂಕಾರಪ್ರಮುಖ ಇತಿ ।

ಪ್ರಪಂಚಸ್ಯ ಜಡಾಖ್ಯವಿಶೇಷರೂಪಾತಿರಿಕ್ತರೂಪಾಭಾವಾತ್ ಇತಿ ಭಾವಃ ।

ಅನುಭವಮೇವ ಅನುಸರನ್ನಿತಿ ।

ಅಹಮನುಭವಾಮೀತ್ಯತ್ರ ಅಹಂಕಾರಚೈತನ್ಯಯೋಃ ವಿದ್ಯಮಾನಮನುಭವಮೇವ ಅನುಸರನ್ನಿತ್ಯರ್ಥಃ ।

ಪೃಥಗವಭಾಸನಾದಿತಿ ।

ದ್ವಯೋರಪಿ ಸಾಮಾನ್ಯವಿಶೇಷಾತ್ಮನಾ ಅವಭಾಸನಾತ್ ನಾಧ್ಯಾಸಃ ಸಂಭವತಿ । ಸಾಮಾನಾಧಿಕರಣ್ಯಮಸ್ತಿ ಚೇತ್ ಗೌಣಮಿತ್ಯರ್ಥಃ ।

ವಿಶೇಷಾವವಿಶೇಷಾಭಾಸ ಇತಿಭಾಸೇಽಧ್ಯಾಸವಿರೋಧ ಉಕ್ತ ಇತಿ ನೇತ್ಯಾಹ -

ನ ಹಿ ದೃಷ್ಟೇಽನುಪಪನ್ನಮಿತಿ ।