யதி³ யுஷ்மத³ர்த²ஸ்யைவ ப்ரத்யகா³த்மநி அத்⁴யாஸ: ஸ்யாத் , ப்ரத்யகா³த்மா ந ப்ரகாஶேத ; ந ஹி ஶுக்தௌ ரஜதாத்⁴யாஸே ஶுக்தி: ப்ரகாஶதே । ப்ரகாஶதே சேஹ சைதந்யமஹங்காராதௌ³ । ததா² யதி³ சைதந்யஸ்யைவாஹங்காராதா³வத்⁴யாஸோ ப⁴வேத்ததா³ நாஹங்காரப்ரமுக²: ப்ரபஞ்ச: ப்ரகாஶேத ; தது³ப⁴யம் மா பூ⁴தி³த்யநுப⁴வமேவாநுஸரந்நாஹ —
தம் ச ப்ரத்யகா³த்மாநம் ஸர்வஸாக்ஷிணம் தத்³விபர்யயேணாந்த:கரணாதி³ஷ்வத்⁴யஸ்யதீதி ॥
நாத்ர விவதி³தவ்யம் , இதரேதராத்⁴யாஸே ப்ருத²க³வபா⁴ஸநாத் ந மித்²யா கௌ³ணோ(அ)யமிதி ; ததா² அநுப⁴வாபா⁴வாத் முக்²யாபி⁴மாந: । ந ஹி த்³ருஷ்டே(அ)நுபபந்நம் நாம ॥
அதி⁴ஷ்டா²நத்வாத³வபா⁴ஸமாநத்வமேவேத்யாஶங்க்ய அதி⁴ஷ்டா²நவிஶேஷோ ந ப்ரகாஶேத இத்யாஹ -
ந ஹி ஶுக்தௌ ரஜதாத்⁴யாஸ இதி ।
தர்ஹி அத்ராபி ஸர்வக³தத்வாதி³விஶேஷாகாரோ ந ப்ரகாஶத ஏவேதி ।
ஆத்மந: ஸாதா⁴ரணாகார: ஸத்வம் , சித்வம் விஶேஷாகார: அந்த:கரணஸ்ய ஸாதா⁴ரணரூபஶூந்யத்வம் ஜட³த்வம் விஶேஷாகார: ஸ ப்ரதிபா⁴ஸத இத்யாஹ -
ப்ரகாஶதே சேஹ சைதந்யமிதி ।
நாஹங்காரப்ரமுக² இதி ।
ப்ரபஞ்சஸ்ய ஜடா³க்²யவிஶேஷரூபாதிரிக்தரூபாபா⁴வாத் இதி பா⁴வ: ।
அநுப⁴வமேவ அநுஸரந்நிதி ।
அஹமநுப⁴வாமீத்யத்ர அஹங்காரசைதந்யயோ: வித்³யமாநமநுப⁴வமேவ அநுஸரந்நித்யர்த²: ।
ப்ருத²க³வபா⁴ஸநாதி³தி ।
த்³வயோரபி ஸாமாந்யவிஶேஷாத்மநா அவபா⁴ஸநாத் நாத்⁴யாஸ: ஸம்ப⁴வதி । ஸாமாநாதி⁴கரண்யமஸ்தி சேத் கௌ³ணமித்யர்த²: ।
விஶேஷாவவிஶேஷாபா⁴ஸ இதிபா⁴ஸே(அ)த்⁴யாஸவிரோத⁴ உக்த இதி நேத்யாஹ -
ந ஹி த்³ருஷ்டே(அ)நுபபந்நமிதி ।