అధిష్ఠానత్వాదవభాసమానత్వమేవేత్యాశఙ్క్య అధిష్ఠానవిశేషో న ప్రకాశేత ఇత్యాహ -

న హి శుక్తౌ రజతాధ్యాస ఇతి ।

తర్హి అత్రాపి సర్వగతత్వాదివిశేషాకారో న ప్రకాశత ఎవేతి ।

ఆత్మనః సాధారణాకారః సత్వమ్ , చిత్వం విశేషాకారః అన్తఃకరణస్య సాధారణరూపశూన్యత్వం జడత్వం విశేషాకారః స ప్రతిభాసత ఇత్యాహ -

ప్రకాశతే చేహ చైతన్యమితి ।

నాహఙ్కారప్రముఖ ఇతి ।

ప్రపఞ్చస్య జడాఖ్యవిశేషరూపాతిరిక్తరూపాభావాత్ ఇతి భావః ।

అనుభవమేవ అనుసరన్నితి ।

అహమనుభవామీత్యత్ర అహఙ్కారచైతన్యయోః విద్యమానమనుభవమేవ అనుసరన్నిత్యర్థః ।

పృథగవభాసనాదితి ।

ద్వయోరపి సామాన్యవిశేషాత్మనా అవభాసనాత్ నాధ్యాసః సమ్భవతి । సామానాధికరణ్యమస్తి చేత్ గౌణమిత్యర్థః ।

విశేషావవిశేషాభాస ఇతిభాసేఽధ్యాసవిరోధ ఉక్త ఇతి నేత్యాహ -

న హి దృష్టేఽనుపపన్నమితి ।