ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷೋಡಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ದೈವೀ ಸಂಪದ್ವಿಮೋಕ್ಷಾಯ ನಿಬಂಧಾಯಾಸುರೀ ಮತಾ ।
ಮಾ ಶುಚಃ ಸಂಪದಂ ದೈವೀಮಭಿಜಾತೋಽಸಿ ಪಾಂಡವ ॥ ೫ ॥
ದೈವೀ ಸಂಪತ್ ಯಾ, ಸಾ ವಿಮೋಕ್ಷಾಯ ಸಂಸಾರಬಂಧನಾತ್ । ನಿಬಂಧಾಯ ನಿಯತಃ ಬಂಧಃ ನಿಬಂಧಃ ತದರ್ಥಮ್ ಆಸುರೀ ಸಂಪತ್ ಮತಾ ಅಭಿಪ್ರೇತಾ । ತಥಾ ರಾಕ್ಷಸೀ ಚ । ತತ್ರ ಏವಮ್ ಉಕ್ತೇ ಸತಿ ಅರ್ಜುನಸ್ಯ ಅಂತರ್ಗತಂ ಭಾವಮ್ ‘ಕಿಮ್ ಅಹಮ್ ಆಸುರಸಂಪದ್ಯುಕ್ತಃ ? ಕಿಂ ವಾ ದೈವಸಂಪದ್ಯುಕ್ತಃ ? ’ ಇತ್ಯೇವಮ್ ಆಲೋಚನಾರೂಪಮ್ ಆಲಕ್ಷ್ಯ ಆಹ ಭಗವಾನ್ — ಮಾ ಶುಚಃ ಶೋಕಂ ಮಾ ಕಾರ್ಷೀಃ । ಸಂಪದಂ ದೈವೀಮ್ ಅಭಿಜಾತಃ ಅಸಿ ಅಭಿಲಕ್ಷ್ಯ ಜಾತೋಽಸಿ, ಭಾವಿಕಲ್ಯಾಣಃ ತ್ವಮ್ ಅಸಿ ಇತ್ಯರ್ಥಃ, ಹೇ ಪಾಂಡವ ॥ ೫ ॥
ದೈವೀ ಸಂಪದ್ವಿಮೋಕ್ಷಾಯ ನಿಬಂಧಾಯಾಸುರೀ ಮತಾ ।
ಮಾ ಶುಚಃ ಸಂಪದಂ ದೈವೀಮಭಿಜಾತೋಽಸಿ ಪಾಂಡವ ॥ ೫ ॥
ದೈವೀ ಸಂಪತ್ ಯಾ, ಸಾ ವಿಮೋಕ್ಷಾಯ ಸಂಸಾರಬಂಧನಾತ್ । ನಿಬಂಧಾಯ ನಿಯತಃ ಬಂಧಃ ನಿಬಂಧಃ ತದರ್ಥಮ್ ಆಸುರೀ ಸಂಪತ್ ಮತಾ ಅಭಿಪ್ರೇತಾ । ತಥಾ ರಾಕ್ಷಸೀ ಚ । ತತ್ರ ಏವಮ್ ಉಕ್ತೇ ಸತಿ ಅರ್ಜುನಸ್ಯ ಅಂತರ್ಗತಂ ಭಾವಮ್ ‘ಕಿಮ್ ಅಹಮ್ ಆಸುರಸಂಪದ್ಯುಕ್ತಃ ? ಕಿಂ ವಾ ದೈವಸಂಪದ್ಯುಕ್ತಃ ? ’ ಇತ್ಯೇವಮ್ ಆಲೋಚನಾರೂಪಮ್ ಆಲಕ್ಷ್ಯ ಆಹ ಭಗವಾನ್ — ಮಾ ಶುಚಃ ಶೋಕಂ ಮಾ ಕಾರ್ಷೀಃ । ಸಂಪದಂ ದೈವೀಮ್ ಅಭಿಜಾತಃ ಅಸಿ ಅಭಿಲಕ್ಷ್ಯ ಜಾತೋಽಸಿ, ಭಾವಿಕಲ್ಯಾಣಃ ತ್ವಮ್ ಅಸಿ ಇತ್ಯರ್ಥಃ, ಹೇ ಪಾಂಡವ ॥ ೫ ॥

ಕಾರ್ಯಂ ಫಲವಿಭಾಗಃ । ಆಸುರೀ ಇತಿ ಉಪಲಕ್ಷಣಂ ರಾಕ್ಷಸೀ ಚೇತಿ ದ್ರಷ್ಟವ್ಯಂ ಇತ್ಯಾಹ -

ತಥೇತಿ ।

ಫಲವಿಭಾಗೇ ಸಂಪದೋಃ ಏವಂ ಉಕ್ತೇ, ಪ್ರತೀತ್ಯ ಅರ್ಜುನಸ್ಯ ಅಭಿಪ್ರಾಯಂ, ಭಗವತೋ ವಚನಂ ಇತ್ಯಾಹ -

ತತ್ರೇತಿ ।

ತತ್ರ ಆಭಿಜಾತ್ಯಂ ಹೇತುಂ ಕರೋತಿ -

ಪಾಂಡವೇತಿ

॥ ೫ ॥