बृहदारण्यकोपनिषद्भाष्यवार्तिकम्

ஸ்வாவித்³யாவிப⁴வப்ரஸூதவிபுலத்³வைதப்ரபஞ்சாஹித-
ஸ்பஷ்டப்⁴ராந்திதிரோஹிதாத்மமதயோ யம் பா⁴க³ஶோ மந்வதே ।।
நிர்பா⁴க³ம் ஸகலபி⁴தா⁴நமநநவ்யாபாரதூ³ரஸ்தி²தம்
வந்தே³ நந்தி³தவிஶ்சமவ்யயமஜம் ப⁴க்த்யா தமேகம் விபு⁴ம் ।। 1 ।।

யாம் காண்வோபநிஷச்ச²லேந ஸகலாம்நாயார்த²ஸம்ஶோதி⁴ர்நீ
ஸம்சக்ருர்கு³ரவோ(அ)நுவ்ருத்தகு³ரவோ வ்ருத்திம் ஸதாம் ஶாந்தயே ।।
அர்தா²விஷ்கரணம் குதார்கிகக்ருதாஶங்காஸமுச்சி²த்தயே
தஸ்யா ந்யாயஸமாஶ்ரிதேந வசஸா ப்ரக்ரம்யதே லேஶத: ।। 2 ।।

அத்ர ஷோபநிஷச்ச²ப்³தோ³ ப்³ரஹ்மவித்³யைககோ³சர:।।
தத்ரைவ சாஸ்ய ஸத்³பா⁴வாத³பி⁴தா⁴ர்த²ஸ்ய தத்குத:।। 3 ।।

உபோபஸர்க³: ஸாமீப்யே தத்ப்ரதீசி ஸமாப்யதே ।।
த்ரிவித⁴ஸ்ய ஸத³ர்த²ஸ்ய நிஶப்³தோ³(அ)பி விஶேஷணம் ।। 4 ।।

உபநீயேமமாத்மாநம் ப்³ரஹ்மாபாஸ்தத்³வயம் யத:।।
நிஹந்த்யவித்³யம் தஜ்ஜம் த தஸ்மாது³பநிஷத்³ப⁴வேத் ।। 5 ।।

நிஹத்யாநர்த²மூலம் ஸ்வாவித்³யாம் ப்ரத்யக்தயா பரம் ।।
க³மயத்யஸ்தஸம்பே⁴த³மதோ வோபநிஷத்³ப⁴வேத் ।। 6 ।।

ப்ரவ்ருத்திஹேதூந்நி:ஶேஷாம்ஸ்தந்மூலோச்சே²த³கத்வத:।।
யதோ(அ)வஸாத³யேத்³வித்³யா தஸ்மாது³பநிஷந்மதா ।। 7 ।।

யதோ²க்தவித்³யாபோ³தி⁴த்வாத்³க்³ரந்தோ²(அ)பி தத³பே⁴த³த:।।
ப⁴வேது³பநிஷந்நாமா லாங்க³லம் ஜீவநம் யதா² ।। 8 ।।

அரண்யாத்⁴யயநாச்சைததா³ரண்யகமிதீர்யதே ।।
ப்³ருஹத்த்வாத்³க்³ரந்த²தோ(அ)ர்தா²ச்ச ப்³ருஹதா³ரண்யகம் மதம் ।। 9 ।।

இத்யாதி³நாமவ்யுத்பத்திச்ச²த்³மநா ப்ரக்ருதோசிதம் ।।
ஸர்வோபநிஷதா³மாஹ முக்திமாத்ரம் ப்ரயோஜநம் ।। 10 ।।

மிதோ²விரோத⁴ஸித்³த்⁴யர்த²ம் கர்மஜ்ஞாநாதி⁴காரிணோ:।।
ஸம்ஸார்ரவ்யாவிவ்ருத்ஸுப்⁴ய இத்யுக்திம் பா⁴ஷ்யக்ருஜ்ஜகௌ³ ।। 11 ।।

த்யக்தாஶேஷக்ரியஸ்யைப³ ஸம்ஸாரம் ப்ரஜிஹாஸத:।।
ஜிஜ்ஞாஸோரேவ சைகாத்ம்யம் த்ரய்யந்தேஷ்வதி⁴காரிதா ।। 12 ।।

``ஏதமேவே''தி ச ததா² ப்ரத்யக்³யாதா²த்ம்யவித்தேயே ।।
ஸர்வகர்மத்யஜம் ப்ராஹ ஶ்ருதிர்வித்³யாதி⁴காரிணம் ।। 13 ।।

ப்ரத்யக்³விவிதி³ஷாஸித்³த்⁴யை வேதா³நுவசநாத³ய:।।
ப்³ரஹ்மாவாப்த்யை து தத்த்யாக³ ஈப்ஸந்தீதிஶ்ருதேர்ப³லாத் ।। 14 ।।

உக்தாதி⁴காரவிஷயப்ரதிபத்த்யர்த²மீரிதம் ।।
ஸம்ஸாரஹேத்விதிவச: ஸ்பு²டந்யாயோபப்³ரும்ஹிதம் ।। 15 ।।

ஐகாத்ம்யவிஷயாந்நாந்யோ வேதா³ந்தவசஸாம் யத:।।
லப்⁴யதே விஷய: கஶ்சித்தத்³தீ⁴ஸ்தஸ்மாத்தமோபநுத் ।। 16 ।।

ஸம்ஸாரகாரணாவித்³யாத்⁴வம்ஸக்ருஜ்ஜ்ஞாநலப்³த⁴யே ।।
ப்ராரப்³தே⁴யம் ப்ரயத்நேந வேதா³ந்தோபநிஷத்பரா ।। 17 ।।

ப்ரத்யக்³யாதா²த்ம்யதீ⁴ரேவ ப்ரத்யக³ஜ்ஞாநஹாநிக்ருத் ।।
ஸா சா(அ)(அ)த்மோத்பத்திதோ நாந்யத்³த்⁴வாந்தத்⁴வஸ்தாவபேக்ஷதே ।। 18 ।।

ஸாத⁴நம் சாதி⁴காரீ ச கர்மவிஜ்ஞாநகாண்ட³யோ:।।
மிதோ² விரோத⁴த: ஸித்³தா⁴வது⁴நா தத்ர சோத்³யதே ।। 19 ।।

நந்வப்⁴யுத³யவந்முக்திம் க்³ருஹ்ணீமோ விதே⁴லக்ஷணாம் ।।
கார்யம் விநா நாதி⁴காரீ நாபீஜ்யாப²லஸம்க³ம:।।
லப்⁴யதே லௌகிகோ(அ)பீஹ, கிமங்கா³(அ)(அ)க³மஸம்ஶ்ரய: ।। 20 ।।

விதி⁴லக்ஷணஸித்³த்⁴யர்த²ம் ஸந்தி வாக்யாநி ச ஶ்ருதௌ ।। 21 ।।
குர்வாீத க்ரதுமித்யாதி³ர்விதி⁴ரப்⁴யுத³யே யதா² ।।
உபாஸீதேதி ச ததா² முக்தாவபி ஸமீக்ஷ்யதே ।। 22 ।।

நாப்⁴யுத³யஸ்ய முக்தேஶ்ச ஸாத்⁴யாஸோத்⁴யே த்⁴ருவாத்⁴ருவே ।।
வைலக்ஷண்யாந்ந யுக்தேயம் துல்யஸாத⁴நதா தயோ: ।। 23 ।।

அந்யச்ச்²ரேயோ(அ)ந்யது³தைவ ப்ரேயஸ்தே உபே⁴ நாநார்தே² புருஷம் ஸீநீத:।।
தயோ: ஶ்ரேய ஆத³தா³நஸ்ய ஸாது⁴ ப⁴வதி ஹீயதே(அ)ர்தா²த்³ய உ ப்ரேயோ வ்ருணீதே ।। 24 ।।

பரீக்ஷ்ய லோகாந்கர்மசிதாந்ப்³ராஹ்மணோ நிர்வேத³மாயாந்நாஸ்த்யக்ருத: க்ருதேந ।।
தத்³விஜ்ஞாநார்த²ம் ஸ கு³ருமேவாபி⁴க³ச்சே²த்ஸமித்பாணி: ஶ்ரோத்ரியம் ப்³ரஹ்மநிஷ்ட²ம் ।। 25 ।।

நந்வப்⁴யுத³யவத்ஸாத்⁴யா முக்திரப்ராப்தரூபத:।।
மைவம், ஸாத்⁴யா(அ)பி நோ முக்திர்ந த்வப்⁴யுத³யவத்³யத: ।। 26 ।।

ஸ்வதோமுக்தாந்தராயஸ்ய தமஸோ வித்³யயா ஹதே:।।
தத்கைவல்யமத: ஸாத்⁴யமுபசாராத்ப்ரசக்ஷதே ।। 27 ।।

சிகித்ஸயேவ ஸம்ப்ராப்யம் ஸ்வாஸ்த்²யம் ரோகா³ர்தி³தஸ்ய து ।।
ஆத்மாவித்³யாஹதேர்போ³தா⁴த்தத்கைவல்யமவாப்யதே ।। 28 ।।

ப்³ரஹ்ம வா இத³மித்யாதி³ர்ப்³ரஹ்மைவேதி ததா² ஶ்ருதி:।।
ஸுஷுப்தநரவச்ச்²ருத்யா போ³த்⁴யோ(அ)தோ(அ)யம் ந கார்யதே ।। 29 ।।

கிமத்ர விதி⁴நா கார்யமந்ருதத்ரத்வஹேதுத:।।
ஶ்ருதோ(அ)ப்யநர்த²கோ(அ)த்ர ஸ்யாத்³வித்⁴யர்தா²ஸம்ப⁴வத்வத:।। 30 ।।

யச்சாஸ்யாஸதி கர்தவ்யே நாதி⁴காரோ நிரூப்யதே ।।
தத³ப்யஶேஷதஶ்சோத்³யமூர்த்⁴வமுந்மூலயிஷ்யதே ।। 31 ।।

பர ஆஹா(அ)(அ)த்மந: ஸ்வாஸ்த்²யம் ஶ்ரேயோ யத்³யபி⁴வாஞ்ச²ஸி ।।
கர்மப்⁴ய ஏவ தத்ஸித்⁴யேச்ச்²ருதத்வாத்கர்மண: ஶ்ருதௌ ।। 32 ।।

ஶ்ருதௌ ஸ்ம்ருதௌ ச விஹிதம் கர்மைவ ஶ்ரூயதே யத:।।
ந ச கர்மாதிரேகேண முக்த்யப்⁴யுத³யஸாத⁴நம் ।। 33 ।।

யத்நதோ ந்யாயத: கிம்சித்பஶ்யாமோ வேத³சக்ஷுஷா।।
நிஷேத⁴விதி⁴மாத்ரத்வாத்³வேதா³ர்த²ஸ்யேஹ ஸேர்வத: ।। 34 ।।

நநு ஶ்ருதௌ புரோக்தாநி வாக்யாநி ப³ஹுஶோ மயா ।।
அவிதா⁴யித்வதஸ்தேஷாம் ந ந்யாய்யம் ப⁴வதோதி³தம் ।। 35 ।।

ஆம்நாயஸ்ய க்ரியார்த²த்வாத்³விதி⁴நேதி ச ஸூத்ரணாத் ।।
விதி⁴ஶேஷதயா தேஷாமேகவாக்யத்வஸம்ப⁴வே ।।36 ।।

வசஸாமக்ரியார்தா²நாம் வாக்யபே⁴த³ப்ரகல்பநா ।।
கு³ர்வீ ஸ்யாந்நநு கைவல்யம் ப²லம் நித்யமிஹேஷ்யதே ।। 37 ।।

கத²ம் நித்யம் ப⁴வேத்தந்நோ யதி³ ஸ்யாத்கர்மண: ப²லம் ।।
கர்மோத்த²ம் ந யத: கிம்சித்³த்⁴ருவம் ஜக³தி வீக்ஷ்யதே ।। 38 ।।

தத்ஸாத⁴நேந சாவஶ்யம் ப⁴விதவ்யமதோ ப⁴வேத் ।।
பாரிஶேஷ்யாதி³ஹ ஜ்ஞாநம் வேதா³ந்தே தத்ப்ரஸித்³தி⁴த: ।। 39 ।।

நைவம் க்ரியாப்⁴ய ஏவாஸ்யா முக்தே: ஸித்³த⁴த்வஹேதுத:।।
குத: க்ரியாப்⁴ய: ஸித்³தி⁴ஶ்சேச்ச்²ருணு தத்³ப⁴ண்யதே யத: ।। 40 ।।

நிஷித்³த⁴காம்யயோஸ்த்யாகா³த்கர்மணோர்நித்யகர்மண: ।।
கரணா, த்ப்ரத்யவாயஸ்ய ஹதே,ர்போ⁴கே³ந ச க்ஷயாத் ।। 41 ।।

ஶரீராரம்ப⁴கஸ்யை,வம் முக்தி: ஸித்³தா⁴(அ)ந்தராத்மந: ।।
விநா(அ)ப்யைகாத்ம்யஸம்போ³தா⁴த்கர்மணைவோக்தவர்த்மநா ।। 42 ।।

நநு சா(அ)(அ)த்மாவபோ³த⁴ஸ்ய ``நிசாய்யோ''தி ப²லம் ஶ்ருதம் ।।
``ப்³ரஹ்ம வேதே³''தி ச ததா²நைவம் தஸ்யார்த²வாத³த: ।। 43 ।।

ப²லோக்தேரர்த²வாத³த்வம் த்³ரவ்யஸம்ஸ்காரகர்மஸு।।
ஸர்வத்ர த³ர்ஶநாச்சா²ஸ்ரே பர்ணமய்யாம் ப²லோக்திவத் ।। 44 ।।

ஆத்மந: கர்மஶேஷத்வாத்தத்³தி⁴ய: கர்மஶேஷதா ।।
விதி⁴ம் த்வயா(அ)நிச்ச²தா(அ)பி ஹ்யப்⁴யுபேயா(அ)ர்த²வாத³தா ।। 45 ।।

நைவம் தத்³தே⁴துதத்³ரூபவிரோதா⁴தி³தரேதரம் ।।
முக்த்யப்⁴யுத³யயோஸ்தஸ்மாந்ந ஸம்யக்³ப⁴வதோதி³தம் ।। 46 ।।

ஸ்வரூபே(அ)வஸ்தி²திர்முக்திராத்மநோ ப⁴வதோச்யதே ।।
காம்யாதி³வர்ஜநாதி³ப்⁴யஸ்தஸ்யா: ஸித்³தி⁴ஶ்ச வர்ண்யதே ।। 47 ।।

தத்ரா(அ)(அ)த்மா கிம் ஸ்வரூபே ப்ராங்ந ஸ்தி²தோ யேந தத்ஸ்தி²தௌ ।।
ஹேது வ்யபேக்ஷதே யத்நாத்ஸ்வரூபம் ஹி ந தத்³ப⁴வேத் ।। 48 ।।

ஸ்வதோ(அ)நவஸ்தி²தோ யத்ர ஹேதுநா ஸ்தா²ப்யதே ப³லாத் ।।
அதா²வஸ்தி²த ஏவாயம் கிமர்த²ம் ஹேதுமார்க³ணம் ।। 49 ।।

கைவல்பே(அ)பி ச தத்ஸக்தேரநிர்மோக்ஷ: ப்ரஸஜ்யதே ।।
அதோ நிஷித்³த⁴காம்யாதி³வர்ஜநாந்நா(அ)(அ)த்மமுக்ததா ।। 50 ।।

விஷயாப்⁴யாஸஜாஸ்வாஸ்த்²யநுத்த்யர்த²மிதி சேந்மதம் ।।
ஸ து விஷயஸம்பர்க: கஸ்மாத்³ப⁴வதி காரணாத் ।। 51 ।।

அகஸ்மாத்³ப⁴வத: ஸக்தேர்முக்தாவப்யநிஷேத⁴த:।।
அநிர்மோக்ஷப்ரஸக்திர்வஸ்ததா² ஸதி ஸமாபதேத் ।। 52 ।।

த⁴ர்மாத⁴ர்மநிமித்தஶ்சேத்கிம் புநர்த⁴ர்மபாதகே ।।
அப்யஸங்க³ஸ்வபா⁴வஸ்ய ஸம்பர்கம் குருதோ ப³லாத் ।। 53 ।।

ப⁴ல்லாதகாங்கவத்³வஸ்த்ரே ந ஹி லோகே ஸ்பு²ரந்நபி ।।
குஶலோ(அ)பி குலால: ஸந்நக⁴டாதி³ஸ்வபா⁴வகம் ।। 54 ।।

ம்ருத்³வத்³வ்யோம த⁴டீ குர்யாந்மருத்³வா(அ)க்³நேஶ்ச ஶீததாம் ।।
ஆத்மா கர்த்ராதி³ரூபஶ்சேந்மா காங்க்ஷீஸ்தர்ஹி முக்ததாம் ।। 55 ।।

ந ஹி ஸ்வபா⁴வோ பா⁴வாநாம் வ்யாவர்த்யேதௌஷ்ண்யவத்³ரவே: ।।
ஸ்வபா⁴வாத்³விநிவ்ருத்தோ(அ)ர்தோ² நி:ஸ்வபா⁴வ: க²புஷ்பவத் ।। 56 ।।

நாவிநஶ்யந்யதோ வஹ்நிர்வ்யாவர்த்யேதௌஷ்ண்யத: க்கசித் ।।
ந ச கர்த்ராத்³யநிர்முக்தௌ முக்தி: ஸம்பா⁴வ்யதே(அ)ந்யத: ।। 57 ।।

நநு கர்த்ருத்வபோ⁴க்த்ருத்வகார்யமேவா(அ)(அ)த்மஸம்ஸ்ருதி: ।।
ந து தச்ச²க்திரித்யேவம் ஶக்திமாத்ரதயா ஸ்தி²தௌ ।। 58 ।।

ஸர்வாநர்த²விநிர்முக்தேரூபபந்நா(அ)(அ)த்மமுக்ததா ।।
மைவம் பே⁴தே³ ததா²(அ)பே⁴தே³ தோ³ஷ: ஸ்யாச்ச²க்திகார்யயோ: ।। 59 ।।

ஶக்திதத்கார்யயோர்யஸ்மாத்³வ்யதிரேகோ ந வித்³யதே ।।
நியமாஸம்ப⁴வ: ப்ராபத்³வ்யதிரேகஸ்தயோர்யதி³ ।। 60 ।।

கார்யகாரணதா ந ஸ்யாத்ஸ்வதோ பே⁴தே³ந ஸித்³த⁴யோ:।।
அபே⁴தே³ ச தயோரைக்யாத்கார்யகாரணதா குத: ।। 61 ।।

நாகுர்வத்காரணம் த்³ருஷ்டம் கார்யம் சாக்ரியமாணகம் ।।
அதா²பே⁴த³ஸ்தயோரிஷ்ட: கார்யத்⁴வஸ்தௌ ப்ரஸஜ்யதே ।। 62 ।।

தச்ச²க்தேரபி வித்⁴வம்ஸஸ்தயோரவ்யதிரேகத:।।
ஶக்திஸ்வரூபஹாநே ச ஶக்திமத்³ரூபநிஹ்நுதி:।। 63 ।।

தயோரவ்யதிரேகத்வாத்ஸ ஏவா(அ)(அ)யாத்யநீப்ஸித:।।
நிராத்மவாத³: பூர்வோக்தஸ்தஸ்மாந்நைவம் ப்ரகல்பயேத் ।। 64 ।।

மதம் கார்யாநபி⁴வ்யக்திர்நிமித்தாஸம்ப⁴வாத்³யதி³ ।।
ஶக்தேரிதி, ந தத்³யுக்தம் ஶக்திதத்³தே⁴துஸம்ப⁴வாத் ।। 65 ।।

ஶக்திரூபேண ஸம்ப³ந்தோ⁴ நிமித்தாநாமபீஷ்யதே ।।
நைமித்திகைரிதி ததோ வஹ்ந்யௌஷ்ண்யாதி³ஸமாநதா ।। 66 ।।

கார்யஸ்ய ஶக்திதத்ரத்வே ஸர்வதா³ காரணஸ்தி²தே: ।।
கார்யோத்பத்தி: ஸதை³வ ஸ்யாந்நிதா³கே⁴ க⁴ர்மவத்³யத: ।। 67 ।।

ததை²வ ஶக்த்யதத்ரத்வே(அ)ப்யேஷ தோ³ஷோ யதோ ப⁴வேத் ।।
ஸதா³ கார்யம் ந ஜாயேத காரணாஸம்ப⁴வாத்ஸதா³ ।। 68 ।।

நிதா³தே⁴ ஶீதவத்³யஸ்மோத³தோ(அ)ஸம்யகி³த³ம் வச:।।
நிஷ்காரணஸ்ய சோத்³பூ⁴தௌ கார்யஜந்ம ஸதா³ ப⁴வேத் ।। 69 ।।

காயர்தா வா குதோ(அ)ஸ்ய ஸ்யாந்ந சேத்காரணதத்ரதா ।।
ந ச ஶக்யம் ப்ரதிஜ்ஞாதும் ஜந்மா(அ)(அ)ரப்⁴யா(அ)(அ) ம்ருதேர்ந்ருபி⁴:।। 70 ।।

நிஷித்³த⁴காம்யகர்மாதி³வர்ஜநம் நிபுணைரபி ।।
ஸூக்ஷ்மாபராத⁴ஸம்த்³ருஷ்டேரதியத்நவதாமபி ।। 71 ।।

ஸம்ஶயஸ்து ப⁴வத்யேவ பக்ஷாஸித்³தி⁴ஸ்து தாவதா ।।
அத² சேந்மோக்ஷ்யதே ஸோ(அ)த்ர யஸ்ய ஸம்பத்ஸ்யதே ததா² ।। 72 ।।

த்வது³க்தம் நைததே³வம் ஸ்யாத³வக்தவ்யத்வஹேதுத:।।
நிஶ்சிதம் ஸாத⁴நம் வாச்யம் ஜ்ஞாநம் நி:ஶ்ரேயஸம் ப்ரதி ।। 73 ।।

ந து யாத்³ருச்சி²கீ ஸித்³தி⁴ர்வக்தவ்யேஹ விபஶ்சிதா ।।
தை³வகோ³சர ஏவைஷ ந து மாநுஷகோ³சர: ।। 74 ।।

ஸஹகர்த்ரீ ப⁴வேச்ச²க்திரிதி ந்யாயாத்³ப⁴வேத்³யதி³ ।।
மநுஷ்யகோ³சரோ(அ)பீதி நா(அ)(அ)க்²யாதாஸம்ப⁴வாத்ததா² ।। 75 ।।

முக்த்யர்தா²ீ ந ஹி காம்யாதி³ வர்ஜயேதி³தி சோத³நா ।।
அஸ்தி வேதே³ க்கசித்³யேந ஶக்தேர்வித்⁴யேகதே³ஶதா ।। 76 ।।

காம்யாதி³வர்ஜநம் த்வேதத்ஸ்வமதிப்ரப⁴வம் யத:।।
நாத: ஶக்தேஸ்தத³ம்ஶத்வம் கத²ம்சித³பி யுஜ்யதே ।। 77 ।।

நித்யாதி³கரணாந்நாபி காம்யாதே³ஶ்தாபி வர்ஜநாத் ।।
ஶ்ரேய: ஸம்பா⁴வ்யதே வித்³யாநிஷ்ப²லத்வப்ரஸங்க³த: ।। 78 ।।

காம்யாத்ஸ்வர்கா³தி³கம் மா பூ⁴த³க்ரியாயாம் தது³த்³ப⁴வம் ।।
அர்தா²ந்தராத்ஸ்வபா⁴வாத்³வா ப⁴வந்ந து நிவார்யதே ।। 79 ।।

அந்யதோ ப⁴வநே மாநம் ந சேத³ஸ்த்விஹ ஸம்ஶய:।।
ஏதாவதா(அ)பி பக்ஷஸ்தே ப்ரதிப³த்³தோ⁴ ந ஸித்⁴யதி ।। 80 ।।

அதை²தயோரிதி ததா² சோத³நார்தா²திலங்கி⁴நாம் ।।
ஸுக²து³:கா²தி³ஸம்த்³ருர்ஷ்டர்ந சாப்யஸ்தீஹ ஸம்ஸய: ।। 81 ।।

நித்யஸ்யாகரணே தோ³ஷஸ்தத்கியாயாம் ந யத்³யபி ।।
அந்யதோ(அ)ஸௌ ஸ்வாபா⁴வாத்³வா ந து மாநேந வார்யதே ।। 82 ।।

நித்யாதே³: ப²லமிஷ்டம் சேது³பாத்தது³ரிதக்ஷய: ।।
ததா²(அ)ப்யாகா³மிதோ³ஷேஷ்வாஶங்கா பூர்வவது³த்³ப⁴வேத் ।। 83 ।।

அநபீ⁴ஷ்டப²லாநாம் ச து³ரிதத்வாத்க்ஷயோ ப⁴வேத் ।।
நத்வாப்⁴य़ுத³யிகாநாம் ஸ்யாத³பீ⁴ஷ்டத்வாத்க்ஷயஸ்த்வ ।। 84 ।।

ஸர்வேஷாம் து³ஷ்டதா சேத்ஸ்யாந்ந விதா⁴நாத³து³ஷ்டதா ।।
நாபி ஶ்யேநாதி³துல்யத்வம் ப²லதோ³ஷேண து³ஷ்டதா ।। 85 ।।

ஐகாத்ம்யஜ்ஞாநதஶ்சேத்ஸ்யாத்³வ்யர்தா² கர்மப்ரதா⁴நதா ।।
ப்ரதா⁴நத்வம் ச வித்³யாயாஸ்தமேதமிதி த³ர்ஶிதம் ।। 86 ।।

தத உக்தேந மார்கே³ண கர்த்ருஸம்ஸ்காரகாரிணாம் ।।
ஐகாத்ம்யஜ்ஞாநதாத்பர்யம் கர்மணாமிதி நிஶ்சிதம் ।। 87 ।।

தேந நி:ஸாரதாம் பு³த்³த்⁴வா கர்மணாம் வேத³தத்த்வவித் ।।
ஐகாத்ம்யஜ்ஞாநமந்வேதி தபோமுஷிதகல்மஷ: ।। 88 ।।

யஸ்து ஜந்மாந்தராப்⁴யாஸாத்க்ஷபிதாஶேஷகாமந:।।
ஆதா³வேவாதி⁴காரீ ஸ புந: கர்ம ந வீக்ஷதே ।। 89 ।।

விரக்தஸ்ய து ஜிஜ்ஞாஸோர்மாநாந்நாந்யவ்யபேக்ஷணம் ।।
கர்மாபேக்ஷா ஹி ஸாத்⁴யே(அ)ர்தே² ஸித்³தே⁴(அ)ர்தே² தத³நர்த²கம் ।। 90 ।।

வாமதே³வஸ்ய மைத்ரேய்யா கா³ர்க்³யாஶ்சைவ ஸமஞ்ஜஸம் ।।
த³ர்ஶநம், ப்³ரஹ்மசர்யாதே³ஸ்ததா² ப்ராவ்ராஜ்யஶாஸநாத் ।। 91 ।।

இஷ்டாபூர்தாதி³ஹேதூநாமாநந்த்யாத்ஸ்வர்க³ஸித்³த⁴யே ।।
ஹேத்வந்தராஸம்ப⁴வோ(அ)தோ து³ர்ஜ்ஞாந: ஸம்ப⁴வாத்³ப⁴வேத் ।। 92 ।।

ஏவம் நிஷித்³த⁴வாக்யேஷு யதோ²க்தம் ந்யாயமாதி³ஶேத் ।।
நித்யகர்மவச:ஸ்வேவம் நாதோ முக்திவிநிஶ்சய: ।। 93 ।।

அநேகஜந்மோபாத்தஸ்ய புண்யாபுண்யஸ்ய கர்மண:।।
அநந்ததே³ஹஹேதோஶ்ச விப்ரகா⁴தஸ்ய ஸம்பா⁴வத் ।। 94 ।।

தத: ஶேஷேண வசநாத்ததா² தத்³ய இஹேத்யத:।।
அநாரப்³த⁴ப²லேஹாநாம் க³ம்யேதே ஸம்ஸ்தி²திஸ்தத: ।। 95 ।।

ப²லம் நித்யஸ்ய நாபீஹ து³ரிதக்ஷயமாத்ரகம் ।।
ப²லாந்தரஶ்ருதே: ஸாக்ஷாத்தத்³யதா²(அ)(அ)ம்ரஸ்ம்ருதேஸ்ததா² ।। 96 ।।

ஆம்ரே நிமித்த இத்யாதி³ ஹ்யாபஸ்தம்ப³ஸ்ம்ருதேர்வச:।।
ப²லவத்த்வம் ஸமாசஷ்டே நித்யாநாமபி கர்மணாம் ।। 97 ।।

உக்தமேவ து ஸம்ஶீதாவியம் த்வத்ர விநிஶ்சிதி:।।
கார்யமாரப⁴தே ஶக்திர்யத்கிம்சேஹ வ்யவஸ்தி²தா ।। 98 ।।

யஸ்மாத³ஸதி கார்யே(அ)ஸௌ ஶக்திரேவ ந ஸித்⁴யதி ।।
கார்யகாரணயோ: ஸித்³தி⁴ரந்யோந்யாவ்யதிரேகத: ।। 99 ।।

கர்த்ருபோ⁴க்த்ருஸ்வரூபே(அ)தோ ஹ்யப்⁴யுபேதே(அ)ந்தராத்மநி ।।
ந முக்த்யாஶா(அ)ஸ்தி பூர்வோக்தந்யாயமார்க³ஸமாஶ்ரயாத் ।। 100 ।।

ஸாபராத⁴த்வதோ முக்தி: ஸம்தி³க்³தை⁴வ ப்ரஸஜ்யதே ।।
த்³விஜாதீநாம் க²ராதே³ஸ்து த்வது³க்த்யா ஸ்யாத³ஸம்ஶயாத் ।। 101 ।।

நநூக்தம் கர்மஶேஷத்வமாத்மநோ யாக³கர்த்ருதா ।।
நைததே³வம் யதோ நைதத்கர்மாங்க³ம் ஜ்ஞாநமிஷ்யதே ।। 102 ।।

கர்த்ருத்வமாத்மந: ஸித்³த⁴ம் யதோ(அ)ந்யத்ராபி யாக³த: ।।
நி:ஶேஷகர்மகாரித்வாத்தஸ்மாது³க்தமபேஶலம் ।। 103 ।।

ந ஹ்யாத்மஜ்ஞாநவிரஹாத்கர்ம கர்தும் ந ஶக்யதே ।।
பர்ணஜ்ஞாநம்ருதே யத்³வஜ்ஜுஹூர்லாதும் ந ஶக்யதே ।। 104 ।।

தே³ஹாந்தராபி⁴ஸம்ப³ந்தீ⁴ நத்வாத்மா(அ)ஸ்தீத்யஜாநத:।।
விவேகிநோ ந யுக்தேயம் ப்ரவ்ருத்தி: பாரலைாகிகீ।। 105 ।।

ஏவம் தர்ஹி ந கர்மாங்க³ம் கர்துஶ்சேஷ்டைகஹேதுத: ।।
ப²லார்தி²வந்ந ச ஜ்ஞாநம் க்ரியாங்க³த்வேந சோதி³தம் ।। 106 ।।

நந்வேவமபி ஸித்³த⁴: ஸ்யாத்ப்ரவேஶ: ஸர்வகர்மஸு ।।
ஆத்மஜ்ஞாநஸ்ய ஸாமர்த்²யாந்ந நாம விதி⁴ஸம்ஶ்ரயாத் ।। 107 ।।

நைததே³வமவிஜ்ஞாததத்த்வஸ்யைவேஹ கர்மஸு ।।
அநாத்மார்த²விஶிஷ்டஸ்ய ஹ்யதி⁴காரித்வஹேதுத:।। 108 ।।

ஸ்வரூபே ஆத்மந: ஸ்தா²நமாஹுர்நி:ஶ்ரேயஸம் பு³தா⁴: ।।
ததோ(அ)ந்யேநாபி⁴ஸம்ப³ந்த⁴ ஆத்மநோ(அ)ஜ்ஞாநஹேதுக: ।। 109 ।।

ஆக³நத்வநாத்மரூபம் தத்ஸ்வஸம்வித்த்யைவ க³ம்யதாம் ।।
நாதோ(அ)வாப்தபுர்த²ஸ்ய ஸ்வரூபாவஸ்தி²ஸ்ய து ।। 110 ।।

கர்த்ருபோ⁴க்த்ராதி³ரூபத்வம் ப்ரத்யக³ஜ்ஞாநதோ(அ)ந்யத: ।।
கர்ம தத்ப²லபோ⁴க³ஶ்ச பா³ஹ்யாநி கரணாநி ச ।। 111 ।।

ததோ(அ)பி பா³ஹ்யோ தே³ஹஶ்ச ஜாதிஸ்தத்ஸமவாயிநீ ।।
ஜராமரணஜந்மாநி தே³ஹாதி⁴கரணாநி ச ।। 112 ।।

தா³ரபுத்ரத⁴நாதீ³நி தே³ஹவாஹ்யாநி யாநி ச ।।
கர்மாதி⁴காரஹேதூநி ஸ்வதோ(அ)ஸ்யாநதி⁴காரிண: ।। 113 ।।

அபி⁴ந்நஸ்யா(அ)(அ)த்மநோ மோஹாத்³பே⁴த³காநீதி மந்வதே ।।
விஶேஷணம் ஸ்வரூபம் வா நாந்யோந்யஸ்ய ஸ்வதோ யத: ।। 114 ।।

லோகே த்³ருஷ்டம் விநா(அ)வித்³யாம் மோஹாத்³ருஷ்டம் து ஸர்வத:।।
சோரோ(அ)ஸௌ மாமபி⁴ப்ரைதீத்யேவம் சோரவிஶேஷணம் ।। 115 ।।

ஸ்தா²ணும் ஸம்பா⁴வயத்யஜ்ஞோ ந து த்³ருஷ்டம் தமோ விநா ।।
நந்வவித்³யாம்ருதே(அ)ப்யந்யத்³ருஷ்டமந்யவிஶேஷணம் ।। 116 ।।

ஔபக³வோ ந்ருபஹயஸ்ததா² ஶ்யேநசிதா³த³ய: ।।
நைததே³வம் யதஸ்தத்ர நைவம் ப்ரத்யக்தயேஷ்யதே ।।
அக³ந்யஸ்ய ஸம்ப³ந்த⁴: க்ருஶோ(அ)ஹமிதிவத்க்கசித் ।। 117 ।।

உபக்³வாதி³ர்ஹி பித்ராதி³: ப்ரக்ருத்யர்தோ² விஶேஷணம் ।।
பி⁴ந்நஸ்யௌபக³வாபத்யப்ரத்யயார்த²ஸ்ய க³ம்யதே ।। 118 ।।

நைவம் கர்த்ராதி³தே³ஹாந்தாஞ்ஜாத்யாதீ³ந்தே³ஹகா³ம்ஸ்ததா² ।।
வ்யதிரேகதயா கஶ்சித்³விஶிநஷ்டீஹ மாநவ: ।। 119 ।।

யத ஆத்மதயைவைதைர்விஶிநஷ்ட்யவிஶேஷணம் ।।
கரோம்யந்தோ⁴ த்³விஜோ பா³லோ த³க்³த⁴ஶ்சி²ந்நோ(அ)ஹமித்யபி ।। 120 ।।

நாவித்³யாமந்தரேணைஷாம் விஶேஷணவிஶேஷ்யதா ।।
இயமேவா(அ)(அ)த்மநோ ஜ்ஞேயா கர்மாதி⁴க்ருதிகாரணம் ।। 121 ।।

அதி⁴க்ரியந்தே யேநைதே ப்³ருஹஸ்பதிஸவாதி³ஷு ।।
அதோ(அ)நவக³தைகாத்ம்யகர்மாதி⁴க்ருதிஹேதுத: ।। 122 ।।

ஶ்ருத்யாதி³மாநப்ரமிதப்ரத்யக்³யாதா²த்ம்யநிஷ்டி²தம் ।।
ஸர்வகர்மஸமுச்சே²தி³ ஜ்ஞாநம் வேதா³ந்தமாநஜம் ।। 123 ।।
தந்மூலாஜ்ஞாநகா⁴தித்வாஜ்ஜ்ஞாநஸ்யேஹ ப்ரஸித்³தி⁴த: ।। 124 ।।

ந து ப்ரவர்தகம் தஸ்மாந்நார்த²வாத³த்வஸம்ப⁴வ: ।।
ப²லோக்தே: பர்ணமய்யாம் து யுஜ்யதே கர்மஶேஷத:।। 125 ।।

யத்த்வசோதி³ த்வயா(அ)பீயமப்⁴யுபேயா(அ)ர்த²வாத³தா।।
அநிச்ச²தா(அ)பி வித்⁴யர்த²மத்ர ப்ரதிவிதீ⁴யதே ।। 126 ।।

இச்சா²ம்யேவார்த²வாத³த்வம் வசஸோ(அ)ந்யபரத்வத:।।
யதா²ஶ்ருதார்த²வாதி³த்வாந்ந த்வபூ⁴தார்த²வாத³தா ।। 127 ।।

இஜ்யேதே ஸ்வர்க³லோகாய த³ர்ஶாத³ர்ஶௌ யதா² ததா² ।।
ந த்வபூ⁴தார்த²வாதி³த்வம் பாபஶ்லோகாஶ்ருதேர்யதா² ।। 128 ।।

குத: ப்ராப்தம் ப²லமிதி ப்ரத்யக்ஷம் ஹ்யாத்மதீ⁴ப²லம் ।।
யதோ(அ)வக³ம்யதே தேந ஜ்ஞாநம் கர்ம ந டௌ⁴கதே ।। 129 ।।

ப்ரவ்ருத்தே: ப்ரதிகூலத்வாந்முக்திம் ப்ரதி விரோத⁴த: ।।
முமுக்ஷோரதி⁴காரோ(அ)தோ நிவ்ருத்தௌ ஸர்வகர்மணாம் ।। 130 ।।

ப்ரவ்ருத்திஹேதுப்ரத்⁴வஸ்தேர்ந ப்ரவ்ருத்தௌ கத²ம்சந ।।
நாபி⁴ப்ரேதபுரப்ராப்திஸமர்த²ம் ஸுக³மம் ஶிவம் ।। 131 ।।

வாரிபத்²யத³நோபேதம் ஸர்வாநர்த²விவர்ஜிதம் ।।
ப்ராப்தம் மார்க³ம் ஸமுத்ஸ்ருஜ்ய தத்³விருத்³தே⁴ந வர்த்மநா ।।
யியாஸதி ஸுதீ⁴: கஶ்சித்³யதா² ப்⁴ராந்தோ(அ)த்⁴வக³ஸ்ததா² ।। 132 ।।

ததா²(அ)வித்³யோத்த²கர்த்ராதி³த⁴ர்மஶூந்யமவிக்ரியம் ।।
அக்ரியாகாரகம் ஜ்ஞாத்வா நி:ஶேஷபுருஷார்த²த³ம் ।। 133 ।।

ஆத்மப்ரத்யயமாக³ம்யமாத்மாநம் தே³வமஞ்ஜஸா ।।
தத்ஸ்தி²தௌ ச ப²லே(அ)பீ⁴ஷ்டே நித்யே ஸாத⁴நவர்ஜிதே ।। 134 ।।

தத்³விரூத்³த⁴ப²லே பா³ஹ்யஸாத⁴நே(அ)நேககாரகே ।।
கத²ம் கர்மணி ஸர்வஜ்ஞோ மநோ த³த்⁴யாத்³த⁴ஸந்நபி ।। 135 ।।

ஸம்யக்³தீ⁴ம்ருதி³தாஶேஷத்⁴வாந்தஸ்ய ச ந பூர்வவத் ।।
அஜ்ஞாநாதி³ புந: கர்தும் ஶக்யதே(அ)காரகத்வத: ।। 136 ।।

ஶ்ருத்யாதி³மாநப்ரமிதயாதா²த்ம்யஜ்ஞாநதத்ப²ல:।।
ப்ரதிகூலத்வதோ வித்³வாந்யத: கர்மஸு நேஹதே ।। 137 ।।

அதோ(அ)ஜ்ஞஸ்யைவ நி:ஶேஷமுமுக்ஷுப்ரஜிஹாஸித: ।।
கர்த்ராத்³யநாத்மத⁴ர்மஸ்ய கர்மாதி⁴க்ருதிராத்மந: ।। 138 ।।

வித்³யாத்மமோஹதத்கார்யவிரோதா⁴ச்ச பரஸ்பரம் ।।
ரோகா³தி³வத³நர்த²த்வாத்கத்ரீதி³: ப்ரஜிஹாஸித: ।। 139 ।।

ஜிஹாஸிது: ஸ்வபா⁴வோ(அ)ஸாவித்யுக்தி: ஶிஶுவக்த்ருகா ।।
கர்த்ராதி³ஶ்சேத்ஸ்வபா⁴வ: ஸ்யாத்ப்ரத்யக்ஷாகர்த்ருரூபிண: ।। 140 ।।

ப்ரத்யக்ஷாதி³விரோத⁴: ஸ்யாத³நிர்மோக்ஷஸ்ததை²வ ச ।।
அஸ்து காமமநிர்மோக்ஷோ விக்ரியாவத்த்வதோ த்³ருஶே:।। 141 ।।

அக்³நிவத்ப²லபோ⁴க்த்ருத்வாந்நோ சேதா³காஶகல்பதா ।।
இதி சேந்நா(அ)(அ)த்மநோ த்⁴ரௌவ்யாத்³விக்ரியாநுபபத்தித:।। 142 ।।

மூர்தாமூ்ர்தத்வஹீநஸ்ய ப்ரதீசோ விக்ரியா குத:।।
ப்ரமாயோகோ³ ஹி போ⁴க்த்ருத்வம் ப்ரமா சைவா(அ)(அ)த்மந: ஸதா³ ।। 143 ।।

வாய்வக்³நிவத்³விகாரோ ந ப்ராக³பா⁴வாத்³யஸம்ப⁴வாத் ।।
அக்³நயாதீ³நாம் து ஸாம்ஶத்வாத்³வலவத்³பி⁴ஸ்ததி³ந்த⁴நை: ।। 144 ।।

அபி⁴பூ⁴தஸ்வரூபாணாம் காஷ்ட²நிர்மத²நாதி³நா ।।
யுக்தைவா(அ)(அ)பி³ஷ்க்ருதிர்நித்யம் தேஷாம் கார்யாத்மகத்வத: ।। 145 ।।

ந த்வாத்மநோ நிரம்ஶத்வாந்முக்²யை ஸம்ப⁴வத: க்கசித் ।।
அவிர்பா⁴வதிரோபா⁴வௌ ஸ்வத:ஸித்³தே⁴ஶ்ச காரணாத் ।। 146 ।।

அப்⁴யுபேதா(அ)ப்யபி⁴வ்யக்திர்நாபி⁴வ்யங்க்³யஸ்ய விக்ரியா ।।
யதா² ததா²(அ)நபி⁴வ்யக்தி: ஸர்வேஷாமபி வாதி³நாம் ।। 147 ।।

அதோ(அ)நப்⁴யுபக³ச்ச²த்³பி⁴ர்முக்தௌ கர்த்ராதி³ராத்மந:।।
அவித்³யாகல்பிதோ ஜ்ஞேயோ ந ஹ்யஸௌ பரமார்த²த: ।। 148 ।।

கர்த்ராத்³யாத்மஸ்வபா⁴வஸ்ய ப்ராத்யக்ஷ்யாந்ந ததா³ந்மநி ।। 149 ।।
மாத்ராதி³போ³த⁴கம் மாநம் ப்ரத்யகா³த்மநி ஸாக்ஷிணி ।।
ந வ்யாபாரயிதும் ஶக்யம் வஹ்ரி த³க்³து⁴மிவோல்முகம் ।। 150 ।।

ஸாக்ஷிஸாக்ஷ்யாபி⁴ஸம்ப³ந்த⁴: ப்ரமாத்ராதௌ³ யதா² ததா² ।।
ஸாக்ஷிவஸ்துநி நைவ ஸ்யாத்கேவலாநுப⁴வாத்மநி ।। 141 ।।

பரார்த²ஸம்ஹதாநாத்மபோ⁴க்³யகர்த்ராதி³போ³தி⁴நா ।।
விரோதா⁴த்தத்³விருத்³தோ⁴(அ)ர்த²: ப்ரத்யயேநேக்ஷ்யதே கத²ம் ।। 152 ।।

இச்சா²த்³வேஷாதி³ரப்யேவம் நா(அ)(அ)த்மநோ த⁴ர்ம இஷ்யதாம் ।।
காம: ஸம்கல்ப இத்யேவம் மநோத⁴ர்மத்வஸம்ஶ்ரவாத் ।। 153 ।।

ஸ்வபரோப⁴யஹேதுத்வே ஹ்யநிர்மோக்ஷப்ரஸங்க³த: ।।
ஸம்யக்³நிரூபணே சைஷாமவித்³யாகார்யதைவ ஹி ।। 154 ।।

இச்சா²தீ³நாம் ஸ்வஹேதுத்வே(அ)நர்த²ம் குர்யாத்கத²ம் ஸ்வயம் ।।
ஆத்மா ஜாநந்யதா² ஶத்ரோராத்மநோ(அ)தோ ந யுஜ்யதே ।। 155 ।।

ததா² பரநிமித்தத்வே(அ)நர்த²ஸ்யாபரிஹாரத: ।।
நைகாந்திகப²லத்வம் ஸ்யாத்³ரோகா³தி³பரிஹரவத் ।। 156 ।।

கரணை: ஸம்ஹதிம் சர்தே பரிஹார: குதோ த்³ருஶே:।।
ததோ²ப⁴யநிமித்தத்வே நைகாந்திகப²லோத³ய: ।। 157 ।।

பராபி⁴ப்ராயாநியமாந்நைவ ஸ்யாந்மோக்ஷநிஶ்சிதி:।
நிர்ஹேத்வவித்³யாக்ருப்தௌ து தோ³ஷ: கஶ்சிந்ந வித்³யதே ।। 158 ।।

தத்³வர்ஜநஸ்ய ஸம்ஸித்³தே⁴: ப்ரஸித்³தோ⁴பாயஸம்ஶ்ரயாத் ।।
பராக³ர்த²ப்ரமேயேஷு யா ப²லத்வேந ஸம்மதா ।।
ஸம்வித்ஸைவேஹ மேயோ(அ)ர்தோ² வேதா³ந்தோக்திப்ரமாணத:।। 159 ।।

அப்ராமாண்யப்ரஸக்திஶ்ச ஸ்யாதி³தோ(அ)ந்யார்த²கல்பநே ।।
வேதா³ந்தாநாமதஸ்தஸ்மாந்நாந்யமர்த²ம் ப்ரகல்பயேத் ।। 160 ।।

நந்வேவமபி மாநத்வவ்யாகா⁴த: ஸ்யாத்க்ரியாவிதே⁴:।।
வேதா³ந்தேஷ்வப்யநாஶ்வாஸஸ்ததா² ச ப்ரஸஜேத்³த்⁴ருவம் ।। 161 ।।

நைததே³வம் யதோ(அ)ஶேஷமாநாநாமபி மாநதா ।।
ஆ பராத்மாவபோ³தா⁴த்ஸ்யாத்தத்ர ஸர்வஸமாப்தித:।। 162 ।।

நாதோ(அ)வதாரோ மாநாநாமைகாத்ம்யேநைவ ஸம்க்ஷயாத் ।।
ஶ்யேநாதி³விதி⁴பா³த⁴: ஸ்யாத³ஹிம்ஸாவிதி⁴நா யதா² ।। 163 ।।

கர்மாண்யதோ விதீ⁴யந்தே(அ)வித்³யாவந்தம் நரம் ப்ரதி ।।
ந து வித்⁴வஸ்தஸகலகர்மஹேதும் த்³விஜம் ப்ரதி ।। 164 ।।

ஸர்வகர்மநிராஸே(அ)தோ ஹ்யதி⁴காரோ விவேகிந:।।
யதோ²க்தந்யாயத: ஸித்³தோ⁴ ந து கர்மஸு கர்ஹிசித் ।। 165 ।।

காரகவ்யவஹாரே ஹி ஶுத்³த⁴ம் வஸ்து ந வீக்ஷ்யதே ।।
ஶுத்³தே⁴ வஸ்துநி ஸித்³தே⁴ ச காரகவ்யாப்ருதிஸ்ததா² ।। 166 ।।

காரகாகாரகதி⁴யோர்நைகதை³கத்ர வஸ்துநி ।।
விரோதா⁴த்ஸம்ப⁴வோ(அ)ஸ்தீஹ ப்ரகாஶதமஸோரிவ ।। 167 ।।

அவிரோத⁴: க்ரமேண ஸ்யாத்ஸ்தி²க³த்யோரிவேதி சேத் ।।
நா(அ)(அ)த்மஜ்ஞாநஸ்ய கூடஸ்த²வஸ்துதத்ரத்வஹேதுத: ।। 168 ।।

நௌஷ்ண்யாத்மகோ மிதோ வஹ்ரி: க்ரமஶோ(அ)க்ரமஶோ(அ)த² வா ।।
வஸ்துத: ஶீததாமேதி, கர்த்ருதத்ரம் ததா² ப⁴வேத் ।। 169 ।।

பே⁴தா³பே⁴தா³த்மகாத்வாச்சேதே³கஸ்யாபீஹ வஸ்துந:।।
அவிரோதோ⁴, ந தந்ந்யாய்யம் த்வது³க்தார்த²விரோத⁴த:।। 170 ।।

நாநேகஸ்யைகதா ந்யாய்யா ததை²கஸ்யாப்யநேகதா ।।
வஸ்துதத்ரத்வதோ பு³த்³தே⁴ர்ந சேதே³வம் ம்ருஷா மதி: ।। 171 ।।

யதா² சாஸ்ய விருத்³த⁴த்வம் ததோ²த³ர்கே ப்ரவக்ஷ்யதே ।।
ஐகாத்ம்யஸ்யைவ மேயத்வம் தஸ்யைவாப்ரதிபோ³த⁴த: ।। 172 ।।

வஸ்தூநீஹ ப்ரமீயந்தே வ்யாவ்ருத்தாநி பரஸ்பரம் ।।
அபா⁴வேந ப்ரமாணேந தேநோக்தம் தே விருத்⁴யதே ।। 173 ।।

பே⁴தே³ வா யதி³ வா(அ)பே⁴தே³ ஸம்ஸ்ருதேர்ப்³ரஹ்மணா ஸஹ ।।
ப்³ரஹ்மணோ(அ)ப்³ரஹ்மதா தத்³வத்³வித்³யாநர்த²க்யஸம்ஶதே ।। 174 ।।

ப்³ரஹ்மாவித்³யாவதி³ஷ்டம் சேந்நநு தோ³ஷோ மஹாநயம் ।।
நிரவித்³யே ச, வித்³யாயா ஆநர்த²க்யம் ப்ரஸஜ்யதே ।। 175 ।।

நாவித்³யா(அ)ஸ்யேத்யவித்³யாயாமேவா(அ)(அ)ஸித்வா ப்ரகல்ப்யதே ।।
ப்³ரஹ்மட்ருஷ்ட்யா த்வவித்³யேயம் ந கத²ம்சந யுஜ்யதே ।। 176 ।।

யதோ(அ)நுப⁴வதோ(அ)வித்³யா ப்³ரஹ்மாஸ்மீத்யநுபூ⁴திவத் ।।
அதோ மாநோத்த²விஜ்ஞாநத்⁴வஸ்தா ஸா(அ)ப்யேத்யதா²(அ)(அ)த்மதாம் ।। 177 ।।

ப்³ரஹ்மண்யவிதி³தே வோதா⁴ந்நாவித்³யேத்யுபபத்³யதே ।।
நிதராம் சாபி விஜ்ஞாதே ம்ருஷாதீ⁴ர்நாஸ்த்யபா³தி⁴தா ।। 178 ।।

அவித்³யாவாநவித்³யாம் தாம் ந நிரூபயிதும் க்ஷம:।।
வஸ்துவ்ருத்தமதோ(அ)பேக்ஷ்ய நாவித்³யேதி நிரூப்யதே ।। 179 ।।

வஸ்துநோ(அ)ந்யத்ர மாநாநாம் வ்யாப்ருதிர்ந ஹி யுஜ்யதே ।।
அவித்³யா ச ந வஸ்த்வஷ்டம் மாநாகா⁴தாஸஹிஷ்ணுத: ।। 180 ।।

அவித்³யாயா அவித்³யாத்வ இத³மேவ து லக்ஷணம் ।।
மாநாகா⁴தாஸஹிஷ்ணுத்வமஸாதா⁴ரணமிஷ்யதே ।। 181 ।।

த்வத்பக்ஷே ப³ஹு கல்ப்யம் ஸ்யாத்ஸர்வம் மாநவிரோதி⁴ ச ।।
கல்ப்யா(அ)வித்³யைவ மத்பக்ஷே ஸா சாநுப⁴வஸம்ஶ்ரயா ।। 182 ।।

தத்த்வமஸ்யாதி³வாக்யோத்த²ஸம்யக்³தீ⁴ஜந்மமாத்ரத:।।
அவித்³யா ஸஹ கார்யேண நா(அ)(அ)ஸீத³ஸ்தி ப⁴விஷ்யதி ।। 183 ।।

அத: ப்ரமாணதோ(அ)ஶக்யா(அ)வித்³யா(அ)ஸ்யேதி நிரீக்ஷிதும் ।।
கீத்³த³ஶீ வா குதோ வா(அ)ஸாவநுபூ⁴த்யேகரூபத: ।। 184 ।।

தே³வதாத்³ரவ்யகர்த்ராதி³ நநு வஸ்த்வஸ்து நாத்³வயம் ।।
ஸர்வலோகப்ரஸித்³த⁴த்வாத³த்³வயஸ்யாப்யஸித்³தி⁴த: ।। 185 ।।

நைதத்ஸாது⁴, ப்ரமாணாநாம் ஸர்வலோகாபி⁴த⁴ம் ந ஹி ।।
ப்ரமாணமஸ்தி யத்ப்ராணாத்³ப⁴வாநேவம் ப்ரபா⁴ஷதே ।। 186 ।।

அபி⁴மாநஶ்ச யத்ராயம் ஸர்வலோகாஸ்ய க³ம்யதே ।।
ப்ரத்யக்ஷோ(அ)ர்தோ²(அ)யமித்யேவம் மித்²யாத்வம் தஸ்ய சோதி³தம் ।। 187 ।।

ப்ரத்யக்ஷம் ச யதா²(அ)(அ)ஸந்நம் பரோக்ஷாத்³வஸ்துநோ மதம் ।।
ஸர்வப்ரத்யக்தமஸ்தத்³வத்³போ³தோ⁴ வாக்யோத்த² ஆத்மநி ।। 188 ।।

ஆத்மாநுப⁴வமாஶ்ரித்ய ப்ரத்யக்ஷாதி³ ப்ரஸித்⁴யதி ।।
அநுபூ⁴தே: ஸ்வத: ஸித்³தே⁴: கா(அ)பேக்ஷா ஹ்யாத்மஸித்³த⁴யே ।। 189 ।।

ஆத்மாநுப⁴வபூர்வத்வாத்ப்ரத்யக்ஷத்வஸ்ய ந ஸ்வத:।।
ஆத்மைகக³ம்யமைகாத்ம்யம் வேதா³ந்தேஷ்வவக³ம்யதே ।। 190 ।।

யச்சாப்யுக்தம் ஶ்ருதிஸ்ம்ருத்யோ: க்ரியாயா ஏவ ஸித்³தி⁴த: ।।
அத: க்ரியாதிரேகேண நாஸ்த்யந்யந்முக்திஸாத⁴நம் ।। 191 ।।

கேந சோக்தம் க்ரியா முக்தே: ஸாத⁴நத்வம் ந க³ச்ச²தி ।।
தமேதாமிதி நாஶ்ரௌஷீ: ஸம்ஸ்காரா இதி ச ஸ்ம்ருதிம் ।। 192 ।।

யத்³யப்யைகாத்ம்யதீ⁴: ஸாக்ஷாச்ச்²ருதிஸ்ம்ருத்யோர்ந சோத்³யதே ।।
ததா²(அ)ப்யஸௌ ந தத்³பா³ஹ்யா தாப்⁴யாமேவா(அ)(அ)த்மபோ³த⁴நாத் ।। 193 ।।

யச்ச ந ஜ்ஞாப்யதே வேதே³ வஸ்த்வித்யேதத³சூசுத³:।।
தச்சாபஹஸ்திதம் சோத்³யம் வக்ஷ்யதே ச நிராக்ருதி:।। 194 ।।

விதா⁴வஸதி வாக்யஸ்ய யச்சாவோசோ(அ)ப்ரமாணதாம் ।।
ஸ்ப்²ருடந்யாயோக்திபி⁴ஸ்தச்ச யத்நாத்பரிஹரிஷ்யதி ।। 195 ।।

யச்சோக்தம் ந புமர்தோ²(அ)ஸ்தி வஸ்துமாத்ராவபோ³த⁴நாத் ।।
ஆக்²யாநப்ரசுரா யஸ்மாத்ரய்யந்தா இஹ லக்ஷிதா: ।। 196 ।।

ராமோ ராஜா ப³பூ⁴வேதி ந ஹ்யேதாவத்ப்ரபோ³த⁴த:।।
ஸம்பா⁴வ்யதே புமர்தோ²(அ)தோ வித்⁴யர்த²விரஹாத்கசித் ।। 197 ।।

பரார்த²தைவ ஸர்வத்ர ஜ்ஞாநஸ்யேஹோபலக்ஷ்யதே ।।
ஜ்ஞாத்வா(அ)நுஷ்டாநவசநாத்³வித்³வாந்யஜத இத்யபி ।। 198 ।।

உக்தோ(அ)த்ர பரிஹார: ப்ராகூ³ர்த்⁴வம் சாபி ப்ரவக்ஷ்யதே ।।
வித்³யாப²லஸ்ய ப்ராத்யக்ஷ்யாதி³திஹேதுஸமாஶ்ரயாத் ।। 199 ।।

நநு நிர்தூ⁴தஶோகாதி³ ப²லம் யச்ச்²ரூயதே ஶ்ருதௌ ।।
ஆத்மஸ்துதிரஸௌ தஸ்மாத்த்வந்மநோரத²கல்பிதம் ।। 200 ।।

அத்ரோச்யதே ஹ்யபி⁴ப்ரேதம் க³ம்யமாநம் ப்ரமாணத: ।। 201 ।।
ப²லம் தத்ஸம்பரித்யஜ்ய கஸ்மால்லக்ஷணயா ஸ்துதிம் ।।
அஶ்ருதாமநபி⁴ப்ரேதாம் கல்பயஸ்யபு³தோ⁴ யதா² ।। 202 ।।

ந சாஸ்த்யேகவிபயத்வம் ப்ரத்யக்ஷவசஸோர்யத: ।।
ஶ்ருத்யைவ பரிஹாரோக்தே: ஸ்வப்நாதி³ஸ்தா²நஸம்சராத் ।। 203 ।।

வஹுஶோ(அ)ஸங்க³வசஸா நி:ஸங்க³த்வம் ப்³ருவாணயா ।।
மநோராஜ்யஸமம் மந்யே ஸர்வமேதத்த்வயோதி³தம் ।। 204 ।।

ந ப்ரத்யேமி யத: ஸாக்ஷாத்ப்ரத்யக்ஷம் ஜ்ஞாநத: ப²லம் ।।
ஶ்ருதாத³பி ந சேத்³வாக்யாஜ்ஜாயேத ப²லவந்மதி:।।
ஆஶங்க்யேத ததை³வைதத்³யதே³தத்³ப⁴வதோதி³தம் ।। 205 ।।

நித்யமுக்தத்வவிஜ்ஞாநம் வாக்யாத்³ப⁴வதி நாந்யத: ।।
வாக்யார்த²ஸ்யாபி விஜ்ஞாநம் பதா³ர்த²ஸ்ம்ருதிபூர்வகம் ।। 206 ।।

அந்வயவ்யதிரேகாப்⁴யாம் பதா³ர்த²: ஸ்மர்யதே த்⁴ருவம் ।।
ஏவம் நிர்து³:க²மாத்மாநமக்ரியம் ப்ரதிபத்³யதே ।। 207 ।।

ஸதே³வேத்யாதி³வாக்யேப்⁴ய: ப்ரமா ஸ்பு²டதரா ப⁴வேத் ।।
த³ஶமஸ்த்வமஸீத்யஸ்மாத்³யதை²வம் ப்ரத்யகா³த்மநி ।। 208 ।।

அமாத்வாஶங்காஸத்³பா⁴வாந்மாந்தரைஶ்சாவிரோத⁴த: ।।
வக்ஷ்யத்யேதச்ச யத்நேந லோகஸித்³தோ⁴பபத்திபி⁴: ।। 209 ।।

சதுஷ்பாந்மாநிராஸேந ஸாக்ஷாஜ்ஜ்ஞாநப²லம் தத: ।। 210 ।।
நவஸம்க்²யாஹ்ருதஜ்ஞாநோ த³ஶமோ விப்⁴ரமாத்³யதா² ।।
ந வேத்தி த³ஶமோ(அ)ஸ்மீதி வீக்ஷமாணோ(அ)பி தாந்நவ ।। 211 ।।

அபவித்³த⁴த்³வயோ(அ)ப்யேவம் தத்த்வமித்யாதி³நா விநா ।।
வேத்தி நைகலமாத்மாநம் ப்ரத்யட்³போ⁴ஹாப்ரபோ³த⁴த:।। 212 ।।

வுபு⁴த்ஸோச்சே²தி³நைவாஸ்ய ஸத³ஸீத்யாதி³நா ட்ருடா⁴ ।।
ப்ரதீசி ப்ரதிபத்தி: ஸ்யாத்ப்ரத்யக³ஜ்ஞாநபா³த⁴யா ।। 213 ।।

நி:ஶேஷகர்மஸம்ந்யாஸோ வாக்யர்த²ஜ்ஞாநஜந்மநே ।।
தஸ்யா(அ)(அ)ராது³பகாரித்வாத்ஸஹாயத்வாய கேல்ப்யதே ।। 214 ।।

த்யாக³ ஏவ ஹி ஸர்வேஷாம் மோக்ஷஸாத⁴நமுத்தமம் ।।
த்யஜதைவ ஹி தஜ்ஜ்ஞேயம் த்யக்து: ப்ரத்யக்பரம் பத³ம் ।। 215 ।।

ஶாந்தோ தா³ந்த இதி ததா² ஸர்வத்யாக³புர:ஸரம் ।।
உபாயமாத்மவிஜ்ஞாநே ஶ்ருதிரேவாப்³ரவீத்ஸ்வயம் ।। 216 ।।

ப்ரவ்ருத்திலக்ஷணோ யோகோ³ ஜ்ஞாநம் ஸம்ந்யாஸலக்ஷணம் ।।
தஸ்மாஜ்ஜ்ஞாநம் புரஸ்க்ருத்ய ஸம்ந்யஸேதி³ஹ பு³த்³தி⁴மாந் ।। 217 ।।

முக்தேஶ்ச விப்⁴யதோ தே³வா மோஹேநாபித³து⁴ர்நராந் ।।
ததஸ்தே கர்மஸூத்³யுக்தா: ப்ராவர்தந்தாவிசக்ஷணா: ।। 218 ।।

அத: ஸம்ந்யஸ்ய கர்மாணி ஸர்வாண்யாத்மாவபோ³த⁴த: ।।
ஹத்வா(அ)வித்³யாம் தி⁴யைவேயாத்தத்³விஷ்ணோ: பரமம் பத³ம் ।। 219 ।।

இதி பா⁴ல்லவிஶாகா²யாம் ஶ்ருதிவாக்யமதீ⁴யதே ।।
ஸர்வகர்மநிராஸேந தஸ்மாதா³த்மதி⁴யோ ஜநி: ।। 220 ।।

ஸத்யாந்ருதே இதி ததா² ஸர்வஸம்ந்யாஸபூர்வகம் ।।
ஆத்மநோ(அ)ந்வேஷணம் ஸாக்ஷாதா³பஸ்தம்போ³(அ)ப்³ரவீந்முநி: ।। 221 ।।

``நாவிரதோ து³ஶ்சரிதாந்நாஶாந்தோ நாஸமாஹித: ।।
நாஶாந்தமாநஸோ வா(அ)பி ப்ரஜ்ஞாநேநைநமாப்நுயாத் '' ।। 222 ।।

வேதா³நுவசநாதீ³நாம் விநியோகோ³க்தியத்நத:।।
பி⁴ந்நாதி⁴காரிதாலிங்க³ம் கர்மவிஜ்ஞாநகாண்ட³யோ: ।। 223 ।।

ஜ்ஞாநோத்பத்த்யாதி³கால்லிங்கா³த்³யதஸ்தத்³தே⁴துமாத்ரகம் ।।
க³ம்யதே ந விஶேஷோ(அ)த: கர்மைவேதி ந க³ம்யதே ।। 224 ।।

முண்டோ³(அ)பரிக்³ரஹோ(அ)ஸங்கோ³ ப³ஹிரந்த:ஶுசி: ஸதா³ ।।
ப்³ரஹ்மபூ⁴யாய ப⁴வதி பரிவ்ராடி³தி ச ஶ்ருதி: ।। 225 ।।

இத்யாதி³ஶ்ருதிவாக்யாநி ஸ்ம்ருதிபி⁴: ஸஹ கோடிஶ: ।।
ஜ்ஞாநாய வித³த⁴த்யுச்சை: ஸம்ந்யாஸம் ஸர்வகர்மணாம் ।। 226 ।।

யச்சாபா⁴ணி விநா கார்யம் நாதி⁴காரோ நிரூப்யதே ।।
தோ³ஷோ(அ)யமபி நைவ ஸ்யாஜ்ஜ்ஞாநோபாயே யதோ²தி³தே ।। 227 ।।

விதி⁴மார்கே³(அ)தி⁴காரஸ்ய பரீக்ஷா வேர்ததே யத: ।।
ப²லபூ⁴தே து விஜ்ஞாநே நாதி⁴காரோ நிரூப்யதே ।। 228 ।।

அதி⁴காரவிசாரோ ஹி ந்ருதந்த்ரே வஸ்துநீஷ்யதே ।।
வஸ்துதந்த்ரே ந யுக்தோ(அ)ஸௌ ஸ்வயம் சைவ புமர்த²த: ।। 229 ।।

அநாத்மநி ப்ரமேயே(அ)ர்தே² யா ப²லத்வேந ஸம்மதா ।।
ப்ரமேயா ஸைவ வேதா³ந்தேஷ்வநுபூ⁴திரிஹா(அ)(அ)த்மந: ।। 230 ।।

விஜ்ஞாநமாநந்த³மிதி ஹ்யாத்மைவேதி ஶ்ருதேஸ்ததா² ।।
புமர்த²ஸ்யைவ மேயத்வம் மாத்ருத்வாத்³யநபேக்ஷிண: ।। 231 ।।

தஜ்ஜ்ஞாநம் யஸ்ய ஸம்ஜாதம் ஜாதமேவாஸ்ய நாந்யதா² ।।
குக்ஷிஸ்த²ஸ்யாபி ஹி ஸதோ வாமதே³வஸ்ய தத்³யதா² ।। 232 ।।

தச்சாவித்³யாநிராஸ்யேவ வ்யாத⁴பா⁴வநயா(அ)ஞ்ஜித: ।।
ராஜஸூநோ: ஸ்ம்ருதிப்ராப்தௌ வ்யாத⁴பா⁴வோ நிவர்ததே ।। 233 ।।

யதை²வமாத்மநோ(அ)ஜ்ஞஸ்ய தத்த்வமஸ்யாதி³வாக்யத: ।।
லப்³தை⁴காத்ம்யஸ்ம்ருதேர்வ்யேதி ஸர்வா(அ)வித்³யா ஸகார்யகா ।। 234 ।।

யத ஏவமதோ நாத்ர விதி⁴: கல்ப்ய: கத²ம்சந ।।
அநர்த²க: கல்பிதோ(அ)பி தஸ்யேஹாநுபயோக³த: ।। 235 ।।

உத்பத்திராப்தி: ஸம்ஸ்காரோ விகாரஶ்ச விதே⁴: ப²லம் ।।
முக்திர்விலக்ஷணைதேப்⁴யஸ்தேநேஹாநர்த²கோ விதி⁴: ।। 236 ।।

அநந்யாயத்தஸம்ஸித்³தே⁴ர்நிரவித்³யாத்மவஸ்துந: ।।
ந க்ரியாத்வம் ப²லத்வம் வா நாபி காரகரூபதா ।। 237 ।।

அதோ(அ)த்ர வித்⁴யபா⁴வோ(அ)யம் ந கத²ம்சந தூ³ஷணம் ।।
அலம்க்ருதிரியம் ஸாத்⁴வீ வேதா³ந்தேஷு ப்ரஶஸ்யதே ।। 238 ।।

சோத³நாபி⁴ர்நியுக்தோ(அ)ஹம் ததா² ப்³ரஹ்மஹமித்யபி ।।
பரஸ்பரவிருத்³த⁴த்வாதே³கதை³கத்ர ந த்³வயம் ।। 239 ।।

ஸ்வாமீ ஸந்ந ஹி ப்⁴ருத்யேந ஸ்வாமிநேவ நியுஜ்யதே ।।
ஸம்போ³த⁴நீய ஏவாஸௌ ஸுப்தோ ராஜேவ ப³ந்தி³பி⁴: ।। 240 ।।

சோத³நாலக்ஷணத்வாதி³ த⁴ர்மம் ப்ரத்யேவ க்³ருஹ்யதாம் ।।
த⁴ர்மஸ்யைவ ப்ரதிஜ்ஞோக்தேர்ந து ப்³ரஹ்ம ப்ரதீஷ்யதே ।। 241 ।।

அதா²தோ த⁴ர்மஇத்யுக்தேஶ்சோத³நாலக்ஷணோக்தித: ।।
தத்³பூ⁴தாநாம் க்ரியார்தே²ந ஹ்யாம்நாயஸ்ய க்ரியார்த²த: ।। 242 ।।

பா⁴வார்தா²: கர்மஶப்³தா³ யே ப்ரதீயேத க்ரியா தத: ।।
இத்யேவம் நரதந்த்ரே(அ)ர்தே² ஜ்ஞேயா த்³வாத³ஶலக்ஷணீ ।। 243 ।।

வேதா³ந்தார்தா²பவாதா³ய நாலம் ஸா(அ)தத்ப்ரமாணத: ।।
மாநம் நாலம் நிராகர்தும் வஸ்து யந்மாந்தரைர்மிதம் ।। 244 ।।

ஸ்வமேயமாத்ரஶூரத்வாந்மிதேர்நாந்யத்ர மாநதா ।।
அதா²தோ ப்³ரஹ்மஜிஜ்ஞாஸா இத்யாத்³யுக்தம் நயாந்விதம் ।। 245 ।।

மீமாம்ஸாந்யாயவத்த்வாப்⁴யாம் த⁴ர்மமீமாம்ஸநோக்திவத் ।।
ஏவம் ஸத்யநுகூலார்த²ம் தத்த்வமித்யாதி³கம் வச: ।। 246 ।।

ஸர்வவேதா³ந்தவிஷயமந்யதா² தத்³விருத்⁴யதே ।। 247 ।।
ந தத்ர கரணாபேக்ஷா நேதிகர்தவ்யதா ததா² ।।

யத்ர யத்ரா(அ)(அ)த்மபா⁴வேந ஶ்ருத்யா ப்³ரஹ்மாவபோ³த்⁴யதே ।। 248 ।।
இதிகர்தவ்யதாதா³நம் கரணாதா³நமேவ ச ।।
தத்ர தத்ர விதி⁴: ஸ்தா²நே ப்ரஹிதஸ்ய ப²லேச்ச²யா ।। 249 ।।

ஆப்தாஶேஷபுமர்த²த்வாத்த்யக்தாநர்த²ஸ்ய ச ஸ்வத: ।।
அநாத்மநீவ நேச்சே²யம் கத²ம்சித்ஸ்யாதி³ஹா(அ)(அ)த்மநி ।।
தந்நிவ்ருத்தௌ நிவர்தேதே இதிகர்தவ்யஸாத⁴நே ।। 250 ।।

நிரந்தராயதோ(அ)ஶேஷபுமர்த²ஸ்யா(அ)(அ)த்மரூபத: ।।
ந சாம்ஶத்ரயஶூந்யேஹ பா⁴வநேஷ்டா பரீக்ஷகை: ।। 251 ।।

பா⁴வநாதோ ந சாந்யத்ர விதி⁴ரப்⁴யுபக³ம்யதே ।।
மோஹமாத்ராந்தராயாயாம் முக்தாவஸ்து யதோ²தி³தம் ।। 252 ।।

ஏகதே³ஶோ விகாரோ வா ஸம்ஸாரீ த்வாத்மநோ யதா³ ।।
கிம் ததா³(அ)ப்யுக்தமார்கே³ண முக்தி: கிம்வா க்ரியாஶ்ரயாத் ।। 253 ।।

நிவ்ருத்தாவேவ நி:ஶேபஸம்ஸாரஸ்ய ததா³(அ)பி து।।
ஆக³ந்தோரதி⁴கார: ஸ்யாந்ந ப்ரவ்ருத்தௌ கத²ம்சந ।। 254 ।।

ஆத்மாஜ்ஞாநநிமித்தஸ்ய ஹ்யந்யத்வாநுபபத்தித: ।।
ததா³(அ)ப்யவித்³யாவித்⁴வஸ்தாவதி⁴காரோ ந கர்மணி ।। 255 ।।

கர்தவ்யாபா⁴வதேஸ்த்வேவம் விகாரே(அ)பி ந கர்மணி ।।
காரணைகத்வஸம்பத்தே: ஸ்வத:ஸித்³த⁴த்வஹேதுத: ।। 256 ।।

ம்ருதா³பத்திர்க⁴டஸ்யேவ விகாரஸ்யா(அ)(அ)த்மநோ த்⁴ருவம் ।।
அவிகாராத்மஸம்பத்தி: ஸா ச தத்த்வாவபோ³த⁴த: ।। 257 ।।

கார்யகாரணயோர்பி⁴த்தௌ கார்யகாரணதா குத:।।
அபி⁴த்தௌ ச தயோரைக்யாத்கார்யகாரணதா குத: ।। 258 ।।

விஜ்ஞாநாத்மவிகாரஸ்ய காரணைக்யம் விமுக்ததா ।। 259 ।।
ஸ்வதஸ்தஸ்ய ச ஸம்ஸித்³தே⁴: கார்யதா நோபபத்³யதே ।।
கர்மாநோ(அ)நர்த²கம் முக்தாவேகதே³ஶவிகாரயோ: ।। 260 ।।

அப்யநர்தா²ய கர்ம ஸ்யாத்க்ரியமாணம் ந முக்தயே ।।
ப்ரதிகூலம் விமுக்தேஶ்சம் க்ரியமாணமஸம்ஶயம் ।।
கர்மா(அ)(அ)ரபே⁴த தேநைதந்முக்தௌ கர்ம நிரர்த²கம் ।। 261 ।।

விகாரோ(அ)த்யாந்தேநிர்பி⁴ந்நோ யதா³ து ஸ்யாத்³விகாரிண: ।।
ததா³(அ)பி விக்ருதேர்நாஶோ முக்திரித்யபி⁴தீ⁴யதே ।। 262 ।।

அத்ராப்யநர்த²கம் கர்ம தத்ப²லாஸம்ப⁴வத்வத: ।।
கர்மேண ஜ்ஞாநமப்யத்ர ப²லாபா⁴வாத³நர்த²கம் ।। 263 ।।

நைவாவித்³யாக்ருதைவாஸௌ வாஸ்தவீ யதி³ ஸம்ஸ்ருதி: ।।
ஸ்வரூபநாஶதோ³ஷ: ஸ்யாதே³கதே³ஶே(அ)பி பூர்வவத் ।। 264 ।।

யதா³ த்வவித்³யயா(அ)த்⁴யஸ்தம் ஸம்ஸாரித்வம் ந வஸ்துத: ।। 265 ।।
விகாரே(அ)வயவே சைவ ததா³ பூர்வோக்த ஏவ து ।।
பக்ஷோ நிர்வஹணீய: ஸ்யாத³ஸ்மாபி⁴ரபி ஸம்மத: ।। 266 ।।

ஸர்வவாதா³விரோதீ⁴ ச நாதோ விதி⁴ரிஹேஷ்யதே ।।
ததா³ ஹி கல்பநா: ஸர்வா விகாராவயவாதி³கா: ।।
த்ருதை²வேமா ஹ்யவித்³யைவ ஸர்வா: ஸம்பாத³யிஷ்யதி ।। 267 ।।

பூர்ணம் நி:ஶ்ரேயஸம் தஸ்மாத்தத³பூர்ணமவித்³யயா ।। 268 ।।
ஆபா⁴ஸதே ம்ருஷைவாதோ யதா²பூ⁴தாத்மவித்³யயா ।।
ப்ரத்⁴வஸ்தாயாமவித்³யாயாம் பூர்ணமேவாவஶிப்யதே ।। 269 ।।

அநர்த²கோ விதி⁴ஸ்தஸ்மாத்ஸர்வோ நி:ஶ்ரேயஸம் ப்ரதி ।।
இத்யேதந்ந்யாயத: ஸித்³த⁴ம் யத்து ப்ராக்சோதி³தம் த்வயா ।।
ஆம்நாயஸ்ய க்ரியார்த²த்வாதி³த்யத்ராப்யபி⁴தீ⁴யதே ।। 270 ।।

தத்ரா(அ)(அ)ம்நாயாபி⁴தா⁴நஸ்ய ஹ்யாம்நாயாம்ஶாபி⁴தா⁴நத: ।।
வித்⁴யுக்தீநாம் க்ரியார்த²த்வம் ஸித்³த⁴ம் ஹேதுதயோச்யதே ।। 271 ।।

க்ரியாப்ரகரணஸ்தா²நாம் விதி⁴ஶேஷாத்மநாம் ஸதாம் ।।
வசஸாமக்ரியார்தா²நாமாநர்த²க்யாய தத்³வச: ।। 272 ।।

ந தூபநிஷதா³ம் ந்யாப்யம் பார்த²நர்த்²யஸ்ய ஸம்ப⁴வாத் ।।
பூர்வோக்தேநைவ ந்யாயேந நாதஸ்தத்³விதி⁴ஶேஷதா ।। 273 ।।

விதி⁴நா த்வேகவாக்யத்வாதி³தி யச்சாபி சோதி³தம் ।।
தேஷாமேவ தத³ப்யஸ்து ததா³நர்த²க்யசோத³நாத் ।। 274 ।।

ந து வேதா³ந்தவசஸாம் த்³ருஷ்டார்த²த்வேந ஹேதுநா ।।
தத்³பு³த்³தே⁴: ப்ருத²க³ர்த²த்வமுக்தமேவாதிவிஸ்தராத் ।। 275 ।।

அந்யார்தா²நுபபத்தேஶ்ச வேதா³ந்தவசஸாம் ததா² ।।
அர்தை²கத்வக³தௌ ஸத்யாம் வாக்யபே⁴த³ப்ரகல்பநா ।।
ந ந்யாய்யா ஸேதி த்³ருஷ்டத்வாத்³தே³வஸ்ய த்வாதி³வாக்யவத் ।। 276 ।।

ததை²வ ப்ருத²க³ர்த²த்வக³தௌ பி⁴ந்நவசஸ்த்வத: ।।
இஷே த்வாதி³ஷு த்³ருஷ்டத்வாந்ந ந்யாய்யைகார்த²கல்பநா ।। 277 ।।

ஜ்ஞாநகாண்டா³ர்த²ஶேஷத்வம் கர்மகண்ட³ஸ்ய யத்புந: ।।
விநியோஜகஹேத்வேதத்தயோர்வாக்யைகவாக்யத: ।। 278 ।।

ந்யாயேந வக்ஷ்யமாணேந பூ⁴யோ(அ)ப்யேதத்ப்ரவக்ஷ்யதே ।। 279 ।।
பார்த²க³ர்த்²யமத: ஸித்³த⁴மபாஸ்தவிதி⁴லக்ஷணம் ।।
ஸர்வோபநிஷதா³ம் சா(அ)(அ)த்மஜ்ஞாநம் கைவல்யஸாத⁴நம் ।। 280 ।।

நி:ஶேஷவாங்ப⁴ந:காயப்ரவ்ருத்த்யுபரமாத்மிகா ।।
தந்நிஷ்டா² சேஹ விஜ்ஞேயா யதோ²க்தந்யாயவர்த்மநா ।। 281 ।।

அதி⁴காரோ(அ)பி தஸ்யாம் ச ஸித்³தோ⁴(அ)ஶேஷக்ரியாத்யஜ:।।
ஜிஜ்ஞாஸோரேவ, கர்துஸ்து ந ஸிஷாத⁴யிஷோ: ஸதா³ ।। 282 ।।

ப்³ரஹ்மாத்மதத்த்வவ்யுத்பத்திமாத்ரேணாப்யதி⁴காரிதா ।।
ப⁴வத்யேவாத்ர ஜிஜ்ஞாஸோரஜ்ஞஸ்யாபி முமுக்ஷுத: ।। 283 ।।

மைவம் ப்ரக்ரமஸம்ஹாரபர்யாலோசநயா புரா ।।
வேத³ஸ்யைகார்த்²யதாத்பர்யமேகவாக்யதயோதி³தம் ।। 284 ।।

தேந நி:ஶேஷவேதோ³க்தகாரிணோ(அ)த்ராதி⁴காரிதா ।।
ஸித்³தே⁴ ஹ்யநேகவாக்யத்வே கல்ப்யா பி⁴ந்நாதி⁴காரிதா ।। 285 ।।

மைவம் பி⁴ந்நைகவாக்யத்வே ப்ராக³ஸ்மாபி⁴: ஸமர்தி²தே ।।
ததஶ்ச ப⁴வது³க்தஸ்ய சோத்³யஸ்யேஹ ந ஸம்ப⁴வ:।। 286 ।।

நாபி நி:ஶேஷவேதா³ர்த²மநுஷ்டா²தும் க்ஷமோ நர: ।।
புமாயுஷா(அ)பி யேந ஸ்யாதா³த்மஜ்ஞாநே(அ)தி⁴காரிதா ।। 287 ।।

ஸம்பதா³ம் சார்த²வாத³த்வம் தேந வேதா³ந்தகோ³சரே ।।
ஜ்ஞாநே(அ)தி⁴காரிணோ(அ)பா⁴வாத்ப்ராமாண்யம் க்ஷிப்யதே ஸ்வத: ।। 288 ।।

கிம்ச மாநாத³விஜ்ஞாதா விமுக்தி: காம்யதே ந ச ।।
ஜ்ஞாதாயாம் ஸ்வாத்மரூபத்வாத்ஸுதராம் நாஸ்தி காமநா ।। 289 ।।

ந யுக்தம் காமநா முக்தௌ பும்ஸாம் நாஸ்தீதி பா⁴ஷிதும் ।।
தே³ஶகாலாநவச்சி²ந்நஸுகா²த்³யர்தி²த்வத³ர்ஶநாத் ।। 290 ।।

கிம்ச ஜ்ஞாநமத்³ருஷ்டார்த²மக்³நிஹோத்ராதி³வத்³யதி³ ।।
ததோ(அ)தி⁴காரிசிந்தா ஸ்யாத்க்ருதே(அ)ப்யப²லஶங்க்யா ।। 291 ।।

காமிநா(அ)ப்யக்³நிஹோத்ராதி³ ஶூத்³ரேணாநதி⁴காரிணா ।।
க்ருதமப்யப²லம் தேந யத்நாத்தத்ர நிரூப்யதே ।। 292 ।।

அவித்³யாக⁴ஸ்மரஜ்ஞாநஜந்மமாத்ராவலம்பி³ந:।।
புமர்த²ஸ்யாதி⁴கம் ஶாஸ்த்ராத்கிம்சித³த்ர து நார்த்²யதே ।। 293 ।।

குதஸ்தஜ்ஜ்ஞாநமிதி சேத்தத்³தி⁴ ப³ந்த⁴பரிக்ஷயாத் ।।
அஸாவபி ச பூ⁴தோ வா பா⁴வீ வா வர்ததே(அ)த²வா ।। 294 ।।

அதீ⁴தவேத³வேதா³ர்தோ²(அ)ப்யத ஏவ ந முச்யதே ।।
ஹிரண்யநிதி⁴த்³ருஷ்டாந்தாதி³த³மேவ ச த³ர்ஶிதம் ।। 295 ।।

பி⁴த்³யதே ஹ்ருத³யக்³ரந்தி²த்³ரிச²த்³யந்தே ஸர்வஸம்ஶயா:।।
க்ஷீயந்தே சாஸ்ய கர்மணி தஸ்மிந்த்³ருஷ்டே பராவரே ।। 296 ।।

இத்யாதி³நா(அ)பி விஜ்ஞாநம் நாத்³ருஷ்டார்த²மிதீரிதம் ।।
ததா² ஸ ப்³ரஹ்மண: கேந ஸ்யாத்³யேநேதி ப்ரத³ர்ஶிதம் ।। 297 ।।

ஆத்யாந்திகஸுரவாநர்த²ப்ராப்திவிச்சே²காங்க்ஷிண: ।।
ப்ரீத்யுத்கர்ஷோ(அ)பி லோகே(அ)ஸ்மிந்த்³ருஷ்டா: ஸ கிம் ந காம்யதே ।। 298 ।।

த்³ருஷ்டாத்³ருஷ்டார்த²ஸம்வந்தி⁴ப்ரீத்யுத்கர்ஷாவிஶேஷத:।।
நா(அ)(அ)நந்தா³த³ந்யதோ முக்²யாத்பண்டி³த: பர்யவஸ்யதி ।। 299 ।।

கிம்து ஸாத⁴நஸாத்⁴யத்வாத³நித்யம் கர்மஜம் ஸுக²ம் ।।
அபி⁴வ்யஞ்ஜகதத்ரஸ்து மோக்ஷஸ்தேநாக்ஷயோ மத: ।। 300 ।।

ஸம்ஸ்காரமாத்ரகாரித்வம் ஸர்வேஷாமபி கர்மணாம் ।।
ஜ்ஞாநகாண்டே³ ப்ரவேஶோ வா தேஷாம் நார்தா²ந்தரம் தத: ।। 301 ।।

ஏவமத்ரைகவாக்யத்வம் நாநுஷ்டே²யஸமாப்தித: ।। 302 ।।
அஸாரப²லஸம்ப்ராப்தி: புமர்தோ² நேஷ்யதே யத:।।
த்ருஷ்ணயா ஸாத⁴யந்ப்ரீதிம் ந ப்ரீதிலவமிச்ச²தி ।। 303 ।।

ப்ரீதே: ஶ்ருத: ப்ரகர்ஷோ(அ)பி ஸ்வர்க³ஸ்வாராஜ்யபே⁴த³த: ।।
நாபி ப்ரீதேரியத்தாயா: ஸ்வர்க³ஶப்³தோ³(அ)ஸ்தி வாசக: ।। 304 ।।

ந சாஜாநந்ஸ்வஸாத்⁴யார்த²ம் வித்³வாந்கஶ்சித்ப்ரவர்ததே ।।
ப்ரீதிர்யா காசிதி³ஷ்டா சேத்ஸ்வர்க³ஶப்³தே³ந ப⁴ண்யதே ।। 305 ।।

சித்ராக்³நிஷ்டோமயாகா³தே³: பஶ்வாதி³ப²லஸம்கர: ।।
விஶேஷோ வாஞ்சி²தஶ்சேத்ஸ்யாத்புத்ரபஶ்வாத்³யுபாதி⁴த: ।। 306 ।।

ந தாவத்ஸம்ப⁴வேத்ஸ்வர்கோ³ ஜ்ஞாதோபாதி⁴வியோக³த: ।।
முக்தௌ காம்யப²லே(அ)பீ⁴ஷ்டே ஸக்ருத்கரண ஏவ ச ।।
அநவச்சி²ந்நரூபாயா: ப்ரீதேராப்தௌ க்ருதார்த²தா ।। 307 ।।

ப்லவா ஹ்யேதே பரீக்ஷ்யேதி ததா² தத்³ய இஹேதி ச ।।
கர்மப்⁴யோ நிர்வ்ருதிர்நாஸ்தீத்யாதி³வாக்யை: ப்ரத³ர்ஶிதம் ।। 308 ।।

ப்ரத்யக்ஷஶ்ருதிவித்⁴யந்தவிஹிதாநாமகாரணாத் ।।
த்யாகோ³(அ)திஸாஹஸம் மந்யே நநு யாகா³தி³கர்மணாம் ।। 309 ।।

ப்ரத்யக்ஷோபநிஷத்³வாக்யவிஹிதாயாஸ்ததோ(அ)பி து ।।
ஐகாத்ம்யஜ்ஞாநநிஷ்டா²யாஸ்த்யாகோ³(அ)தீவ ஹி ஸாஹஸம் ।। 310 ।।

விசார்யமாணே யத்நேந த்வதி⁴காரே யதா²ஶ்ருதி ।। 311 ।।
ந கிம்சித்ஸாஹஸம் த்வத்ர ப்ரத்யக்ஷஶ்ருதிவாக்யத: ।।
அதி⁴காரவிபா⁴க³ஸ்ய ப்ரஸித்³தே⁴ரேவ காரணாத் ।। 312 ।।

தஸ்மாத்ஸித்³தோ⁴(அ)தி⁴காரோ(அ)த்ர ப்³ரஹ்மரூபம் விவிக்ஷிதாம் ।।
தஸ்யாஸ்ய கர்மகாண்டே³ந ஸம்ப³ந்த⁴ இதி பா⁴ஷ்யக்ருத் ।।
ப்ரதிஜ்ஞாயாபி ஸம்ப³ந்த⁴ம் கஸ்மாத்தந்நோக்தவாந்ஸ்பு²டம் ।। 313 ।।

அபி⁴தீ⁴யத இத்யாதி³வசஸா(அ)பி ஸ நோச்யதே ।।
ஸித்³தே⁴ வஸ்துநி வேத³ஸ்ய மாநத்வம் தேந ப⁴ண்யதே ।।। 314 ।।

வேதா³ந்தோக்தே: ப்ரமாணத்வே ஸதி ஸம்ப³ந்த⁴ உச்யதே ।।
ப்ராமாண்யாயைவ தேநா(அ)(அ)தௌ³ ஸர்வோ(அ)பீத்யாதி³ ப⁴ண்யதே ।। 315 ।।

ஆக்ஷிப்யதே வா ஸம்ப³ந்த⁴: ஸம்வந்தோ⁴ நாபி⁴தீ⁴யதே ।।
ஸப்தம்யந்தபத³ச்சே²தா³த்கத²ம் சேதி³தி ப⁴ண்யதே ।। 316 ।।

பி⁴ந்நார்த²யோர்ந ஸம்ப³ந்தோ⁴ ஹ்யந்யோந்யார்தா²நபேக்ஷத: ।।
ஐகார்த்²யே சைகவாக்யத்வாத்கர்மவிஜ்ஞாநகாண்ட³யோ: ।। 317 ।।

ததா² தயோரமாநத்வே ஸம்ப³ந்தோ⁴க்திர்ந யுஜ்யதே ।।
த்³வயோரேகஸ்ய வா மாத்வே ந ஸம்ப³ந்தா⁴தி³ ஶஸ்யதே ।। 318 ।।

ஶ்ருத்யைவ தஸ்ய சோக்தத்வாத்தமேதமிதி யத்நத:।।
இதி சேதஸி ஸம்தா⁴ய ஸம்ப³ந்த⁴ம் நோக்தவாந்கு³ரு: ।। 319 ।।

ப்ரஸாத்⁴ய வா ப்ரமாணத்வம் வேதா³ந்தாநாம் ப்ரயத்நத: ।।
ஸம்ப³ந்த⁴ம் கர்மகாண்டே³ந பஶ்சாத்ஸம்யக்ப்ரவக்ஷ்யதே ।। 320 ।।

வேதா³நுவசநாதீ³நாமைகாத்ம்யஜ்ஞாநஜந்மநே ।।
தமேதமிதி வாக்யேந நித்யாநாம் வக்ஷ்யதே விதி⁴:।। 321 ।।

யத்³வா விவிதி³பார்த²த்வம் ஸர்வேபாமபி கர்மணாம் ।।
தமேதமிதி। வாக்யேந ஸம்யோக³ஸ்ய ப்ருத²க்த்வத: ।। 322 ।।

லோகத: ஸித்³த⁴மாதா³ய பஶுவ்ரீஹ்யாதி³ஸாத⁴நம் ।।
இத³ம் கார்யமித³ம் நேதி கர்மகாண்ட³ஶ்ருதேர்க³தி: ।। 323 ।।

மாநாந்தரேண ஸம்ப்ராப்தாம் ஸாத்⁴யஸாத⁴நஸம்க³திம் ।।
கர்மஶாஸ்ரம் வ்யநக்தீதி ந து வஸ்த்வவபோ³த⁴க்ருத் ।। 324 ।।

வேதோ³ ஹி ஸர்வ ஏவாயமைகாத்ம்யஜ்ஞாநஸித்³த⁴யே ।।
அதோ நாந்யாோ(அ)பி⁴ஸம்ப³ந்த⁴: கர்மவிஜ்ஞாநகாண்ட³யோ: ।। 325 ।।

நித்யநைமித்திகாநீஹ கர்த்ருஸம்ஸ்காரதோ யத:।।
நாந்யத்ர பர்யவஸ்யந்தி ஜ்ஞாநாதை³காத்ம்யகோ³சராத் ।। 326 ।।

``ப்லவாம் ஹ்யேதே'' ``பரீக்ஷ்யேதி'' ததா² ``தத்³ய இஹேதி'' ச ।।
நிந்தா³ஶ்ருதேர்ந காம்யாநாம் கார்யதா(அ)த்⁴யவஸீயதே ।। 327 ।।

விதி⁴நிந்தா³ஸமாவேஶோ நைவமப்யுபபத்³யதே ।।
ப²லாபி⁴ஸம்தி⁴மாத்ரே து நிந்தா³யாமேவ யுஜ்யதே ।। 328 ।।

உபாஸநம் ச யத்கிம்சித்³வித்³யாப்ரகரணே ஶ்ருதம் ।।
தத³ப்யைகாத்ம்யவிஜ்ஞாநயோக்³யத்வாயைவ கல்ப்யதே ।। 329 ।।

விமுச்யமாந இத்யுக்தேரர்சிராத்³யுக்திதஸ்ததா² ।।
ஸ்வார்த²மாத்ராவஸாயித்வம் நோபாஸ்தீநாம் ப்ரதீயதே ।। 330 ।।

இத்யேவமபி⁴ஸம்ப³ந்த⁴: கர்மகாண்ட³ஸ்ய யுஜ்யதே ।।
இதோ(அ)ந்யதா²(அ)பி⁴ஸம்ப³ந்தே⁴ ந கிம்சிந்மாநமீக்ஷ்யதே ।। 331 ।।

ந சோத்³கீ³தா²தி³விஷயஜ்ஞாநவத்கர்மஸம்க³தி: ।।
ஐகாத்ம்யபு³த்³தே⁴ஸ்தத்³வுத்³தி⁴த்³வாரம் நைவ நிரீக்ஷ்யதே ।। 332 ।।

ஶ்ருத்யா நைகாத்ம்யவிஜ்ஞாநம் விநியுக்தம் ஶ்ருதௌ க்கசித் ।।
உபஸ்தா²நம் யதை²ந்த்³ர்யா ஸ்யாந்நாபி லிங்கே³ந ஸம்க³தி: ।।
ப³ர்ஹிர்தே³வஸத³நம் தா³மீத்யாதௌ³ ச யதா² ததா² ।।। 333 ।।

ந சாபி வாக்யாத்³விஜ்ஞாநம் கர்த்ருத்³வாரேண க³ச்ச²தி ।।
கர்மண்யப்ரக்ரியாஸ்த²ம் ஸஜ்ஜுஹூபர்ணமயீத்வவத் ।। 334 ।।

டு³ஹ்வாத்³யாக்ருதிஸம்பத்திவ்யபேக்ஷாபூரணக்ஷமம் ।।
விஶேத்பர்ணமயீத்வாதி³ ப்ரக்ருத்யுபநயாத்க்ரதும் ।। 335 ।।

கர்மாபேக்ஷிதகர்த்ராதி³ரூபவித்⁴வம்ஸக்ருந்ந து ।।
ஐகாத்ம்யஜ்ஞாநமந்வேதி ஸ்வாதந் த்ர்யே(அ)ப்யர்த²த்த்வத: ।। 336 ।।

ஜுஹ்வாத்³யவ்யபி⁴சாரித்வாத்ப்ரத்யுபஸ்தா²பயேத்க்ரதும் ।।
கர்தா(அ)ந்யத்ராபி ஸத்³பா⁴வாந்நா(அ)(அ)க்ஷேப்தா வ்யபி⁴சாரத: ।। 337 ।।

அऩாரப்⁴யோக்திதஶ்சாபி நேஹ ப்ரகரணக்³ரஹ: ।। 338 ।।
ஸித்³தே⁴ ஸாமாந்யதோ லிங்கா³த்ஸம்ப³ந்தே⁴ கர்மபி⁴ஸ்தத: ।।
விஶேஷாவக³திர்நாம்ந: க்ரமாச்சேதி வ்யவஸ்தி²தம் ।। 339 ।।

இஹ த்வைகாத்ம்யதீ⁴யோக³: காம்யயாஜ்யேஷ்டிவந்ந ஹி ।।
தஸ்மாத்கர்மாபி⁴ஸம்வந்தோ⁴ நைவைகாத்ம்யதி⁴யோ(அ)மிதே: ।। 340 ।।

ந சாப்யஸ்யார்த²வாத³த்வம் விதி⁴நா வாக்யபே⁴த³த: ।।
த்³ருஷ்டார்த²த்வாச்ச தத்³வுத்³தே⁴: பாடா²ந்நாத்³ருஷ்டகல்பநா ।। 341 ।।

தமேதமிதி வாக்யாத்து யாகா³தே³: ப்ரத்யுதாங்க³தா ।। 342 ।।
அந்யே த்வாஹுர்ந ஶக்நோதி காமஸம்தூ³ஷிதாஶய: ।।
த்³ரஷ்டும் தத்பரமத்³வைதம் ஸர்வகாமாஸமாப்தித: ।। 343 ।।

த்³வைதைகத்வமதீஹாபி⁴: ஸூத்ராந்தம் ப²லமாப்யநா ।।
ப்ராஜாபத்யம் பத³ம் பு⁴க்த்வா ததை³காத்ம்யம் ப்ரபத்³யதே ।। 344 ।।

நைவம், ந காமஸம்ப்ரப்த்யா தந்நாஶோ(அ)ப்³த³ஶதைரபி ।।
தத்ஸேவாதோ(அ)திவ்ருத்³தி⁴: ஸ்யாந்நிவ்ருத்திர்தோ³ஷத³ர்ஶநாத் ।। 345 ।।

ந ஜாது காம: காமாநாமுபபோ⁴கே³ந ஶாம்யதி ।।
ஹவிஷா க்ருஷ்ணவர்த்மேவ பூ⁴ய ஏவாபி⁴வர்த⁴தே ।। 346 ।।

நிவர்தேதாபி காமேப்⁴யஸ்தது³பாயாப்ரஸித்³தி⁴த:।।
ஸர்வக்லேஶோபஶாந்த்யாத்மஜ்ஞாநம் சாபி ஸமாஶ்ரயேத் ।। 347 ।।

அதா²(அ)(அ)நந்த³: ஶ்ருத: ஸாக்ஷாந்மாநேநாவிஷயீக்ருத:।।
த்³ருஷ்டாநந்தா³பி⁴லாஷம் ஸ ந மந்தீ³கர்துமப்யலம் ।। 348 ।।

காமப்ரவிலயாயாதஸ்தத்³விபக்ஷார்த²பா⁴வநம் ।।
வித⁴யஸ்தத்க்ரியாணாம் ஸ்யுஸ்தத்³விபர்யயஹேதவ: ।। 349 ।।

த்³வாரம் ந நியதம் முக்தே: ப்ராஜாபத்யம் பத³ம் ப⁴வேத் ।।
நஹ்யுபாதி⁴ஷு தத்த்வஸ்ய விஶேஷ: கஶ்சிதீ³க்ஷ்யதே ।। 350 ।।

நா(அ)(அ)காஶஸ்ய விஶேஷோ(அ)ஸ்தி கும்ப⁴த்³ரோண்யாத்³யுபாதி⁴ஷு।।
தூ³ராந்திகாதி³பி⁴ந்நேஷு கல்பிதாகல்பிதேஷ்வபி ।। 351 ।।

ஸத்தத்த்வாபேக்ஷயா(அ)பே⁴தோ³ பா⁴வாநாம் நாப்⁴யுபேயதே ।।
ஸ்வபா⁴வஹாநாத³ந்யோந்யம் விஶேஷோ பா³ஹ்ய ஏவ ஸ: ।। 352 ।।

கார்யகாரணபக்ஷே(அ)பி கார்யம் நாந்யத்ர காரணாத் ।।
ந ச தத்த்வே விஶேஷோ(அ)ஸ்தி கடகாதீ³வ ஹேமநி ।। 353 ।।

அத: ப்ரஜாபதௌ தத்த்வம் க்ருமௌ வா ந விஶிஷ்யதே ।।
தர்காதா³க³மதஶ்சாபி தத்³யோ ய இதி ஹீத்³ருஶாத் ।। 354 ।।

யதா³ ஸர்வே ப்ரமுச்யந்தே காமா யே(அ)ஸ்ய ஹ்ருதி³ ஶ்ரிதா: ।।
அத² மர்த்யோ(அ)ம்ருதோ ப⁴வத்யத்ர ப்³ரஹ்ம ஸமஶ்நுதே ।। 355 ।।

ஏகோ தே³வ: ஸர்வபூ⁴தேஷு கூ³ட⁴: ஸர்வவ்யாபீ ஸர்வபூ⁴தாந்தராத்மா ।।
கர்மாத்⁴யக்ஷ: ஸர்வபூ⁴தாதி⁴வாஸ: ஸாக்ஷீ சேதா கேவலோ நிர்கு³ணஶ்ச ।। 356 ।।

விஜ்ஞாநகர்மணோஸ்ரேதா⁴ யது⁴ச்யேத ஸமுச்சய: ।।
பூர்வோக்தைகாத்ம்யதாத்பர்யாத்³வேத³ஸ்யாஸௌ ந யுஜ்யதே ।। 357 ।।

ஏகவாக்யாவஶீபா⁴வாத்ஸாத்⁴யைக்யாயோக³தஸ்ததா² ।।
ஸமுச்சய: குதோ த்³ரவ்யகு³ணவஜ்ஜ்ஞாநகர்மணோ: ।। 358 ।।

பே⁴தா³பே⁴தா³ஶ்ரயத்வேந ஹ்யைகாத்ம்யஜ்ஞாநகர்மணோ: ।।
பரஸ்பரோபகாரித்வஹாநாத்கீத்³ருக்ஸமுச்சய: ।। 359 ।।

தே³வதாத்³ரவ்யயாதா²த்ம்யஜ்ஞாநம் கர்மாங்க³தாம் க³தம் ।।
தாவதே³வ ஹி தத்கர்ம நாஜ்ஞாதத்³ரவ்யதை³வதம் ।। 360 ।।

தத்³விஶேஷே(அ)ங்க³பூ⁴யஸ்த்வாத்ப²லபூ⁴யஸ்த்வமித்யத: ।।
ஸமுச்சயோ ந தஸ்ய ஸ்யாந்நாங்கே³நாங்கி³ஸமுச்சய: ।। 361 ।।

யச்சாப்யைகாத்ம்யவிஜ்ஞாநம் தத³ஜ்ஞாநைகக⁴ஸ்மரம் ।।
தஸ்மிந்ஸதி குத: கர்ம கா வா(அ)பேக்ஷா(அ)ஸ்ய கோ³சரே ।। 362 ।।

ப்³ராஹ்மணத்வாதி³விஜ்ஞாநமக்³நிஹோத்ராதி³கர்மணாம் ।।
யத்³ருஷ்டம் ஸாத்⁴யஸித்³த்⁴யை து கர்மாநுுகு³ணமேவ தத் ।। 363 ।।

ஐகாத்ம்யவஸ்துயாதா²த்ம்யபோ³தே⁴ ஜாத்யதி³வாத⁴நாத் ।।
ந கேவலம் க்ரியா ந ஸ்யாத்கர்மணாம் ப்ரத்யுதாக்ரியா ।। 364 ।।

அயதா²வஸ்துஸர்பாதி³ஜ்ஞாநம் ஹேது: பலாயநே ।।
ரஜ்ஜுஜ்ஞாநே(அ)ஹிதீ⁴த்⁴வஸ்தௌ க்ருதம்யநுஶோசதி ।। 365 ।।

ந கர்மவ்யாப்ருதிர்முக்தாவாப்த்யாதீ³நாமபா⁴வத: ।।
ந ச ஶ்ருத்யாத³யஸ்தத்ர தேந ஸ்யாந்ந ஸமுச்சய: ।। 366 ।।

அந்தரங்க³ம் ஹி விஜ்ஞாநம் ப்ரத்யங்பா⁴த்ரைகஸம்ஶ்ரயாத் ।।
ப³ஹிரங்க³ம் து கர்ம ஸ்யாத்³வாஹ்யத்³ரவ்யாஶ்ரயத்வத: ।। 367 ।।

ஸத்யந்தரங்கே³ விஜ்ஞாநே ப³ஹிரங்க³ம் ந ஸித்⁴யதி ।।
ஸம்ஸ்காரகம் து கர்ம ஸ்யாஜ்ஜ்ஞாநாத்த்வஜ்ஞாநநிஹநுதி: ।। 368 ।।

யதா²வஸ்த்வாத்மவிஜ்ஞாநம், மோஹமாத்ராஶ்ரயா: க்ரியா:।।
ஸம்யக்³ஜ்ஞாநே குத: கர்ம கர்மஹேதூபமர்த³நாத் ।। 369 ।।

நித்யப்ராப்தம் த விஜ்ஞாநம் ப்ரதீச: ஸம்நிதே⁴: ஸதா³ ।।
கர்மாநித்யம் ப்ருத²க்³ரபம் நித்யம் சாநித்யபா³த⁴கம் ।। 370 ।।

க்ஷயீ கர்மார்ஜிதோ லோக:, ஸ்வராட³ப்³ரஹ்மாவபோ³த⁴த: ।।
லப்³தே⁴ த்ரைலோக்யராஜ்யே நா பி⁴க்ஷாமாத்³ரியதே து க: ।। 371 ।।

பி⁴ந்நப்ரகரணம் ஜ்ஞாநம் காங்க்ஷிதம் ந ச கர்மணா ।।
விரோதா⁴ச்ச ஸ்வதந்த்ரம் தத்³கு³ணபூ⁴தம் ந கஸ்யசித் ।। 372 ।।

யதோ வஸ்த்வநுரோத்⁴யேதந்ந ஜ்ஞாத்ருவஶவர்த்யத: ।।
அஜ்ஞாநோச்சி²த்தயே ஜ்ஞாநம் ஸ்வதந்த்ரம் தேந ப⁴ண்யதே ।। 373 ।।

அநாவ்ருத்திஶ்ச கர்மப்⁴யோ ந க்வசிச்ச்²ரூயதே ஸ்பு²டம் ।।
ஜ்ஞாநாதே³வ த்வநாவ்ருத்தி: ஶ்ரூயதே ப³ஹுஶ: ஶ்ருதோ ।। 374 ।।

ஏகரூபம் ச விஜ்ஞாநமேகரூபாத்மமேயத: ।।
பி⁴ந்நரூபாணி கர்மாணி ப³ஹுகாரகஸம்ஶ்ரயாத் ।। 375 ।।

ஏகரூபஸ்ய மோக்ஷஸ்ய பி⁴ந்நரூபம் ந ஸாத⁴நம் ।।
ஏகரூபஸ்ய மோக்ஷஸ்ய ஹ்யே கரூபம் ஹி ஸாத⁴நம் ।। 376 ।।

தஸ்மாத்கர்மப²லம் நாநா நாநாகர்மஸமுத்³ப⁴வம் ।।
தே³வமாநுஷதிர்யக்ஷு கர்து: ஶாஸ்த்ரைர்நித³ர்ஶிதம் ।। 377 ।।

அந்யே து மந்வதே கேசித்³க³ம்பீ⁴ரந்யாயவாதி³ந: ।।
பே⁴த³ஸ்ய விலயோ வேதே³ க³ம்யதே கஸ்யசித்கசித் ।। 378 ।।

தே³ஹாத்மபா⁴வவிலய: ஸ்வர்க³காமபதே³ யதா² ।।
தே³ஹாத்³பி⁴ந்நோ(அ)தி⁴கார்யத்ர ஸ்வர்க³போ⁴க்³யவக³ம்யதே ।। 379 ।।

கோ³தோ³ஹநேநேத்யத்ராபி விலயோ(அ)ந்யாதி⁴காரிண: ।।
அதி⁴க்ருதாதி⁴காரித்வாந்நாந்யோ(அ)தி⁴க்ரியதே யத:।। 380 ।।

ராகா³த்³யுத்த²ப்ரவ்ருத்தீநாம் நிஷேதே⁴ஷு லயோ(அ)ஞ்ஜஸா ।।
விதி⁴ஷ்வபி லயஸ்தாஸாம் கார்யாந்தரநியோக³த: ।। 381 ।।

லோகே(அ)பி சாநபி⁴ப்ரேதாத்பத²: ஸாக்ஷாந்நிவாரணம் ।।
மார்கா³ந்தரோபதே³ஶாத்³வா வேதே³(அ)ப்யேவம் ப்ரதீயதாம் ।। 382 ।।

ஏவம் ராகா³தி³ஹேதூத்த²ப்ரவ்ருத்திலயவர்த்மநா ।।
ஆத்மஜ்ஞாநாதி⁴காரார்தா² நி:ஶேஷா வித⁴ய: ஸ்தி²தா: ।। 383 ।।

நைததே³வம் யதோ(அ)ஶேஷா ந கர்மவித⁴ய: ஶ்ருதௌ ।।
ஸ்வவாக்யாவக³தாத்கார்யாத³பேக்ஷந்தே ப²லநந்தரம் ।। 384 ।।

வேதே³(அ)நுஷ்டா²நதாத்பர்யாந்ந லயோ க³ம்யதே க்வசித் ।।
ப²லஶ்ருதேரபா⁴வோ ஹி ஸாத்⁴ய: ஸ்யாத³ப²ல: கத²ம் ।। 385 ।।

வஸ்துநோ(அ)வக³திர்நாபி லயாத்³ப⁴வதி குத்ரசித் ।।
அபா⁴வே(அ)ப்யுபபந்நத்வாத்ஸுஷுப்தே சாப்யநீக்ஷணாத் ।। 386 ।।

ஸ்வாபா⁴விக: ப்ரபஞ்சஶ்சேத்ஸ நிரோத்³து⁴ம்ம் ந ஶக்யதே ।।
கார்யஶ்சேத்காரணோச்சே²தே³ கார்யோச்சே²த³: ஸ்வதோ ந ஹி ।। 387 ।।

க்ருதஸ்ரப்ரபஞ்சவிலய: கர்தும் ஶக்யோ ந கேநசித் ।।
ஸ்வேந்த்³ரியாதி³லய: ஸ்வாபே ஸ்வத ஏவ ந ஶாஸ்ரத: ।। 388 ।।

உத்தி²தஸ்ய புநர்பா⁴வாத³நுச்சே²தோ³(அ)த² ஶங்க்யதே ।।
ஆயாதஸ்திர்ஹ்யநாஶ்வாஸஸ்த்வத³ப்⁴யுபக³தாவபி ।। 389 ।।

ப்ரபஞ்சநாஶ்நேநாத² நாஶ்யதே பே⁴த³காரணம் ।।
நைவம் ந கார்யநாஶேந காரணம் நஶ்யதி க்வசித் ।। 390 ।।

காரணஸ்யாப்யவித்³யாயா வஸ்துபோ³தா⁴த்³விநாஶத: ।।
யதோ(அ)தோ(அ)வித்³யாநாஶார்த²ம் ப்ரபஞ்சவிலயோ(அ)ப²ல: ।। 391 ।।

ரஜ்ஜுஜ்ஞாநாத்³தி⁴ ஸர்பாதி³ப்ரபஞ்சவிலயோ யத: ।।
ஸர்பாபா⁴ஸலயே(அ)பீயம் ரஜ்ஜுஸ்தமஸி நேக்ஷ்யதே ।। 392 ।।

லயநிஷ்டே² ப்ரமாணே நோ வஸ்துகோ³சரபே⁴த³த: ।।
அத² வஸ்துநி தந்மாநம் ந லயே ஸ்யாந்ந ச த்³வயே ।। 393 ।।

பா⁴வ்யுச்சே²த்துமஶக்யஸ்தே, பூ⁴தோ(அ)ப்யுபரத: ஸ்வத: ।।
ப்ரபஞ்சோ வர்தமாநஸ்து கார்யத்வாந்நஶ்யதி ஸ்வத: ।। 394 ।।

ஶ்ருதேர்விலயதாத்பர்யே ப²லமாகஸ்மிகம் ப⁴வேத் ।।
ப²லார்தா² சேல்லயே ந ஸ்யாந்நோப⁴யம் வாக்யபே⁴த³த: ।। 395 ।।

ப்ரபஞ்சவிலயேநைவ ஸர்வாநர்த²ப்ரஹாணத: ।।
புருஷார்த²ஸ்ய ஸம்ஸித்³தே⁴ர்வித்³யா நைஷ்ப²ல்யமாபதேத் ।। 396 ।।

அத ஐகாத்ம்யயாதா²த்ம்யஜ்ஞாநாத³ஜ்ஞாநஹாநத: ।।
ஸித்³தே⁴ புமர்தே² விலயகல்பநா நிஷ்ப்ரயோஜநா ।। 397 ।।

ஸ்வகார்யோபக்ஷயாதே³வ விதீ⁴நாம் ச பரஸ்பரம் ।।
குத ஏகாதி⁴காரத்வமபேக்ஷாபா⁴வதோ வத³ ।। 398 ।।

விதீ⁴நாம் சாபி ஸர்வேஷாம் நிஷேத⁴வசஸாம் ததா² ।।
நாமாதி³லயநிஷ்ட²த்யே ஹ்யப்⁴யுபேதே(அ)ப்ரமாணகே ।।
அऩிமித்தோ(அ)பவர்கோ³(அ)பி ஶாஸ்ரம் சைவமநர்த²கம் ।। 399 ।।

ஸ்வர்கா³தி³கார்யமார்கே³ண மந்யஸே யதி³ கர்மணாம் ।।
ஸோபாநபங்லிக³த்யேவ ஹர்ம்யப்ருஷ்டா²தி⁴ரோஹணம் ।।
ஆத்மஜ்ஞாநாதி⁴காராநுப்ரவோஶித்வம் ப⁴விஷ்யதி ।। 400 ।।

யதை²வ நக³ராத்⁴வஸ்த²க்³ராமக³த்யுபதே³ஶநம் ।।
நக³ராத்⁴வோபதே³ஶஸ்ய ஶேஷத்வம் ப்ரதிபத்³யதே ।।। 401 ।।

நாகாமிதத்வாத்³க்³ராமாதி³ராதேர்யுக்தைவ ஶேஷதா ।।
ஸ்வர்கா³தே³ர்ந து ஶேஷத்வம் புருஷார்த²த்வஹேதுத: ।। 402 ।।

அதோ²பச்ச²ந்த³நார்தா²நி ஸ்வர்கா³தீ³நி விமுக்தயே ।।
நக³ராப்தௌ தத³த்⁴வஸ்த²க்³ராமாதி³கு³ணகீ³ரிவ ।। 403 ।।

நைவம் மாந்தரத: ஸித்³தே⁴ர்ந்ருவாக்யே தத்ஸமஞ்ஜஸம் ।।
வேதே³ து வக்த்ரபா⁴வத்வாத³பி⁴ப்ராயாத்³யஸம்ப⁴வ: ।। 404 ।।

யத்³வா தத்ரைவ தாத்பர்யம் யத்ரோபச்ச²ந்த்³ய நீயதே ।।
நக³ராப்தௌ து மாபா⁴வாத்ப்ரயதேத புமாந்குத: ।। 405 ।।

யதா³(அ)பி வஸ்துவ்ருத்தேந நக³ராவாப்திஸாத⁴நம் ।।
க்³ராமாப்திர்நக³ரப்ராப்திஸ்ததா³(அ)ப்யர்தா²ந்ந மாநத: ।। 406 ।।

அர்தா²த³பி ந தாத்பர்யம் த்³ரவ்யார்ஜநவிதே⁴ரிவ ।।
ஶப்³த³மாத்ராநுஸாரேண வேதே³ தாத்பர்யதீ⁴ர்யத: ।। 407 ।।

ஸ்வர்கா³தௌ³ யதி³ தாத்பர்யம் ந ஸ்யாதை³காத்ம்யபோ³த⁴நே ।।
முக்தௌ சேந்ந ப⁴வேத்ஸ்வர்கே³ வாக்யபே⁴தா³ந்ந ச த்³வயே ।। 408 ।।

ந ச ஸ்வர்கா³தி³கார்யாணாம் ப்ரயாஜார்த²ஸமாநதா ।।
அநுப்ரவேஶ: கல்ப்யேத யேந கார்யாந்தரம் ப்ரதி ।। 409 ।।

வக்தவ்யம் ச கத²ம் த்வேதே த்³ருஷ்டேநைவோபகாரிண: ।।
ஆத்மஜ்ஞாநாதி⁴காரஸ்ய யதி³ தாவதி³த³ம் மதம் ।। 410 ।।

ராகா³த்³யாக்ஷிப்தத்³ருஷ்டார்த²ப்ரவ்ருத்திப்ரதிஷேத⁴த: ।।
அஸ்த்வேவம் ப்ரதிஷேதே⁴ஷு நிவ்ருத்தேரூபகாரத: ।। 411 ।।

பி³த⁴யஸ்து கத²ம் ராக³ம் நிரூந்த⁴ந்தீதி ப⁴ண்யதாம் ।।
ந ஹி தே பரிஸம்க்²யார்தா² நாபி சைதே நியாமகா: ।। 412 ।।

அத்யந்தாப்ராப்தமர்த²ம் ஹி வித⁴யோ போ³த⁴யந்தி ந: ।।
ப்ரப்தார்தோ² யோ விதி⁴: ஸோ(அ)ந்யநிவ்ருத்திப²ல இஷ்யதே ।। 413 ।।

ஸேவாஸாம்க்³ரஹணீஹாவத்துல்யகார்யதயா ந ச ।।
யதோ(அ)நியதகாலீநப²லா வைதீ⁴ க்ரியேஷ்யதே ।। 414 ।।

அத்³ருஷ்டார்தா² ஹி த்³ருஷ்டார்தா² ராகா³த்³யுத்தா²: ப்ரவ்ருத்தய: ।।
க்³ராமோபயேந ஸேவாயா: ஸாம்க்³ரஹண்யா(அ)விருத்³த⁴தா ।। 415 ।।

க்ரியாத: ப²லமித்யேவம் ஶாஸ்த்ரமேதாவதி ப்ரமா ।।
க்ரமேண யுக³பத்³வா(அ)த: ஸேவாஸாம்க்³ரஹணீஹயோ: ।।
நாநுஷ்டா²நே விரோதோ⁴(அ)ஸ்தி ப²லபூ⁴மார்தி²ந: க்வசித் ।। 416 ।।

ராகா³த்³யுத்த²ப்ரவ்ருத்தீநாம் கார்த்ஸ்ந்யேந ச விரோத⁴த: ।।
நையோகி³க்யோ(அ)பி நைவ ஸ்யுர்த்³ரவ்யாபா⁴வாத்ப்ரவ்ரு்த்தய: ।। 417 ।।

த்³ருஷ்டாத்³ருஷ்டப்ரவ்ருத்த்யோஶ்ச ந விஶேஷோ(அ)ஸ்தி கஶ்சந ।।
உபாயத்வேந காம்யாநாம் ராகா³த்³யாக்ஷிப்ரஹேதுத: ।। 418 ।।

ப்ரபஞ்சாபி⁴நிவேஶித்வஹேதௌ துல்யே(அ)பி சாநயோ: ।।
கம் விஶேஷமபேக்ஷ்யைகா சேஷ்டா முக்த்யநுரோதி⁴நீ ।। 419 ।।

காமோபாயத்வமேவாத² நேஷ்டம் யதி³ ச கர்மணாம் ।।
உக்தோ ந்யாய: ப்ரஹீயேத ப²லம் சா(அ)(அ)கஸ்மிகம் ப⁴வேத் ।। 420 ।।

ஸர்வகாமாஶநேநாத² க்ருத்ஸ்ரகாமலயாத்⁴வநா ।।
யாந்தி முக்த்யாநுகு³ண்யம் சேத்³வித⁴யோ வார்த்தமேவ தத் ।। 421 ।।

யந்நிமித்தா ப்ரவ்ருத்தி: ஸ்யாத்ஸா கத²ம் தந்நிவர்திகா ।।
ப்ரவ்ருத்தோ(அ)பி நிவர்தேத ந காமோபாயகர்மத: ।। 422 ।।

உத்³விஜேதாத²வா ஜ்ஞாநாத்ஸர்வபும்போ⁴க³க⁴ஸ்மராத் ।।
அபி வ்ருந்தா³வநே ஶூந்ய இதி காமிவசஸ்ததா² ।। 423 ।।

உக்தம் யத³பி வேதே³(அ)ஸ்மிந்கஸ்யசித்³விலய: க்வசித் ।।
தந்நாதத்பரதஸ்தூக்தேர்ந தே³ஹாதி³லயஸ்தத: ।। 424 ।।

ஶ்ருதே(அ)பி ஸ்வர்க³தாத்பர்யே கல்பநா சேல்லயே(அ)ர்த²த: ।।
தந்ந ப்ரத்யக்ஷவசநாத்³தே³ஹாதி³லயஸித்³தி⁴த: ।। 425 ।।

ஸாக்ஷாத்³த⁴ஸ்திநி த்³ருஷ்டே(அ)பி நஹி ஹஸ்திபதா³நுமா ।।
அஸ்தூ²லாதி³வச: ஸாக்ஷாத்³தே³ஹாதி³ப்ரதிஷேத⁴க்ருத் ।। 426 ।।

விபர்யயேண யே(அ)ப்யாஹுர்யதோ²க்தஜ்ஞாநகர்மணோ: ।।
ஏகாதி⁴காரிதாம் வாச்யம் மாநம் தைர்ஜ்ஞாநஸம்க³தௌ ।। 427 ।।

ந தாவத்ப்ரக்ரியேஹாஸ்தி வ்ரூஹ்யாதி³ப்ரோக்ஷணே யதா² ।।
ப்ரக்ருதாபூர்வஸம்ப³ந்த⁴லக்ஷணாபரத: ஸ்தி²தே: ।। 428 ।।

வ்ரீஹிஶப்³த³ஸ்ய ஹி வ்ரீஹிஸ்வரூபே து நிரர்த²கம் ।।
ப்ரக்ருதாபூர்வஸம்ப³ந்த⁴ம் போ³த⁴யேதி³தி யுஜ்யதே ।। 429 ।।

நாபி வாக்யேந ஸம்ப³ந்தோ⁴ ஜுஹூபர்ணமயீத்வவத் ।। 430 ।।
ஜுஹ்வாத்³யவ்யபி⁴சாரித்வகர்மஸம்க³திகாரணாத் ।।
விநா(அ)பி ப்ரக்ரியாம் தேந கர்மோபஸ்தா²பயேத்³த்⁴ருவம் ।। 431 ।।

வாக்யேநைவாபி⁴ஸம்ப³ந்த⁴ஸ்தத்ர தஸ்யேதி வர்ணிதம் ।।
ஆத்மஜ்ஞாநம் து நைவம் ஸ்யாந்ந தத்ப்ரகரணே ஶ்ருதம் ।। 432 ।।

நாபி சாவ்யபி⁴சாரித்வமாத்மந: கர்மணேக்ஷ்யதே ।।
தேநாஸ்ய கர்மஸம்ப³ந்தோ⁴ ந மாநேநோபபத்³யதே ।। 433 ।।

ஏவம் சாஜ்ஞாதபாரார்த்²யே நார்த²வாத³: ப²லஶ்ருதி:।।
ப்ருத²கே³வாதி⁴காரோ(அ)தோ யதோ²க்தஜ்ஞாநகர்மணோ: ।। 434 ।।

அர்தா²க்ஷேபோ(அ)பி யோக்³யஸ்ய கர்துர்போ⁴க்துஶ்ச யுஜ்யதே ।।
ந து வித்⁴வஸ்தபே⁴த³ஸ்ய ஸ்யாதௌ³பநிஷத³ஸ்ய ஸ: ।। 435 ।।

ப்ரத்யக்ஷவேத³வசநப்ராமாண்யாத்³யாஶ்ரயத்வத: ।।
ஆதௌ³ ஸம்ந்யாஸஸம்ஸித்³தே⁴ர்ருணாநீதி ஹ்யபஸ்ம்ருதி: ।। 436 ।।

ந ச கேவலகர்மப்⁴யோ முக்திர்யுக்த்யோபபத்³யதே ।।
ததா²ச வக்ஷ்யதே ஸ்பஷ்டமதோ முக்திர்ந கர்மத: ।। 437 ।।

ந சைகாத்ம்யபரிஜ்ஞாநமப்⁴யாஸாபேக்ஷமிஷ்யதே ।।
முக்தயே பா⁴வநார்த²ம் வா ததா² சோர்த்⁴வம் ப்ரவக்ஷ்யதே ।। 438 ।।

ஸ்வதோ(அ)நுப⁴வத: ஸித்³தே⁴ரைகாத்ம்யாக்²யஸ்ய வஸ்துந:।।
ந ஸ்யாத்ஸாம்பாதி³கம் ஜ்ஞாநமித்யேதச்சாபி வக்ஷ்யதே ।। 439 ।।

அந்ய ஆஹு: பதா³ர்த²த்வாத்ப்ரமாணாந்தரக³ம்யதாம் ।।
ஆத்மநோ நா(அ)(அ)க³மாத்ஸித்³தி⁴ர்வ்ரீஹ்யாத்³யந்யபதா³ர்த²வத் ।। 440 ।।

அऩ்வயவ்யதிரேகாப்⁴யாம் ஜாக்³ரத்ஸ்வப்நஸுஷுப்தித: ।।
விவிச்யாத: ஸ்வமாத்மாநம் ப்ரத்யபி⁴ஜ்ஞாநஸஸ்ததா² ।।
மாவ்யாபாரஸமாப்தத்வாந்ந பூ⁴யஸ்தத³பேக்ஷிதா ।। 441 ।।

தத்³வாஸநாநிரோதே⁴(அ)த: புமாஞ்ஶ்ருத்யா நியுஜ்யதே ।। 442 ।।
மநஸோ வா நிரோதே⁴(அ)ஸௌ ந து வஸ்த்வவபோ³த⁴நே ।।
மாநாந்தரேண தத்ஸித்³தே⁴ர்நாத்ர வ்யாப்ரியதே வச: ।। 443 ।।

ஸ்வயம்ஜ்யோதி:ஸ்வபா⁴வத்வாந்நிரூத்³த⁴ஸ்வாந்தவாஸந: ।।
ப்ரமாந்தராநபேக்ஷோ(அ)பி ஸ்வயமாத்மா ப்ரகாஶதே ।। 444 ।।

ஏவம் கார்யமுகே²நைவ ஜ்யோதிஷ்டோமாதி³வாக்யவத் ।।
வேதா³ந்தாநாம் ப்ரமாணத்வம், நாக்ஷவத்³வஸ்துநீஷ்யதே ।। 445 ।।

வாஸநாமாத்ரஹேதுத்வாதா³த்மநோ(அ)நர்த²ஸம்க³தே:।।
அந்யோபாயே ஸத்யஸதி நிரோதா⁴தே³வ முக்ததா ।। 446 ।।

ஸம்பா⁴வ்யம் நாநபேக்ஷத்வம் நியோக³விரஹாத்கசித் ।।
ஶப்³த³ப்ரவ்ருத்தே: ஸித்³தே⁴ ச ந நியோக³ஸ்ய ஸம்ப⁴வ: ।। 447 ।।

ந ச வஸ்துநி மாநத்வ உதா³ஹரணமிஷ்யதே ।।
வித⁴ர்கு³ணார்த²ஸ்தஸ்யாபி வ்யாபாரவிஷயத்வத: ।। 448 ।।

கிம்சாநுபூ⁴யமாநஸ்ய ஹ்யர்த²ஸ்ய புருஷார்த²தா ।।
ஸர்வத்ர க³ம்யதே வேதே³ நாநுபூ⁴தே: கத²ம்சந ।। 449 ।।

ததஶ்ச ப்ரதிபா⁴மாத்ரம் ஶப்³தா³தி³தி ந மாநத:।।
ப்ரதீயமாந ஏவாத: புருஷார்த²: ப்ரஸித்³தி⁴த: ।। 450 ।।

அப்யுபாதீ³யமாநம் ச ஸித்³த⁴ம் வஸ்து ந கர்மணி ।।
புமர்த²ம் ஸாத⁴யட்ட்டஷ்டமநிர்ஜ்ஞாதாங்க³பா⁴வகம் ।। 451 ।।

அநுபாதீ³யமாநஶ்ச ந ச ஜ்ஞாதாங்க³பா⁴வக:।।
ஆத்மா சேந்நாஸ்ய ஶேஷத்வம் விதி⁴ம் ப்ரத்யுபபத்³யதே ।। 452 ।।

உபாஸீத ஸ்வமாத்மாநமிதி ஸாக்ஷாத்³வச:ஶ்ரவாத் ।।
தத்ராங்க³பா⁴வ இதி சேந்மத்பந்தா²நம் ப⁴வாநித: ।। 453 ।।

க்ரியாவிதி⁴பரத்வேந ப்ராமாண்யம் வசஸ: ஸ்தி²தம் ।।
இதி வ்யாசக்ஷதே கேசிந்நியோகா³ர்தௌ²கராகி³ண: ।। 454 ।।

நைதத்ஸாத்⁴வப்⁴யதா⁴ய்யுச்சைர்நியோக³விரஹாத³பி ।।
காமிதார்த²ஸ்ய ஸம்ஸித்³தே⁴ர்லௌகிகாதே³வ மாநத: ।। 455 ।।

தத்³பா⁴வபா⁴வதோ லிங்கா³த்³வாஸநைகஸமாஶ்ரயாத் ।।
ஜ்ஞாதோ(அ)நர்தே²ந ஸம்ப³ந்த⁴ ஆத்மநோ ந து வாஸ்தவ: ।। 456 ।।

தஸ்மாத்ஸம்ஸாரஸம்ப³ந்த⁴நிதா³நஸ்ய ப்ரஸித்³தி⁴த: ।।
லிங்கா³தே³வ ததஸ்தஸ்ய த்⁴வம்ஸே(அ)நர்தோ² நிவர்ததே ।। 457 ।।

அந்தரேணாபி வசநம் பௌ³த்³தா⁴தே³ரிவ ஸித்³தி⁴த: ।।
மோக்ஷஸ்ய புருஷார்த²ஸ்ய வசோ(அ)தோ நிஷ்ப²லம் ப⁴வேத் ।। 458।।

வ்யதீதாநேகஜந்மோத்த²வாஸநாநாமநந்தத:।।
தாஸாம் நிரோதோ⁴(அ)ஸம்பா⁴வ்யோ ஜந்மந்யேகத்ர மாநவை ।। 459 ।।

ஸாக்ஷாதா³த்மாவபோ³தே⁴ந ப்ரத்யக்³த்⁴வாந்தச்சி²தா³ ந சேத் ।।
து³:கா²தி³பா⁴வநா த்⁴வஸ்தா கத²ம் தத்³பா⁴வநா நுதே³த் ।। 460 ।।

நியோக³வர்த்மநா சேயம் யதா² முக்திர்ந ஸித்⁴யதி ।।
ஸ்பஷ்டேந ந்யாயமார்கே³ண வக்ஷ்யாமோ(அ)வஸரே ததா² ।। 461 ।।

ந பதா³ர்தோ² ந வாக்யார்த² ஆத்மா(அ)யம் வஸ்துதோ யத: ।।
தத்ப்ரத்யாக்²யாநஶ்ருத்யைவ தத்³யாதா²த்ம்யாவபோ³த⁴நாத் ।। 462 ।।

வாஸநாநாமபா⁴வே(அ)பி ஸுஷுப்த்யாதௌ³ ந முக்ததா ।।
மாநவ்யாபாரவிரஹாத்ப்ரத²நம் வா த்³ருகா³த்மந: ।। 463 ।।

ஸர்வாநர்தா²பி⁴ஸம்ப³ந்தே⁴ ஹ்யவித்³யைவாஸ்ய காரணம் ।।
வாஸநாநாமபி யுதௌ ஸைவ யஸ்மாத³பேக்ஷ்யதே ।। 464 ।।

ஸம்பா⁴வ்யதே(அ)நபேக்ஷத்வம் நியோக³விரஹாத³பி ।।
யதா² ததா² ச வக்ஷ்யாம: ஸ்பஷ்டேந ந்யாயவர்த்மநா ।। 465 ।।

ஸ்வாநுபூ⁴திப³லாதே³வ ப⁴வதா(அ)பி விபா⁴வ்யதே ।।
நியோகா³தி³: ப்ரமாணார்தோ² நாநுபூ⁴திர்நியோக³த: ।। 466 ।।

யஸ்யாப்ரஸித்³தி⁴ர்நாஜ்ஞாநாத்ப்ரஸித்³தி⁴ர்நாபி மாநத:।।
தஸ்யாநுப⁴வதத்த்வஸ்ய குத: ஸாபேக்ஷதோச்யதே ।। 467 ।।

ஸ்வப்ரதா⁴நாத்மபு³த்³த்⁴யைவ தத³ந்யஸ்ய ப்ரஸித்³தி⁴த: ।।
கார்யபு³த்³தி⁴வ்யபேக்ஷாதோ நாநுபூ⁴த்யாத்மவஸ்துந: ।। 468 ।।

க்வ நு ப்ரதீயமாநஸ்ய புமர்த²த்வம் ஸமீக்ஷிதம் ।।
மாநாந்மாநப²லஸ்யைவ புமர்த²த்வஸமந்வயாத் ।। 469 ।।

ப்ரதீதேர்மாப²லத்வாச்ச கத²ம் மேயைகநிஷ்ட²தா ।।
மாக்ரியாப²லயோகோ³(அ)யம் யதோ மாதரி போ⁴க்தரி ।। 470 ।।

ந சா(அ)(அ)த்மாநுபா⁴வத³ந்யோ விஷய: கிஶ்சிதி³ஷ்யதே ।।
அபி ஸர்வப்ரமாணாநாம், கிமு வேதா³ந்தஶாஸநே ।। 471 ।।

லௌகிகோ வைதி³க: ஸர்வோ வ்யவஹாரோ ஜக³த்யபி ।।
போ⁴க்த்ரர்த² ஏऴ நாந்யோ(அ)த: ப்ரதா⁴நம் போ⁴க்துரிஷ்யதே ।। 472 ।।

ந வா அரே பத்யுரிதி ததே³தத்ப்ரேய இத்யபி ।।
நிகி²லே(அ)பி ஜக³த்யஸ்மிந்ப்ரதா⁴நம் நா(அ)(அ)த்மநோ(அ)பர: ।। 473 ।।

ந ப்ரமாதா ப்ரமாணம் வா க்ரியாமேயப²லாநி வா।।
ப்ராதா⁴ந்யாயேந கல்பந்தே போ⁴க்துரேவ ப்ரதா⁴நத: ।। 474 ।।

ஆத்மந: கர்த்ரவஸ்தா²(அ)பி போ⁴க்த்ரர்த²மிதி நிஶ்சய: ।।
யதோ(அ)தோ(அ)பரமப்யேதத்³போ⁴க்த்ரர்த²ம் விநியுஜ்யதே ।। 475 ।।

நாபி சா(அ)(அ)த்மாதிரேகேண வஸ்த்வந்யந்மாநபூ⁴பி⁴க³ம் ।।
ஸம்பா⁴வ்யதே யதா² சைதத்ததோ²த³ர்கே ப்ரவக்ஷ்யதே ।। 476 ।।

அநாத்³ருத்ய யதோ²க்தார்த²ம் நியோகா³ர்தை²கராக³த: ।।
கேசித்கார்யைகநிஷ்ட²த்வம் வேதா³ந்தாநாம் ப்ரசக்ஷதே ।। 477 ।।

கார்யைகமாத்ரநிஷ்ட²த்வாத்ப்ரமாணஸ்யா(அ)(அ)க³மாத்மந: ।।
குத ஐகாத்ம்யநிஷ்ட²த்வம் த்வயா யது³தி³தம் புரா ।। 478 ।।

நஹி தஸ்யாநபேக்ஷத்வம் ஸித்³த⁴வஸ்த்வபோ³த⁴நாத் ।।
யதோ மாநாந்தரமிதம் ஸித்³த⁴ம் வஸ்த்விதி ப⁴ண்யதே ।। 479 ।।

ஶப்³த³ஸாமர்த்²யநியமோ லோகாதே³வாவக³ம்யதே ।।
லோகே மாந்தரஸித்³தோ⁴(அ)ர்த²: கார்யாயைவாபி⁴தீ⁴யதே ।। 480 ।।

ந ப்ரவ்ருத்திநிவ்ருத்திப்⁴யாம் ஶூந்யஸ்ய வசஸோ யத: ।।
கஶ்சித³ர்தோ²(அ)த்ர த்³ருஷ்டோ(அ)தோ வஸ்துநி ஸ்யாந்ந மாநதா ।। 481 ।।

ஸம்ப³ந்தா⁴வக³மோ நாபி ஶப்³தா³த்³பூ⁴தார்த²வாசிந: ।।
ப்ரவர்தகாத்ப்ரவ்ருத்த்யா(அ)ர்தே² ப்ரத்யயோ ஹ்யநுமீயதே ।। 482 ।।

தத: ஶப்³த³ஸ்ய ஸாமர்த்²யம் ப்ரதீதேரவதா⁴ர்யதே ।।
கார்யைகவிஷயைவேயம் வாக்யஸ்யாத: ப்ரமாணத: ।। 483 ।।

க்ரியாகாரகஸம்ப³ந்தோ⁴ வாக்யார்தோ² யைரபீஷ்யதே ।।
அநுவாத³விஸம்வாதா³த்தேஷாமுக்தேரமாநதா ।। 484 ।।

மாந்தராநுப்ரவேஶித்வம் கார்யஸ்ய து ந ஶங்க்யதே ।।
ஶப்³தா³தே³வ ஹி கார்யார்த²ப்ரதிபத்திர்ந லோகத: ।। 485 ।।

ப்ரவர்தநாம் வத³ஞ்ஶப்³த³: ப்ரவர்தநாம் வத³ஞ்ஶப்³த³: ப்ரவர்தக இதீர்யதே ।।
ஜ்ஞாபகத்வாத்ப்ரமாணஸ்ய ப்ரேரயந்காரகோ ப⁴வேத் ।। 486 ।।

ஶப்³தா³த்ப்ரவர்தநாபு³த்³தௌ⁴ ராகா³தி³ர்ந ச ஶங்க்யதே ।।
ராகா³தி³: ப்ரேரணாகாரீ ப்ரேரணாஜ்ஞாபகோ த்⁴வநி: ।। 487 ।।

ஆஜ்ஞாபிதார்த²நிஷ்பத்தௌ க்ருதிமத்த்வேக்ஷணாத்ப்ரபோ⁴: ।।
ராகா³த்³யர்த²ஸ்ய சாஸித்³தௌ⁴ கர்த்ருவ்ருத்திர்ந ராக³த: ।। 488 ।।

ஸ்வாமிகோபப்ரஸாதா³தி³ஹ்ருத³யாகூதவேத³நாத் ।।
நாபி ஶ்ரோது: ப்ரவ்ருத்தி: ஸ்யாச்ச²ப்³தா³த்கோபாத்³யவேத³நாத் ।। 489 ।।

லிஙாத³யோ ந கோபாதே³: ஸ்மர்யந்தே ப்ரதிபாத³கா: ।।
மாநாந்தரமிதா: ஸந்தஸ்தே ஹி பும்ஸாம் ப்ரவர்தகா: ।। 490 ।।

தி⁴க³ங்கா³த்³யபி⁴தா⁴நைஸ்து லிங்க³பூ⁴தைரிஹேங்கி³தா: ।।
ராகா³த³யோ நியோக³ஸ்ய ஸித்³த்⁴யை விஷயஸாத⁴நா: ।। 491 ।।

அத ஏவ ச ராகா³தி³ஸம்ஸ்ருஷ்டோ(அ)பி விவிச்யதே ।।
லோடா³த்³யர்தோ² வ்ரஜேத்யுக்தோ யாதி ஸ்வர்த²ம் விநா யத: ।। 492 ।।

நநு தா³நாதி³ஸம்ப³த்³த⁴மஹாவாக்யாநுமாநத: ।।
க³ச்சே²த்யாத்³யேகதே³ஶோக்தௌ லோபா⁴தே³வ ப்ரவர்ததே ।। 493 ।।

மஹாவாக்யப்ரயோகே³(அ)பி பதா³ர்த²ப்ரவிவேசநே ।।
பும்ஸ்ப்ரவ்ருத்திஸ்து த்³ருஷ்டேயம் லோடா³தே³ரேவ நாந்யத: ।। 494 ।।

லோடா³தே³ரேவ ஶ்ரவணாத்³யத்ர ராகா³த்³யஸம்ப⁴வ: ।।
பா³ல: ப்ரவர்ததே தத்ர ஜ்ஞாயதே ப்ரேரணார்த²தா ।। 495 ।।

ஆஹ மாநாந்தரேணாஸௌ கில நார்தோ²(அ)வக³ம்யதே ।।
ஶப்³தா³ச்ச ஜ்ஞாயதே(அ)ஜ்ஞாதஸம்ப³ந்தா⁴தி³தி சித்ரதா ।। 496 ।।

யத்³யநிர்ஜ்ஞாதஸம்ப³ந்தோ⁴(அ)ப்யர்த²ம் ஶப்³த³: ப்ரபோ³த⁴யேத் ।।
கோ த்³வேஷோ(அ)ஸ்மாஸு ப⁴வதோ யேநோபாலம்ப⁴ ஈர்யதே ।। 497 ।।

யதா³(அ)வக³ம்யதே நாந்யத்ப்ரவ்ருத்தே: காரணாந்தரம் ।।
ஶப்³த³ஶ்ச க³ம்யதே ஸ்பஷ்டஸ்ததா³(அ)ர்த²: ப்ரவிவிச்யதே ।। 498 ।।

அந்வயவ்யதிரேகௌ து வாக்யார்த²ஜ்ஞாநபூர்வகௌ ।।
வாக்யார்த²ஸ்து ததா³யத்தோ நேத்யந்யேப்⁴யோ விஶிஷ்டதா ।। 499 ।।

கர்தவ்யதாவிவக்ஷைவ ந்ருவாக்யேப்⁴யோ(அ)பி க³ம்யதே ।।
விவக்ஷாயா ந கார்யத்வம் ஶப்³தா³ர்த²விஷயா ஹி ஸா ।। 500 ।।

தத்³வஶாந்ந து ஶப்³தா³ர்த²: ஸ ஹி பூர்வம் ப்ரதீயதே ।।
அத: ப்ரைஷாதி³ஸம்ஸ்ருஷ்டோ(அ)ப்யர்த²: ஸித்³தோ⁴ விவேகத: ।। 501 ।।

ஶப்³தா³ர்தோ²பாத⁴யோ ஹ்யேதே புருஷாஶயபாதிந: ।।
ப்ரைஷாத³யோ ந ஶப்³தா³ர்தா² ந சாநேகார்த²தா மதா ।। 502 ।।

அபி⁴ப்ராயவதோ(அ)பா⁴வாத³பி⁴ப்ராயாநுபாதிந: ।।
ஶங்க்யதே(அ)பி ந வேதே³ து கார்யம் வாச்யமிதி ஸ்தி²தம் ।। 503 ।।

ப்ரயோக³விதி⁴ஶேஷத்வாத்தந்மூலா ஏவ நா(அ)(அ)ஶயாத் ।।
வேதே³ ப்ரைஷாஸ்து யே த்³ருஷ்டா அக்³நீத³க்³நீநிதீத்³ருஶா: ।। 504 ।।

ப்ரைஷாதி³ப்⁴யோ யதை²வேயம் பி⁴ந்நா கர்தவ்யதேக்ஷ்யதே ।।
ஶப்³த³ஶக்திவஶாத்தத்³வத்க்ரியாதே³ரபி வீக்ஷ்யதாம் ।। 505 ।।

நாநிஷ்பந்நஸ்வபா⁴வோ(அ)பி பா⁴வ: கர்தவ்யதா யத: ।।
லடா³தி³ஶ்ரவணாத்தஸ்யா அப்ரதீதிர்லிஙாதி³வத் ।। 506 ।।

நநு காலோபப³ந்தோ⁴(அ)த்ர கார்யபு³த்³தி⁴விகா⁴தக்ருத் ।।
நைதத்ஸம்தே³ஹ ஏவாத்ர விவேகாபா⁴வதஸ்தவ ।। 507 ।।

காலோபப³ந்த⁴: கிம்த்வத்ர கார்யபு³த்³தி⁴விகா⁴தக்ருத் ।।
கிம் பா⁴வாத்கார்யதா பி⁴ந்நா லடா³தி³ர்யாம் ந பா⁴ஷதே ।। 508 ।।

கர்தவ்ய: கட இத்யாதா³வவ்யாபாரே(அ)பி கார்யதா ।।
வீக்ஷ்யதே(அ)த: ப்ருத²க்³பா⁴வாத்ப²லாச்ச ப்ராக்ப்ரதீதித: ।। 509 ।।

நநு கர்மணி க்ருத்யோ(அ)யம் தயோரேவேதி ஶாஸநாத் ।।
மைவம் ப்ரைஷாதி³வத்³யஸ்மாது³பாதி⁴த்வாத³வாச்யதா ।। 510 ।।

ப்ரைஷாதி³ஷ்வபி க்ருத்யாநாம் ததா²ச ஸ்மரணம் முநே: ।।
க்ருத்யாநாம் யுக்திதோ(அ)பி ஸ்யாந்நைவ கர்மாபி⁴தா⁴யிதா ।। 511 ।।

யதா² கடம் கரோதீதி கர்மமாத்ராவபோ³த⁴நம் ।।
கர்தவ்ய: கட இத்யத்ர ததை²வ ஸ்யாந்ந சேக்ஷ்யதே ।। 512 ।।

கர்தவ்யத்வாத³பீ⁴ஷ்டத்வஸித்³தௌ⁴ கர்மார்த²லாப⁴த: ।।
ஸாக்ஷாத³நபி⁴தா⁴நே(அ)பி ந த்³விதீயா ப்ரஸஜ்யதே ।। 513 ।।

ந சாபீ⁴ஷ்டத்வகார்யத்வமபி⁴ந்நம் வ்யதிரேகத: ।।
இச்சே²தே³ஷ்டவ்யமித்யேவம் தத்ராபி ப்ரத்யயோ யத: ।। 514 ।।

தஸ்மாத்கர்தவ்யதாவேஶாத்க்ரியா வா யதி³ வா ப²லம் ।।
காரகம் வா(அ)பி கார்யத்வம் லப⁴தே ந ஸ்வதந்த்ரத: ।। 515 ।।

லோகவந்நநு வேதே³(அ)பி கார்யமாத்ரம் ந க³ம்யதே ।।
ஸாத⁴நேஹாநுப³ந்த⁴ஸ்ய வேதே³ கார்யஸ்ய போ³த⁴நாத் ।। 516 ।।

ததஶ்சோ(அ)(அ)ரோக்³யகாமஸ்ய பத்²யபோ⁴ஜநவாக்யவத் ।।
மாநாந்தரப்ரவேஶேந ஸாபேக்ஷத்வம் ப்ரஸஜ்யதே ।। 517 ।।

அத: ப்ரைஷாதி³துல்யோ(அ)யம் க்ரியாப²லநிவந்த⁴ந: ।।
நியோக³ஸ்தத³ஸம்வாதா³ச்சித்ராதௌ³ தே விஹந்யதே ।। 518 ।।

மைவம் மாநாந்தராவேஶால்லோகே ப்ரைஷாத்³யுபாதி⁴கம் ।।
கார்யம் ப்ரயோஜநார்தா² ச ப்ரவ்ருத்திரிதி யுஜ்யதே ।। 519 ।।

ஸாத்⁴யஸாத⁴நஸம்ப³ந்த⁴விஷயத்வம் புமர்த²த: ।।
நியோக³ஸ்யாத ஏவாத்ர கர்த்ருத்வேந நியுஜ்யதே ।। 520 ।।

ஸ்வத ஏவ ப்ரவ்ருத்தத்வாத்கர்துரேவாதி⁴காரிதா ।।
பத³ம் சா(அ)(அ)ரோக்³யகாமாதி³ ப⁴வேத்கர்த்ருவிஶேஷணம் ।। 521 ।।

வேதே³ து ஸகலாக்ஷாதி³ப்ரமாணாகோ³சரத்வத: ।।
ஸாத்⁴யஸாத⁴நதாஜ்ஞாநம் நியோகா³தே³வ நாந்யத: ।। 522 ।।

ததா² ஹ்யகாரக: காமீ ஸ்வர்க³காமபதா³ர்பித:।।
நியோகா³த்கர்மஸம்ப³ந்தே⁴ பஶ்சாத்³யாதீஹ கர்த்ருதாம் ।। 523 ।।

காமஸ்ய ச ப்ரதா⁴நத்வாத்தத்ப்ராதா⁴ந்யாநபாயத: ।।
பும்விஶேஷணதா தஸ்மாத்³போ⁴கீ³ காமீ ந காரக: ।। 524 ।।

அப்ரவ்ருத்தப்ரவ்ருத்தேஶ்ச காரகத்வம் ந யுஜ்யதே ।।
ப்ரவ்ருத்தஸ்ய ணிசோக்தி: ஸ்யாத்பசந்தம் பாசயேத்³யதா² ।। 525 ।।

அக்ரியாகர்த்ருஸம்ப³ந்தே⁴ நநு ஷஷ்டீ² ப்ரஸஜ்ஜதே ।।
நைவம் நாம்நோ: ஸதா³ யோகே³ ஷஷ்டீ²யம் ஶைஷிகீ யத: ।। 526 ।।

க்ரியாகாரகயோகே³ ச த்³விதீயாதி³ர்லடா³தி³ து ।।
ஸ்யாத்ப்ராதிபதி³கார்த²ஸ்ய பா⁴வார்தே²நேத்யஸம்கர: ।। 527 ।।

நீலோந்பலே து நாமார்தா²வபஹாய பரஸ்பரம் ।।
பே⁴த³மேகாத்மதாம் யாதாவிதி ஷஷ்டீ² ந ஸம்மதா ।। 528 ।।

லிஙர்தே² யுஜ்யமாநஸ்ய கர்மத்வம் ந ச காமிந: ।।
அக்ரியாத்வாந்நியோக³ஸ்ய த்³விதீயா சேத்³ப⁴வேத்ததா² ।। 529 ।।

தஸ்மாத³காரக: காமீ ஸ்வநியோக³ப்ரஸித்³த⁴யே ।।
நியுஜ்யமாந ஏவேஹ விஷயம் ஸாத்⁴யமீக்ஷதே ।। 530 ।।

ராஜாதி³ஷு ப்ரஸித்³த⁴ஶ்ச நியோக³: ஸாத்⁴யகோ³சர: ।।
பா⁴வார்த²ஸ்ய ச ஸாத்⁴யத்வமிதி தேநாபி யுஜ்யதே ।। 531 ।।

அவிவக்ஷிதமப்யேவம் லிங்க³ஸம்க்²யம் விவக்ஷ்யதே ।।
பஶ்சாத்³விஷயாஸித்³த்⁴யர்த²ம் காரகாதி³ ச யச்ச்²ருதம் ।। 532 ।।

ததஶ்ச ஸ்வர்க³காமோ ய: ஸ்வநியோக³ம் ஸ ஸாத⁴யேத் ।।
கேந யாகா³தி³நிர்வ்ருத்த்யேத்யேதச்சா²ஸ்ராத்ப்ரதீயதே ।। 533 ।।

ந சாநபநயந்யாக³: காமிந: ஸ்வர்க³காமிதாம் ।।
ஸாத⁴நம் ஸ்வாதி⁴காரஸ்ய ப⁴வதீஹ கத²ம்சந ।। 534 ।।

அநுந்ம்ருதி³தகாமோ ஹி பூர்வாவஸ்தா²விஶேஷத: ।।
நிஷ்பாதி³தாதி⁴காரோ(அ)பி நியோகா³ர்ஹ: புநர்ப⁴வேத் ।। 535 ।।

அதி⁴கார: ஸ்வஸித்³த்⁴யர்த²மத: காமஸ்ய ஸாத்⁴யதாம் ।।
யாகே³நா(அ)(அ)பாத்³ய ஸம்ஸித்⁴யந்விஷயஸ்யைதி ஸாத்⁴யதாம் ।। 536 ।।

நாநந்தரப²லாபா⁴வே விஸம்வாதோ³(அ)த்ர ஶங்க்யதே ।।
க்ரியாஸாத்⁴யே ப²லே ஸ ஸ்யால்லிஙர்த²ஸ்த்வக்ரியாத்மக: ।। 537 ।।

ப்ரத்யர்தி²நி ச ஶப்³தே³(அ)ஸ்மிந்நாபா⁴வோ(அ)நுபலப்³தி⁴த: ।।
மாநாபா⁴வே ஹ்யஸௌ மாநமாநந்தர்யம் த்வசோதி³தம் ।। 538 ।।

அத: க்ருதாதி⁴காரோ(அ)பி யோ வித்³யாத³க்ருதார்த²தாம் ।।
தஸ்ய ஶாஸ்த்ராநபி⁴ஜ்ஞத்வாந்நாதி⁴காரோ(அ)த்ர வைதி³கே ।। 539 ।।

மத்ரார்த²வாத³நாம்நாம் ச கார்யார்தா²நுப்ரவேஶத: ।।
ப்ராமாண்யம் ந ஸ்வதஸ்தஸ்மாத்கார்யே வேத³ஸ்ய மாநதா ।। 540 ।।

வேதா³ந்தாநாமதோ வாச்யம் கார்யார்தா²நுப்ரவேஶநம் ।।
ப்ராமாண்யம் வா நிஷேத்³த⁴வ்யமத்ர ப்ரதிவிதீ⁴யதே ।। 541 ।।

நி:ஶேஷமாத்ருதத்³வ்ருத்திஜந்மநாம் தத்³விலக்ஷண-
ஸ்வத:ஸித்³தா⁴த்மஸம்போ³த⁴வ்யாப்திர்வஸ்த்வநுரோத⁴த: ।। 542 ।।

வியத்³வஸ்து்ஸ்வபா⁴வாநுரோதா⁴தே³வ ந காரகாத் ।।
வியத்ஸம்பூர்ணதோத்பத்தௌ கும்ப⁴ஸ்யேவ த்³ருஶா தி⁴யாம் ।। 543 ।।

க⁴டது³:கா²தி³ரூபத்வம் தி⁴யாம் த⁴ர்மாதி³ஹேதுத: ।।
நிர்ஹேதுத்வாத்மஸம்போ³த⁴ரூபித்வம் வஸ்துரூபத: ।। 544 ।।

பு³த்³தி⁴தத்³வ்ருத்திபா⁴வோ(அ)யமபா⁴வஶ்சாப்யநந்யமாத் ।।
யத: ஸித்³தா⁴யதே ஸோ(அ)ர்தோ² ஜ்ஞேய: ஸித்³த⁴: ஸ்வத: ஸதா³ ।। 545 ।।

நநு ப்ரமாணவிரஹாத்ஸ்வத:ஸித்³தோ⁴ யதீ³ஷ்யதே ।।
வசஸோ பு³த்³த⁴போ³தி⁴த்வாத³ப்ரமாண்யம் ப்ரஸஜ்யதே ।। 546 ।।

மைவமப்ரதிபந்நத்வாத³நுபூ⁴த்யைவ வஸ்துந: ।।
தத்³த்³வயுத்பத்தே: புரா ஸாக்ஷாத்³போ³தோ⁴ வ்யுத்பத்திமாத்ரத: ।। 547 ।।

போ³தா⁴போ³தௌ⁴ யதோ த்³ருஷ்டௌ ஸ்வாநுபூ⁴த்யநுஸாரத: ।।
த்³ருஷ்டே சாநுபபந்நத்வம் கிம்ப³லாத³பி⁴தீ⁴யதே ।। 548 ।।

ஸுஷுப்தாதே³ஶ்ச ஸம்ஸித்³தி⁴ர்மாத்ராதி³விரஹே(அ)பி யா ।।
ஸா(அ)பீஹாந்தரஸம்பு³த்³த⁴மேயமாத்ரவ்யபாஶ்ரயாத் ।। 549 ।।

ந சாபா⁴வப்ரமாணாத்ஸா ஸதி மாதர்யபா⁴வமா ।।
மாத்ராத்³யபா⁴வஸம்ஸித்³தி⁴: கத²ம் மாத்ராதி³பூர்விகா ।। 550 ।।

யமப்ரமீயமாணாநி நாநாத்மாநம் ப்ரமிண்வதே ।।
வஸ்துவ்ருத்தாநுரோதே⁴ந கத²ம் தத்ராப்ரமா வச: ।। 551 ।।

அமீமாம்ஸக இத்யுச்சைரமீமாம்ஸக இத்யத: ।।
ஆக்ஷிபந்தி யத³ஜ்ஞாநாத்தச்சா²ந்த்யா உத்தரம் வச: ।। 552 ।।

ஸர்வோ(அ)பி வேத³ இத்யாதி³ யதோ²க்தபரிஹாரக்ருத் ।।
கு³ருராஹ வச: ஸ்பஷ்டம் த்³ருட⁴ந்யாயோபப்³ரும்ஹிதம் ।। 553 ।।

மாநஸ்வபா⁴வமாஶ்ரித்ய ஸர்வோ(அ)பீத்யாத்³யுதீ³ரணம் ।।
காண்ட³த்³வயஸமாக்²யா ஹி தத்ப்ரமேயாநுரோத⁴த: ।। 554 ।।

மாநம் ஹி வ்य़ஞ்ஜகம் லோகே ஸித்³தே⁴ தச்ச ஸ்வகாரணாத் ।।
ஸ்வத: ஸித்³தே⁴(அ)த² வா நித்யம் மேயமாத்ரம் விஶிஷ்யதே ।। 555 ।।

அத: ஸர்வோ(அ)பி வேதோ³(அ)யம் ப்ரமாணத்வைகஹேதுத: ।।
ப்ரகாஶநபரோ ஜ்ஞேய: ஸித்³த⁴ஸாத்⁴யாத்மவஸ்துந: ।। 556 ।।

ஏகவாக்யத்வதோ யத்³வா ஸர்வோ(அ)பீத்யாதி³ ப⁴ண்யதே ।।
புருஷார்தா²வஸாயித்வாத்³வேதா³தீ⁴திவிதே⁴ரிதி ।। 557 ।।

நி:ஶேஷஸுக²ஸம்ப்ராப்தே: ஸர்வாநர்த²இநுதேஸ்ததா² ।।
முக்தேரர்வாக்புமர்தோ²(அ)ந்யோ நேஹ கஶ்சித்ஸமீக்ஷ்யதே ।। 558 ।।

அஸித்³தா⁴ர்த²ஸ்ய வா ஸித்³தி⁴ரநுபூ⁴த்யேகமாத்ரத: ।।
ஸர்வோ(அ)பீதி வச: ஸித்³தி⁴: ஸர்வா ஹ்யாத்மைகஸம்வித³: ।। 559 ।।

யத்³வா(அ)நவக³தோ(அ)தோந்ய: ஸம்பா⁴வ்யோ நா(அ)(அ)த்மநஸ்தத: ।।
ஸர்வோ(அ)பீதி வச: ப்ராஹ ததா² சோர்த்⁴வம் ப்ரவக்ஷ்யதே ।। 560 ।।

யத்³தே⁴துகம் ப்ரமாணத்வம் வேதா³ந்தாநாம் ஸமர்த்²யதே ।।
தேநைவ ஹேதுநா கர்மகாண்ட³ஸ்யாபி ப்ரமாணதா ।। 561 ।।

வேதா³ந்தாநாமமாநத்வம் யேந வா ஹேதுநோச்யதே ।।
தேநைவ ஹேதுநா கர்மகாண்ட³ஸ்யாபி ப்ரஸஜ்யதே ।। 562 ।।

அபி ஸர்வப்ரமாணாநி ஸ்வப்ரமேயாபி⁴ஸம்க³தே: ।।
ப்ரமாமேவேஹ குர்வந்தி ப்ராமாண்யம் யாந்தி நாந்யதா² ।। 563।।

விதி⁴நைவைகவாக்யத்வம் யதோ மத்ரார்த²வாத³யோ: ।।
ததோ த³ர்ஶநநிஷ்ட²த்வம் ந தயோருபபத்³யதே ।। 564 ।।

அர்த²வாதோ³க்திதோ யா(அ)பி ப்ரதிஷ்டா²காமிகல்பநா ।।
வித்⁴யர்த²ஸம்க³தாவேவ ஸா(அ)பி நைவ ததோ(அ)ந்யத: ।। 565 ।।

வித்⁴யர்த²ஶேஷபா⁴வஶ்ச ததஶ்சார்தா²ந்தரோக்திதா ।।
ஐகார்த்²யாத்³வசஸோ(அ)ஶக்யா விருத்³த⁴த்³வ்யர்த²கல்பநா ।। 566 ।।

விரோதே⁴ கு³ணவாத³: ஸ்யாத³நுவாதோ³(அ)வதா⁴ரிதே ।।
பூ⁴தார்த²வாத³ஸ்தத்³தா⁴நாத³ர்த²வாத³ஸ்ரிதா⁴ மத: ।। 567 ।।

விதி⁴ஶேஷோ(அ)பி யத்³யர்த²மர்த²வாத³: ஸமர்பயேத் ।।
அத்³வைதவிதி⁴நா(அ)(அ)க்ஷிப்தா வேதா³ந்தா நேதி கா மிதி: ।। 568 ।।

ப்ரத்யக்ஷாத்³யபி⁴தா⁴நேந ஸர்வமாநோபலக்ஷணம் ।।
மாந்தரம் நா(அ)(அ)க³மாத³ந்யத்³யதை³காத்ம்யாவபோ³த⁴க்ருத் ।। 569 ।।

ஸித்³தே⁴(அ)நவக³தே யஸ்மாத்புரஸ்தாத்³வ்யாப்ருதிர்மிதே: ।।
மாநாத³ஜ்ஞாததாஸித்³தௌ⁴ ஸ்யாத³ந்யோந்யஸமாஶ்ரய: ।। 570 ।।

தத்த்வமஸ்யாதி³க்யஸ்ய விரோதோ⁴(அ)தோ ந கேநசித் ।।
ஸர்வாஶ்ரயத்வாத்ஸம்வித்தேஸ்ததா²(அ)(அ)த்மந்யப்ரவ்ருத்தித: ।। 571 ।।

க்ருத்ஸ்ரேஷ்டார்த²ஸ்ய ஸம்ப்ராப்தி: க்ருத்ஸ்ராநர்த²இநுதிஸ்ததா² ।।
ஆத்மஸ்வரூபாந்நாந்யத்ர ஸம்பா⁴வ்யா ஸா ஹி மாநத: ।।। 572 ।।

இத்யேவமாதி³பா⁴ஷ்யார்த²: க்ரமேணைகாத்ம்யவஸ்துநி ।।
யத்நேந வக்ஷ்யதே ந்யாயாத்பூர்வபக்ஷநிராஸத: ।। 573 ।।

வேதா³ந்தவசஸாம் ஸ்வார்தே² ப்ராமாண்யம் ந விஹந்யதே ।।
மாநலக்ஷணஸத்³பா⁴வாஜ்ஜ்யோதிஷ்டோமாதி³வாக்யவத் ।। 574 ।।

நைவ கார்யைகநிஷ்டா²நி வ்யவஹாரே வசாம்ஸி ஹி ।।
நியமேந ப்ரயுஜ்யந்த இத்யத்ர மிதிரஸ்தி தே ।। 575 ।।

தி³ஷ்ட்யா த்வம் வர்த⁴ஸே ப⁴த்³ர ஜாத: புத்ரஸ்தவர்தி⁴மாந் ।।
இதி நேத³ம் ப்ரவ்ருத்த்யர்த²ம் வசோ நாபி நிவ்ருத்தயே ।। 576 ।।

ஸுகா²த்³யுத்பத்திஹேதூநி த்³ருஶ்யந்தே(அ)கார்யவந்த்யபி ।।
வசநாநி வ்ரஜ க்³ராமமித்யாதி³நி யதா² ததா² ।। 577 ।।

ஸுக்²யேதீ⁴தி ந சாநேந ப்ரவ்ருத்திருபதி³ஶ்யதே ।।
ஸுகீ²ப⁴வநமஸ்யார்தா²ந்நோபதே³ஶவ்யபேக்ஷயா ।। 578 ।।

விஶேஷோ(அ)ஸ்தி ப்ரவ்ருத்தேஶ்சேத்தாத்பர்யம் வசஸோ(அ)பி ச ।।
நைவம் ஸுகா²தி³ஸம்பூ⁴தாவர்த²வத்த்வோபபத்தித: ।। 579 ।।

ஆநர்த²க்யப⁴யாதே³வ ஶ்ருதாத³ந்யத்ர கல்ப்யதே ।।
தாத்பர்யம் ப்ரோக்ஷணாத்³யுக்தேர்ந ஸ்வதத்ரே(அ)தி⁴காரவத் ।। 580 ।।

கிம்சோபாயே(அ)ப்ரவ்ருத்த: ஸந்புருஷோ(அ)யம் ப்ரவர்த்யதே ।।
ஜ்ஞாதோபாயத்வதோ யத்³வா விதி⁴நோபேயஸித்³த⁴யே ।। 581 ।।

தத்ரேஹ தாவந்நோபாயே புத்ரஜந்மாதி³லக்ஷணே ।।
தஸ்ய நிஷ்பந்நரூபத்வாந்நாப்யுபேயே ஸுகே² ததா² ।। 582 ।।

ந வ்யாபாராந்தரம் யஸ்மாத்ஸுகா²ர்த²ம் கிம்சிதீ³க்ஷ்யதே ।।
புத்ரஜந்மோக்திமாத்ரேண புருஷார்தா²வஸாநத: ।। 583 ।।

கிம் சாத்⁴யஸ்தாஹித்³ருஷ்டஸ்ய தத்³விபவ்யாப்தசேதஸ: ।।
ஸ்ரகி³யம் ந ப²ணீத்யுக்தே த்³ருஷ்டா விஷநிராக்ரியா ।। 584 ।।

மா பை⁴ஷீரிதி சோக்தே(அ)பி ந நியோக³: ப்ரதீயதே ।।
ஸ்ரகு³க்தேரேவ நி:ஶேஷஸாத்⁴வஸத்⁴வம்ஸலாப⁴த: ।। 585 ।।

ந்யாய்யோ நியோக³ஸ்தத்ரைவ யத்ர பு³த்³தா⁴(அ)ஸ்ய கார்யதாம் ।।
அநந்தம்ர ப்ரவ்ரு்த்தி: ஸ்யாத்³விஷயே தஸ்ய ஸித்³த⁴யே ।। 586 ।।

இஹ த்வைகாத்ம்யவாக்யேஷு தத்த்வமாத்ராவபோ³த⁴த: ।।
ஸத்³ய: புமர்த²ஸம்ஸித்³தே⁴: கார்யஸித்³தி⁴ர்ந வீக்ஷ்யதே ।। 587 ।।

குதூஹலவதாம் தத்³வந்நிர்வ்ருத்தாக்²யாநமாத்ரத: ।।
த்³ருஷ்டா நராணாம் நி:ஶேஷகுதூஹலநிராக்ரியா ।। 588 ।।

வஸ்துமாத்ராவஸாயித்வாத்தத்³வசாம்ஸி ந கநிசித் ।।
உபாதா³நாய வா(அ)லம் ஸ்யுர்நாபி ஹாநாய தத்³வித³: ।। 589 ।।

யத்ராபி ச ப்ரதீயேதே ஹாநாதா³நே வச:ஶ்ரவாத ।।
அயம் சோராகுல: பந்தா² தே³ஶோ(அ)யம் நிதி⁴மாநிதி ।। 590 ।।

தத்ராபி நைவ ஶப்³த³ஸ்ய வ்யாபார: ஸித்³த⁴வேத³நாத் ।।
க்ருதார்த²த்வாந்நரஸ்யாபி ராகா³தே³வ ப்ரவ்ருத்தித: ।। 591 ।।

காமைகபாஶாக்ருஷ்ட: ஸந்நிச்ச²யைவ ப்ரவர்ததே ।।
நிவர்ததே ச தத்³தூ³ேஷாந்ந ஶப்³த³வ்யாப்ருதேர்நர: ।। 592 ।।

நந்வப்ரயுக்தமப்யேதத்³வக்த்ரா வாக்யம் விவக்ஷிதம் ।।
ந க³ந்தவ்யம் பதா²(அ)நேந, க்³ருஹாணேமம் நிதி⁴ம் ததா² ।। 593 ।।

மைவம், ந வக்த்ரபி⁴ப்ராயாச்ச²ப்³தா³ர்த²த்வம் ப்ரகல்பதே ।।
ஶப்³த³ஸாமர்த்²யதோ யஸ்மாத்தாத³ர்த்²யம், நாந்யஹேதுகம் ।। 594 ।।

ப⁴வத்³பி⁴ரபி சைவைதத³ப்⁴யுபேயம் ப்ரயத்நத: ।।
வக்த்ருதத்ரே ஹி ஶப்³தா³ர்தே² ந விஶ்வாஸ: ஶ்ருதேர்ப⁴வேத் ।। 595 ।।

நாநாவித⁴புமர்தா²ப்திரபி வக்து: ஸமீஹிதா ।।
தஸ்யா அபி த்வது³க்த்யைவம் ஶப்³தா³ர்த²த்வம் ப்ரஸஜ்யதே ।। 596 ।।

ப்ரவ்ருத்திம் வா நிவ்ருத்திம் வா யதா³(அ)பி⁴ப்ரேத்ய சேதஸா ।।
கிம்சிஜ்ஜிஜ்ஞாஸ்யதே ஜ்ஞாத்ரா ப்ரத்யக்ஷாதி³ப்ரமாணத: ।। 597 ।।

அபி⁴ப்ரேதா(அ)பி ந ததா³ ப்ரவ்ருத்திர்யதி³ வேதரா ।।
ப்ரத்யக்ஷாதி³ப்ரமேயேதி ஶக்யா வக்தும் விபஶ்சிதா ।। 598 ।।

இதஶ்சாப்⁴யுபக³ந்தவ்யமேததுல்யே(அ)பி வஸ்துநி ।।
ஏகஸ்ய ஹாநதீ⁴ஸ்தஸ்மிந்நுபாதி³த்ஸா பரஸ்ய ச ।। 599 ।।

ஶப்³தா³ர்த²த்வே ஹி ஸர்வேஷாமாதா³நாயைவ தீ⁴ர்ப⁴வேத் ।।
நோபேக்ஷாயாம், ப்ரஹாணே வா, ந சாநேகார்த²தா மதா ।। 600 ।।

ந ச ப்ரவர்தகத்வே(அ)பி வாக்யஸ்யாங்கீ³க்ருதே த்வயா ।।
ஶக்யோ விதா⁴யிநோ(அ)ந்யேஷாம் பதா³நாம் வக்துமந்வய: ।। 601 ।।

கிம் ஸ்வார்த²மாத்ரநிஷ்ட²த்வமுத கார்யை கநிஷ்ட²தா ।।
பதா³ர்த²மாத்ரஸம்ஸர்க³பரதா கிம் த்விதீர்யதாம் ।। 602 ।।

ஸ்வார்த²மாத்ராவஸாயித்வே வாக்யார்த²ப்ரத்யய: குத: ।।
வையர்த்²யம் த ப்ரயோக³ஸ்ய வ்யவஹாராக்ஷமத்வத: ।। 603 ।।

பதா³ர்த²மாத்ரஸம்ஸர்கே³ கார்யார்த²விரஹே(அ)பி தே ।।
வ்யவஹாரஸ்ய ஸம்ஸித்³தே⁴ர்வ்யர்தா² கார்யப்ரகல்பநா ।। 604 ।।

கார்யைகவ்யதிஷங்கே³ ச வாக்யாத்³பூ⁴தாநுவாத³காத் ।।
ப்ரதீதி: ஸ்யாந்ந வாக்யார்தே² ஸ்யாது³க்தேர்வ்யர்த²தா(அ)பி ச ।। 605 ।।

கார்யாந்தரஸ்ய சாபா⁴வாத்கார்யார்தை²காபி⁴தா⁴யிந: ।।
ஸம்ப³ந்தோ⁴ ந ப⁴வேத³ந்யை: ஸாத⁴நாத்³யபி⁴த்³யாயிபி⁴: ।। 606 ।।

கார்யாந்வயித்வே ஸர்வேஷாமபி சேஹ பரஸ்பரம் ।।
பதா³ர்தா²நாமஸம்ப³ந்தோ⁴(அ)நபேக்ஷத்வாத்³ப⁴வேத்³ த்⁴ருவம் ।। 607 ।।

நியோகோ³ ந ப்ரதீயேத விஶிஷ்டவிஷயஸ்ததா² ।।
ததா³ சைகபதா³ர்த²ஸ்ய நியோக³: ஸாத்⁴யதாமியாத் ।। 608 ।।

அத² ஸோமாதி³ஸம்ப³த்³தே⁴ யாகா³தௌ³ விபயே மத: ।।
நியோக³: கஸ்தத: பூர்வம் ஸம்ப³ந்தே⁴ ஹேதுருச்யதாம் ।। 609 ।।

ஸித்³தே⁴(அ)ஸதி விஶிஷ்டே ந விபயே கார்யமிஷ்யதே।।
அத² க்ரியைவ ப்ராக்கார்யாத்ஸித்³த⁴ம் நோ யத்ஸமீஹிதம் ।। 610 ।।

ததே³தரத்தத³ர்த²மித்யேவம் சைதத்ஸமஞ்ஜஸம் ।।
விஷயே யதி³ கார்யத்வம் கார்யாவக³மபூர்வகம் ।। 611 ।।

கார்யே கார்யாந்தராபா⁴வாத்கார்யவுத்³தி⁴: குதோ ப⁴வேத் ।।
தத³பா⁴வாத³நுஷ்டே²யோ விஷயோ(அ)பி ந தே ப⁴வேத் ।। 612 ।।

கார்யார்த²தா ததஶ்சேஷ்டா ஹீயேதாநுஷ்டி²திம் விநா ।।
அத² கார்யாந்தராபா⁴வே(அ)ப்யஸ்ய கார்யத்வமிஷ்யதே ।। 613 ।।

விஷயஸ்யாபி கார்யத்வம் ஸ்வத ஏவ ப⁴வேத்ததா² ।।
விஷயோ(அ)கார்யரூபத்வாத்ஸ்வஸித்³த்⁴யை யத்³யபேக்ஷதே ।। 514 ।।

கார்யம் தத³பி விஷயமீக்ஷேதாஸாத்⁴யரூபத: ।।
கார்யே(அ)பி கார்யதைவம் ச ப⁴வேத்³விஷயஹேதுகா ।। 615 ।।

அந்யோந்யாஶ்ரயதா ச ஸ்யாந்ந ச கார்யப்ரதா⁴நதா ।।
பும்வ்யாபாரவ்யபேக்ஷாயம் ஸ்வாஸித்³தௌ⁴ கார்யமுச்யதே ।। 616 ।।

யாகா³தி³: ஸ ச நோ கார்யம் ஸ்வத:கார்யைகரூபத: ।।
கார்யஸ்யைவ ந கார்யத்வமகார்தே² கார்யதேஷ்யதே ।। 617 ।।

ந ஶௌக்ல்யே ஶுக்லதாபத்தி: படாதே³: ஸா விதீ⁴யதே ।।
க⁴டகார்யயஜத்யாதி³ ஸ்வஸ்வபா⁴வதயா ஸ்தி²தம் ।। 618 ।।

ஸித்³த⁴ஸாத்⁴யாதி³பே⁴தே³ந ஸ்வஶப்³தே³நாபி⁴தீ⁴யதே ।।
யதா³ ததா³ த்⁴வநேர்ந ஸ்யாத³ஜ்ஞாதார்தா²வபோ³த⁴நே ।।
விஶேஷ: கஶ்சிதி³த்யேவம் ந ப்ரவ்ருத்திர்விதே⁴ர்ப⁴வேத் ।। 619 ।।

அவபு³த்³தே⁴ து ஶப்³தா³ர்தே² புருஷார்த²நுரோத⁴த: ।।
ஸ்வத ஏவ ப்ரவ்ருத்தி: ஸ்யாந்ந ஶப்³தா³ந்நார்த²தஸ்ததா² ।। 620 ।।

ஸாத⁴நாதி³த்ரயாத்³வாஹ்யம் புருஷார்த²ப³ஹிஷ்க்ருதம் ।।
க ஏதத்ஸாத⁴யேேத்³தீ⁴மாந்கிம் வா ரூபமிதீர்யதாம் ।। 621 ।।

ந தாவத்ப்ரேரணா கார்யம், கார்யார்த²விப்ரயா ஹி ஸா ।।
நா(அ)(அ)ந்தரோ(அ)பி ப்ரயத்ந: ஸ்யாந்மாநாந்தரக³தேஸ்ததா² ।। 622 ।।

ந க்ரியா கர்த்ருஸம்ப³ந்தா⁴த்ப²லம் நாநிஷ்டரூபத: ।।
காரகம் நாப்யஸித்³த⁴த்வாந்நாப்யந்யத³நிரூபணாத் ।। 623 ।।

ந ச காலத்ரயாஸ்பர்ஶவாச்யத்வம் கார்யலக்ஷணம் ।।
க⁴டஶப்³தா³த்³த⁴டே மா பூ⁴த்காலாஸ்பர்ஶேந கார்யதா ।। 624 ।।

நியோகோ³(அ)பி நியோஜ்யஸ்ய வ்யாபார:, ஸ கத²ம் ப⁴வேத் ।।
அதீந்த்³ரியோ லிஙாத்³யர்த²: ஸித்³தி⁴ஶ்சாஸ்ய கத²ம் ப⁴வேத் ।। 625 ।।

ஸித்³தி⁴ர்விஷயஸித்³தௌ⁴ சேந்நைவம் ஸ்யாத்கர்மணா ந ஹி ।।
ஆப்த்யுத்பத்த்யாதி³கம் ஶக்யமநாரோப்யஸ்வபா⁴வத: ।। 626 ।।

கார்யம் ஸ்வேநா(அ)(அ)த்மநா ஸித்³த⁴ம் புமர்த²ம் ஸாத⁴யேத்³யதி³ ।।
ஸர்வதா³ தஸ்ய தாத்³ருக்த்வாத்புமர்த²: ஸர்வதா³ ப⁴வேத் ।। 627 ।।

பும்வ்யாபாரப்ரஸித்³த்⁴யா(அ)த² ஸித்³த⁴ம் ஸ்வார்த²கரம் மதம் ।।
தஸ்யாநாதே⁴யரூபத்வாந்ந கதா³சித்ப²லம் ப⁴வேத் ।।। 628 ।।

ஸம்பா⁴வ்யமாநஸித்³தே⁴ர்ஹி யாகா³தே³: கார்யதா மதா ।।
வ்யோமதத்புஷ்பயோர்ந ஸ்யாத்ஸித்³தா⁴த்யந்தாப்ரஸித்³த⁴யோ: ।। 629 ।।

கர்தவ்யோ யாக³ இத்யேவம் யாகா³த்³பி⁴ந்நா யதே²க்ஷ்யதே ।।
கர்தவ்யம் கார்யமித்யேவம் ததோ(அ)பி வ்யதிரிச்யதே ।। 630 ।।

கார்யகர்தவ்யதா கார்யேத்யேவமேவாதிரிச்யதே ।।
தஸ்மாந்ந வஸ்துத⁴ர்மோ(அ)யம் ஶப்³தா³தே³வ ப்ரகர்ஷத: ।। 631 ।।

அதோ யதே³வ ஸாத்⁴யார்த²ஸாத⁴நத்வேந க³ம்யதே ।।
வேதா³த்ததே³வ ஸாத்⁴யத்வாத்கார்யம் நாந்யத்தத: ப்ருத²க் ।। 632 ।।

லிஙாதி³: ப்ரேரணாவாசீ குத: கார்யமிதீர்யதாம் ।।
விஷயத்வேந நா(அ)(அ)க்ஷேபோ பா⁴வார்தோ² விஷயோ மத: ।। 633 ।।

ப்ரேரணா(அ)பீஹ நைவ ஸ்யாத³ஜ்ஞாதஜ்ஞாபநாத்ப்ருத²க் ।।
ஸமஸ்தகார்யதோ³ஷோக்திப்ரஸங்கா³ந்மித்யபா⁴வத: ।। 634 ।।

ந ஸ்வரூபம் லிஙாதீ³நாம் ப்ரேரணாஜ்ஞாபகத்வத: ।।
அந்யோந்யரூபபே⁴தே³(அ)பி ப்ரேரணாநுக³மாத்ததா² ।। 635 ।।

ஶக்தேரநபி⁴தே⁴யத்வாத்தத்³வ்யாபாரோ(அ)பி நேஷ்யதே ।।
ப்ரேரகாபா⁴வதோ வேதே³ தத்³வ்யாபாரோ(அ)பி நேரணா ।। 636 ।।

அத: ஸமீஹிதோபாயதயா வஸ்த்வவபோ³த⁴யந் ।।
அபு³த்³த⁴ம் ப்ரேரகோ வேதோ³ ஜ்ஞாபநா ப்ரேரணா மதா ।। 637 ।।

ததா² ச வஸ்துயாதா²த்ம்யஜ்ஞாபநேந ப்ரமாணதா ।।
ந ப்ரேரகதயா ஸா ஸ்யாத்ப்ரத்யக்ஷாதே³ரநீக்ஷணாத் ।। 638 ।।

நிஷ்பாதி³தநியோக³ஸ்ய வேத³ப்ராமாண்யதோ யதா² ।।
நியமேந ப²லம் தத்³வத்ஸாத⁴நாநுஷ்டி²தேர்ப⁴வேத் ।। 639 ।।

விஸம்வாதோ³(அ)பி நா(அ)(அ)ஶங்க்யோ நியோகா³ர்தே² யதா² ததா² ।।
வைதி³கத்வாது³பாயே(அ)பி ந்ருதத்ரே வ்யபி⁴சாரிதா ।। 640 ।।

நாநந்தரப²லோ யாகோ³ த்³ருஷ்டோ லோகே(அ)பி ஹி க்வசித் ।।
அத: ஸாமாந்யதோ த்³ருஷ்டம் க்ரியாத்வாதி³த்யதூ³ஷணம் ।। 641 ।।

ஸ்வஸாமர்த்²யாத்³யதா² கார்யம் காலாஸ்ப்ருஷ்டம் ப்ரபா⁴ஷதே ।।
லிஙாதி³ர்யாக³மப்யேவம் வக்ஷ்யதீத்யவிஶிஷ்டதா ।। 642 ।।

ஸாக்ஷாதே³வம் ச ஸம்ப³ந்த⁴: ஸாத்⁴யஸாத⁴நயோர்ப⁴வேத் ।।
நாதிரிக்தலிஙாத்³யர்த²வ்யவதா⁴நவிட³ம்ப³நா ।। 643 ।।

ஸாக்ஷாத³ஸதி ஸம்ப³ந்தே⁴ பாரம்பர்யம், ந து க்வசித் ।।
க³தௌ ஸத்யாம், தத³ப்யத்ர நாந்யத்ரேவோபலப்⁴யதே ।। 644 ।।

ஶ்ருத்யா க்ரயாபி⁴ஸம்ப³ந்தோ⁴ வ்யவச்சி²த்³யைவ ஸாத⁴நம் ।।
அருண: ஸாத⁴கோ த்³ருஷ்டோ நாநபேக்ஷோ வ்ருதா² ச ஸ: ।। 645 ।।

யாக³: கார்யாபி⁴ஸம்ப³ந்தோ⁴(அ)ப்யநுத்பாத்³ய ப²லம் ந தே ।।
கத²ம்சித்ஸாத⁴யேத்கார்யம் தச்ச நாஸ்தீத்யஸாத⁴க: ।। 646 ।।

நசாந்யா வ்யாப்ருதிஸ்தஸ்ய கார்யஸித்³தௌ⁴ த்வயேஷ்யதே ।।
ப²லாநுத்பத்திதஸ்தஸ்மாந்ந கார்யேணாபி ஸம்கா³தி ।। 647 ।।

அத² ஶாஸ்ரப்ரமாணத்வாத³த்³ருஷ்டா(அ)ப்யப்⁴யுபேயதே ।।
ப²லோத்பத்திர்மமாப்யேவம் ததா² ஸதி ப⁴விஷ்யதி ।। 648 ।।

மம ஶாஸ்ரப்ரமாணத்வாத்பஶ்சாத³பி ப⁴வேத்ப²லம் ।।
பூர்வம் து ப⁴வதோ ந்யாய்யம் தத³பா⁴வே ஹ்யஸாத⁴கம் ।। 349 ।।

கார்யஸித்³த்⁴யா ப²லாவாப்தாவஶேஷப²லஸம்ப⁴வ: ।।
ஸக்ருத்கரண ஏவ ஸ்யாத்கார்யஸ்யாபே⁴த³தஸ்தவ ।। 650 ।।

அநுப³ந்தா⁴பி⁴ஸம்ப³ந்தா⁴த்ப²லம் சேத்ஸ்யாத்³வ்யவஸ்த²யா ।।
தத ஏவ ந கார்யாத்ஸ்யாத்ததா³ தத்³பா⁴வபா⁴வத: ।। 651 ।।

ஔபாதி⁴கஶ்ச மித்²யா ஸ்யாத்ஸாத்⁴யஸாத⁴நலக்ஷண: ।।
வ்யவஹார: ஶ்ருதேர்ஜ்ஞாத: பரமார்தை²கவாதி³ந: ।। 652 ।।

ஏவம் தே கர்மகாண்டே³(அ)பி கார்யம் தாவந்ந யுஜ்யதே ।।
ஐகாத்ம்யே து யதா² நாஸ்தி விஶேஷேணோச்யதே ததா² ।। 653 ।।

ப்ரதிபத்திவிதி⁴ஸ்தாவந்நா(அ)(அ)த்மா த்³ரஷ்டவ்ய இத்யயம் ।।
தஸ்ய பா⁴வார்த²நிஷ்ட²த்வாத்³வஸ்துந்யநுபபத்தித: ।। 654 ।।

ஸித்³தே⁴(அ)ஸித்³தே⁴(அ)த² வைகாத்ம்யே விதி⁴ர்நைவோபபத்³யதே ।।
நா(அ)(அ)காஶே நாபி தத்புஷ்பே பும்வ்யாபாராநபேக்ஷதா ।। 655 ।।

ந விதி⁴ர்த³ர்ஶநே(அ)பி ஸ்யாத³ந்யோந்யாஶ்ரயதோ³ஷத: ।।
த³ர்ஶநாத்³விதி⁴ஸம்ஸித்³தே⁴ர்விதே⁴ர்த³ர்ஶநஸித்³தி⁴த: ।। 656 ।।

ந ச யூபாதி³வச்ச²க்யம் வேதே³நைவ ஸமர்பணம் ।।
ஐகாத்ம்யஸ்ய ஸ்வத: ஸித்³தே⁴: ஸாத்⁴யத்வாத்³யூபவஸ்துந: ।। 657 ।।

ஸித்³த⁴ம் சேத்³த³ர்ஶயேத்³வேத³: ப்ரஸித்³த⁴ம் த³ர்ஶநம் ததா² ।।
தந்நிஷ்ட²ம் ச ப⁴வேத்³வாக்யம் வ்யர்த²தா ச விதே⁴ஸ்ததா³ ।। 658 ।।

ஸர்வமாத்மேதி வாக்யாஸ்ய ந ச வஸ்துந்யஸம்ப⁴வ: ।।
யேநார்த²ஸ்யாஸமாப்தாத்வாத்க்ரியேதாத்⁴யாஹ்ருதி: பதே³ ।। 659 ।।

ஆத்மா ப்³ரஹ்மேதி விஜ்ஞாநம் விதி⁴ம் நைவ வ்யபேக்ஷதே: ।।
யஸ்மாத்தச்ச்²ருதவாக்யஸ்ய ஸ்வயமேவோபஜாயதே ।। 660 ।।

யஜேதேதிவிதி⁴ஜ்ஞாநம் ந வித்⁴யந்தரமீக்ஷதே ।।
வித்⁴யந்தரே(அ)நவஸ்தா² ஸ்யாந்ந சாயம் கர்மணி ஸ்தி²தே: ।। 661 ।।

ப்ரதிபந்நே விதே⁴யார்தே² ப்ரவ்ருத்தி: ப²லமிஷ்யதே ।।
ப்ரவ்ருத்தேஶ்ச விதி⁴ஜ்ஞாநமேவமந்யோஸம்ஶ்ரய: ।। 662 ।।

போ³தே⁴(அ)ஸ்மிஞ்ஶப்³த³தோ ஜாதே ந ப்ரவர்த்யோ(அ)கலத்வத: ।।
அऩுத்பந்நே ச நிதராம் ப்ரவ்ருத்தேர்ஹேத்வஸம்ப⁴வாத் ।। 663 ।।

அத² நிஶ்சயஸித்³த்⁴யர்த²முத்பந்நே(அ)பி ப்ரவர்த்யதே ।।
ஸ நிஶ்சயோ வ: கிம் ஶப்³தா³த³தா²ந்யஸ்மாதி³தீர்யதாம் ।। 664 ।।

ஶப்³தா³த்³யதி³ ததே³தே³த³மாயாதம் பூர்வதூ³ஷணம் ।।
அந்யஸ்மிந்நிஷ்யமாணே ச ஸாபேக்ஷத்வம் ப்ரஸஜ்யதே ।। 665 ।।

அவிவக்ஷிதநுத்த்யர்த²மதா²த்ர விதி⁴ரிஷ்யதே ।।
அயம் ஜ்ஞேயோ(அ)ர்த² இத்யுக்தௌ ஸ்யாத்³விவக்ஷிததீ⁴ர்யத: ।। 666 ।।

நைவமுத்ஸர்க³தோ யஸ்மாச்ச²ப்³தா³நாம் லோகவேத³யோ: ।।
விஶிஷ்டார்தை²கநிஷ்ட²த்வம் ஸ்வதோ ந விதி⁴ஹேதுத: ।। 667 ।।

அவிஶிஷ்டஶ்ச வாக்யார்த²ஸ்ததா² லௌகிகவைதி³க -
வாக்யயோர்க³ம்யதே யஸ்மாத்³விதி⁴ர்நாதோ விவக்ஷித: ।। 668 ।।

அபி த்³ருஷ்டார்த²தைகாத்ம்யே கர்மஸ்விவ ந பி⁴த்³யதே ।।
வேதா³தீ⁴திவிதே⁴ஸ்தஸ்மாத்³விதி⁴ரத்ர நிரர்த²க: ।। 669 ।।

விதே⁴ர்வித்⁴யந்தரே(அ)பீ⁴ஷ்டே க்ருத்ஸ்நோ(அ)ர்தோ²(அ)ப்யவிவக்ஷித: ।।
பூர்வோக்தேநைவ ந்யாயேந நைவ கல்ப்யோ விதி⁴ஸ்தத: ।। 670 ।।

மதம் புமர்த²ஸித்³த்⁴யர்த²: ஜ்ஞாநஸ்ய விதி⁴ரிஷ்யதே ।।
ப²லஸ்ய வித்⁴யதீ⁴நத்வாது³பேக்ஷாப²லதா(அ)ந்யதா² ।। 671 ।।

ஜ்ஞேயவ்யாப்த்யதிரேகேண ந விஜ்ஞாநாத்ப²லாந்தரம் ।।
இஷ்யதே கர்மவந்நாதஸ்தத³ர்த²ம் விதி⁴கல்பநா ।। 672 ।।

யதா³(அ)பி மாதரி ப²லம் ததா³(அ)பி விதி⁴நா(அ)த்ர கிம் ।।
மாத்ருமாநப்ரமேயாதௌ³ தத்ஸித்³தே⁴ர்விதி⁴நா விநா ।। 673 ।।

அதா²பி கார்யவிரஹாத்ஸித்³தா⁴ர்த²மநுவாத³கம் ।।
வசோ நைவ ப்ரமாணம் ஸ்யாத்தஸ்ய மாந்தரஸம்க³தே: ।। 674 ।।

வித்⁴யர்தா²ங்கீ³க்ருதௌ த்வேதத³நபேக்ஷம் ப்ரமாணதாம் ।।
அஶ்நுதே மாந்தராபா⁴வாஜ்ஜ்யோதிஷ்டோமாதி³வாக்யவத் ।। 675 ।।

வஸ்து மாந்தரயோக்³யம் சேத்³விதௌ⁴ ஸத்யபி தத்ததா² ।।
அத² தந்மாந்தராயோக்³யம் வித்⁴யபா⁴வே(அ)பி தத்ததா² ।। 676 ।।

கிம் வாக்யஸ்யாநுவாத³த்வம் ஸித்³தே⁴(அ)ர்தே² மாந்தரேண வா ।।
மிதே தத்ர ந பூர்வஸ்மிந்ஸித்³தே⁴(அ)ப்யர்தே²(அ)நுவாத³தா ।। 677 ।।

மாநாந்தராநதி⁴க³தம் ஸித்³த⁴ம் வஸ்த்வவபோ³த⁴யத் ।।
மாநம் கிம் நாநபேக்ஷம் ஸ்யாத்புமர்த²ஶ்ச ஸ்வரூபத: ।। 678 ।।

பும்பு³த்³தி⁴விஷயோ ஹ்யர்தோ² மாநாந்தரமபேக்ஷதே ।।
அபா⁴வாத்புருஷஸ்யேஹ ந து ஸித்³தோ⁴(அ)பி வைதி³க: ।। 679 ।।

ந ச ஸித்³த⁴த்வமாத்ரேண ஶங்க்யதே மாந்தரம் க்வசித் ।।
ஶங்க்य़மாநஸ்ய மாநஸ்ய துல்யா ஸாபேக்ஷதா யத: ।। 680 ।।

ந ச ஸாபேக்ஷதா(அ)ப்யஸ்தி மிதேர்மாநத்வத: க்வசித் ।।
மாந்தராநவபு³த்³த⁴ம் ஹி போ³த⁴யந்மாநமுச்யதே ।। 681 ।।

மாநாந்தராநபேக்ஷம் சேந்மாநம் மேயம் ஜ்ஞபோ³த⁴யேத் ।।
மாநமேவ ததா³ தத்ஸ்யாந்நாதோ(அ)ந்யந்மாநலக்ஷணம் ।। 682 ।।

அத² மாநாந்தராபேக்ஷம் தந்மாநம் மேயபோ³த⁴கம் ।।
த்³வயோரேகக்ரியாவேஶாத்ததா²(அ)ப்யந்யாநபேக்ஷதா ।। 683 ।।

அதா²நதி⁴க³தாபா⁴வாது³த்தரஸ்யாப்ரமாணதா ।।
தத்ஸத்³பா⁴வாத்து பூர்வஸ்ய ஜ்ஞாநஸ்யாஸ்து ப்ரமாணதா ।। 684 ।।

மாதோ(அ)நதி⁴க³தத்வஸ்ய ஸித்³தி⁴: ஸ்யாத³த²வா(அ)ந்யத: ।।
ஸ்வதோ வா ஜ்ஞாததாயாஶ்ச குத: ஸித்³தி⁴ரிதீர்யதாம் ।। 685 ।।

அஜ்ஞாதத்வஸ்ய மாவ்யாப்தே: பூர்வமேவ ப்ரஸித்³தி⁴த: ।।
ததஶ்ச மாநத: ஸித்³தி⁴ர்நாஜ்ஞாதத்வஸ்ய குத்ரசித் ।। 686 ।।

மாநவ்யாப்திக்ஷமம் சேத்ஸ்யாத³ஜ்ஞாதத்வம் க⁴டாதி³வத் ।।
வாஸ்தவம் ஸ்யாத்ததா³ ரூபமஜ்ஞாதம் ச ஸதா³ ப⁴வேத் ।। 687 ।।

ததா² ஸம்ஶயமித்²யாத்வபு³த்³த்⁴யோரேஷ யதோ²தி³த: ।।
ந்யாயோ வாச்யஸ்தத: ஸர்வோ வ்யவஹாரோ ந ஸித்⁴யதி ।। 688 ।।

அஜ்ஞாதத்வாவிஶேஷே(அ)பி மாநாநாம் யதி³ மாநதா ।।
ஜ்ஞாதஸ்யாஜ்ஞாததோ(அ)ந்யத்வாத்தத்ர ஸ்யாத்கிம் ந மாநதா ।। 689 ।।

ஏகார்தோ²பநிபாதித்வாத்ஸாபேக்ஷத்வம் யதீ³ஷ்யதே ।।
ததா²ச ஸர்வமாநாநாம் ஸாபேக்ஷத்வம் ப்ரஸஜ்யதே ।। 690 ।।

ஏகஸ்யாமபி ஸத்தாயாம் ஸர்வாக்ஷாணாம் ப்ரமாணதா ।।
த்³ரவ்யே த்வக்சக்ஷுஷோஸ்தத்³வத்ப்ரஸஜ்யேதாப்ரமாணதா ।। 691 ।।

நியோகே³ லோகிகே சா(அ)பி ஹரீதக்யாதி³ப⁴க்ஷணே ।।
மாநாந்தராஸம்ப⁴வேந ப்ரஸஜ்யேதாநபேக்ஷதா ।। 692 ।।

நைஷ தோ³ஷோ நரஜ்ஞாநபூர்விகா விநியோக³தீ⁴:।।
யேந லோகே(அ)ஸ்த்யதோ(அ)பேக்ஷா வேதே³ து ஸ்யாத்³விபர்யய: ।। 693 ।।

நைவம் ஸத்யநபேக்ஷத்வம் வசஸ: கார்யஸம்ஶ்ரயாத் ।।
பும்பு³த்³தி⁴பூர்வகத்வேந யத: ஸாபேக்ஷதோச்யதே ।। 694 ।।

நைவம் நியோக³நிஷ்ட²த்வாத்³வேதே³ தேநாநபேக்ஷதா ।।
ஸாபேக்ஷத்வம் ச லோகே ஸ்யாத்³விநியோக³ப்ரதா⁴நத: ।। 695 ।।

நைவம் ஶப்³தா³ர்த²யோரைக்யம் யதா³ ஸ்யால்லோகவேத³யோ:।।
ததா³ ந ஶக்யதே வக்தும் வைலக்ஷண்யம் தயோரிதி ।। 696 ।।

ஸ்வரூபலாப⁴: ஸித்³த⁴ஶ்சேத்ஸ்வதோ வா யதி³ வா(அ)ந்யத: ।।
ஸ்வரூபே(அ)நுபயோகி³த்வாந்ந ப்ரமணவ்யபேக்ஷணம் ।। 697 ।।

அபி⁴வ்யக்தோ(அ)த² ஸித்³தோ⁴(அ)யம் ஸ்வதோ வா யதி³ வா(அ)ந்யத: ।।
அபி⁴வ்யக்தஸ்ய பூ⁴யோ(அ)பி நிஷ்ப²லம் மாந்தரேக்ஷணம் ।। 698 ।।

தஸ்மாந்ந ஸித்³த⁴ இத்யேவ ஸம்பா⁴வ்யேத ப்ரமாந்தரம் ।।
நரோக்தௌ மாந்தராபேக்ஷா தேந மாந்தரஸம்ப⁴வ: ।। 699 ।।

க்ரியாம் விநா ந ஸம்ஸர்க³: பதா³ர்தா²நாமதோ²ச்யதே ।।
க்ரியைவாபேக்ஷ்யதாம் தர்ஹி கிம் ந ஸித்³த⁴ம் விதி⁴ம் விநா ।। 700 ।।

க்ரியா சாபேக்ஷ்யமாணா(அ)பி ந யா காசித³பேக்ஷ்யதே ।।
யோக்³யத்வஹேதுதஸ்தர்ஹி ஸா(அ)ஸ்த்யேவாஸ்யாதி³கா ஶ்ருதௌ ।। 701 ।।

அகர்மகத்வாத³ஸ்யாதே³ர்ந தாவத்கர்ம வித்³யதே ।।
அபூ⁴தப⁴வநம் சார்தே² நித்யத்வாதா³த்மநஶ்ச ந ।। 702 ।।

அஸம்ஸ்ருஷ்டாத்மபோ³தி⁴த்வாந்நாபி ஸம்ஸர்க³தீ⁴ரத: ।।
ஸ ஆத்மேத்யபி⁴ஸம்ப³ந்தா⁴ந்நாபி ஸத்தா ஸதோச்யதே ।। 703 ।।

ஶப்³தா³த்³யகோ³சரோ(அ)ர்தோ²(அ)தோ லக்ஷணாபாஶ்ரயாச்ச்²ருதௌ ।।
ஸதி³த்யாதி³பதை³ராத்மா ஸாக்ஷாந்ந: ப்ரதிபாத்³யதே ।। 704 ।।

யதா³(அ)பி மாநயோக்³யத்வம் ஸத்த்வம் தச்ச ப்ரதீயதே ।।
ததா³(அ)பி வஸ்துபரதா நா(அ)(அ)க³மஸ்ய விஹந்யதே ।। 705 ।।

மாந்தரேணாபி ஸம்ப³த்³த⁴மர்த²ம் வாக்யம் ப்ரபோ³த⁴யத் ।।
மாநதாம் ந ஜஹாத்யேவ ஜக³த்யாப்தவசோ யதா² ।। 706 ।।

ஜ்ஞாத: ஸோ(அ)ர்தோ² மயேத்யத்ர நா(அ)(அ)ப்தவாக்யம் விஹந்யதே ।।
மாநாந்தரவ்யபேக்ஷத்வாத்³விஹந்யேதார்த²நிஶ்சிதௌ ।। 707 ।।

மாயோகே³(அ)பி ந மாநத்வமநாப்தவசஸ: க்வசித் ।।
தேநா(அ)(அ)ப்தவாக்யம் மாயோகே³ மாநாத³ர்தே²(அ)பி நிஷ்டி²தம் ।। 708 ।।

ஏவம் ச ஸதி வேதா³ந்தா யதி³ மாநமலௌகிகம் ।।
ப்ரபோ³த⁴யந்தி வித்⁴வஸ்தநிகி²லத்³வைதகௌ³சரம் ।। 709 ।।

கத²ம் தேஷாமமாநத்வம் ததா³ ஸ்யாதா³ப்தவாக்யவத் ।।
அர்த²ஸித்³தி⁴ஶ்ச மாஸித்³தௌ⁴ ஸித்³தை⁴வேதி ந ஸாத்⁴யதே ।। 710 ।।

கிம்ச ஸித்³த⁴த்வஸம்ப³ந்தா⁴தை³காத்ம்யே மாந்தராநுமா ।।
யதை²வம் கார்யதாயோகா³ந்நியோகே³(அ)ப்யநுமா ந கிம் ।। 711 ।।

நியோக³ஸ்யாபி கார்யத்வம் ப்ரேஷணாத்⁴யேஷணாதி³பி⁴: ।।
ஸமம் தத்³வர்த்மநைவாஸ்ய ஸம்ப³ந்த⁴க்³ரஹணம் யத: ।। 712 ।।

பராயத்தாத்மலாப⁴த்வம் நியோக³ஸ்யேஹ கார்யதா ।।
கார்யைர்மாந்தரக³ம்யை: ஸா ந கத²ம்சித்³விஶிஷ்யதே ।। 713 ।।

யத்த்வஸாதா⁴ரணம் தஸ்ய கார்யத்வமிதி ப⁴ண்யதே ।।
லௌகிகேஷ்வபி கார்யேஷு தந்நேைவ விநிவார்யதே ।। 714 ।।

அதா²ஸாதா⁴ரணஜ்ஞாநபரிச்சே²த்³யத்வமிஷ்யதே ।।
தச்ச ஸர்வபதா³ர்தா²நாம் ந த³ண்டை³ர்விநிவார்யதே ।। 715 ।।

ப்ரமாணாயத்தமேதாவத்ஸ்வப்ரமேயாவபா⁴ஸநம் ।।
கார்யதா(அ)கார்யதாவத்ஸ்வப்ரமேயாவபா⁴ஸநம் ।।
கார்யதா(அ)கார்யதா வா(அ)த்ர மேயாயத்தா, ந மாநத: ।। 716 ।।

ஸித்³த⁴த்வஹேதுகோ யோ(அ)பி தோ³ஷ ஐகாத்ம்ய உச்யதே ।।
நியோக³ஸ்யாபி ஸம்ஸித்³தௌ⁴ ஸ தோ³ஷோ நாபநுத்³யதே ।। 717 ।।

யாகா³தி³விஷயாஸித்³த்⁴யா ந சாஸௌ ந ப்ரஸித்⁴யதி ।।
வித்⁴யுக்தேஸ்தத³ஸம்ஸித்³தௌ⁴ நிஷ்ப²லத்வம் ப்ரஸஜ்யதே ।। 718 ।।

ஐகாத்ம்யவஸ்துயாதா²த்ம்யப்ரகாஶநபடீயத: ।।
வசஸஸ்த்வதிரேகேண கிம் மாநம் தத்³து⁴ரம் வஹேத் ।। 719 ।।

மாத்ராதி³ஸவ்யபேக்ஷம் ஸத்³யத்ர ஜ்ஞாநம் ப்ரஜாயதே ।।
தத்ரைவ மாந்தராபேக்ஷா ந து வித்⁴வஸ்தபே⁴த³கே ।। 720 ।।

வித்⁴யர்தா²தீ⁴நஸம்ஸர்கா³: பதா³ர்தா² வைதி³கோக்திஷு ।।
லோகே மாந்தரஸம்ஸித்³த⁴ஸம்ஸர்கா³ ரசநாப³லாத் ।। 721 ।।

ரசநா ச பதா³ர்தா²நாம் விவக்ஷாபூர்விகைவ து ।।
ப்ரமாணாந்தரக³ம்யே(அ)ர்தே² விவக்ஷா ச வ்யவஸ்தி²தா ।। 722 ।।

ஏவம் ச ஸதி வேேதா³ந்தவாக்யார்த²ப்ரத்யயோ ப்⁴ரம: ।।
உத்கா²தவிதி⁴கோ லோகே தோயபு³த்³தி⁴ரிவோஷரே ।। 723 ।।

இத்யுக்தே பரிஹாராய ஶ்ருணு யத்³ப⁴ண்யதே(அ)து⁴நா ।। 724 ।।
பதா³ர்த²ஸம்க³தே: கஸ்மாத்³வித்⁴யதீ⁴நத்வமாத்³ருதம் ।।
பதா³ர்தா²ந்தரதத்ரத்வம் கஸ்மாத்³தே⁴தோர்ந கல்ப்யதே ।। 725 ।।

ஸம்ஸர்க³ஶ்சேத்பதா³ர்தா²நாம் விநா(அ)பி விதி⁴நா ப⁴வேத் ।।
அநர்த²கோ ப⁴வேதே³வம் விதி⁴ர்நிர்விஷயத்வத: ।। 726 ।।

நநு தோ³ஷ: ஸமாநோ(அ)யம் விதே⁴ரந்யபதே³ஷ்வபி ।।
விஶிஷ்டார்தா²வக³த்யர்த²ம் ப்ரயுஜ்யந்தே(அ)பராண்யபி ।। 727 ।।

ஏவம் ஸதி விதி⁴: கஸ்மாந்நாநர்த²க இதீர்யதாம் ।।
யோக³க்ஷேமஸமாநத்வாத³வித்⁴யர்த²பதா³ந்தரை: ।। 728 ।।

உச்யதே விதி⁴ஶப்³தோ³ ஹி மாந்தராஜ்ஞாதகோ³சர:।।
ந தஸ்ய விஷயாக்ஷேபம் முக்த்வா(அ)ந்யத்ர க்ருதார்த²தா ।। 729 ।।

மாநாந்தரப்ரஸித்³தா⁴ர்த²வாதி³த்வாத³நுவாத³கம் ।।
விதே⁴ரந்யபத³ம் யஸ்மாந்நா(அ)(அ)க்ஷேபோ(அ)த: ப்ரதீயதே ।। 730 ।।

அவ்யுத்பந்நே(அ)பி ஸம்ப³ந்தே⁴ வித்⁴யர்தா²வக³மஸ்ததா² ।।
அத² விஜ்ஞாதஸம்ப³ந்த⁴ம் ஸித்³தா⁴ர்த²ம் ஸ்யாத்³விதா⁴யகம் ।। 731 ।।

ஸ்வத⁴ர்மம் ச பத³ம் ஜஹ்யாத்ஸம்ப³ந்த⁴ஜ்ஞாநநிஹ்நுதௌ।।
தஸ்மாத்³விஜ்ஞாதஸம்ப³ந்த⁴ம் பத³ம் ஸர்வத்ர போ³த⁴கம் ।। 732 ।।

இதோ(அ)ந்யதா² கல்ப்யமாநே ஸர்வம் ஸ்யாத³ஸமஞ்ஜஸம் ।।
வாக்யவாக்யார்த²யோக³ஶ்சேத்³வாச்யவாசகலக்ஷண: ।। 733 ।।

தத்³விஶேஷைகநிஷ்ட²த்வாந்ந வ: ஸம்ப³ந்த⁴தீ⁴ர்ப⁴வேத் ।।
ந விஶேஷாந்தரே வ்ருத்திர்விஶேஷஸ்யாஸ்தி கோ³த்வவத் ।।
நைராகாஙக்ஷ்யேண தத்ஸித்³தே⁴: ஸம்ப³ந்தோ⁴(அ)தோ ந க்³ருஹ்யதே ।। 734 ।।

ஸம்ப³ந்த⁴ம் மந்யதே யோ(அ)பி ஶாப்³த³போ³தா⁴நுஸாரிணீம் ।। 735 ।।
த்³ருஷ்ட்வேஹாம் ஶ்ரோத்ருகா³ம் ஸோ(அ)பி ந ஸம்யக³பி⁴மந்யதே ।।
ஶ்ரோத்ருஸ்த²கார்யலிங்க³த்வாத்கத²ம் ஶப்³தை³ககோ³சர: ।। 736 ।।

தஸ்யாபி ஶப்³த³பூர்வத்வாதி³தி சேல்லிங்க³பூர்வத: ।।
கஸ்மாந்ந ஶப்³த³போ³தோ⁴(அ)பி ஹ்யநுமாநபுர:ஸர: ।। 737 ।।

நியோக³ ஶப்³த³தோ பு³த்³த்⁴வா யோ(அ)பி ஶ்ரோதா ப்ரவர்ததே ।।
தஸ்யாப்யநுமிதேரேவ ஶப்³தா³ர்த²ப்ரத்யயோ ப⁴வேத் ।। 738 ।।

ப்ரத்யக்ஷக³ம்யகார்யேண நியோக³ஸ்யாநுமேயத: ।।
ப்ரத்த²க்ஷகார்யவத்தஸ்ய லௌகிகத்வம் ப்ரஸஜ்யதே ।। 739 ।।

ந சேத்கார்யம் நியோக³: ஸ்யாத்கோ(அ)ர்தோ² யாகா³தி³ஸித்³தி⁴த: ।।
ஸித்³த⁴வஸ்த்வவபோ³த⁴த்வம் விதே⁴ரபி ததா³ ப⁴வேத் ।। 740 ।।

ப்ராத²ம்யம் சாத்ர து³ர்லக்ஷ்யம் பீ³ஜதத்கார்யயோரிவ ।।
ஶப்³தா³நுமாநயோர்நாத: ஶப்³த³ப்ரத²மதேஷ்யதே ।। 741 ।।

யத்³வா(அ)நுமாநமேவாத்ர ஶப்³தா³த்பூர்வம் ஹி யுஜ்யதே ।।
நாவித்தஸம்க³தி: ஶப்³தோ³ க³மகோ(அ)தோ(அ)நுவாத³க: ।। 742 ।।

பு³த்⁴யதே யோ(அ)நுமாநேந ஶப்³த³பு³த்³த⁴ம் ந வேத்தி ஸ: ।
பி⁴ந்நே பி⁴ந்நே(அ)பி மேயே தீ⁴ர்நாநுவாதோ³(அ)ந்யபோ³த்³த⁴ரி ।। 743 ।।

ப்ரவ்ருத்திஹேதுமாத்ரம் ச ப்ரவ்ருத்த்யா(அ)த்ராநுமீயதே ।।
லோகிகேநாபி தத்ஸித்³தே⁴ர்நாஸ்தி மாநமலௌகிகே ।। 744 ।।

கார்யபு³த்³த்⁴யைவ ஸம்வ்யாப்தி: ப்ரவ்ருத்தேர்ந ச க³ம்யதே ।।
ஸர்பாதி³வஸ்துபோ³தே⁴(அ)பி ப்ரவ்ருத்திர்வீக்ஷ்யதே யத: ।। 745 ।।

பும்ஸ்ப்ரவ்ருத்தே: ப²லம் கார்யம் வித்⁴யர்த²ஶ்சாபி காரணம் ।।
ப்ரவ்ருத்திஹேதுர்ந ப²லம் ப⁴வதைவாபி⁴தீ⁴யதே ।। 746 ।।

அபஸர்ப்யஸ்ய ஸர்பாதே³ர்ந ச கார்யம் ப²லம் மதம் ।।
அமர்தா²பா⁴வமாத்ரத்வாந்நசாபா⁴வ: ப²லம் க்வசித் ।। 747 ।।

நியோகோ³(அ)த² ப்ரமாரூபோ விதி⁴ஶப்³த³ப்ரகாஶித: ।।
மாநாந்தராநபேக்ஷ: ஸந்நாக்ஷேபகதயா ப்ரமா ।। 748 ।।

ஆக்ஷேப்த்ருத்வம் ந ஶப்³தோ³த்த²ம் ந ச மாநாந்தராத்ததா² ।।
அவ்யுத்பந்நப்ரவ்ருத்திஶ்சேத்யுக்ததோ³ஷப்ரஸங்க³த: ।। 749 ।।

ஸ்வாப்⁴யுபேதநயஸ்யைவ த்யாக³: ப்ராப்நோத்யநீப்ஸித: ।।
ப்ராமாண்யம் சாஸ்ய யத்ரேஷ்டம் ஶ்ருதேஸ்தத்ராஸ்த்வநேந கிம் ।। 750 ।।

க்வ சேஷ்டமஸ்ய மாநத்வம் ந யாகா³தௌ³ ஸ்வஶப்³த³மே ।।
லோகிகோ(அ)பி ந ஸம்ஸர்கோ³ வித்⁴யாயத்த: ஸ்தி²தோ யத: ।।
வித்⁴யபா⁴வே ஹி ஸம்ஸர்க³: ஶ்ரோதுரஸ்த்யவிதா⁴வபி ।। 751 ।।

ப²லஸாத⁴நஶக்திஶ்சேத்³வித்⁴யாயத்தா ப⁴விஷ்யதி ।।
நைவம் தத்ராபி ஶப்³த³ஸ்ய ஸாமர்த்²யம் கேந வார்யதே ।। 752 ।।

தஸ்மாதி³தரதுல்யத்வாந்ந வித்⁴யர்த²நிப³ந்த⁴ந: ।।
ஸம்ஸர்க³: ஸ்யாத்பதா³ர்தா²நாம் ஸுஸ்த²மேவம் விதி⁴ம் விநா ।। 753 ।।

தஸ்மாத்ஸர்வபதா³ர்தா²நாமாகாங்க்ஷாயோக்³யஸம்நிதே⁴: ।।
பரஸ்பராபி⁴ஸம்ப³ந்தா⁴த்³விஶிஷ்டார்தா²வபோ³தி⁴தா ।। 754 ।।

நநூத்பத்திவிதி⁴ர்யத்³வத்கர்மபோ³தே⁴ வ்யவஸ்தி²த: ।।
ஆத்மஜ்ஞாநவிதி⁴ஸ்தத்³வதா³த்மபோ³தே⁴(அ)வதிஷ்ட²தாம் ।। 755 ।।

கர்மாதி⁴காரவச்சாத்ர ப்ரவ்ருத்திரபி ஸேத்ஸ்யதி ।।
அப்ரவ்ருத்தப்ரவ்ருத்திஶ்ச ததா² பு³த்³தா⁴ர்த²போ³த⁴நம் ।। 756 ।।

ஏவம் விதி⁴மிஹேச்ச²ந்தி வித்⁴யயோக்³யே(அ)பி வஸ்துநி ।।
விதி⁴ராக³வஶாத்கேசித்தாந்ப்ரதீத³மதோ²ச்யதே ।। 757 ।।

கர்மஸ்வரூபபோ³தே⁴ ஹி வ்யாபாரோ நேஷ்யதே விதே⁴: ।।
கிம் தூத்பந்நஸ்ய ஸாபேக்ஷ்யாத³தி⁴காரேண ஸம்க³தி: ।। 758 ।।

அதி⁴காரப்ரவேஶித்வம் நா(அ)(அ)த்மஜ்ஞாநஸ்ய யுஜ்யதே ।।
யஸ்யாதி⁴காரஸம்ப³ந்த⁴: ஸ ஆத்மா ந விதீ⁴யதே ।। 759 ।।

வ்ரீஹ்யாதி³விஷயம் யத்³வத்³யத்நேநாபி நிரூபிதம் ।।
ப்ரத்யக்ஷம் நாதி⁴காராநுப்ரவேஶம்ம் ப்ரதிபத்³யதே ।। 760 ।।

அந்யோ(அ)ப்யநுப⁴வோபாயோ மநநத்⁴யாநலக்ஷண: ।।
ஸோபாயோ விஹிதோ(அ)ஸ்த்யேவ ப்ரதிபத்திவிதி⁴ம் விநா ।। 761 ।।

த³ர்ஶநஸ்ய விதே⁴யத்வாத்தத்ஸம்ப³ந்தோ⁴பலக்ஷித: ।।
ப்ரஸம்க்²யாநாத்மகோ(அ)த்ராபி ப்ரயத்நோ(அ)நுப⁴வம்ம் ப்ரதி ।। 762 ।।

ஶமாத்³யங்கா³ந்வித: ஸர்வமாத்மேதிஸ்துதிபூ⁴ஷண: ।।
மநநாத்³யர்த²வத்த்வாய பஶ்யேதி³தி விதீ⁴யதே ।। 763 ।।

பஶ்யேதி³தி ப்ரயத்நஶ்சேத்ப²லம் ஸ்யாத்³த³ர்ஶநம் ததா³ ।।
லக்ஷணம் ந ப்ரயத்நஸ்ய லக்ஷணம் சேத்கத²ம் ப²லம் ।। 764 ।।

லோகே த³ர்ஶநஸம்ப³த்³த⁴ம் ப்ரஸம்க்²யாநம் ஸமீக்ஷிதம் ।।
வேதே³(அ)பி கிம் ததா² தத்ஸ்யாந்ந வா(அ)தஸ்தத்³விதீ⁴யதே ।। 765 ।।

ஸாமாந்யேநௌஷத⁴ம் யத்³வஜ்ஜ்வரநாஶோபலக்ஷிதம் ।।
த்³ருஷ்டம் கஷ்டஜ்வரே(அ)ப்யேவம் விஶேஷேணோபதி³ஶ்யதே ।। 766 ।।

அப்யஜ்ஞாதப²லம் ஸாக்ஷாந்மாந்தரைர்விதி⁴ஸம்ஶ்ரயாத் ।।
அபா⁴வநிஶ்சயாபா⁴வாத்ப்ரஸம்க்²யாநம் ப²லாய ந: ।। 767 ।।

பஶ்சாதா³வேவமேவ ஸ்யாத்ஸம்தி³க்³தே⁴(அ)பி விநிஶ்சய: ।।
க²புஷ்பே த்வநுபாயத்வாந்நிஶ்சயோ(அ)ஸ்தி விபர்யயே ।। 768 ।।

ஏவம் கேசித்³வ்யவஸ்தா²ப்ய ப்ரஸம்க்²யாநவிதி⁴ம் புந: ।।
ஐகாத்ம்யஜ்ஞாநதாத்பர்யம் தஸ்யாபீச்ச²ந்தி யுக்திபி⁴: ।। 769 ।।

விதி⁴ஸ்வாதத்ரயபக்ஷே ஹி கிலைகாத்ம்யம் ந ஸித்⁴யதி ।।
தச்சா²ஸ்ரம் விதி⁴நிஷ்ட²த்வாந்ந ஸ்வரூபே(அ)ர்த²வாத³த: ।। 770 ।।

அபி ஶாஸ்ராத்ப்ரபந்நோ(அ)ஸ்மிந்பாரோக்ஷ்யாநபஹாரத: ।।
தத்ஸாக்ஷாத்கரணாயைவ ப்ரஸம்க்²யாநம் விதீ⁴யதே ।। 771 ।।

மாநேந விஷயாஸித்³தௌ⁴ தத்³தி³த்³ருக்ஷாவியோக³த: ।।
ப்ரஸம்க்²யாநவிதி⁴ர்ந ஸ்யாத்ஸஹாபி மநநாதி³பி⁴: ।। 772 ।।

ஶ்ருதேர்ஜ்ஞாதாத்மவ்ருத்தாந்தோ(அ)நநுபூ⁴தமபி ஸ்வகம் ।।
ஸ்தா²நகம் வாஞ்ச²த: ஶாஸ்ராத்ப்ரஸம்க்²யாநம் விதீ⁴யதே ।। 773 ।।

ஸ்வவ்யாபாரமுகே²நைவ ஶாஸ்ரம் ஸ்வார்தா²வபோ³த⁴க்ருத் ।।
ந து வ்யாபாரவிரஹாந்நாதோ த்³விகரதா ஶ்ருதே: ।। 774 ।।

ஸ்வவ்யாபாரதிரோதா⁴நம் காரகாணாம் ந ச ஸ்தி²தம் ।।
தஸ்மாதை³காத்ம்யதாத்பர்யே ப்ரஸம்க்²யாநாதி³ ஸுஸ்தி²தம் ।। 775 ।।

போ³த⁴யித்வா(அ)பி சைகாத்ம்யம் நாந்தரா பர்யவஸ்யதி ।।
ஆ புமர்தா²வதே⁴: ஶாஸ்ரமப்ராமாண்யப⁴யாத்ஸ்பு²டம் ।। 776 ।।

பரோக்ஷவ்ருத்த்யா ஶப்³தோ³ ஹி வத³ந்ஸ்வார்த²ம் ஸ்வபா⁴வத: ।।
ஸம்பா⁴வயந்ப்ரமாணத்வம் யுக்திம் ஸ்வீக்ருத்ய வர்ததே ।। 777 ।।

யாதா²த்ம்யாவக³மே(அ)ஶக்தா தூ⁴மோ(அ)க்³நாவிவ ஸா(அ)பி ச ।।
ஸ்வீக்ருத்யைவ ப்ரஸம்க்²யாநம் யுக்திர்வஸ்துநி வர்ததே ।। 778 ।।

இத்யாதி³வர்த்மநா ஶாஸ்ரம் ஸாக்ஷாத்³வஸ்து ப்ரஸாத⁴யத் ।।
விதி⁴ம் ப்ரதி ப்ரதா⁴நத்வம் ஸ்வீக்ருத்யாப்⁴யேதி மாநதாம் ।। 779 ।।

ஸம்ஸர்க³கல்பநாஶூந்யமப்யைகாத்ம்யம் ப்ரபோ³த⁴யேத் ।।
அநயைவ தி³ஶா ஶாஸ்த்ரம் ஸம்ஸ்ருஷ்டார்தா²பி⁴தா⁴ய்யபி ।। 780 ।।

யதோ வாசோ நிவர்தந்த இதி ஶ்ருத்யைவ த³ர்ஶிதம் ।।
வ்யபாஸ்தாஶேஷஸம்ஸர்க³கல்பநம் ப்³ரஹ்ம நிர்ப⁴யம் ।। 781 ।।

ஶாஸ்த்ரேணாநபி⁴தா⁴நே து நியோகே³(அ)பி ந யுஜ்யதே ।।
ப்ரவேஶோ விஷயத்வேந துல்யம் சோத்³யமதோ த்³வயோ: ।। 782 ।।

விதி⁴ம் விநா ஶ்ருதைகாத்ம்யஸ்தத³ர்தா²நுப⁴வாத்³ருதே ।।
உபாயாஜ்ஞதயா குர்யாத்தச்சா²ஸ்ரஸ்யார்த²வாத³தாம் ।। 783 ।।

விதி⁴நிஷ்டே²ம்(அ)பி ஶாஸ்ரே ஸ்யாத³ஸித்³தே⁴ர்வஸ்துநோ மிதே: ।।
தே³வதாத்⁴யாநவத்கல்ப்யம் ப²லமைகாத்ம்யவேத³நம் ।। 784 ।।

ப்ரதிபந்நாத்மயாதா²த்ம்ய: ப்ரஸம்க்²யாநாதி³ நேக்ஷதே ।।
அஜ்ஞஸ்து ஶ்ராவிதோ(அ)ப்யஸ்மாத்³விநா நா(அ)(அ)ப்நோதி தத்ப²லம் ।। 785 ।।

ஶாஸ்ரே(அ)ஸ்மிந்வஸ்துநிஷ்டே²(அ)பி ப்ரஸம்க்²யாநவிதி⁴ம் விநா ।।
புமர்தோ² லப்⁴யதே நைவேத்யஸாவபி ஸமாஶ்ரித: ।। 786 ।।

நாந்வயவ்யதிரேகாப்⁴யாமைகாத்ம்யாநுப⁴வோ ப⁴வேத் ।।
தத்ஸித்³தா⁴வேவ தௌ ஸ்யாதாம் ஸ ச தாப்⁴யாமிதி ஶ்ரய: ।। 787 ।।

யதை²வ விஶ்வஜித்³யாக³பதே³ ஸ்வார்தா²நுபாலநம் ।।
குர்வதீ ஸ்வர்க³காமேந க³ச்ச²த: ஸஹ மாநதாம் ।। 788 ।।

ததை²வ ஶாஸ்ரதத்³யுக்தீ ஸ்வாபி⁴தே⁴யார்த²பாலநம் ।।
குர்வத்யை மாநதாம் யாத: ப்ரஸம்க்²யாநேந நாந்யதா² ।। 789 ।।

ஏவமைகாத்ம்யதாத்பர்யே ஶாஸ்ரஸ்யேஷ்டே(அ)பி யுக்திபி⁴: ।।
கேேசித்கர்யமபீச்ச²ந்தி தத³ர்த²ம், தந்ந யுஜ்யதே ।। 790 ।।

ப்ரமாத்ராதி³த்ரயம் யஸ்மாத்ஸம்விந்மாத்ரவபுர்பு⁴த: ।।
ஸித்³தா⁴யதே(அ)ப்ரஸித்³த⁴ம் ஸத்தத்ஸித்³தௌ⁴ கிமபேக்ஷதே ।। 791 ।।

பரோக்ஷமபி ஸத்³வஸ்து யத்ஸாக்ஷ்யாத்மஸ்வரூபத: ।।
ஸாக்ஷாதா³த்மேவ சா(அ)(அ)பா⁴தி தஸ்மிந்பாரோக்ஷ்யதீ⁴: கத²ம் ।। 792 ।।

அப்யஜ்ஞாநாதி³ நி:ஶேஷப்ரமேயவ்யவதா⁴நக்ருத் ।।
ஸ்வத: ப்ரஸித்³தா⁴த்ஸம்ஸித்⁴யேத்தத³ஸித்³தி⁴: குதோ ப⁴வேத் ।। 793 ।।

ஸ்வமஹிம்நைவ ய: ஸித்³த⁴: ஸர்வப்ரத்யக்தமஶ்ச ய: ।।
தத்தமோஹதித: கார்யம் கிமந்யத்தத்ப்ரமாணஜம் ।। 794 ।।

மாத்ராதி³த்ரயஹாநே(அ)பி ஹாநஸாக்ஷிதயேக்ஷ்யதே ।।
யேநாஸாவவிலுப்தாக்ஷஸ்தத்பாரோக்ஷ்யம் கத²ம் ப⁴வேத் ।। 795 ।।

நியோக³பக்ஷமாஶ்ரித்ய வித்⁴யர்தா²ஸம்ப⁴வோ யதா² ।।
ஐகாத்ம்யஸித்³தௌ⁴ யத்நேந ததா²(அ)த்ர ப்ரதிபாத்³யதே ।। 797 ।।

ஐகாத்ம்யஸ்ய ஸ்வதோ முக்தேரஜ்ஞாநாத்தஸ்ய ப³த்³த⁴தா ।।
ஸாத்⁴யே(அ)ர்தே² ஸாத⁴நாபேக்ஷா ஸித்³தே⁴ தந்ந வ்யபேக்ஷதே ।। 798 ।।

தமோமாத்ராந்தராயத்வாதை³காத்ம்யாக்²யஸ்ய வஸ்துந: ।।
அஸாத்⁴யஸாத⁴நே தஸ்மிந்கா(அ)பேக்ஷா பா⁴வநாம் ப்ரதி ।। 799 ।।

யதா³(அ)நுப⁴வகாமஸ்ய கார்யம் ஸாத்⁴யம் ப்ரதீயதே ।।
ப்ரஸம்க்²யாநே ததை³காத்ம்யதாத்பர்யம் கத²முச்யதே ।। 800 ।।

கார்யம் சாந்யபரம் சேதி த்³வயமேதத்³விருத்⁴யதே ।।
ஸாத்⁴யம் ஹி ஸர்வதா³ கார்யமந்யத்தஸ்ய ப்ரஸித்³த⁴யே ।। 801 ।।

விஶேஷணம் நியோஜ்யஸ்ய ப⁴வந்நநுப⁴வ: ப²லம் ।।
விஷய: ஸத்ப்ரஸம்க்²யாநமநுபூ⁴தேர்ந ஸாத⁴நம் ।। 802 ।।

பா⁴வார்த²விஷயம் கார்யம் ப்ரஸம்க்²யாநே கத²ம் ப⁴வேத் ।।
ஆவ்ருத்திர்ஹி ப்ரஸம்க்²யாநம் ஶப்³த³யுக்த்யோரிதி ஸ்தி²தம் ।। 803 ।।

அத² ஶ்ரவணபா⁴வார்த²விஷயம் கார்யமிஷ்யதே ।।
ததா³ ஶ்ரவணமேவ ஸ்யாத்³விஶிஷ்டோ விஷயஸ்தவ ।। 804 ।।

தா³க்ஷாயணாதா³வாவ்ருத்தேர்யத்ராபி ப²லமுச்யதே ।।
ஸகு³ணாத்பைர்ணமாஸாதே³: ப²லம் தத்ராபி நோ கு³ணாத் ।। 805 ।।

கு³ணோ யத்ராபி த³த்⁴யாதி³: கார்யாவச்சே²த³கோ மத:।।
தா⁴த்வர்தா²வேஶத: ஸோ(அ)பி ப்ராப்தே சாஸ்மிந்ந து ஸ்வத: ।। 806 ।।

ஶ்ரவணாதே³ர்ந ச ப்ராப்திர்கு³ணாந்ந ச ப²லம் ஶ்ருதம் ।।
பஶ்யேதி³தி ஹி தா⁴த்வர்த²: கேவலோ விஷய: ஶ்ருத:।। 807 ।।

நாபி தல்லக்ஷிதாவ்ருத்திர்விதே⁴யா ஶ்ருதஹாநத: ।।
கார்யம் யந்நாபி பா⁴வார்தா²த்ததா³வ்ருத்திகு³ணாத்கத²ம் ।। 808।।

ஸ்வயம் ப்ரபோ³தி⁴தே(அ)ப்யர்தே² யதி³ யுக்த்யாத்³யபேக்ஷதே ।।
ஶாஸ்ரம் ஸாபேக்ஷமேவம் ஸ்யாத்ஸ்வத: ப்ராமாண்யவர்ஜநாத் ।। 809 ।।

யுக்த்யாதி³ மாந்தரம் நோ சேந்மாநாம்ஶத்வேந தத்ஸ்தி²தே: ।।
ஸம்பூ⁴ய பாதா³: ஸர்வே(அ)பி ஹ்யைகாத்ம்யம் போ³த⁴யந்தி ந: ।। 810 ।।

ந ஸம்பூ⁴ய யத: பாதா³ஸ்தைலவர்த்யக்³நயோ யதா² ।।
மிதே: ஸ்வரூபலாபா⁴ய ந து மேயோபலப்³த⁴யே ।। 811 ।।

ஸம்பூ⁴ய யதி³ ஸர்வாணி ப²லமேகம் ப்ரதந்வதே ।।
ப்ரத்யேகம் ப்ரமிதேர்வ்ருத்³தி⁴ரித்யேதஸ்யாத்ததா³ ம்ருஷா ।। 812 ।।

ஸம்பூ⁴ய ப²லகாரித்வம் க்ரியாகாரகஸம்க³தே: ।।
ஸ்வரூபலாப⁴தோ நாந்யத³பி⁴வ்யக்தாவபேக்ஷதே ।। 813 ।।

தைலவர்த்யக்³நயோ யஸ்மாத்ப்ரதீ³போத்பத்திகாரணம் ।।
லப்³தா⁴த்மலாபோ⁴ தீ³போ(அ)ர்த²ம் ஸ்வயமேவ ப்ரகாஶயேத் ।। 814 ।।

ஶப்³தே³ந ஜ்ஞாப்யதே யத்³வத்ததை²வ யதி³ யுக்திபி⁴:।।
வ்யர்த²தா(அ)த² விஶேஷஶ்சேத்ஸம்ப்ராப்தா பி⁴ந்நமாநதா ।। 815 ।।

ஸ்வப்நாதி³யுக்திபி⁴ஶ்சேத்தல்லௌகிகீபி⁴: ப்ரஸாத்⁴யதே ।।
அவைதி³கம் ப⁴வேத்³வஸ்து ஸ்யாச்ச ஶாஸ்ராநுவாத³தா ।। 816 ।।

வைதி³கத்வே(அ)பி யுக்தீநாமாக³மார்த²ப்ரபோ³த⁴த: ।।
அநுவாத³த்வமேவ ஸ்யாத்ஸ்யாச்ச ஶாஸ்ராத³பி⁴ந்நதா ।। 817 ।।

ஆவ்ருத்திஶ்ச ப்ரஸம்க்²யாநம் குர்யாத்ஸாதிஶயம் கத²ம் ।।
ந ஹ்யாவ்ருத்தௌ ப்ரமாணஸ்ய ப்ரமேயே(அ)திஶயோ யத: ।। 818 ।।

யத்ராபி சாந்த⁴காராதி³தோ³ஷாத்க்ரமவிநிஶ்சய: ।।
தத்ராபி பி⁴ந்நமேயத்வாந்நைவ ஸம்பூ⁴யமாநதா ।। 819 ।।

பூர்வம் வஸ்த்வதி விஜ்ஞாநம் ப்ராண்யயம் மாநுஷஸ்ததா² ।।
புருஷோ(அ)யமத² ஶ்யாமோ டி³த்த² இத்யர்த²பி⁴ந்நதா ।। 820 ।।

பரிச்சே²த³ப²லத்வம் ஹி மாநத்வம் தச்ச பி⁴த்³யதே ।।
தத³பா⁴வே து பூர்வேஷாமுத்தரஸ்யைவ மாநதா ।। 821 ।।

அத² மேயப்ரபே⁴தே³(அ)பி ப்ரமாணைகத்வமிஷ்யதே ।।
வஸ்துக்³ராஹிதயா(அ)க்ஷாதே³ரைகார்த்²யே(அ)பி⁴ந்நமாநதா ।। 822 ।।

ஸாத்⁴யமாநம் ப்ரஸம்க்²யாநம் யாக³வத்ஸாத⁴யேத்ப²லம் ।।
காரகம் ஜ்ஞாபகம் ஶாஸ்ரம் தயோ: ஸ்யாதே³கதா கத²ம் ।। 823 ।।

ப்ரமாதா(அ)(அ)த்மா ந மாநாஶோ யத்³யயம் வ்யாவஹாரிக: ।।
பரஶ்சேத்ஸ ப்ரமேய: ஸ்யாத்கத²ம் சாநுப⁴வ: ப²லம் ।। 824 ।।

ஸ்வரூபம்ம் யத்³யஸாத்⁴யம் தஸ்த்வாதந்த்ர்யேண ப்ரஸித்³தி⁴த: ।।
தஜ்ஜ்ஞாநம் சேத்ப்ரமாணம் தத்தச்ச ஶாஸ்ராந்ந கார்யத: ।। 825 ।।

ஶாஸ்ரமாவர்த்யமாநம் ஹி ஸ்வபா⁴வம் நைவ முஞ்சதி ।।
பரோக்ஷவ்ருத்திர்யுக்திஶ்ச கத²ம் தே மிதிவர்த⁴நே ।। 826 ।।

ப்ரமிதேஶ்ச ப்ரமேயஸ்ய வ்ருத்³தௌ⁴ வ்ருத்³தி⁴: ஸ்வதோ ந ஹி ।।
தஸ்ய வ்ருத்³தி⁴ர்மிதேர்வ்ருத்³தா⁴வித்யந்யோந்யஸமாஶ்ரய: ।। 827 ।।

உத்பாத்³யாபி மிதிம் ஶாஸ்ரம் யதி³ யுக்த்யாத்³யபேக்ஷதே ।।
ஸ்வர்கா³தா³வேவமேவ ஸ்யாத்ஸாபேக்ஷம் ச ப⁴வேத்ததா³ ।। 828 ।।

வ்யபாஸ்தாநர்த²ஸம்த³ர்ப⁴மாத்மாநமவக³ச்ச²த: ।।
கிமாப்யமதி⁴கம் ஶாஸ்ராத்³யேந யுக்த்யாத்³யபேக்ஷதே ।। 829 ।।

கா வா யுக்தி: ப்ரதீ³பஸ்ய ஸர்பாத்³யாகம்பநாஶநம் ।।
ரஜ்ஜ்வாதி³தத்வவிஜ்ஞாநம் குர்வத: ஸ்வேந தேஜஸா ।। 830 ।।

கு³ணப்ரதா⁴நபா⁴வோ ஹி விநா நைவைகவாக்யதாம் ।।
வஸ்துகார்யார்த²தாத்பர்யபே⁴தா³ந்நாபீஹ ஸா ப⁴வேத் ।। 831 ।।

ந ச ப்ரயோஜநைகத்வலக்ஷணா(அ)த்ரைகவாக்யதா ।।
அங்க³ப்ரத⁴நாவத்³யேந கல்பேதாத்ரைகவாக்யதா ।। 832 ।।

ஸ்வத:ஸித்³த⁴ஸ்ய மோக்ஷஸ்ய ந ஸாத்⁴யமுபகாரகம் ।।
ந சாந்யதா²(அ)ங்க³தா த்³ருஷ்டா ப்ரதா⁴நாநுபகாரிண: ।। 833 ।।

ஆத்மலாபே⁴ ந ஶாஸ்ரம் ச நித்யத்வாத்கார்யமீக்ஷதே ।।
ஸ்வதோபி⁴தா⁴நஶக்தத்வாந்நாபி சைகாத்ம்யபோ³த⁴நே ।। 834 ।।

ப்ரஸம்க்²யாநே ச ஶாஸ்ரார்தே² ஸக்ருதே³வ க்ருதே ப⁴வேத் ।।
ஐகாத்ம்யாநுப⁴வோ நோ சேத்³விஸம்வாதா³த³மாநதா ।। 835 ।।

ந சாத்ர சோதி³த: கால: ஸம்க்²யா வா யேந நிஶ்சய: ।।
தத்³த்³வாரேண ப⁴வேந்நாபி ஸம்தி³க்³தே⁴ ஸ்யாத்பவர்தநம் ।। 836 ।।

ஆருஹ்யாப்யத²வா தூ³ரம் விஸம்வாத³பராங்யுக²:।।
யத்கிம்சித்காமத: குர்யாத³க்ருதார்தோ²(அ)பவா பதேத் ।। 837 ।।

அத்³ருஷ்டப²லதா வா(அ)பி கல்ப்யா(அ)க்³நிஷ்டோமவத்³ப⁴வேத் ।।
கர்மாங்க³தா வா க்ல்ப்யா ஸ்யாது³த்³கீ³த²விதி⁴வத்ததா³ ।। 838 ।।

ததஶ்ச ப்ராதிலோம்யேந கார்யம் ஸ்யாச்சா²ஸ்ரபா³த⁴நாத் ।।
அஶ்ரத்³தா⁴ ச முமுக்ஷூணாம் கார்யபா³தோ⁴(அ)பி ச ஸ்தி²த: ।। 839 ।।

வஸ்துதத்த்வாநபேக்ஷத்வாத்கார்யமாத்ரப்ரதா⁴நதா ।।
ஶாஸ்ராச்ச வஸ்துநோ(அ)லாபா⁴த்கார்யம் கிம்விஷயம் ப⁴வேத் ।। 840 ।।

யதி³ தத்³வஸ்துயாதா²த்ம்யம் ஶாஸ்ரம் ந ப்ரதிபாத³யேத் ।।
வஸ்த்வஸித்³தே⁴ஸ்தத: கார்யப்ராதா⁴ந்யாத³ர்த²வாத³தா ।। 841 ।।

அதை²காத்ம்யார்த²நிஷ்ட²ம் ஸச்சா²ஸ்ரம் ஸ்யாத்ப்ரதிபாத³கம் ।।
ஆபரோக்ஷ்யாத்ததா³ கார்யம் வ்யர்த²ம் பாரோக்ஷ்யஹாநிக்ருத் ।। 842 ।।

ஶாஸ்ராத்கத²ம் ச தத்ஸித்³தி⁴ர்யாதா²த்ம்யாநவபோ³த⁴காத் ।।
நாநஶ்வரூபே ஸித்³தே⁴(அ)பி க³வ்யஶ்வஸ்ய ப்ரஸித்³த⁴தா ।। 843 ।।

ஶாஸ்ராச்ச்²ரவணமாத்ரேண கார்யாச்சாநுப⁴வோ யதி³ ।।
வஸ்துந்யநிஶ்சிதே வார்தா ஸா(அ)ர்த²வாதே³(அ)பி த்³ருஶ்யதே ।। 844 ।।

ததஶ்ச கார்யநிஷ்ட²த்வம் முதை⁴வ பரிவர்ஜிதம் ।।
ஸம்பத்பரம் ப⁴வேச்சா²ஸ்ரம் வஸ்துதாத்பர்யவர்ஜநாத் ।। 845 ।।

ந சாப்யாக்²யாயிகாரூபமநுக்³ராஹ்யம் ஶ்ருதௌ மதம் ।।
ஆதி³மத்த்வாதி³து³ஷ்டத்வாத்புமர்த²த்வேந வர்ண்யதே ।। 846 ।।

பௌநருக்த்யப⁴யாச்சாத்ர யத்³யர்தா²ந்தரகல்பநம் ।।
ஐகாத்ம்யோக்தௌ விதி⁴ர்வ்யர்த² இதி த்³வைதப்ரகல்பநம் ।। 847 ।।

ந ச மாநேந விஷயே போ³தி⁴தே(அ)ந்வேஷணம் புந: ।।
கார்யமுக்த்யோ: க்வசித்³ருஷ்டம் ஸ்வத:ப்ராமாண்யபா³த⁴நாத் ।। 848 ।।

ப்ரத்யக்ஷேண க⁴டே பு³த்³தே⁴ கா யுக்தி: கார்யமேவ வா ।।
அது³ஷ்டகாரணத்வம் ஷேத்ஸித்³த⁴ம் வேதே³ ந்ருவர்ஜநாத் ।। 849 ।।

ப்ரத்யக்ஷாதி³விரோத⁴ஶ்ச கார்யபக்ஷே(அ)பி து ஸ்தி²த: ।।
ஐகாத்ம்யாநுப⁴வோ ஹி ஸ்யாத்கத²மக்ஷாதி³பா³த⁴நாத் ।। 850 ।।

தந்நிஷேதா⁴த்து யா ஸித்³தி⁴ர்ந ஸா கார்யப்ரஸாத³த: ।।
ப்ரமாணாதே³வ ஶாஸ்ராத்ஸா ந மேயாத்கார்யதோ ப⁴வேத் ।। 851 ।।

கா வா கார்யே(அ)ஸ்தி தே யுக்தி: ஶாஸ்ரம் சேது³ப⁴யோ: ஸமம் ।।
அஜ்ஞாதஜ்ஞாபநாத³ந்யச்சா²ஸ்ராந்நேதி புரோதி³தம் ।। 852 ।।

புமர்த²ம் ப்ரதிபாத்³யாபி ப்ரக்ருத்யைவ ஶ்ருதி: புந: ।।
தமேவ யுக்திபி⁴: ஸார்த⁴ம் வத³ந்தீ ஸ்வார்த²மீக்ஷதே ।। 753 ।।

நைதாவதா(அ)பராதே⁴ந யுக்தயோ மாநகாரணம் ।।
ஶப்³த³மாத்ராத³ஸம்ஸித்³தே⁴ரநபேக்ஷத்வஹாநத: ।। 854 ।।

ந வாயோ: க்ஷிப்ரகாரித்வாச்ச்²வேதாலம்போ⁴ விபூ⁴தயே ।।
வித்⁴யுத்³தே³ஶாத்து தத்ஸித்³தே⁴: ஶைக்⁴ரயம் தூக்தம் ப்ரவ்ருத்தயே ।। 855 ।।

ஜாக்³ரத்ஸ்வப்நஸுஷுப்தேப்⁴யோ யதி³ நாமாதிரேகத: ।।
வ்யக்திப்⁴யோ கோ³த்வவத்³த்³ருஷ்டம் ப்³ரஹ்மத்வே(அ)ஸ்ய கிமாக³தம் ।। 856 ।।

அஸித்³த⁴ம் ஶாஸ்ரயுக்திப்⁴யாமாவ்ருத்த்யா(அ)பி ந ஸித்⁴யதி ।।
நைவ ஹ்யாவர்தநம் ஹேது: ப்ராமாண்யே(அ)ந்யேஷ்வநீக்ஷணாத் ।। 857 ।।

ந சேத்³ருஶம் ப்ரமாணத்வம் த்³ருஷ்டமந்யத்ர குத்ரசித் ।।
அந்யாத்³ருக்ஷப்ரமாணஸ்ய ந ச நாஸ்த்யத்ர ஸம்ப⁴வ: ।। 858 ।।

அலௌகிகார்த²வாதி³த்வாதா³த்மப்³ரஹ்மபி⁴தா⁴நயோ: ।।
ஸம்ப³ந்தா⁴க்³ரஹணாதா³த்மா ப்³ரஹ்மேதி கத²முச்யதே ।। 859 ।।

ஜ்ஞாதார்த²ஸம்க³தி: ஶப்³தோ³ வாக்யார்தா²வக³மக்ஷம: ।।
ப்³ரஹ்மாத்மார்த²ப்ரஸித்³தௌ⁴ ச லோகாந்மாநப்ரவேஶிதா ।। 860 ।।

நா(அ)(அ)த்மந்யேவா(அ)(அ)த்மஶப்³த³ஸ்ய ப்ரயோகா³த்ஸ்யாத³லைகிக: ।।
ப்³ரஹ்மார்தே²(அ)பி மஹத்த்வேந ப்ரஸித்³தோ⁴ வ்யவஹாரத: ।। 861 ।।

ஏவம் பதா³த்பரிஜ்ஞாதே பதா³ர்தே² லோகமாநத: ।।
வாக்யார்தே²(அ)தீந்த்³ரியோ வேதே³ வாக்யாத்கேந நிவர்த்யதே ।। 862 ।।

அபூர்வதே³வதாஸ்வர்க³பதா³ர்தே²ஷ்வபி லோகத: ।।
ஸித்³தே⁴ஷ்வதீந்த்³ரியோ(அ)ப்யர்தோ² வாக்யாதே³வாவக³ம்யதே ।। 863 ।।

நாபேக்ஷாபூரணாஶக்தே: ப்ரயோகே³ ஸமவாயிதா ।।
பதா³நாம் ஸபதா³ர்தா²நாம் வாக்யாத்³வ்யவஹ்ருதிர்யத: ।। 864 ।।

வாக்யார்தா²யைவ வாக்யம் ஹி ஸர்வதை³வ ப்ரயுஜ்யதே ।।
வ்யவஹாரேஷு வுத்³தா⁴நாம் ஸம்ப³ந்த⁴ஸ்தத்ர க்³ருஹ்யதே ।। 865 ।।

பா⁴கா³ந்தரப்ரவேேஶேந பா⁴க³த்யாகே³ந ச ஸ்பு²டம் ।।
வாக்யவாக்யார்த²யோர்பே⁴தே³ பதா³ர்தா²நாம் நிமித்ததா ।। 866 ।।

யத்³பா⁴க³ஸ்யா(அ)(அ)க³மாத்³யோ(அ)ர்த²பா⁴க³: ஸ்யாத³தி⁴க: க்வசித் ।।
தஸ்ய பா⁴க³ஸ்ய பா⁴கோ³(அ)ஸௌ நிமித்தம் ஸ்யாந்ந து ப்ரமா ।। 867 ।।

அத ஏவ ஸபா⁴க³த்வம் வாக்யவாக்யார்த²யோர்மதம் ।।
வாசகத்வே(அ)பி வாக்யஸ்ய ஸம்ஸ்ருஷ்டார்தா²பி⁴தா⁴நத: ।। 868 ।।

ததஶ்சைவம் ஸமூஹஸ்ய வாசகத்வமவஸ்தி²தம் ।।
ப⁴க³வத்த்வம் ச ஸம்ஸித்³த⁴ம் வாக்யவாக்யார்த²யோரத: ।। 869 ।।

ஏவம் ச லோகத: ஸித்³தோ⁴ வாக்யார்த²: ஸ்யாச்ச்²ருதாவபி ।।
லௌகிகா ஏவ ஶப்³தா³ர்தா² ந்யாயேநோக்தா: ஶ்ருதௌ யத: ।। 870 ।।

ந்ருவிவக்ஷாவ்யவாயேந லோகே ஶங்கா ப⁴வேத³பி ।।
வேதே³ த்வபௌருஷேயத்வாத்ஸாக்ஷாத்ஸ்வார்தே² ப்ரமாணதா ।। 871 ।।

ந ச கார்யபரத்வே(அ)பி பதா³நாம் ஸம்ஹதி: ஸ்தி²தா ।।
அந்யத்ராவக³மோ ந ஸ்யாத்ஸம்ப³ந்த⁴ஜ்ஞாநவர்ஜநாத் ।। 872 ।।

யதா² ச கார்யே தாத்பர்யம் கார்யம் சாபி ந வித்³யதே ।।
பூர்வமேவ ததா²(அ)ஸ்மாபி⁴ர்யுக்திபி⁴: ஸம்ப்ரஸாதி⁴தம் ।। 873 ।।

அநாதி³வ்ருத்³த⁴வ்யவஹ்ருத்³வ்யுத்பத்த்யைவ ச தஸ்த்தி²தே: ।।
ஶப்³த³ஸ்யார்தே²ந ஸம்ப³ந்த⁴ ஆதி³மத்தா ந ஶங்க்யதே ।। 874 ।।

ப்ரத²மஶ்ரவணே யத்ர ந ஶப்³தா³ர்தா²வதா⁴ரணம் ।।
தத்ராவ்யுத்பந்நதா ஹேது: ஶப்³தா³நாம் ந த்வஶக்திதா ।। 875 ।।

சக்ஷுர்த்³ரஷ்ட்ரபி பா³ஹ்யம் ஹி ந ப்ரகாஶம் விநா(அ)ர்த²த்³ருக் ।।
நைதாவதா(அ)ஸ்ய ஸாமர்த்²யம் ஹந்யதே(அ)ந்யஸ்ய வா ப⁴வேத் ।। 876 ।।

வ்யுத்பத்த்யா ந ச ஸம்ப³ந்த⁴: க்ரியதே ஹ்வ்யர்த²ஶப்³த³யோ: ।।
அவஸ்தி²தே ஹி ஸம்ப³ந்தே⁴ வ்ருத்³தே⁴ப்⁴யோ(அ)ஸௌ ப்ரஜாயதே ।। 877 ।।

ஸம்ப³ந்த⁴கரணாஶக்தேஸ்தத்கர்துஶ்சாஸ்ம்ருதேரபி ।।
தத்³விநா வ்யவஹாராச்ச ஸித்³தா⁴ ஸம்ப³ந்த⁴நித்யதா ।। 878 ।।

ஜீர்ணகூபாதி³வத்கர்துர்யத³ப்யஸ்மரணம் ந தத் ।।
அபா⁴வக³மகம் நாபி ஸம்ப³ந்தே⁴நாஸ்ய துல்யதா ।। 879 ।।

க்வசிஜ்ஜ்ஞாதேஷு தூ³ராதி³காரணே ஸம்ஶயோ(அ)பி ச ।।
நாத்யந்தாநுபலப்³தே⁴ஷு த்வபா⁴வோ(அ)தோ(அ)ஸ்ய நிஶ்சித: ।। 880 ।।

ஸம்நிக்ருஷ்டார்த²ஸம்ஸ்ருஷ்டஸ்வார்த²மாத்ராபி⁴தா⁴நத: ।।
தஸ்மாத்ஸித்³தோ⁴(அ)ந்ர வாக்யார்தோ² லோகே வேதே³ ப்ரமாணவாந் ।। 881 ।।

அதோ(அ)வபோ³த⁴கத்வேந து³ஷ்டகாரணவர்ஜநாத் ।।
அபா³தா⁴ச்ச ப்ரமாணத்வம் வஸ்துந்யக்ஷாதி³வச்ச்²ருதே: ।। 882 ।।

புருஷார்தோ²பதே³ஷ்ட்டத்வாத்³யத்³வத்கார்யே ப்ரமாணதா ।।
ததை²காத்ம்யே விஶேஷாத்³வா புமர்த²திஶயத்வத: ।। 883 ।।

புமாநிஷ்டஸ்ய ஸம்ப்ராப்திமநிஷ்டநஸ்ய ச வர்ஜநம் ।।
இச்ச²ந்நபேக்ஷதே யோக்³யமுபாயமபி தத்பர: ।। 884 ।।

க்³ராமாதி³ கிம்சித³ப்ராப்தம் ப்ராப்துமிஷ்டமிஹேச்ச²தி ।।
ஹேமாதி³ விஸ்ம்ருதம் கிம்சித்கரஸ்த²மபி லிப்ஸதே ।। 885 ।।

பரிஹார்யே ததா²(அ)நிஷ்டம் கண்டகாதி³ ஜிஹாஸதி ।।
ரஜ்ஜ்வாம் ஸர்பாதி³ கிம்சிச்ச த்யக்தமேவ ஜிஹாஸதி ।। 886 ।।

நியதோபாயஸாத்⁴யத்வாத³வாப்யபரிஹார்யயோ: ।।
விதி⁴த: ப்ரதிஷேதா⁴ச்ச ஸாத⁴நாபேக்ஷதா ப⁴வேத் ।। 887 ।।

அஜ்ஞாநாந்தரிதத்வேந ஸம்ப்ராப்தத்யக்தயோ: புந: ।।
யாதா²த்ம்யஜ்ஞாநதோ நாந்யத்புருஷார்தா²ய கல்பதே ।। 888 ।।

அஶேஷாநர்த²விச்சே²த³ம் வாஞ்ச²த: ஶ்ருதித: ஶ்ருதே: ।।
த்வம் ப்³ரஹ்மேதி ஹதாஶேஷக்லேஶோ மோஹப்ரஹாணத: ।। 889।।

வேத³ஸ்ய ஸித்³தே⁴ ப்ராமாண்யே ஹ்யஜ்ஞாதார்தா²வபோ³த⁴த: ।।
கார்யே யதா² ப்ரமாணத்வமைகாத்ம்யே(அ)ப்யேவமிஷ்யதாம் ।। 890 ।।

கார்யாத்³யதி³ து மாநத்வம் மாநத்வாத்கார்யநிஷ்ட²தா ।।
அந்யோந்யாஶ்ரயதைவம் ஸ்யாதே³கஸ்யாஸித்³தி⁴தோ(அ)ந்யத: ।। 891 ।।

ஔதா³ஸீந்யாந்நிஷேதே⁴ஷு ந லப்⁴யேத ப்ரமாணதா ।।
ஔதா³ஸீந்யம் நிவ்ருத்திர்ஹி ஸ்வரூபாலம்ப³நம் ச தத் ।। 892 ।।

ஸோ(அ)ரோதீ³த்யாதி³வாக்யாநாம் கார்யாவேஶாத்ப்ரமாணதா ।।
அபுமர்தோ²பதே³ஷ்ட்டத்வாத்தச்ச நாத்ரேத்யகாரணம் ।। 893 ।।

ந சைகாத்ம்யாப்⁴யுபாயஸ்ய மித்²யாத்வமிஹ ஶங்க்யதே ।।
உபேயாப்தௌ க்ருதார்த²த்வாது³பாயம் ப்ரத்யநீக்ஷணாத் ।। 894 ।।

ஐகாத்ம்யப்ரதிபத்தே: ப்ராங்ந மித்²யா ஹேத்வபா⁴வத: ।।
புருஷார்தா²வஸாயித்வாந்நாப்யூர்த்⁴வமநபேக்ஷத: ।। 895 ।।

உபேயபோ³த⁴நம் முக்த்வா மிதேர்நாந்யா(அ)ஸ்தி ஸத்யதா ।।
ஸத்யாத³ப்யநுபாயத்வாத்³த⁴டாந்நாக்³நிர்ஹி க³ம்யதே ।। 896 ।।

தூ⁴மாபா⁴ஸாத்து பா³ஷ்பாதே³ர்யத³க்³நிர்நாவக³ம்யதே ।।
ஹேதுஸ்தத்ராநுபாயத்வமஸத்யத்வம் புநர்ந து ।। 897 ।।

தூ⁴மவத்பரமார்த²த்வமுபாயத்வாந்ந லப்⁴யதே ।।
வேதா³ந்தாநாம் ததை²காத்ம்யஶ்ருதிபா³த⁴: ஸ்பு²டோப⁴வேத் ।। 898 ।।

பா³ஷ்பவந்நாபி மித்²யாத்வாத³நுபாயத்வமிஷ்யதே ।।
ஏேகாத்ம்யோபோ³த⁴பா³தே⁴ந ஸித்³தா⁴ தூபாயஸத்யதா ।। 899 ।।

ஶ்ருதேரைகாத்ம்யஸம்வித்தௌ சரிதார்த²த்வதோ மிதே: ।।
வ்ருதோ²பாயபரீக்ஷா ஸ்யாது³த்தீர்ணஸ்ய ப்லவே யதா² ।। 900 ।।

பா³ஹ்யேஷ்வர்தே²ஷ்வநாத்மத்வாத்புந: ஶங்கா ப⁴வேத³பி ।।
அத்ரா(அ)(அ)த்மத்வாது³பேயஸ்ய கா ஶங்கா மாநதாம் ப்ரதி ।। 901 ।।

அந்யத்ரேவ ந சாப்யத்ர வாக்யார்தோ² பே⁴த³லக்ஷண: ।।
ஸம்ஸர்க³லக்ஷணோ வா(அ)பி ப்³ரஹ்மாத்மாபே⁴த³தோ ப⁴வேத் ।। 902 ।।

ப்³ரஹ்மணோ(அ)நாத்மதாரூபமப்³ரஹ்மத்வம் ததா²(அ)(அ)த்மந: ।।
அஜ்ஞாநலக்ஷணம் ஶாஸ்ராஜ்ஜ்ஞாநம் ஹந்தி ஸமுத்பதத் ।। 903 ।।

நேஹாந்யத்ரா(அ)(அ)த்மநோ ப்³ரஹ்ம ததா²(அ)(அ)த்மா ப்³ரஹ்மணோ(அ)ந்யத: ।।
தாதா³த்ம்யமநயோஸ்தஸ்மாந்நீலோத்பலவிலக்ஷணம் ।। 904 ।।

அப்³ரஹ்மாநாத்மநே யத்³வத³த்ராஜ்ஞாநநிப³ந்த⁴நே ।।
ஆத்மதாப்³ரஹ்மதே நைவமந்யஸ்மாதி³த்யத: ஸ்வத: ।। 905 ।।

நாம்நோரேவம் ச ஸம்ப³ந்த⁴ ஐகாத்ம்யாத்ஸ்யாத்க்ரியாம் விநா ।।
ஷஷ்டீ²ம் ச ந க்ரியாஷஷ்ட்²யோர்விநா பே⁴தா³த்ப்ரவர்தநம் ।। 906 ।।

மஹத்தா யத்³வதா³காஶே க⁴டாகாஶவ்யபேக்ஷயா ।।
பராக்த்வாபேக்ஷயா தத்³வத்ப்ரத்யக்தா நா(அ)(அ)த்மநீக்ஷ்யதே ।। 907 ।।

ப்ரத்யக்த்வமத்³விதீயத்வம் போ³த⁴வந்நாந்யப³ந்த⁴நம் ।।
அபாரார்த்²யாந்ந போ³தோ⁴ ஹி ஸ்யாத³போ³த⁴நிராஸத: ।। 908 ।।

ஆத்மா(அ)பி ஸதி³த³ம் ப்³ரஹ்ம மோஹாத்பாரோக்ஷ்யதூ³ஷிதம் ।।
ப்³ரஹ்மாபி ஸம்ஸ்ததை²வா(அ)(அ)த்மா ஸத்³விதீயதயேக்ஷ்யதே ।। 909 ।।

ஆத்மா ப்³ரஹ்மேதி பாரோக்ஷ்யஸத்³விதீயத்வபா³த⁴நாத் ।।
புமர்யே நிஷ்டி²தம் ஶாஸ்ரமிதி ஸித்³த⁴ம் ஸமீஹிதம் ।। 910 ।।

நநு பே⁴தா³ஶ்ரிதைர்வாக்யைர்விதா⁴யகநிஷேத⁴கை: ।।
அக்ஷாதி³பி⁴ஶ்ச நைகாத்ம்யம் பா³தி⁴தத்வாத்ப்ரமாணவத் ।। 911 ।।

ந சாப்யைகாத்ம்யஶாஸ்ரஸ்ய தைர்வேிகல்பஸமுச்சயௌ ।।
ப்ரமாண்யை நாபி பா³த்⁴யத்வம் தேஷாம் தேந கத²ம்சந ।। 912 ।।

விருத்³த⁴மாநபா⁴வே(அ)பி ந ஹி வஸ்து விகல்ப்யதே ।।
பே⁴தா³பே⁴தௌ³ ந ச ஸ்யாதாம் விரோதா⁴த்³யுக³பத்கசித் ।। 913 ।।

பி⁴ந்நாபி⁴ந்நம் ந வோ வஸ்து யேந மாநாவிரோதி⁴தா ।।
நேஹ நாநேதி பே⁴தா³நாம் நிஷேதா⁴த்கநு பே⁴த³தீ⁴:।। 914 ।।

வர்ணாதி³க்³ரஹணோபாயோ நாபீஹாக்ஷாதி³ பா³த்⁴யதே ।।
ஸம்ஸ்காராய ச யச்சா²ஸ்ரமாத்மஜ்ஞாநோபகாரகம் ।। 915 ।।

உபசாரார்த²த: ஶாஸ்ரம் ஸாவகாஶம் ஜபே(அ)த²வா ।।
அக்ஷாதே³ரக்ருதார்த²த்வாத்கத²ம் ஸ்யாத்தேந பா³த⁴நம் ।। 916 ।।

உச்யதே, லோரத: ஸித்³த⁴ம் பே⁴த³மாஶ்ரித்ய சோத³நா ।।
ப்ரவ்ருத்தா புருஷார்தா²ய ந து பே⁴தா³வபு³த்³த⁴யே ।। 917 ।।

பே⁴த³ஸ்ய சாபுமர்த²த்வாத்தாத³ர்த்²யே ஸ்யாத³மாநதா ।।
புமர்த²த்வேந சாஸ்யேஷ்டம் ப்ராமாண்யம் வேத³வாதி³பி⁴: ।। 918 ।।

வஸ்துஸ்வரூபஸம்ஸ்பர்ஶிசக்ஷுராதி³ப்⁴ய உத்தி²தம் ।।
பே⁴த³ஸ்ப்ருங்நாக்ஷஜாத்³யேவம் ந தேநைகாத்ம்யபா³த⁴நம் ।। 919 ।।

ப்ரமேயவிஷயம் மாநம் வஸ்துநஶ்ச ப்ரமேயதா ।।
ந ச பே⁴த³ஸ்ய வஸ்துத்வம் வஸ்துதத்த்வாநபேக்ஷணாத் ।। 920 ।।

லப்³தே⁴ ஹி பூ⁴தலே(அ)லப்³தோ⁴ க⁴டஸ்தத்ர நிஷித்⁴யதே ।।
மாநாந்தரேண விஜ்ஞாதோ நாஜ்ஞாதோ நாஜ்ஞாத: ஶூந்யதாப்தித: ।। 921 ।।

வ்யஞ்ஜகஸ்ய ஸமாயோகோ³ வஸ்துநோ வஸ்துநைவ ஹி ।।
நாபா⁴வேந நிராத்மத்வாத்³வ்யாவ்ருத்த்யா வா மிதேர்ப⁴வேத் ।। 922 ।।

நாதோ வஸ்துநி ஸம்பே⁴தோ³ வஸ்துநோ(அ)பே⁴த³ரூபத: ।।
ந ப்ரமாணாத்³ப³ஹிர்வஸ்து ந மாநம் வஸ்துநோ ப³ஹி: ।। 923 ।।

நாபா⁴வயோர்மிதோ² யோகோ³(அ)வஸ்துத்வாபே⁴த³தஸ்தயோ: ।।
அபா⁴வபா⁴வயோஸ்தத்³வத்³பா⁴வரூபேஷு கா பி⁴தா³ ।। 924 ।।

அநித்யத்வஸ்ய த⁴ர்மஸ்ய க⁴டாதே³ர்த⁴ர்மிணஸ்தயோ: ।।
ஸம்யோக³: ஸமவாயோ வா தாதா³த்ம்யம் வேஹ ஸம்க³தி: ।। 925 ।।

ஆதா⁴ராதே⁴யயோகே³ஷு க⁴டோ(அ)த்ரேதி யதா² மதி:।।
நாபா⁴வபா⁴வயோகே³ஷு மிதேர்தீ⁴: கஸ்யசித்ததா² ।। 926 ।।

நஹி பா⁴வாதிரேகேண பா⁴வாபா⁴வ: ப்ரமணபா⁴க் ।।
பா⁴வாத்மநா(அ)ப்யதோ பா⁴வோ வ்யவஹாராய கல்பதே ।। 927 ।।

அதா²பா⁴வோ(அ)பி வஸ்த்வேவ நாஸ்தீதிமிதிஜந்மத: ।।
த்³வயோர்பா⁴வைகரூபத்வாத்கா(அ)திஶீதிர்மிதேஸ்தயோ: ।। 928 ।।

விஶ்வம் ஸதே³வ யஸ்யேஷ்டம் தஸ்யாபா⁴வ: குதோ மிதே: ।।
ந ச பா⁴வாதிரேகேண பா⁴வவத்ஸித்³தி⁴மஶ்நுதே ।। 929 ।।

அபா⁴வயோக³ம் பா⁴வஶ்சேத்ஸஹவே நீலயோக³வத் ।।
அவிரோதா⁴த³பா⁴வேந ந பா⁴வாபஹ்நுதிர்ப⁴வேத் ।। 930 ।।

யோகோ³(அ)யம் வஸ்துநோர்த்³ருஷ்ட: ப்ருத²க்ஸித்³தௌ⁴ பரஸ்பரம் ।।
மேஷயோர்மல்லயோர்யத்³வந்ந பா⁴வாபா⁴வயோஸ்ததா² ।। 931 ।।

ந யோகோ³(அ)பா⁴வயோர்த்³ருஷ்டோ வந்த்⁴யாஸூநுக²புஷ்பயோ: ।।
ந பா⁴வாபா⁴வயோரேவம் விரோதா⁴தி³தரேதரம் ।। 932 ।।

க்ஷிதிதே³ஶே க⁴டாபா⁴வோ க⁴டவந்ந ப்ரமீயதே ।।
யோகோ³ வா ஸமவாயோ வா நாபா⁴வக்ஷிதிதே³ஶயோ: ।। 933 ।।

ஸதா³த்மதைவம் ஸர்வஸ்ய, நாபா⁴வாத்மகதா ஸத: ।। 934 ।।
அப்யபா⁴வாத்மகத்வே(அ)பி ஸதோ(அ)பா⁴வாத்மகத்வத: ।।
குதோ பே⁴தா³வகாஶ: ஸ்யாத்³பே⁴தே³(அ)ஸதி குதோ யுதி: ।। 935 ।।

யாவத்கிம்சிஜ்ஜக³த்யஸ்மிந்பே⁴த³கம் வஸ்து லக்ஷ்யதே ।।
அநாபந்நாதி³மத்⁴யாந்தம் ஸதே³வ ததி³தீஷ்யதே ।। 936 ।।

ஸதே³வேத³மிதி ஸ்பஷ்டம் ஸந்மூலா இதி சாபரம் ।।
ஶ்ருத்யோதா³ஹாரி ந: ஸாக்ஷாத்ஸதை³காத்ம்யாவபு³த்³த⁴யே ।। 937 ।।

மாநாபா⁴வஸ்ய மாநத்வம் மேயாபா⁴வஸ்ய மேயதா ।।
ந்யாயம் ந ஸஹதே(அ)தீவ யதா² தத³து⁴நோச்யதே ।। 938 ।।

போ³த⁴கம் யத³பு³த்³த⁴ஸ்ய தந்மாநமிதி ஹி ஸ்தி²தி: ।।
ந ச ப்ரமாணநாஸ்தித்வமீத்³ருக்தஸ்மாந்ந யுஜ்யதே ।। 939 ।।

மேயாபா⁴வ: ப்ரமாணாநாம் யத்³யபா⁴வேந க³ம்யதே ।।
ப்ரமாணாநாமபா⁴வஸ்ய க³மக: கோ ப⁴விஷ்யதி ।। 940 ।।

நாக்ஷாதி³பஞ்சகம் தஸ்ய போ³த⁴கம் ஸத்ஸமந்வயாத் ।।
நயதஸ்தத³பா⁴வோ வா, மேயத்வேநைவ தத்ஸ்தி²தே: ।। 941 ।।

நீலாதி³வத³பா⁴வஸ்ய யத்³யக்ஷாதி³விஶேஷணம் ।।
விஶேஷணேந தத்³வ்யாப்தேஸ்தத³பா⁴வ: குதோ மிதே: ।। 942 ।।

அதா²விஶேஷணோ(அ)பா⁴வோ ப⁴வத்³பி⁴ரபி⁴தீ⁴யதே ।।
மேயாபா⁴வஸ்ய மாநத்வமவிஶேஷாத்ப்ரஸஜ்யதே ।। 943 ।।

க⁴டாத்³யபா⁴வ இத்யுக்திர்ந ஸம்யகி³தி மே மதி: ।।
பதா³நாமஸமர்த²த்வாத்³விரோதா⁴த்³வஸ்துநோர்மித²: ।। 944 ।।

பா⁴வாபா⁴வாக்²யபத³யோ: ஸாமர்த்²யே சேத்ஸமாஸதா ।।
க⁴டாதி³நா(அ)நபேக்ஷத்வாந்ந ஸமாஸ: ப்ரஸித்⁴யதி ।। 945 ।।

பா⁴வஸ்யாபா⁴வ இத்யத்ர ஷஷ்ட்²யர்த²: கதமோ மத:।।
ந கஶ்சித³பி ஸம்ப³ந்தோ⁴ நீரூபஸ்யாஸதா³த்மந: ।। 946 ।।

வஸ்த்வந்தரமபா⁴வஶ்சேத³ந்யத³ந்யத்³ப⁴வேத்கத²ம் ।।
அந்யோ(அ)பி ச்சேத்³ப⁴வேத³ந்யோ(அ)விரோதோ⁴ நீலவத்³ப⁴வேத் ।। 947 ।।

ஸம்க³தாவவிரோதீ⁴ சேந்ந ஸம்ப³ந்தி⁴நிவ்ருத்திக்ருத் ।।
ந ஸம்ப³ந்தி⁴க்³ரஹாபா⁴வே ஸம்ப³ந்தோ⁴(அ)யம் ப்ரஸித்⁴யதி ।। 948 ।।

ஸம்ப³ந்தி⁴விரஹே(அ)ஸித்³தௌ⁴ ஷஷ்ட்²யர்த²த்வம் ந ஸித்⁴யதி ।।
விரோதா⁴த்³யுக³பந்நாபி விதா⁴நப்ரதிஷேத⁴நம் ।। 949 ।।

க்ஷணிகத்வாத்³தி⁴யாம் நாபி ஸ்தா²யித⁴ர்ம: க்ரமோ ப⁴வேத் ।।
அநீலாபா⁴வப்ருஷ்டேந நாபி நீலஸ்ய வேத³நம் ।। 950 ।।

நாஹ்யத்³ருஶ்யநிஷேத⁴: ஸ்யாத்³த⁴டாதே³ரிவ பூ⁴தலே ।।
நாந்யாபா⁴வவிஶிஷ்டத்வம் க்ருத்ஸ்நாபா⁴வக³தௌ ப⁴வேத் ।। 951 ।।

அந்யாபா⁴வஸ்ய பா⁴வத்வே ஸ்யாத³பா⁴வ: க²புஷ்பவத் ।।
பா⁴வாந்தரமபா⁴வஶ்சேத்ஸித்³த⁴ம் வஸ்து தத: ஸ்வத: ।। 952 ।।

தத்³க்³ராஹீணி ச மாநாநி வ்யாவ்ருத்தி: கேந க³ம்யதே ।।
சித்ரே(அ)பி விஷயே சித்ரமேகம் வஸ்த்வேகமாநத: ।। 953 ।।

ப்ரத்யேகம் நீலபீதாதி³க்³ரஹணே சித்ரதா குத: ।।
க⁴ஸ்துநோ பே⁴க³ரூபத்வே வஸ்த்வபா⁴வ: ப்ரஸஜ்யதே ।। 954 ।।

அந்யத⁴ர்மே த்வபி⁴ந்நம் ஸ்யாத்ஸ்வதோ வஸ்து ப்ரமாஶ்ரயம் ।।
பி⁴ந்நாபி⁴ந்நம் விருத்³த⁴த்வாந்நைகமாநஸ்ய கோ³சர: ।। 955 ।।

வஸ்த்வாத்மநா(அ)விரோத⁴ஶ்சேத்³வஸ்த்வேவ விஷயஸ்தத: ।।
ஸத்யம் வஸ்து கத²ம் பி⁴ந்த்³யாத்பும்வ்யபேக்ஷாவிநிர்மித: ।।
பே⁴த³:, புத்ராதி³பா⁴வே து ஜந்யத்வம் வஸ்துகல்பிதம் ।। 956 ।।

தா³ஹபாகப்ரகாஶாதி³பே⁴தே³(அ)ப்யக்³நேரபி⁴ந்நதா ।।
கார்யதோ(அ)பி ந பே⁴த³: ஸ்யாத்³வஸ்த்வபே⁴த³வ்யவஸ்தி²தே: ।। 957 ।।

விபி⁴ந்நகார்யகர்த்ரீணாம் ஶக்தீநாம் யத்³வதா³ஶ்ரய: ।।
ந விருத்³தோ⁴(அ)க்³நிரேகோ(அ)பி தத்³வத்கார்யே(அ)பி கிம் ந தே ।। 958 ।।

க⁴டாபா⁴வே க⁴ட: ஸித்⁴யேத்படாபா⁴வே படஸ்ததா² ।।
அந்யோந்யாபா⁴வத்³ருஷ்டே: ஸ்யாத³ந்யோந்யாஶ்ரயதா தவ ।। 959 ।।

ப்ரத்யக்ஷத்வம் ப்ருத²க்த்வஸ்ய கு³ணத்வாத்³யைரபீஷ்யதே ।।
தேஷாமபி கு³ணே மாநம் நீலவந்ந த்வவஸ்துநி ।। 960 ।।

அத² வஸ்து ப்ருத²க்த்வேந விஶிஷ்டம் க³ம்யதே ததா³ ।।
ஶுக்லோ ஶௌரிதிவந்மாநம் வஸ்துந்யேவ ந பே⁴த³க³ம் ।। 961 ।।

அபே⁴தே³நைவ வர்தேத ப்ருத²க்தா யதி³ வஸ்துஷு।।
வஸ்த்வேவ தத்ததோ(அ)ந்யா சேத³ப்ருத²க்³வஸ்து தர்ஹி தே ।। 962 ।।

பா⁴வாபா⁴வப்ருத²க்தா(அ)பி யத்³யபி⁴ந்நா ததோ(அ)ப்ருத²க் ।।
பா⁴வாபா⁴வவிபி⁴ந்நா சேத்ப்ருத²க்தா ந பரஸ்பரம் ।। 963 ।।

அந்யாபேக்ஷம் ப்ருத²க்த்வம் சேத்ஸ்வயம் தர்ஹ்யப்ருத²க்³க⁴ட: ।।
த்³வித⁴ர்மத்வே(அ)பி வஸ்த்வேததே³கம் ஸ்யாது³த்பலாதி³வத் ।। 964 ।।

த⁴ர்மபு³த்³தி⁴ப்ரபே⁴தே³(அ)பி த⁴ர்ம்யபே⁴த³: ஸதே³ஷ்யதே ।।
அதோ க³வாதே³ர்பே⁴தே³(அ)பி ஸந்மாத்ரமவஸீயதே ।। 965 ।।

கோ³த்வாதி³மேயபக்ஷே(அ)பி ஸத்³ரூபஸ்யாநபாயத: ।।
வஸ்த்வேவ மேயம் கோ³த்வாதி³ ஶாப³லேயாதி³வத்ஸ்பு²டம் ।। 966 ।।

ஸத்³ரூபத்வாபரித்யாகா³த³வாந்தரநிப³ந்த⁴நா: ।।
வ்யவஹாரா: ப்ரதீயந்தே ஸத்தத்த்வம் தேஷ்வவஸ்தி²தம் ।। 967 ।।

ஸத்தாதோ(அ)பி ந பே⁴த³: ஸ்யாட்ட்ரவ்யத்வாதே³: குதோ(அ)ந்யத: ।।
ஏகாகாரா ஹி ஸம்வித்தி: ஸட்ட்ரவ்யம் ஸந்கு³ணஸ்ததா² ।। 968 ।।

ஸமவாயாச்ச ஸம்ப³ந்தே⁴ நைகரூப்யம் விபி⁴ந்நயோ: ।।
தச்சேத்ததோ ந விஶ்வாஸோ, ஜாதாவப்யேகபு³த்³தி⁴த: ।। 969 ।।

ஸம்ஸர்க³த⁴ர்மதா நாபி பே⁴தே³நாநுபலம்ப⁴நாத் ।।
ஸமவாயேந ஸம்ப³ந்தே⁴ கோ ஹேதுரிதி நேஷ்யதே ।। 970 ।।

ஸம்யோக³ஶ்சேத்³வியோகோ³(அ)பி ஸமவாயே(அ)நவஸ்தி²தி: ।।
ஸ்வதஶ்சேத்கல்பநா வ்யர்தா² த்³ரவ்யஸ்யாப்யேகதா ஸ்வத: ।। 971 ।।

ஸத்தாவகு³ண்டி²தாஶ்சைதே ஸர்வே பா⁴வா: ஸதை³வ ஹி ।।
வ்யவஹாராய கல்பந்தே ப்⁴ராந்தோ பே⁴த³: ஸதை³வ து ।। 972 ।।

யேஷாமபி ஹி ஸாமாந்யபே⁴த³வத்³வஸ்து க்³ருஹ்யதே ।।
தேஷாமபி குதோ பே⁴தோ³ வஸ்த்வைக்யாத்³த⁴ர்ம்யபே⁴த³த: ।। 973 ।।

அபி பே⁴தே³ந யா பு³த்³தி⁴: ஸ்யாத்ஸாமாந்யவிஶேஷயோ: ।।
ஸா(அ)பி தந்மாத்ரநிஷ்ட²த்வாந்நைவ பே⁴த³ஸ்ப்ருகி³ஷ்யதே ।। 974 ।।

ஏகம் சேத்³பி⁴ந்நதா நாஸ்தி பே⁴த³ஶ்சேதே³கதா குத: ।।
சித்ரே(அ)ப்யநுக³மாபா⁴வாந்ந ஸாமாந்யவிஶேஷதா ।। 975 ।।

ஸ்வரூபபரரூபாப்⁴யாம் யதா³ ஸத³ஸதா³த்மகம் ।।
வஸ்த்வேகம் மாநவிஷயபா⁴வஸ்தே ததா³ குத: ।। 976 ।।

ப்ரத்யக்ஷாதி³நிவ்ருத்திஶ்சேத்தஸ்யா: கிம் ரூபமுச்யதாம் ।।
ஸ்தைமித்யமாத்மநஶ்சேத்ஸ்யாத்தத்³வஸ்த்வேவாஸ்மதீ³ஹிதம் ।। 977 ।।

அத² வஸ்த்வந்தரஜ்ஞாநம் நிதராம் தஸ்ய வஸ்துதா ।।
பா⁴வாந்தரமபா⁴வோ(அ)பி நிரூபாக்²ய: ஸ நேஷ்யதே ।।
தஸ்மாத்³வஸ்த்வேகநிஷ்ட²த்வாந்ந பே⁴தோ³(அ)க்ஷாதி³கோ³சர: ।। 978 ।।

க⁴டோ(அ)யமிதி ஸம்வித்தேர்க⁴டோ மேய: ப்ரதீயதே ।।
ந வ்யாவ்ருத்தி: படாதீ³நாமதாத்³ரூப்யாத்ததா² படே ।। 979 ।।

க⁴டாபா⁴வோ விரோதி⁴த்வாந்ந க⁴டே(அ)ர்தா²ந்தரே(அ)பி ந ।।
அஷஷ்ட்²யர்த²தயா தஸ்மாத்³விகல்போ(அ)யம், ந வஸ்துக³: ।। 980 ।।

க⁴டோ ஹி ஸம்வித³ம் குர்வந்நாத்மாகாரவிஶேஷணம் ।।
ஆத்மாநம் லப⁴தே தத்³வத்³வ்யாவ்ருத்திம் ந படாதி³த: ।। 981 ।।

படஸம்வேத³நே(அ)ப்யேவம் படமாத்ரம் விஶேஷணம் ।।
ஈக்ஷதே(அ)த்ராதி⁴கம் நாந்யத³பா⁴வாதி³ யது³ச்யதே ।। 982 ।।

ஸம்தி³க்³த⁴நிஶ்சயாத்³யேவம் ஜ்ஞாநத⁴ர்மோ விஶேஷயந் ।।
ஸம்வித³ம் பி⁴த்³யதே மேயாத்ப்ரத்யேகம் பே⁴த³தீ⁴ர்ந து ।। 983 ।।

ததா²(அ)ஹமேவ ஜாநாமி மாதா நாந்ய இதீத்³ருஶா: ।।
மாத்ருத⁴ர்மா: ப்ரஸித்⁴யந்தி விஶிஷந்த: ஸ்வஸம்வித³ம் ।। 984 ।।

ஸம்விதே³கா ஸ்வத:ஸித்³த⁴ஆ ப்ரத்யக்³ரூபைகலக்ஷணா ।।
பா⁴வாபா⁴வதி³ரூபாய வ்யவஹாராய கல்பதே ।। 985 ।।

அதோ(அ)நுப⁴வமுல்லங்த்⁴ய ந பே⁴தோ³ நாப்யபி⁴ந்நதா ।।
தத்ப்ருஷ்டே²ந து மாநாநி விரோத⁴: கிம்ஸமாஶ்ரய: ।। 986 ।।

அவிஜ்ஞாத: ப்ரமாணாநாம்ம் விஷயோ வாதி³நாம் மத: ।।
ந தஸ்ய மாநத: ஸித்³தி⁴ஸ்தத்ஸித்³தே⁴: ப்ராக்ப்ரமாக³மாத் ।। 987 ।।

அமாநகம் கத²ம் ச ஸ்யாத³ஜ்ஞாதத்வமிஹோச்யதாம் ।।
கத²ம் வா தத்³விநா மாநம் விஷயாஸம்ப⁴வாத்³ப⁴வேத் ।। 988 ।।

அஜ்ஞாதத்வக்ஷதிம் குர்வந்மாநம் மாநத்வமஶ்நுதே ।।
மாநாத³ஜ்ஞாததா சேத்ஸ்யாந்ந ஸா தத்ப²லமிஷ்யதே ।। 989 ।।

அதோ(அ)நுப⁴வதோ லப்³த⁴மஜ்ஞாநம் ஜ்ஞாபயத்ஸதா³ ।।
ப்ரத்யக்ஷாதி³ ப்ரமாணம் ஸ்யாந்ந ஸ்வதோ நாபி சாந்யத: ।। 990 ।।

நாஜ்ஞாஸிஷமஹம் பூர்வமித்யேவம் ப்ரமிதே க⁴டே ।।
பூர்வாஜ்ஞாதத்வவிஷயோ பூ⁴யோ(அ)ப்யநுப⁴வோ யத: ।। 991 ।।

ப்ரவ்ருத்தம் விஷயே மாநமவச்சே²த³ப²லம் மதம் ।।
ஜ்ஞாதாஜ்ஞாதே ப்ரதி த்வஸ்ய ந வ்யாபாரோ(அ)ப்ரமாணத: ।। 992 ।।

ஸர்வோ(அ)ப்யநுப⁴வாத்ஸித்³தா⁴ம் பா³லோ(அ)ப்யஜ்ஞாததாம் ஸ்வத:।।
ந கிம்சிஜ்ஜாந இத்யவம் ப்ருஷ்டோ வக்தி ப்ரமாம் விநா ।। 993 ।।

நி:ஶேஷகரணக்³ராமலயே(அ)ப்யநுப⁴வ: ஸ்வத: ।।
அலுப்தத்³ருக்ஸுஷுப்தே(அ)பி ஜாக்³ரத்³போ³தா⁴விஶேஷத: ।। 994 ।।

அத்யந்தாநநுபூ⁴தேஷு ஹிமவத்ப்ருஷ்ட²வஸ்துஷு ।।
ஜாக்³ரதோ(அ)நுப⁴வோ(அ)ப்யேவம் ஸுஷுப்தாந்ந விஶிஷ்யதே ।। 995 ।।

ந சாத்ராநுப⁴வோ லுப்தோ ந ஜாநாமீதி போ³த⁴நாத் ।।
அத்³ருஷ்டமபி த்³ருஷ்ட்வா(அ)ஸ்தி போ³தோ⁴ நாஜ்ஞாஸிஷம் த்விதி ।। 996 ।।

புமாந்ஸுப்தோத்தி²தோ(அ)ப்யேவம் ப்ரமாத்ராதி³லயம் ஸ்வத: ।।
அநுபூ⁴த்யைவ ஸம்த⁴த்தே நாந்தரா(அ)தோ(அ)ஸ்ய லுப்ததா ।। 997 ।।

ந சேதா³நீம்தநாத்³போ³தா⁴த்³போ³தா⁴பா⁴வக³திர்ப⁴வேத் ।।
ஸௌஷுப்தீ, நஹி போ³த⁴ஸ்ய காலபே⁴தே³ந பி⁴ந்நதா ।। 998 ।।

போ³தா⁴தே³வ ப்ரஸித்⁴யந்தி காலாவஸ்தா²த³யோ யத: ।।
மாத்ருமாநாத³யஶ்சாபி குதஸ்தைரஸ்ய விக்ரியா ।। 999 ।।

ப்ரமாத்ருமாநதந்மேயேஷ்வாக³மாபாயிஷு த்ரிஷு ।।
அலுப்தாநுதி³தோ போ³த⁴: ப்ரத²தே ப்ரத்யகே³கல: ।। 1000 ।।

அபி⁴தோ(அ)நுப⁴வாக்ராந்தா ஜ்ஞாதாஜ்ஞாதத்வபூ⁴மிஷு ।।
நாந்யத்ரார்தா²: ப்ரஸித்⁴யந்தி லீயந்தே நாப்யநாத்மநி ।। 1001 ।।

அதோ(அ)நுப⁴வ ஏவைகோ விஷயோ(அ)ஜ்ஞாதலக்ஷண: ।।
அக்ஷாதீ³நாம் ஸ்வத:ஸித்³தோ⁴ யத்ர தேஷாம் ப்ரமாணதா ।। 1002 ।।

தேநாநுப⁴வஸித்³தா⁴நாம் லோகே(அ)ஜ்ஞாநவிகா⁴திநா: ।।
மாத்வமக்ஷாத³யோ யாந்தி நாஜ்ஞாதஜ்ஞாததோ(அ)ந்யதா² ।। 1003 ।।

க⁴டாத³ய: ப்ரமாஸித்³தா⁴ முஞ்சந்த்யஜ்ஞாததாம் ந து ।।
ஸ்வத:ஸித்³தோ⁴(அ)பி வஸ்துத்வாந்முஞ்சத்யாத்மா ப்ரமாம் விநா ।। 1004 ।।

ப்ராக்³பா³த⁴காக³மாத்ஸித்³தி⁴ர்லௌகிகஸ்யாபி வஸ்துந: ।।
வஸ்துதத்த்வப³லாதே³வ தத்தமோவ்யவதா⁴நத: ।। 1005 ।।

க்ருதஸ்நமாத்ராத்³யுபாதா³நதமோபோ³த⁴ஸ்து போ³த⁴த: ।।
தத்த்வமஸ்யாதி³வாக்யோத்தா²த்பூர்ணைகாத்ம்யஸ்வலக்ஷணாத் ।। 1006 ।।

தேநா(அ)(அ)க³மஸ்ய தத்ர ஸ்யாத³ஜ்ஞாதத்வவிகா⁴திந: ।।
ப்ரமாணத்வம் புமர்த²ஶ்ச ஸ ஏऴ விது³ஷாம் மத: ।। 1007 ।।

நநு து³ர்வாரஸம்ஸாரது³:க²ஸம்த³ர்ப⁴ஹாநத: ।।
கிமந்யத்ஸுக²மிஷ்டம் ஸ்யாத்³யஸ்யா(அ)(அ)ப்தே: புருஷார்த²தா ।। 1008 ।।

லோகே(அ)பி வ்யாதி⁴ஸம்தாபவிச்சி²த்தௌ ஸுகி²தேக்ஷ்யதே ।।
வ்யதிரிக்தஸுகா²ர்தா² ச ந ப்ரவ்ருத்திர்விராகி³ணாம் ।। 1009 ।।

அஸம்வேத்³யம் ஸுக²ம் நாபி புமர்தோ² ந ச கர்மதா ।।
ஸ்வரூபே வேத்³யவேத்த்ருத்வாயோகா³த்³தூ³ைதப்ரஸங்க³த: ।। 1010 ।।

நைவம் பே⁴தே³ந ஸம்ஸித்³தே⁴ ஸுக²து³:கே² கத²ம் தயோ: ।।
ஐக்யம் ஸுக²ஸ்ய விச்சே²தோ³ து³:க²ம் வா கிம் ந கல்ப்யதே ।। 1011 ।।

அது³:கி²நோ(அ)பி த்³ருஶ்யந்தே ஸுக²ப்ராப்தீச்ச²யா யத: ।।
தது³பாயே ப்ரவர்தந்தஸ்தத³பே⁴தே³ ந யுஜ்யதே ।। 1012 ।।

சந்த³நாதி³ஸுகோ²பாயஸம்பந்நா: ஸுகி²நோ(அ)ப்யலம் ।।
புத்ரஜந்மாதி³வார்தாபி⁴: ப்ராப்நுவந்தி ஸுகா²ந்தரம் ।। 1013 ।।

புத்ராத்³யப்ராப்திரூபம் ச து³:க²ம் தத்ர ந கல்ப்யதே ।।
அஸம்வித்தேரவேத்³யம் ஹி ந து³:க²ம் வைரிது³:க²வத் ।। 1014 ।।

திர்யஞ்சோ(அ)ப்யத ஏவேஹ காமயந்தே ஸுக²ம் ததா² ।।
அப்ரியம் விஜிஹாஸந்தி ந து ஜாநந்தி ஸாத⁴நம் ।। 1015 ।।

வேதோ³(அ)பி ஶுத்³த⁴மாத்மாநம் ஸுக²ம் முக்²யம் ப்ரத³ர்ஶயந் ।।
அநாத்மாநம் ததா² து³:க²ம் புமர்த²த்வேந ஸம்மத: ।। 1016 ।।

ததே³தத்ப்ரேய இத்யாதி³வாக்யேப்⁴யோ(அ)நேகதா⁴ ஶ்ருதம் ।।
ததா²(அ)(அ)த்மநஸ்து காமாய தஸ்மாந்நாந்யத்ஸுக²ம் ப⁴வேத் ।। 1017 ।।

புருஷார்தா²பி⁴ஸம்ப³ந்தா⁴த்³விராகி³த்வம் யதா²(அ)(அ)ஶ்ரிதம் ।।
பராநந்தா³பி⁴லாஷோ(அ)பி ததா² சேத்கிம் நிஷித்⁴யதே ।। 1018 ।।

ஆத்யந்திகஸுகே²ச்சா²யாம் யதி³ ராகி³த்வமுச்யதே ।।
விவிக்ததே³ஶஸேவாதா³விச்சா²யாம் கிம் ந ராகி³தா ।। 1019 ।।

அத² யே ஶதமித்யாதி³வாக்யைரேதத்ப்ரபஞ்சிதம் ।।
ஏஷ ஹ்யேவேதி ச வ்யக்தம் தைத்திரீயஶ்ருதாவபி ।। 1020 ।।

ஸ்வாநந்தா³பி⁴முக²: ஸ்வாபே வோத்⁴யமாநோ(அ)த ஏவ ச ।।
பீட்³யதே ஸ்த்ர்யாதி³ஸம்பர்கஸுக²விச்சே²த³தோ யதா² ।। 1021 ।।

ஆநந்தை³கஸ்வபா⁴வத்வாத்³வேத்³யதா தத்ர நார்த்²யதே ।।
நி:ஸம்போ³தே⁴(அ)ர்த்²யதே ஸா ஹி ந து போ³தை⁴கலக்ஷணே ।। 1022 ।।

அதி⁴காரஸ்ய ஸௌலப்⁴யப்ரதிபத்த்யர்த²மீரணம் ।।
ஸர்வபும்ஸாமிதி ததா² பூர்வமேவ ப்ரபஞ்சிதம் ।। 1023 ।।

ஸ்வர்கா³தி³காம்யபி யதோ முக்திம் காமயதே ந து ।।
முக்திம் காமயமாநோ(அ)ந்யத்கடாக்ஷேணாபி வீக்ஷதே ।। 1024 ।।

ஸர்வேஷாமபி ச ந்ருணாமதி⁴காரோ(அ)நிவாரித: ।।
யதோ(அ)த: ஸர்வதோ ந़़்ருணாமிதி பா⁴ஷ்யக்ருத³ப்³ரவீத் ।। 1025 ।।

ஶுக்லாம் கா³மாநயேத்யுக்தே காம்சித்³கோ³கர்மிகாம் க்ரியாம் ।।
குர்வாணமபி⁴வீக்ஷ்யாஜ்ஞ: குருதே காரணாநுமாம் ।। 1026 ।।

ஜ்ஞாதம் த்⁴ருவமநேநைதத்³யத்³கோ³கர்மகமீக்ஷ்யதே ।।
ப்ராக³ஜ்ஞாதஸ்ய நிர்வத்திர்ந யதோ விக்ஷ்யதே கச்சித் ।। 1027 ।।

யத்³யர்த²ம் காரகாதீ⁴நம் த்³ருஷ்ட்வா தத்காரணாநுமா ।।
ப்ரமாணாந்தரக³ம்யத்வால்லோகிகத்வம் ததா³(அ)(அ)பதேத் ।। 1028 ।।

ந சேத்காரகதந்ரோ(அ)ர்தோ² ஜ்ஞாதஸ்யாநுஷ்டி²தி: கத²ம் ।।
ந ஸித்³தோ⁴ நாபி சாபா⁴வ: காரகாபேக்ஷ ஈக்ஷ்யதே ।। 1029 ।।

ஆரப்⁴யே காரகத்வே ந ப³லாத்ப்ராமாண்யமாபதேத் ।।
வ்யங்க்³யே து கார்யே வேத³ஸ்ய ஸித்³தே⁴(அ)ர்தே² மாநதா ப⁴வேத் ।। 1030 ।।

வாக்யஸ்ய ச ப்ரமாணத்வம் நாப்யபா⁴வைககோ³சரம் ।।
ந சேத³பா⁴வ: கார்யோ(அ)ர்தே²: ஸித்³தே⁴(அ)ர்தே² மாநதா ப⁴வேத் ।। 1031 ।।

அதோ²ப⁴யாத்மகம் கார்யம் ஸித்³தா⁴ஸித்³த⁴ஸ்வபா⁴வகம் ।।
உக்ததோ³ஷத்³வயாஸக்திர்ந ச வஸ்தவீத்³ருஶம் க்வசித் ।। 1032 ।।

ஸித்³த⁴ஸ்ய வ்யஞ்ஜகம் மாநம் ந மாநம் காரகம் க்வசித் ।।
சோத³நா மாநகம் சேத்தத்கத²ம் கார்யம் தது³ச்யதாம் ।। 1033 ।।

மதம் விஷயஸம்ஸித்³த்⁴யா கார்யமித்யாபி⁴தீ⁴யதே ।।
யாக³ஸித்³தே⁴: புரா(அ)ஸித்³தே⁴: கத²ம் சோத³நயா மிதம் ।। 1034 ।।

ப்ராக்ப்ரயோக்த்ரபி⁴ஸம்ஸித்³தௌ⁴ கிம் ப²லம் யாக³ஸித்³தி⁴த: ।।
யாக³ஸித்³த்⁴யா(அ)பி தத்ஸித்³தௌ⁴ ப்ரயோஜ்யத்வம் குதோ யஜே: ।। 1035 ।।

யாகா³த்³யநுஷ்டி²தேரஸ்ய க⁴டாதே³ரிவ சேந்மத: ।।
உபகாரோ நியோக³ஸ்ய கத²ம் ந க⁴டதுல்யதா ।। 1036 ।।

அபுமர்தே² நியோகே³ ச தாத்பர்யம் ஸ்யாத்ததா² ஸதி ।।
ப்ரதிர்தி²நி புமர்தே² தத்ஸுதீ⁴பி⁴ர்க்³ருஹ்யதே கத²ம் ।। 1037 ।।

லிஙாதி³ஶ்ரவணாத்பும்ஸ: கார்யம் யத்ப்ரஸமீக்ஷ்யதே ।।
உபகாராத்³யபேக்ஷம் தத்³வக்த்ருகர்த்ரோ: ப்ரஸித்⁴யதி ।। 1038 ।।

ந சேத்ஸம்பா⁴வ்யதே கர்த்ரா புமர்த²: கஸ்யசித்³விதே⁴: ।।
ஆஜ்ஞோக்தேரேவ ந ததா³ கஶ்சிஜ்ஜக³தி சேஷ்டதே ।। 1039 ।।

ஆஜ்ஞார்த²மாத்ரஸித்³த்⁴யர்த²ம் ந கஶ்சித்ஸ்வவஶோ நர: ।।
து³:கா²த்மகே மநோ த⁴த்தே யாகா³தௌ³ சோத³நாவஶாத் ।। 1040 ।।

புமர்த²மபி⁴ஸம்தா⁴ய யாகா³தா³வத² சேஷ்டதே ।।
ப²லம் ப்ரவர்தகம் ப்ராபந்ந நியோக³ஸ்ததா² ஸதி ।। 1041 ।।

மந்த்ரோக்தேரிவ லோடா³தே³: ப்ரவ்ருத்திரிதி சேந்மதம் ।।
ப்ராயஶ்சித்தீ ப⁴வேந்நைவ தத்பராதீ⁴நவ்ருத்தித: ।। 1042 ।।

ப்ரவர்தகத்வம் மந்த்ரஸ்ய ந ப்ரவர்த்யவஶாத்³யதா² ।।
ஸ்வத ஏவ ந யாகா³தே³: கார்யாஸித்³தி⁴ஸ்ததா² ப⁴வேத் ।। 1043 ।।

காரகம் வா க்ரியா வா ஸ்யாத்³யதி³ வா ஸ்யாத்க்ரியாப²லம் ।।
தஸ்ய லௌகிகமாஸித்³தே⁴ர்லௌகிகத்வம் ப்ரஸஜ்யதே ।। 1044 ।।

ஐகாத்ம்யவஸ்துநிஷ்டே² து யதோ²க்தந்யாயவர்த்மநா ।।
ந கஶ்சித³பி தோ³ஷ: ஸ்யாத்³வசஸ்யஸ்மிந்மநாக³பி ।। 1045 ।।

நேதி நேத்யாதி³வாக்யேப்⁴யோ யோ(அ)ர்தோ²(அ)நந்யாநுபூ⁴திக³: ।।
லௌகிகத்வம் கத²ம் தஸ்ய ஸர்வமேயாதிலங்தி⁴ந: ।। 1046 ।।

இத்யுக்தமபி⁴ஸம்தா⁴ய த்³ருஷ்டாதி³வசநம் ஜகௌ³ ।।
லோகிகத்வப்ரஸித்³த⁴ர்யர்த²ம் நியோக³ஸ்ய க⁴டாதி³வத் ।। 1047 ।।

ஆஸ்தாம் வேதா³ந்தமாநத்வம் த்யக்தம் தத்காமதஸ்தவ ।।
வஸ்துந்யுக்தேர்ந சேந்மாத்வம் கர்மகாண்டே³(அ)பி தத்³ப⁴வேத் ।। 1048 ।।

ப⁴விஷ்யத்³தே³ஹஸம்ப³ந்தீ⁴ வாக்யாதா³த்மா ந சேந்மித: ।।
மாநாந்தராச்ச க: குர்யாத³த்³ருஷ்டார்தா²: க்ரியா: ஸுதீ⁴: ।। 1049 ।।

நாபி ஸாம்க்²யப்ரமாஸித்³த⁴மாத்மாநமவக³ச்ச²த: ।।
தே³ஹாத்³யநபி⁴ஸம்ப³ந்தா⁴த்ப்ரவ்ருத்தி: ஸ்யாத்க்ரியாஸ்விஹ ।। 1050 ।।

கர்மகாண்டே³(அ)தி⁴கார்யஸ்மிந்யாட்டக்ஸம்பா⁴வ்யதே(அ)ஞ்சஸா ।।
தாட்டக்ஸம்ப்ரதிபத்த்யர்த²ம் ந சாஸதீதி ப⁴ண்யதே ।। 1051 ।।

கர்மப்⁴ய: ப²லமிச்ச²த்³பி⁴ரட்டஷ்டம் ட்டஷ்டமேவ வா ।।
தே³ஹாவஸ்தா²ந்தராவேஶே ப்ரமாணம் வாச்யமாத்மந: ।। 1052 ।।

கத²ம் ச தஸ்ய கர்த்ருத்வம் வ்யாபித்வாந்நிஷ்க்ரியத்வத: ।।
ந சாகர்து: ப²லம் கௌ³ண்யா வ்ருத்யா சேத்ஸுதராம் ந தத் ।। 1053 ।।

முக்²யகர்த்ருத்வபக்ஷே(அ)பி ஹ்யநிர்மோக்ஷ: ப்ரஸஜ்யதே ।।
மாநேந நாஶ்யதே(அ)ஜ்ஞாநம், ஜ்ஞாபகம் ஹி ந காரகம் ।। 1054 ।।

தே³ஹாந்தராபி⁴ஸம்ப³ந்தோ⁴ பா⁴வித்வாந்நாக்ஷகோ³சர: ।।
லிங்க³ஸாட்டஶ்யவிராஹாந்நாநுமா நோபமா ததா² ।। 1055 ।।

ஶப்³தா³தா³த்மநி ஸம்ஸித்³தே⁴ பூர்வோக்தந்யாயதோ ந ச।।
ஶ்ருதார்தா²பத்திரப்யத்ர நாபா⁴வோ மாநபா⁴வத: ।। 1056 ।।

ந சாஹம்ப்ரத்யயாத்ஸித்³தி⁴ராத்மந: ஸ்யாத்கதா³சந ।।
போ³தா⁴நுப⁴வஸம்வித்திவித்தயோ ஹ்யாத்மவாசிந: ।। 1057 ।।

யஸ்யாநுப⁴வஸித்³த்⁴யைவ ஸித்³தி⁴: ஸ்யாத்³வடஸித்³தி⁴வத் ।।
ததோ(அ)ஹம்ப்ரத்யயாத்ஸித்³தி⁴மீக்ஷதே(அ)நுப⁴வ: ।। கத²ம் ।। 1058 ।।

மாநாத³நுப⁴வ: ஸித்³தோ⁴ ஜட³: ஸ்யாத்³த⁴டவந்ந சேத் ।।
நைரபேக்ஷ்யம் சிதா³த்மத்வே,ஸ்யாச்சாந்யோந்யஸமாஶ்ரய: ।। 1059 ।।

ஆத்மநோ(அ)ஹம்தி⁴ய: ஸித்³தி⁴ராத்மஸித்³தி⁴ரஹம்மதே ।।
அந்யோந்யாஶ்ரயதைவம் ஸ்யாத³ஹம்பு³த்³த்⁴யாத்மநோர்த்⁴ருவம் ।। 1060 ।।

அஹம்தீ⁴ராத்மந: கார்யம் காரணேநா(அ)(அ)ப்யதே ஸதா³ ।।
தயா தஸ்ய கத²ம் வ்யாப்திரவ்யாப்தௌ மேயதா கத²ம் ।। 1061 ।।

க்ரியாகாலே கு³ணீபா⁴வாத்க்ரியாஸித்³தா⁴வஸம்ப⁴வாத் ।।
கர்து: ப்ரமேயதா ந ஸ்யாத³ஹம்பு³த்³த்⁴யா கத²ம்சந ।। 1062 ।।

ஸம்வித்³ரூபே ப்ரமேயே ச ஸம்வித³ந்யா ப²லம் ப⁴வேத் ।।
ந ச ஸம்வித்³தூ⁴யாபா⁴ஸோ நாநுமேயம் ப²லம் க்வசித் ।। 1063 ।।

க⁴டாத்³யாகாரஸம்வித்³வச்சு²த்³தா⁴யாமபி ஸம்விதி³।।
ஸம்வித்³விஶிஷ்டா ஸம்வித்ஸ்யாந்ந சாஸாவாத்மநீக்ஷ்யதே ।। 1064 ।।

ப்ரமாதரி ச மேயே ஸ்யாத்ப²லம் கஸ்யேதி ப⁴ண்யதாம் ।।
ந மாதுஸ்தஸ்ய மேயத்வாந்நாபி மேயே ப²லம் க்வசித் ।। 1065 ।।

ஜட³த்வாத்தத்ர மேயஸ்ய ப²லம் மாதரி சேந்மதம் ।।
மேயதோ ஜட³தா(அ)த்ராபி ஸம்விச்சேந்ந ப்ரமாணஜா ।। 1066 ।।

த⁴ர்மத்வேநாப்யஹம்பு³த்³தே⁴ர்ந பே⁴தோ³ த⁴ர்மிணா(அ)(அ)த்மநா ।।
ரூபம் த்³ரவ்யாத்மநோ நாந்யட்ட்ரஸாதே³ஸ்தத்³விபி⁴த்³யதே ।। 1067 ।।

த்³ரவ்யாதி³ சா(அ)(அ)த்மநோ ரூபம் ப்ரமேயம் யது³தீ³ரிதம் ।।
க⁴டவத்தத³ஹம்பு³த்³தே⁴: ப்ரத்யக்³வ்ருத்தேர்ந கோ³சர: ।। 1068 ।।

அஸ்மத்ப்ரத்யயஸம்பி⁴ந்நம் ப்ரத்யக்கர்தரி வேத³நம் ।।
ஜ்ஞாநஸ்ய யது³பந்யஸ்தம் விஶேஷஸ்தத்ர நேக்ஷ்யதே ।। 1069 ।।

ஜ்ஞாநபோ³தே⁴ந நைவா(அ)(அ)த்மா மிதோ, நாப்யாத்மஸம்விதா³ ।।
ஜ்ஞாநம், ந ச த்³வயம்ம், பே⁴தா³த³பே⁴தே³(அ)நுப⁴வ: ஸ்வத: ।। 1070 ।।

கிம் ப்ரமாணமஹம்ரூபமுதா(அ)(அ)த்மைவேதி கத்²யதாம் ।।
ப்ரத்யக்ஷத்வாந்ந தந்மாநம் நா(அ)(அ)த்மா, ஸ்வார்த²ஜட³த்வத: ।। 1071 ।।

ந சாப்யாத்மந்யவிஜ்ஞாதே(அ)ஹம்பு³த்³தே⁴: ஸித்³த⁴தா தவ ।।
யேநா(அ)(அ)த்மா ஸ்யாத³ஹம்பு³த்³தே⁴ரநுமேயா ஹி ஸா ஸ்தி²தா ।। 1072 ।।

நிரம்ஶஸ்ய ந சாப்யம்ஶகல்பநா(அ)ப்யுபபத்³யதே ।।
ஸ்வாத்மதந்ரே ச விஷயே மாநபோ³த⁴: ஸதா³ ப⁴வேத் ।। 1073 ।।

அஜ்ஞாதத்வம் விநா மாநம் நாஹம்ப்ரத்யய ஆத்மந: ।।
அஜ்ஞாதத்வமதோ வாச்யமாத்மநோ(அ)த்ர க⁴டாதி³வத் ।। 1074 ।।

தஸ்யாப்யநுப⁴வாத்ஸித்³தி⁴ர்யத்³யுச்யேத க⁴டாதி³வத் ।।
ஸித்³த⁴ ஆத்மா ப்ருத²ங்யாதுர்நோ சேந்மாதா ந ஸித்⁴யதி ।। 1075 ।।

ப்ரமாணஸம்ப்லவோ(அ)ப்யுக்தோ தூ³ராதே³வ நிவர்தித: ।।
அந்யத்ராபி ஹி மாநாநாம் நைவ ஸம்ப்லவம் இஷ்யதே ।। 1076 ।।

அஜ்ஞாதாவக³மே யத்³வத்ப்ரமாதர்யர்பிதம் ப²லம் ।।
ந மேயே பூர்வமாநேந தத்³வந்மாநாந்தரைரபி ।। 1077 ।।

அதோ(அ)நதி⁴க³தாவேஶாத்ஸர்வேஷாம் ஸம்ப்லவ: குத: ।।
மாந்தரைரவபு³த்³தே⁴(அ)பி ஜ்ஞாதே(அ)ப்யஜ்ஞாததோ(அ)ந்யத: ।। 1078 ।।

அதா²ப்யவக³மோ மேயே ததா²(அ)பி ஸ்யாந்ந ஸம்ப்லவ: ।।
பூர்வோ(அ)நதி⁴க³தே வ்ருத்த: ப்ரத்யயோ(அ)தி⁴க³தே பர: ।। 1079 ।।

பூர்வேண நிஶ்சிதே சேத்ஸ்யாந்நோத்தரஸ்ய ப்ரமாணதா ।।
ததா² ஸம்தே³ஹ ஏகஸ்மாத³ந்யஸ்மாத்³தி⁴ விநிஶ்சய: ।। 1080 ।।

நி:ஸாமாந்யவிஶேஷேஷு நாத: ஸம்ப்லவ இஷ்யதே ।।
யதா²(அ)ந்யத்ர ததே²ஹாபி வேதா³ந்தேஷ்வப்⁴யுபேயதாம் ।। 1081 ।।

யதோ மாநாநி ஸித்⁴யந்தி ஜாக்³ரதா³தி³த்ரயம் ததா² ।।
பா⁴வாபா⁴வவிப⁴க³ஶ்ச ஸ ப்³ரஹ்மாஸ்மீதி போ³த்⁴யதே ।। 1082 ।।

யதோ(அ)ஸித்³தா⁴நி ஸித்⁴யந்தி, பா⁴வாபா⁴வௌ யதா³ஶ்ரயௌ, ।।
யோ(அ)நந்யார்தோ² யத³ர்த²ம் ச ஸர்வம், யோ(அ)நந்யட்டக்ஸதா³ ।। 1083 ।।

ப்ரமேயாதி³த்ரயம் யஸ்மாத்பரஸ்பரவிலக்ஷணம் ।।
ஆத்மாநம் லப⁴தே ஸத்ய: ஸோ(அ)த்⁴யக்ஷோத்ராப்⁴யுபேயதாம் ।। 1084 ।।

அஸம்குசிதசித்பத்³ம: ப்ராஜ்ஞே ஸ்வப்நப்ரபோ³த⁴வத் ।।
ததா² ப்ரபு²ல்லபோ³தா⁴ப்³ஜ: ப்ராஜ்ஞவத்ஸ்வப்நபோ³த⁴யோ: ।। 1085 ।।

ஸாக்ஷ்யஸம்ப³ந்த⁴த: ஸாக்ஷீ ந ஸ்வத: ஸாக்ஷிதா(அ)(அ)த்மந: ।।
ப்ரத்யங்யாத்ரைகட்டஷ்டித்வாத்³தி⁴யாம் வாசாமகோ³சர: ।। 1086 ।।

அஸ்மத்பக்ஷே ஹி கர்தவ்யமவித்³யாமாத்ரகல்பிதம் ।।
தத³பா⁴வாந்ந ஸம்ஸாரோ பூ⁴தோ பா⁴வீ ந வர்ததே ।। 1087 ।।

ஸ்வாபா⁴விக்யப்யவித்³யேயமநுபூ⁴த்யா(அ)வபா⁴ஸிதா ।।
தம: ஸூர்யோத³யேநேவ ஜ்ஞாநேநோத்க்ருத்ய நாஶ்யதே ।। 1088 ।।

அநாதி³காலமஜ்ஞாநம் ஜ்ஞாநேநா(அ)(அ)தி³மதா க்ஷணாத் ।।
த்³ருஶ்யதே நாஶ்யமாநம் ஹி ந சாஸ்யா(அ)(அ)வ்ருத்திரீக்ஷ்யதே ।। 1089 ।।

ஏவம்பூ⁴தோ(அ)ப்யயம் ப்ரத்யக்ஸ்வாத்மாநுப⁴வஸம்ஶ்ரயாத் ।।
வ்யுத்பத்தே: ப்ராக³விஜ்ஞாத: ஸர்வாஜ்ஞாநாதி³ஸாக்ஷ்யபி ।। 1090 ।।

தத்த்வமஸ்யாதி³தஸ்தஸ்மாதா³க³மாதே³வ நாந்யத: ।।
ஐகாத்ம்யவஸ்துந: ஸாக்ஷாத்³வ்யுத்பத்திரவிசீலிநீ ।। 1091 ।।

தஸ்யாஸ்ய கர்மகாண்டே³ந ஸம்ப³ந்த⁴ இதி ய: புரா ।।
ப்ரஶ்நஸ்தந்நிர்ணயார்தா²ய ஸர்வதே²த்யாதி³ருத்தர: ।। 1092 ।।

நநு ஸித்³தே⁴ யதோ²க்தார்தே² நா(அ)(அ)ரம்பே⁴ ஹேதுரீக்ஷ்யதே ।।
க்ருத்ஸ்நப்ரயோஜநாவாப்தே: பூர்வோக்தைரேவ கர்மபி⁴: ।। 1093 ।।

நைததே³வம் ஸுகே²ப்ஸாயா ஜிஹாஸாயாஶ்ச து³:க²த: ।।
நிதா³நஸ்யாநிஷித்³த⁴த்வாத்பூர்வோக்தை: கர்மபி⁴: புரா ।। 1094 ।।

நி:ஶேஷாஹலாத³ஸம்ப்ராப்தி: ஸர்வாநர்த²நுதிஸ்ததா² ।।
ஸர்வேஷாம் ப்ராணிநாமேதத்ஸ்வத இஷ்டம் ப்ரயோஜநம் ।। 1095 ।।

ஆத்மநஸ்தசத்த்வமேதச்ச ஸித்³த⁴ம் சைதந்யவத்³யத: ।।
அதை²ஷ, யோ வை பூ⁴மேதிஶ்ருதிமாநாநுபூ⁴தித: ।। 1096 ।।

ஸ்வர்க³ஶப்³தா³பி⁴த⁴ஶ்சாயம் புமர்தோ² யோ யதோ²தி³த: ।।
ஸ்வர்க³மித்யாதி³பி⁴ர்வாக்யைஸ்ரய்யந்தேஷ்வபி கீ³யதே ।। 1097 ।।

ஸ்வர்க³ம் புமர்த²முத்³தி³ஶ்ய ஸர்வப்ராணப்⁴ருதாமியம் ।।
வாங்யந:காயசேஷ்டா ஸ்யாத்³யா(அ)பி தத்ஸாத⁴நோபகா³ ।। 1098 ।।

உத்பத்த்யாத்³யர்த²நிஷ்டா²நாம் ஸர்வேபாமபி கர்மணாம் ।।
ஸ்வர்கே³ நைவாதி⁴காரோ(அ)ஸ்தி தஸ்ய ஸித்³த⁴த்வத: ஸ்வத: ।। 1099 ।।

ஸ்வாத்மஸாத்⁴யாதிரேகேண ஸர்வமேவ ஹி ஸாத⁴நம் ।।
நாலம் ஸாத்⁴யாந்தராயேஹ கிம்வஸாத்⁴யார்த²ஸித்³த்⁴யே ।। 1100 ।।

யதோ²க்தபுருஷார்த²ஸ்ய யத்³யப்யாப்தஸ்வபா⁴வதா ।।
ஆத்மஸ்வபா⁴வதோ நா(அ)(அ)ப்திஸ்ததா²(அ)ப்யஜ்ஞாநஹேதுத: ।। 1101 ।।

அவித்³யாவ்யவதா⁴நஸ்ய நா(அ)(அ)த்மஜ்ஞாநாதிரேகத: ।।
ப்ரத்⁴வஸ்தி: கர்மபி⁴: கர்தும் ஶக்யா தேஷாமமாநத: ।। 1102 ।।

வ்யஞ்ஜகம் விரஹய்யாந்யத்ஸாத⁴நம் காரகாத்மகம் ।।
தத³பி⁴வ்யக்தயே நாலம் ஸ்வத:ஸித்³த⁴ஸ்ய வஸ்துந: ।। 1103 ।।

கர்மபி⁴ர்நாபநீதோ(அ)த: ப்ரத்யங்ப்⁴யோஹோ(அ)ப்ரமாணத: ।। 1104 ।।
யாவச்ச ஸம்யக்³விஜ்ஞாநவஹ்நிநா(அ)ஸௌ ந த³ஹ்யதே ।।
ந தாவத்கிம் சித³ப்யாப்தம் ஸுக²ம் து³:க²விவர்ஜிதம் ।। 1105 ।।

நாலம் விமுக்தயே காம்யம் யதி³ நாம ததா²(அ)பி து ।।
பும்ஸோ வைராக்³யஹேதுத்வாது³பகார்யேவ தந்மதம் ।। 1106 ।।

அஸஹ்யது³:க²ப²லத: ஸ்வகார்யவிநிவ்ருத்திக்ருத் ।।
விரக்திஹேதுத: கர்ம ப்ரதிஷித்³த⁴ம் யதா² ததா² ।। 1107 ।।

அபி காம்யம் க்ருதம் ஸர்வம் து³:கா²த்மகப²லத்வத: ।।
ஆவிரிஞ்ச்யாத்ஸ்வகார்யேப்⁴ய: ஸ்யாதே³வ விநிவ்ருத்தயே ।। 1108 ।।

இ்த்யுக்தப்ரதிபத்த்யர்த²மாஜகா³மோத்தரம் வச: ।।
ஏகவாக்யத்வமேவம் ச வேத³ஸ்ய ஸ்யாத³ஸம்ஶயம் ।। 1109 ।।

த³க்ஷிணோத³க³தோ⁴க³த்யா ப்ரத்யக³ஜ்ஞாநமூட⁴தீ⁴: ।।
ப்³ரம்ப்⁴ரமீத்யநிஶம் து³:கீ² புமாந்கர்மபுர:ஸர: ।। 1110 ।।

காம்யைர்த³க்ஷிணமந்வேதி ஜ்ஞாநயுக்தைஸ்ததோ²த்தரம் ।।
நிஷித்³தை⁴ஶ்சாப்யதோ⁴ஜந்ம கர்மஸம்பா⁴ரஸம்ப்⁴ருதக: ।। 1111 ।।

த⁴ர்மாத⁴ர்மாம்ஶஸாம்யே ச மநுஷ்யத்வம் ப்ரபத்³யதே ।।
ப்³ரஹ்மாத்³யா ஸ்தா²வராந்தைவம் ப்ரத்யக³ஜ்ஞாநஹேதுஜா ।।
நாமரூபேஹசித்ரா(அ)(அ)த்³யா ஸ்வப்நமாயேந்த்³ரஜாலவத் ।। 1112 ।।

த⁴ர்மாத⁴ர்மாத்³யுபாதா³நஸாத⁴நா நஶ்வரீ க³தி: ।। 1113 ।।
வ்யாக்ருதம் நாமரூபாப்⁴யாம் யத்³யபீத³ம் ஶ்ருதௌ ஶ்ருதம் ।।
ஆத்மதத்த்வாநபி⁴வ்யக்தேர்நாபி⁴வ்யக்தம் தது³ச்யதே ।। 1114 ।।

அவித்³யாதிமிரோச்சி²த்தௌ நாநாவிஷ்க்ருதமண்வபி ।।
கார்யகாரணவத்³வஸ்து நாநபாஸ்தம் தமோ(அ)ப்யத: ।। 1115 ।।

யத ஏவமத: ப்ரத்யக்³யாதா²த்ம்யப்ரதிபத்தயே ।।
ப்ராரப்³தே⁴யம் ப்ரயத்நேந வேதா³ந்தோபநிஷத்பரா ।। 1116 ।।

யதோ²க்தப²லஸித்³த்⁴யர்த²மாரப்³தோ⁴பநிஷத்³யதி³ ।।
ப்³ரஹ்ம வா இத³மித்யாதி³ கஸ்மாந்நா(அ)(அ)ரப்⁴யதே(அ)து⁴நா ।। 1117 ।।

யேஷாமநதி⁴காரோ(அ)த்ர ஹ்யஶ்வமேத⁴க்ரதௌ ப⁴வேத் ।।
இத ஏவ து விஜ்ஞாநாதேஷாம் தத்ப²லகீர்தநம் ।। 1118 ।।

கர்மகோ³சரதைவாத்ர விஜ்ஞாநஸ்யாபி சேந்மதம் ।।
விகல்பஶ்ரவணாந்மைவம் கர்மணா வித்³யயா(அ)த²வா ।। 1119 ।।

யஜதே யோ(அ)ஶ்வமேதே⁴ந யஶ்சைவம் வேத³ தம் க்ரதும் ।।
ப²லம் துல்யம் தயோர்யுக்தம் கர்மிணோ விது³ஷஸ்ததா² ।। 1120 ।।

உபாஸ்தேரபி கர்மத்வாத³ஶ்வமேத⁴க்ரதோரிவ ।।
நாதோ தி⁴யோ(அ)ர்த²வாத³த்வம் தத்³விதே⁴ர்நிதராம் ந ச ।। 1121 ।।

ஏதாவதே³வ சேத³த்ர ப⁴வதைவம் விவக்ஷிதம்‌ ।। 1122 ।।
ப்ரயோஜநம் தத்ஸுகரம் வித்⁴யுத்³தே³ஶே(அ)பி பா⁴ஷிதும் ।।
வித்³யாப்ரகரணே தஸ்ய த்வாம்நாய: கிமிதீர்யதாம் ।। 1123 ।।

ஸோ(அ)பி ஜ்ஞாநேந ஸம்யுக்தோ ஹயமேதோ⁴ மஹாக்ரது: ।।
ஸம்ஸாரப²ல ஏவேதி ப்ரவ்ருத்த்யங்க³தயோச்யதே ।। 1124 ।।

ப்ரத்யக்³போ³தா⁴திரேகேண ஸாத⁴நாந்தரநிஸ்ப்ருஹா: ।।
நிர்ஜ்ஞாதாஶேஷகர்மோத்த²ப²லப²ல்கு³த்வபு³த்³த⁴ய: ।। 1125 ।।

முமுக்ஷவ: ப்ரவர்தேரந்கத²ம் நாமா(அ)(அ)த்மவேத³நே ।। 1126 ।।
ஸம்ஸாரப²லதா காமமஸ்து காம்யஸ்ய கர்மண: ।।
நித்யாநாமப²லத்வாத்து முக்திரேவாஸ்து தத்ப²லம் ।। 1127 ।।

ந ஹ்யுத்ஸர்கே³ண ஸர்வேஷாம் ப²லவத்த்வஸ்ய ஸம்ஶ்ரவாத் ।।
கர்மணா பித்ருலோகாதி³ நித்யாநாமேவ தத்ப²லம் ।। 1128 ।।

ப²லவத்த்வே ஹி நித்யாநாம் காம்யத்வமிதி சேந்மதம் ।।
நைவம் ஶுத்³தி⁴ப்ரமாணத்வாத்³போ⁴க³நிஷ்ட²ஸ்ய காம்யதா ।। 1129 ।।

காம்யே(அ)பி ஶுத்³தி⁴ரஸ்த்யேவ போ⁴க³ஸித்³த⁴ர்யர்த²மேவ ஸா ।।
விட்³வராஹாதி³தே³ஹேந ந ஹ்யைந்த்³ரம் பு⁴ஜ்யதே ப²வம் ।। 1130 ।।

நித்யேஷு ஶுத்³தே⁴: ப்ராதா⁴ந்யாத்³போ⁴கோ³(அ)ப்யப்ரதிப³ந்த⁴க: ।।
போ⁴க³ம் ப⁴ங்கு³ரமீக்ஷந்தே பு³த்³தி⁴ஶுத்³த்⁴யநுரோத⁴த: ।। 1131 ।।

தமேதமித்யதஶ்சோச்சைர்வேதா³நுவசநாதி³நா ।।
விரக்தா: ஸர்வஸம்ஸாராஜ்ஜிஜ்ஞாஸந்தே பரம் பத³ம் ।। 1132 ।।

ஆராதே³வோபகுர்வந்தி நித்யாந்யாத்மவிஶுத்³தி⁴த: ।।
ஆத்மாஜ்ஞாநாவிரோதி⁴த்வாத்ஸாக்ஷாந்ந த்வாத்மபோ³த⁴வத் ।। 1133 ।।

த்யக்த்வா கர்மாண்யதோ(அ)ஸங்கா³: ப்ரத்யக்ப்ரவணபு³த்³த⁴ய: ।।
அபாஸ்தராகா³தி³மலா ஈக்ஷந்தே ஜ்ஞம் ஸ்வமாத்மநி ।। 1134 ।।

அதோ(அ)ஶேஷமஹாநர்த²ஹேத்வாத்மாஜ்ஞாநஹாநிக்ருத் ।।
ப்ரத்யக்³யாதா²த்ம்யவிஜ்ஞாநபா⁴ஸ்கரோத³யஹேதவே ।।
ஆரப்³தே⁴யம் ப்ரயத்நேந வேதா³ந்தோபநிஷத்பரா ।। 1135 ।।

ஶதாநி த³ஶ சைகம் ச சத்வாரிம்ஶத்ததா²(அ)ஷ்ட ச ।।
ஶ்லோகா: ஸம்ப³ந்த⁴பா⁴ஷ்யே(அ)ஸ்மிந்ஸம்க்²யாதா: ஸம்க்²யயா(அ)கி²லா: ।। 1136 ।।

தத்ராஶ்வவிஷயம் தாவதா³தௌ³ த³ர்ஶநமுச்யதே ।।
ப்ராஜாபத்யத்வஹேதோஶ்சாப்யஶ்வநாமாங்கிதத்வத: ।। 1 ।।

அஶ்வஸ்ய யச்சி²ர: ஸாக்ஷாத்தது³ஷா இதி சிந்தயேத் ।।
ஹரேரவயவேஷ்வேவம் யோஜ்யா காலாதி³த்³ருஷ்டய: ।। 2 ।।

ஸம்ஸ்கார்யத்வாத்பஶோரேவம் த்³ருஷ்டீரங்கே³ஷு யோஜ்யேத் ।।
காலாதா³வமரவாங்க³த்வாந்நாஶ்வத்³ருஷ்டிர்விதி⁴த்ஸ்யதே ।। 3 ।।

ஸத்ஸ்வஶ்வாதி³ஷு காலாதி³த்³ருஷ்டீரங்கே³ஷு யோஜயேத் ।।
அஸத்ஸ்வாத்மாநமேவாஶ்வம் கல்பயித்வா நியோஜயேத் ।। 4 ।।

கர்தாரமஶ்வமக்³நிம் ச சித்யம் ஸர்வம் ப்ரஜாபதிம் ।।
அஶ்சமேத⁴ப²லம் சார்கம் வேத்தி ம்ருத்யும் யதோ²தி³தம் ।। 5 ।।

அகர்தா(அ)ப்யஶ்சமேத⁴ஸ்ய ப்³ராஹ்மணஶ்சேஹ பு³த்³தி⁴மாந் ।।
க்ரத்வாத்மா ம்ருத்யுரஸ்மீதி தாதா³த்ம்யம் ஸோ(அ)தி⁴க³ச்ச²தி ।। 6 ।।

அஶ்வஸம்ஜ்ஞபநாத்பூர்வம் ததோ²ர்த்⁴வம் சாபி ஹாடக -
ராஜதாத்மகபாத்ராப்⁴யாம் க்³ருஹ்யேதே தத்ர யௌ க்³ரஹௌ ।।

மஹிமாக்²யௌ தயோரேதத³ஹர்வா இதி த³ர்ஶநம் ।। 7 ।।
வ்யத்யயேநாவவோத்³த⁴வ்யா ப்ரத²மார்தே² ச ஸப்தமீ ।। 8 ।।

ஸமுத்³ர ஈஶ்வரோ ஜ்ஞேயோ யோநி: காரம்ணமுச்யதே ।।
ஸர்வஸ்ய ஜக³தோ யம்ஸ்மாதீ³ஶ ஏவேஹ காரணம் ।। 9 ।।

அதா²க்³நேருச்யதே ஜந்ம ஹயமேதோ⁴பயோகி³ந: ।।
தத்³த³ர்ஶநவிதி⁴த்ஸாயைஸ்துத்யர்தோ²த்பத்திரிஷ்யதே ।। 1 ।।

நாமவத்³ரூபவச்சேஹ காரணம் யாவதீ³க்ஷ்யதே ।।
நாபூ⁴த்தத்ப்ராக்ஸமுத்பத்தே: ப்ராணாத்³யுத்பத்திஸம்ஶ்ரவாத் ।। 2 ।।

கார்யமுத்பத்திமத்த்வாச்சேத்ப்ராகு³த்பத்தேர்நிஷித்⁴யதே ।।
காரணஸ்ய த்வநுத்பத்தேரநிஷேத⁴ஸ்ததா² ஸதி ।। 3 ।।

ததா² சாநுபலப்³தே⁴ஶ்ச கார்யஸ்யைவாஸ்து நாஸ்திதா ।।
காரணஸ்ய ந நாஸ்தித்வமுக்தஹேத்வோரஸம்ப⁴வாத் ।। 4 ।।

ஸர்வஸ்யாநுபலப்³தே⁴ஸ்து மைவம் வோசோ யத: ஶ்ருதி: ।।
நைவேஹ கிம்சநேத்யாஹ காரணேதரநிஹநுதிம் ।। 5 ।।

நைவம் யத: ஶ்ருதி: ஸாக்ஷாத்ஸத்த்வமேவாவத³த்ஸ்வயம் ।।
கார்யகாரணயோ: ஸ்பஷ்டம் ம்ருத்யுநைவேதி ஸாத³ரா ।। 6 ।।

ம்ருத்யுநா காரணேநேத³ம் கார்யம் ஸர்வம் ஸமாவ்ருதம் ।।
இதி நாவக்ஷ்யத்³யத்³யேதது³ப⁴யம் நாப⁴வத்புரா ।। 7 ।।

ப்ராணபிண்டா³தி³கார்யாணாம் ஸமுத்³ர: பரமேஶ்வர: ।।
ப³ந்து⁴: காரணமாத்மோக்தோ ம்ருத்யுரத்ர ஸ ஏவ து ।। 8 ।।

ஜ்ஞாநமாத்ரஸதத்த்வம் யஹ்ப்³ரஹ்மாஜ்ஞாதஸதத்த்வகம் ।।
ம்ருத்யுர்ஜநிமத: ஸாக்ஷாத்தத்ர கார்யாப்யயத்வத: ।। 9 ।।

ஸத்³பீ³ஜம் ஸத்ப்ரதிஷ்ட²ம் ச ஸதா³யதநமேவ ச ।।
ப்ரத்யக்ஷமேத்ர ஸத்ஸித்³த⁴ம் ஸத³ந்யஸ்யாப்ரஸித்³தி⁴த: ।। 10 ।।

அஸத்ஸத³திரேகேண யதி³ வா(அ)வ்யதிரேகத: ।।
வ்யதிரேகே ஸதே³வாஸத³ஸத்³வா தத்கிமுச்யதே ।। 11 ।।

நேஹ ஸத்³வ்யதிரேகேண ஸ்வமஹிம்நா ப்ரஸித்⁴யதி ।।
ஸர்வஸ்ய ஸத³பேக்ஷத்வாத்ஸத்து நாந்யத³பேக்ஷதே ।। 12 ।।

மதமவ்யதிரேகேண ஸதோ(அ)ஸத்ஸத்ததி³ஷ்யதாம் ।।
குதோ(அ)தோ³ லப⁴தே(அ)ஸத்த்வம் யத்ஸதா³த்மநி நிஷ்டி²தம் ।। 13 ।।

அந்யோந்யவ்யதிரேகித்வாந்நாந்யோந்யாத்மகதா தயோ: ।।
விரோதி⁴த்வாச்ச நாந்யோந்யம் ஸம்ப³ந்த⁴ஸ்தாபஶீதவத் ।। 14 ।।

ஸ்பு²ரதா(அ)பி ஸதோ நாந்யத³பி⁴தா⁴தும் க⁴டாதி³வத் ।।
ஶக்யதே நாபி⁴தா⁴நேந ஹ்யஸத்³வஸ்து நிருச்யதே ।। 15 ।।

வஸ்துநோ(அ)திஶய: கஶ்சித³பா⁴வவசஸோச்யதே ।।
தஸ்ய தேநாபி⁴ஸம்வ்யாப்தேர்ந கத²ம்சித³பஹநுதி: ।। 16 ।।

க்ரியா வா தத்ப²லம் வா ஸ்யாத³பா⁴வோ நா(அ)(அ)த்மஹேதுஹா ।।
யோ யதோ லப⁴தே ஸத்தாம் நிருணத்³தி⁴ ஸ தம் கத²ம் ।। 17 ।।

ந நாஶோ ஹந்தி நஷ்டாரம் க³ந்தாரமிவ தத்³நதி: ।।
யோ யதோ லிப்ஸதே ஸித்³தி⁴ம் ஸ தம் ஹந்தி கத²ம் வத³ ।। 18 ।।

விஜ்ஞாநாவ்யதிரேகீ சேத³பா⁴வ: ஸ்யாத்ஸஹேதுக: ।।
த்⁴வம்ஸாத³வ்யதிரேகே(அ)பி தி⁴யோ நித்யத்வமாபதேத் ।। 19 ।।

அதோ(அ)பா⁴வத்வஸித்³த்⁴யர்த²மபா⁴வேநாப்யபேக்ஷ்யதே ।।
ஸ்வஹேதுஸித்³தி⁴: கார்யோ(அ)ர்தோ² ந த்³ருஷ்ட: காரணம் விநா ।। 20 ।।

த⁴ர்ம்யஸித்³தி⁴: ப்ரதிஜ்ஞாயாம் ஹேதுஶ்சாநாஶ்ரயோ ப⁴வேத் ।।
ந சாஸ்தி கஶ்சிஹ்ருஷ்டாந்த: ஸர்வஶூந்யத்வவாதி³ந: ।। 21 ।।

விஜ்ஞாநமாத்ரம் யஸ்யாபி ஜக³தே³தஶ்சராசரம் ।।
ப்ரதிஜ்ஞாஹேதுத்³ருஷ்டாந்தைர்ஜ்ஞாநம் தேநாபி தூ³ஷ்யதே ।। 22 ।।

மாநாபே⁴தா³ச்ச மேயஸ்ய நாஜ்ஞாதார்த²: ப்ரஸித்⁴யதி ।।
தாதா³த்ம்யே(அ)பி ந சேஜ்ஜ்ஞாதோ மாநாத்கோ(அ)திஶயோ மத: ।। 23 ।।

அஜ்ஞாதாதி⁴க³மம் குர்வந்மாநம் ஸ்யாத்ஸர்வவாதி³நாம் ।।
ந சேச்சு²க்திதமோஜஸ்ய ஜ்ஞாநஸ்யாபி ப்ரமாணதா ।। 24 ।।

விஜ்ஞாநாவ்யதிரேகித்வாத³ஸித்³தா⁴தே³ஸ்ததை²வ ச ।।
ப்ராமாண்யவத்ப்ரஸங்க³: ஸ்யாத³ப்ரமாத்வே(அ)பி தே த்⁴ருவம் ।। 25 ।।

அஜமேகம் ஸ்வத:ஸித்³த⁴ம் ப்ரத்யம்க்³ரூபமநந்யத்³ருக் ।।
வஸ்த்வேவம் சேதி³ஹாபீ⁴ஷ்டம் கிமர்த²ம் ஸாத்⁴யதே(அ)பரம் ।। 26 ।।

ஏவம்பூ⁴தாத்மஸித்³த்⁴யர்த²ம் காரணாதி³ ப்ரஸாத்⁴யதே ।।
உபாய: ஸோ(அ)வதாராய ததா² தஜ்ஜ்ஞைஶ்ச ஸூத்ரிதம் ।। 27 ।।

காரணாதி³நிஷேதே⁴ந ந சாத்³வைதமபீ⁴ப்ஸிதம் ।।
ஐகாத்ம்யபோ³த⁴மாத்ரேண நிஷேத⁴ஸ்யாப்யபஹவாத் ।। 28 ।।

ஸதத்த்வகமித³ம் ஸர்வமிதி ஸம்ஸாத்⁴ய யத்நத: ।।
தஸ்யாபி ஸம்விந்மாத்ரேண பூர்ணதைவோச்யதே ஸத: ।। 29 ।।

ஸதே³வா(அ)(அ)க³மத: ஸர்வம் ப்ரத்யக்ஷாச்ச ஸதீ³க்ஷ்யதே ।।
அநுமாநாச்ச ஸத்ஸர்வம் யதா² தத³து⁴நோச்யதே ।। 30 ।।

அநுமேயம் ச ஸத்பூர்வம் காரணம் கார்யமேவ ச ।।
ஜக³த்ப்ரஸூதேஸ்தச்சேஹ ப்ரயோகே³ண ப்ரத³ர்ஶ்யதே ।। 31 ।।

விவாத³கோ³சராபந்நம் ஸத்காரணமித³ம் ப⁴வேத் ।।
கார்யாத்மகம் மநோ(அ)வாதி³ கார்யத்வாத்கடகும்ப⁴வத் ।। 32 ।।

ஹேதுமஜ்ஜநிமத்ஸர்வம் கார்யத்வாத்படகும்ப⁴வத் ।।
வியதா³தி³ ச ந: கார்யம் தத³ப்யேவம் ப்ரதீயதாம் ।। 33 ।।

அஸத்காரணகம் கார்யம் தத்³விநாஶ்யாஸ்ய ஜந்மத: ।।
ஸர்வம் ஸ்வஹேதுமுந்மூல்ய ஜாயதே(அ)ங்குரகும்ப⁴வத் ।। 34 ।।

ஸ்வகாரணம் சேது³த்ஸாத்³ய கார்யம் ஸர்வம் ப்ரஜாயதே ।।
தத்காரணவிநாஶாய தத்ஸூதே: ப்ராக்க்வ ஈர்யதாம் ।। 35 ।।

ஸ்வஹேதூச்சி²த்தயே(அ)லம் சேத³ஜாதமபி ஸத்³யதி³ ।।
த்³வயமப்யப்⁴யுபேதம் ஸ்யாந்ந ஹ்யஸத்³த⁴ந்யதே(அ)ஸதா ।। 36 ।।

விநாஶஸ்யாபி கார்யத்வாத்ஸோ(அ)பி ஸத்காரணோ மம ।।
ந சேத்கார்யோ விநாஶ: ஸ்யாந்நாஶோ(அ)கார்யேண நேஷ்யதே ।। 37 ।।

ஸ்வகாரணவிநாஶாய ஸித்³த⁴ம் கா⁴(அ)ஸித்³த⁴மேவ வா ।।
அங்குராதி³ மதம் கார்யம் நோப⁴யத்ராபி யுஜ்யதே ।। 38 ।।

ஸித்³த⁴ம் சேத்காரணாத்ஸித்³த⁴முபமர்தே³ விநைவ து ।।
உத்பந்நேந ச தந்நாஶ உத்பந்நத்வாத³நர்த²க: ।। 39 ।।

உபம்ருத்³கா³தி சேத்கார்யமதா²ஸித்³த⁴ம் ஸ்வகாரணம் ।।
தத்காரணம் கத²ம் தத்ஸ்யாந்ந சேத்தஸ்மாத்ப்ரஜாயதே ।। 40 ।।

உபமர்தோ³(அ)பி கார்யத்வாத்கிம் ந ஹந்யாத்ஸ்வகாரணம் ।।
ஹந்தர்யஸதி ஹாநோக்திர்லக்ஷ்யதே ஶிஶுவக்த்ருகா ।। 41 ।।

நம்ஷ்ட்டதத்ரோ விநாஶோ(அ)பி க³ந்த்ருதந்த்ர க³திர்யதா² ।।
நாஸ்தீஹ கஶ்சித்³தா⁴த்வர்தோ² ய: ஸ்வஹேதும் விநாஶயேத் ।। 42 ।।

நிர்ஹேதுநாஶஸம்வ்யாப்தேர்ந ஸ்யாத்கும்ப⁴ஜநிர்ம்ருத³: ।।
ந வீஜாத³க்³நிஸம்வ்யாப்தாத³ஙகுரோத்³பூ⁴திரீக்ஷ்யதே ।। 43 ।।

க⁴டாதே³: காரணம் பிண்ட³ இதி நாப்⁴யுபக³ம்யதே ।।
ம்ருதே³வ காரணம் யஸ்மாத்பிண்டா³தே³ரவக³ம்யதே ।। 44 ।।

யதே³வ காரணம் மாநைரிஹ ஸாக்ஷாத்³விநிஶ்சிதம் ।।
ததே³வோத்தரகார்யேஷு, ந கார்யம் காரணம் மிதே: ।। 45 ।।

விநாஶோ(அ)திஶய: கஶ்சித்³யதி³ பிண்டா³தி³வந்மத: ।।
ப்ரத்யக்ஷாத்தத்³த்³வயம் ஸத்ஸ்யாந்நோ சேத³ஸ்து த்⁴ருவோ க⁴ட: ।। 46 ।।

க்ரியா வா தத்ப²லம் வா ஸ்யாத்³வஸ்த்வந்தரமதா²பி வா ।।
நாஶோ(அ)த² வா ந கிம்சித்ஸ்யாத்ஸத்த்வம் நைவமபோத்³யதே ।। 47 ।।

க்ரியா(அ)ப்யஸ்தி ப²லம் சாஸ்தி தத்³வத்³வஸ்த்வந்தரம் ச ஸத் ।।
அத² நாஶோ(அ)பி நைவாஸ்தி தம் விநா ஸதி³த³ம் ஜக³த் ।। 48 ।।

ஸந்நேவ நாஶோ(அ)பீஷ்டஶ்சேத்ஸத்ஸதா ந விருத்⁴யதே ।।
ஐகாத்ம்யே(அ)பி விரோத⁴ஶ்சேந்நாஶோ நாஶே(அ)பி ஶங்க்யதே ।। 49 ।।

பிண்டா³தி³நா விநா(அ)பீத³ம் ம்ருதா³தே³: கேவலாத³பி ।।
க⁴டாத்³யுத்பத்³யமாநம் து கார்யம் த்³ருஷ்டமதோ த்⁴ருவம் ।। 50 ।।

ம்ருதா³த்³யேவ ததோ க்³ராஹ்யம் காரணம் ஹ்யந்வயாந்ம்ருத³: ।।
கார்யமேவ து பிண்டா³தி³ தஸ்ய கார்யேஷ்வநந்நயாத் ।। 51 ।।

விருத்³தா⁴நேககார்யாணாம் யுக³பஜ்ஜந்ம நேஷ்யதே ।।
ஏகஸ்மாத்காரணாத்தஸ்மாத்பிண்டா³பா⁴வே க⁴டோத்³ப³வ: ।। 52 ।।

பிண்டா³தி³வ்யதிரேகேண காரணாநுபலப்³தி⁴த: ।।
அஸத்த்வம் சேந்ம்ருதா³தே³: ஸ்யாந்ந மாநாநுபபத்தித: ।। 53 ।।

பிண்டா³தி³வ்யதிரேகேண யதி³ மாநம் ப⁴வேத்தத: ।।
ம்ருதா³தி³ காரணம் லப்³த⁴ம் ந மாநம் ஸ்யாந்ம்ருதா³ விநா ।। 54 ।।

பிண்டா³தி³வ்யதிரேகேண பிண்டா³தா³விவ சேத்ப்ரமா ।।
ஸித்³த⁴ம் காரணமேவம் ஸ்யாந்ந மா மேயம் விநா யத: ।। 55 ।।

அஸாதா⁴ரணரூபேஷு வ்யாவ்ருத்தேஷ்விதரேதரம் ।।
ப³ஹுஷ்வேகம் யதா³பா⁴தி ப்ரத்யக்ஷம் காரணம் து தத் ।। 56 ।।

ஸாத்³ருஶ்யாத³ந்வயப்⁴ரந்திஸ்தந்நிவ்ருத்தாவபீதி சேத் ।।
நைவம் பிண்ட³ஸ்த²த்³ருஷ்டாநாம் க⁴டாதா³வபி த³ர்ஶநாத் ।। 57 ।।

ப்ரத்யபி⁴ஜ்ஞாயமாநே(அ)ர்தே² ததே³வேத³மிதி த்⁴ருவே ।।
லிங்க³மாபா⁴ஸதாமேதி ப்ரத்யக்ஷார்த²விருத்³த⁴மித் ।। 58 ।।

விருத்³தா⁴வ்யபி⁴சாரித்வம் ந ச ப்ரத்யக்ஷலிங்க³யோ: ।।
ப்ரத்யக்ஷாபாஶ்ரயாந்நித்யம் நாநபேக்ஷம் தத³க்ஷவத் ।। 59 ।।

விருத்³தா⁴வ்யபி⁴சாரித்வம் ஸமாநப³லயோர்யத: ।।
த்³ருஷ்டம் ஸர்வத்ர லோகே(அ)ஸ்மிந்ந து ஸிம்ஹஶ்ருகா³லயோ: ।। 60 ।।

க்ஷணிகத்வே ச பா⁴வாநாம் ப்ரத்யபி⁴ஜ்ஞாத்³யஸம்ப⁴வ: ।।
ந ஹ்யந்யத்³ருஷ்டம் வஸ்த்வந்யை: ப்ரத்யபி⁴ஜ்ஞாயதே க்வசித் ।। 61 ।।

க்ஷணிகம் சேதி³த³ம் ஸர்வம் ப்ரத்யபி⁴ஜ்ஞாப்ரமாணகம் ।।
அந்யதத்³பு³த்³த்⁴யபேக்ஷத்வம் தத்³பு³த்³தே⁴ர்வ: ப்ரஸஜ்யதே ।। 62 ।।

இத³ம் க்ஷணிகமித்யேதத்க்ஷணிகத்வே ந ஸித்⁴யதி ।।
இத³ம்க்ஷணிகதாபு³த்³த்⁴யோர்பி⁴ந்நாதி⁴கரணத்வத: ।। 63 ।।

அஜ்ஞாதம் ஜ்ஞாயதே யஸ்ய ததா²(அ)ஜாதம் ச ஜாயதே ।।
ப்ரத்யபி⁴ஜ்ஞாம்ருதே தஸ்ய ப்ரதிஜ்ஞார்தோ² ந ஸித்⁴யதி ।। 64 ।।

அநவஸ்தா² ச து³ர்வாரா ஹ்யவிஶ்சாஸஶ்ச ஜாயதே ।।
ம்ருபாத்வாத்ஸர்வபு³த்³தீ⁴நாம் ந க்வசிந்நிஶ்சிதிர்ப⁴வேத் ।। 65 ।।

ஸம்ப³ந்தா⁴நுபபத்திஶ்ச ததி³த³ம்ஜ்ஞாநயோர்த்⁴ருவம் ।।
ஸம்ப³ந்த⁴கர்தர்யஸதி ந ச ஸாத்³ருஶ்யஸம்ஶ்ரயாத் ।। 66 ।।

த்⁴வம்ஸிநோரிவ ஸாத்³ருஶ்யம் ஸ்தா²யிநோரபி நேஷ்யதே ।।
க்³ராஹகே(அ)ஸதி தத்³பி⁴ந்நே பு³த்³தீ⁴நாம் சைகரூபத: ।। 67 ।।

நாஶபே⁴த³விருத்³தா⁴ர்த²ப்ரமேயே ச வ்யவஸ்தி²தே ।।
ப்ரத்யர்தி²நி ஹி ப்ரத்யக்ஷே தத்³விருத்³த⁴: குதோ(அ)மிதே: ।। 68 ।।

அநுத்பந்நோத்பித்ஸூத்பந்நோ(அ)நஷ்டோ நாஶாதி³க்ருத்ததா² ।।
ஏவமஷ்டக்ஷணாவஸ்தோ² பா⁴வோ(அ)வஶ்யம் த்வயேஷ்யதே ।। 69 ।।

அந்யோந்யாவிஷயத்வே து குத: ஸாத்³ருஶ்யதீ⁴ரியம் ।।
ஸத்³ருஶார்தே² விநைவேயம் க்ல்ருப்தா ஸாத்³ருஶ்யதீ⁴ர்யதி³ ।। 70 ।।

ம்ருகா³ம்பு³தீ⁴வந்மித்²யாத்வம் ஸ்யாதே³வம் ததி³தா³ம்தி⁴யோ: ।।
அஸத்³விஷயதைவேஹ ஸர்வாஸமபி சேத்³தி⁴யாம் ।। 71 ।।

நைவம் பு³த்³தே⁴ரபி ததா² ஹ்யஸத்³விஷயதா ப⁴வேத் ।।
அஸ்த்வேவம் ஸர்வவுத்³தீ⁴நாம் ம்ருஷாத்வமிதி சேந்மதம்ஸ।। 72 ।।

நைவம் ஸ்யாத்ஸர்வபு³த்³தீ⁴நாம் ம்ருஷாத்வே மித்யஸம்ப⁴வாத் ।।
காரணஸ்யாஸ்திதா தஸ்மாத்ஸித்³தா⁴ கார்யோத்³ப⁴வாத்புரா ।। 73 ।।

கார்யஸ்யாபி யதா²(அ)ஸ்தித்வம் ததே²தா³நீம் ப்ரபஞ்சயதே ।।
ஸத்த்வபூர்வமித³ம் கார்யம் தமோந்தஸ்த²க⁴டாதி³வத் ।।
தஸ்யாபி⁴வ்யக்தித⁴ர்மத்வாத³ந்யதா² ஸ்யாந்ந்ருஶ்ருங்க³வத் ।। 74 ।।

ஸத்யாமபி ச ஸாமக்³ர்யாம் வந்த்⁴யாபுத்ராத்³யஸத்த்வத: ।।
விஜ்ஞாநாலம்வநத்வம் நோ ந கதா³சித்ப்ரபத்³யதே ।। 75 ।।

ஸர்வம் ஸதே³வ சேதி³ஷ்டமுபலப்⁴யேத தே ஸதா³ ।।
ஸாமக்³ர்யாம் க⁴டவத்ஸத்யாம் ஸர்வம் ஸத்³வாதி³நோ த்⁴ருவம் ।। 76 ।।

ந வித்³யமாநமாத்ரேண ஹ்யபி⁴வ்யக்திரபீஷ்யதே ।।
ஸதே³வ வஸ்த்வபி⁴வ்யக்தம் ததா²(அ)வ்யக்தம் ச லக்ஷ்யதே ।। 77 ।।

அங்கீ³கர்தவ்யமேதச்ச ப⁴வத்³பி⁴ரவிஶங்கிதை: ।।
ந சேத்³வ: ஸர்வஸித்³தா⁴ந்தோ நஶ்யேத்ஸைகதகூபவத் ।। 78 ।।

ப்ரமாணவ்யதிரேகேண ப்ரமேயோ(அ)ர்தோ² ப⁴வந்ப⁴வேத் ।।
மாநாத³வ்யதிரேகே ஹி மாநமேயௌ ந ஸித்⁴யத: ।। 79 ।।

காரணஸ்யாபி நாஸ்தித்வம் கார்யாஸத்த்வே ப்ரஸஜ்யதே ।।
ந ஹி கார்யமநாஶ்ரித்யம் காரணம் ஜக³தீக்ஷ்யதே ।। 80 ।।

ஸத்தாமாத்ரேண கிம் கார்யம் ஸமவாய்யாதி³காரணம் ।।
ஸாத⁴யேத்³வ்யாப்ருதம் வேத³ம் ததா²(அ)பீஷ்டம் ந ஸித்⁴யதி ।। 81 ।।

ஸத்தாமாத்ரேண சேத்குர்யாத்காரணத்ரிதயம் ததா³ ।।
கார்யோத்பத்திஸ்தி²திலயா: ப்ராப்நுயுர்யுக³பத்ஸதா³ ।। 82 ।।

அவிஶேஷாச்ச ஸத்தாயா: ஸர்வத: ஸர்வஸம்ப⁴வ: ।।
ஸர்வ ஏவ ந ஸம்ஸித்⁴யேத்³வ்யவஹாரஶ்ச லௌகிக: ।। 83 ।।

த்ரீண்யேவ காரணாநீதி நிஷ்ப²லா(அ)வத்⁴ருதிர்ப⁴வேத் ।।
யதா² த்ரயம் ததா² ஸர்வம் ஸத்தயா கிம் ந காரணம் ।। 84 ।।

ஸம்பூ⁴ய கார்யம் குர்யாச்சேத்காரணத்ரிதயம் ததா³ ।।
மேலநஸ்யாபி கார்யத்வாத்கத²ம் தத்ஸ்யாத்ரயம் விநா ।। 85 ।।

காரணத்ரிதயே நாத² ஏகைகஸ்ய ப்ரஸித்⁴யதி ।।
தஸ்ய தஸ்ய ததை²வேதி ஸா(அ)நவஸ்தா² ப்ரஸஜ்யதே ।। 86 ।।

வஸ்துந: ஸத³ஸத்த்வாய ஹ்யபி⁴வ்யக்த்யேகஹேதுத: ।।
ஐஶ்வர்யம் ந ப்ரமாணஸ்ய ஸத்த்வம் வஸ்துப³லாத்³யத: ।। 87 ।।

த்³வைவித்⁴யாதா³வ்ருதே: கார்யம் நேக்ஷதே தேந ஸம்வ்ருதம் ।।
லப்³தா⁴த்மகஸ்ய குட்³யாதி³, ப்ராக்ஸூதே: காரணாவ்ருதி: ।। 88 ।।

ம்ருதா³த்மநோபஸம்ஶ்லிஷ்டம் கார்யம் காரணதாமிதம் ।।
காரணத்வாத்³தி⁴ தத்ஸ்த²ம் தத்தத்³ருதே கராணம் கத²ம் ।। 89 ।।

யதி³ காரணஸம்ஸ்த²ம் ஸத்தந்நிமித்தம் ச காரணம் ।।
வ்யவதா⁴நாந்தராபா⁴வாத்கிமர்த²ம் நோபலப்⁴யதே ।। 90 ।।

கார்யாந்தரேண ஸம்ஸ்தா²நாந்ம்ருதா³தே³ர்நோபலப்⁴யதே ।।
ஸதா³த்மநோபலப்³தி⁴ஸ்து ந கதா³சந ஹீயதே ।। 91 ।।

நஷ்டோத்பந்நஸத³பா⁴வஶப்³த³ப்தத்யயபே⁴த³தீ⁴: ।।
அபி⁴வ்யக்திதிரோபூ⁴தித்³வைவித்⁴யாபேக்ஷயைவ து ।। 92 ।।

குட்³யாத்³யாவரணம் த்³ருஷ்டம் பி⁴ந்நதே³ஶம் ஸதா³(அ)(அ)வ்ருதாத் ।।
கும்பா⁴த்³யபி⁴ந்நதே³ஶஸ்த²ம் பிண்டா³த்³யாவரணம் கத²ம் ।। 93 ।।

நைவம் பயோக்⁴ருதாதீ³நாமேகதே³ஶத்வத³ர்ஶநாத் ।। 94 ।।
அநாவரணதா சேத்ஸ்யாத்கபாலாதே³ர்க⁴டாத்மநி ।।

அந்தர்பா⁴வாந்ந ஸாத்⁴வேதத்³விப⁴க்தாநாம் ப⁴வேத்³யத: ।। 95 ।।
ஆவ்ருதத்வமத² மதம் ப⁴ங்க³ ஏவ ப்ரஸஜ்யதே ।।
யத்நோ ந து க⁴டோத்பத்தௌ நைவமப்யுபபத்³யதே ।। 96 ।।

ந ஹி லோகே(அ)ஸ்தி நியஸோ ர்க⁴டாபி⁴வ்யக்திஹேதுக: ।।
அநேகஸாத⁴நா யஸ்மாத³பி⁴வ்யக்திரிஹேக்ஷ்யதே ।। 97 ।।

தீ³பேநாந்யோ, மதா² சாந்யஸ்ததா² சக்ராதி³நா பர: ।।
அபி⁴வ்யக்திம் ப்ரயாத்யர்த²: புரா ஸந்நேவ ஸர்வதா³ ।। 98 ।।

தமோவிநாஶநாயைவ ப்ரதீ³போ(அ)பீதி சேந்மதம் ।।
நஷ்டே தமஸி கும்போ⁴(அ)பி ஸ்வயமேவோபலப்⁴य़தே ।। 99 ।।

கிமேவம் ப⁴வத: ஸித்³த⁴ம் யதி³ நாம தமோஹநுதி: ।।
ஸதே³வ வ்யஜ்யதே ஸர்வமிதி நைவாபநுத்³யதே ।। 100 ।।

அஜ்ஞாதத்வாபமார்ஷ்ட்யர்த²முபாதி³த்ஸந்தி மாநிந: ।।
மாநாநி, மாநஸம்ப³ந்தா⁴த³ஜ்ஞாதத்வம் ச நஶ்யதி ।। 101 ।।

யத: ஸதி க்ரியாபே⁴தே³ கிம் பூர்வமிதி சோத³நா ।।
க்ரியாபே⁴தே³ ந ச ந்யாய்யம் த்⁴வாந்தநாஶ: க்ரியாப²லம் ।। 102 ।।

ஜ்ஞாதுர்ஜ்ஞாநாபி⁴நிஷ்பத்திர்நிஷ்பந்நம் மேயமேதி ஸத் ।।
மேயாபி⁴ஸம்க³தம் தச்ச மேயாப⁴த்வம் ப்ரபத்³யதே ।। 103 ।।

வ்யவதா⁴நம் தமோ யஸ்மாத்³த⁴டோ(அ)யமிதி ஸம்வித³: ।।
ப்ரகாஶவத்³த⁴டம் சர்தே குதஸ்தத்தமமோ ஹநுதி: ।। 104 ।।

ப்ரமாணவ்யாப்ருதேர்ஜ்ஞாதோ(அ)ஜ்ஞாதோ(அ)ஜ்ஞாதத்வஹாநிக்ருத் ।।
க⁴டோ(அ)வக³த இத்யேதத்தத: ஸம்பத்³யதே ப²லம் ।। 105 ।।

யத்³யாவரணப⁴ங்கா³ய யத்ந: ஸ்யாத்³த⁴டவித்தயே ।।
கார்யாந்தரம் ப⁴வேத்³ப⁴ங்கா³த்தேநாப்யாவ்ருததா க⁴டே ।। 106 ।।

வ்யவதா⁴நாந்தரம் தஸ்மாத³ந்யத³ப்யாபதேத்ததா³ ।।
அதோ நியத ஏவாத்ர வ்யாபார: ப²லவாந்ப⁴வேத் ।। 107 ।।

அதீதைஷ்யத்³த⁴டஜ்ஞாநம் ஸத்³த⁴டாலம்ப³நம் ப⁴வேத் ।।
க⁴டஜ்ஞாநத்வத: ஸாக்ஷாதி³ஹத்யக⁴டபோ³த⁴வத் ।। 108 ।।

அதீதோ(அ)நாக³தோ(அ)ர்தோ²(அ)ஸந்யதி³ வா(அ)ப்⁴யுபக³ம்யதே ।।
அதீதாநாக³தஜ்ஞாநம் மித்²யேஶஸ்ய ப்ரஸஜ்யதே ।। 109 ।।

ப்ரத்யக்ஷம் நாபி சேஶஸ்ய கேநசித்ப்ரதிஹந்யதே ।।
அபவித்³தா⁴திஶீத்யேவ தஜ்ஜ்ஞாநம் கேந ஹந்யதே ।। 110 ।।

க⁴டஸத்த்வே புரோத்பத்தேரநுமா ச ப்ரத³ர்ஶிதா ।।
தஸ்மாத்ஸதே³வ கார்யம் ஸ்யாத்ப்ரகு³த்பத்தேரபி த்ருவம் ।। 111 ।।

ஏஷ்யத்³த⁴டநிஷேதே⁴ ச விரோதோ⁴(அ)பி ப்ரஸஜ்யதே ।।
ப⁴விப்யாதி ந பா⁴வ்யர்தோ² வர்தமாநநிஷேத⁴வத் ।। 112 ।।

க்³ருஹ்யமாணோ க⁴டோ நாஸந்நிதி யத்³வத்³விருத்⁴யதே ।।
அதீதைஷ்யந்மிதக⁴டப்ரதிஷேத⁴ஸ்ததா²வித⁴: ।। 113 ।।

ப்ராக³பா⁴வாத³யோ(அ)பா⁴வா: ஸந்த: ஸ்யுரதிரேகிண: ।।
வ்யபதே³ஶாத்³த⁴டேநைஷாமந்யோந்யாபா⁴வவத்³த்⁴ருவம் ।। 114 ।।

ஏவம் ச ஸதி ஸம்ப³ந்தோ⁴ ந பா⁴வாபா⁴வயோர்மித²: ।।
விரோதா⁴த்³பா⁴வயோர்யத்³வதே³கத்வாந்நாப்யபா⁴வயோ: ।। 115 ।।

அஸதஶ்ச ந ஸம்ப³ந்தோ⁴(அ)காரகத்வாத்கத²ம்சந ।।
ஸம்ப³ந்த⁴ஶ்ச க்ரியாத்மத்வாந்ந ஸித்⁴யேத்காரகம் விநா ।। 116 ।।

ப்ராக³பா⁴வோ க⁴டஸ்யேதி க⁴டம் ஏவோச்யதே யதி³ ।।
க⁴ட ஏவ க⁴டஸ்யேதி வ்யபதே³ஶோ ந யுஜ்யதே ।। 117 ।।

ந சாஸத்த்வம் க⁴டஸ்யைவம், ப்ராக³பா⁴வோ க⁴டோ ந ச ।।
அவத்⁴யவதி⁴மத்³பே⁴தே³ ப்ராக³பா⁴வோ(அ)பி ஸித்⁴யதி ।। 118 ।।

அத² ப்ரகல்ப்ய ஸம்ப³ந்த⁴ம் க⁴டஸ்யேத்யபி⁴தீ⁴யதே ।।
க்ல்ருப்தஸ்யைவ ஹ்யபா⁴வஸ்ய வ்யபதே³ஶ: ப்ரஸஜ்யதே ।। 119 ।।

அர்தா²ந்தரமபா⁴வஶ்சேது³க்தம் ஸம்ஸ்மர்துமர்ஹஸி ।।
ஶஶஶ்ருங்கா³தி³கல்பஸ்ய க⁴டஸ்ய ஸ ந யுஜ்யதே ।। 120 ।।

ஸ்வஹேதுஸத்தாஸம்ப³ந்த⁴: ஸம்ப³ந்த⁴ஸ்ய ஸதா³ஶ்ரயாத் ।।
அதா²ஸ்த்வயுதஸித்³தா⁴நாம் நாஸதோ(அ)யுதஸித்³த⁴தா ।। 121 ।।

ந பா⁴வாபா⁴வயோர்யோகோ³ நாபி சாயமபா⁴வயோ: ।।
ஸதோரேவ யதோ யோக³: ஸித்³த⁴ கார்யமத: ஸதா³ ।। 122 ।।

த்³வைதைகத்வாத்மகம் ரூபம் வைராஜம் கார்யமாத்மந: ।।
ஸமுத்³ர ஏவ ஹ்யஸ்யேதி விராட்காரணமப்³ரவீத் ।। 123 ।।

ஸம்பூ⁴ய கார்யபூ⁴தாநி பூ⁴தயோநிம் யதோ விபு⁴ம் ।।
ஜந்மஸ்தி²திலயாந்யாந்தி ஸமுத்³ரஸ்தேந விஶ்வக்ருத் ।। 124 ।।

தத்ஸமுத்³ரம் பரம் ப்³ரஹ்ம ஸம்விந்மாத்ரஸதத்த்வகம் ।।
அவிஜ்ஞாதாத்மயாதா²த்ம்யம் ஹேதுத்வேநேஹ ஶப்³த்³யதே ।। 125 ।।

இத³ம் ஜக³து³பாதா³நம் ஸர்வஶக்த்யஜமவ்யயம் ।।
ஸ்வாத்மைகாஜ்ஞாநவ்ருத்தேந க்³ரஸிஷ்ணு ப்ரப⁴விஷ்ணு ச ।। 126 ।।

ஸ்வாபா⁴ஸவர்த்மநைவைதத்ஸ்வாத்மாஜ்ஞாநஜபூ⁴மிஷு ।।
இதம் ப³ஹுத்வமேகம் ஸத்³வியத்³யத்³வத்³த⁴டாதி³ஷு ।। 127 ।।

அகாரணம் ஸத³ஜ்ஞாநாத்காரணத்வம் யதை²த்யஜம் ।।
ஸர்வகாரகதாமேவம் க்ரியாதத்ப²லதாமபி ।। 128 ।।

ஸாத்⁴யஸாத⁴நதா தஸ்மாத³ஜ்ஞாநைகவ்யபாஶ்ரயாம் ।।
உச்சைரநூத்³ய தத்தத்த்வம் வேதா³ந்தா: ப்ரத்யபீபத³ந் ।। 129 ।।

அகாரணமகார்யே ஸத்கார்யகாரணதாமகா³த் ।।
மோஹாதே³வ தத: ஶாஸ்ரம் தது³ச்சி²த்தௌ ப்ரவர்ததே ।। 130 ।।

அபீதாஶேஷஸம்ஸாரம் ஶுத்³த⁴ஸம்ஸ்காரஸம்ஶ்ரயம் ।।
அவ்யாக்ருதமித³ம் ப்³ரஹ்மஹ்யந்தர்யாமீதி சோச்யதே ।। 131 ।।

அஜ்ஞாநாநுபமர்தே³ந வ்யாக்ருதிர்யா(அ)ஸ்ய ஜாயதே ।।
ஸ்வப்நவிஜ்ஞாநவந்நாஸௌ ஸத்யமேயவ்யபாஶ்ரயா ।। 132 ।।

ஸம்யக்³ஜ்ஞாநஸமுத்பத்தௌ ஹேதுத்வம் து நிக³ச்ச²தி ।।
நித்³ரம் ஹத்வா யத: ஸ்வப்நஜ்ஞாநாத³பி விபு³த்⁴யதே ।। 133 ।।

உபேயப்ரதிபத்த்யைவ ப்ரமாணாநாம் ப்ரமாணதா ।।
வஸ்துஸ்தி²த்யா ந ஸத்யத்வமிதி பூர்வமவாதி³ஷம் ।। 134 ।।

நாமரூபாதி³நா யேயமவித்³யா ப்ரத²தே(அ)ஸதீ ।।
மாயா தஸ்யா: பரம் ஸௌக்ஷ்ம்வம் ம்ருத்யுநைவேதி ப⁴ண்யதே ।। 135 ।।

ம்ருத்யுர்வை தம இத்யேவமாப ஏவேத³மித்யபி ।।
அவித்³யா ப்ரத²தே மௌலீ வ்யக்தாவ்யக்தாத்மநா(அ)நிஶம் ।। 136 ।।

ஏதேப்⁴யோ(அ)ஸௌ ஸமுத்தா²ய ஸ்வாபா⁴ஸாநாத்மஜந்மநா ।।
யாதி க்ஷேத்ரஜ்ஞதாமீஶ: கூடலஸ்தோ²(அ)பி ஹ்யவித்³யயா ।। 137 ।।

ஆபோ ஹ்யணுதரா: ஸத்யமஸ்ருஜந்தேதி ஹி ஶ்ருதி: ।।
க்ரியாவிஜ்ஞாநஶக்த்யாத்மா ஸோ(அ)பி ப்³ரஹ்மாஸ்ருஜத்பர: ।। 138 ।।

விராட்³வ்ரஹ்மாத² ஸஸ்ருஜே மநும் தே³வம் ப்ரஜாபதிம் ।।
மநுர்தே³வாந்மநுஷ்யாம்ஶ்ச ஸ்தா²ஸ்நு க்ருத்ஸ்நம் சரிஷ்ணு ச ।। 139 ।।

ஸாத்⁴யஸாத⁴நவத்க்ருத்ஸ்நகார்யரூபவிவக்ஷயா ।।
ஶ்ருதி: ப்ரவவ்ருதே ஸேயம் நைவேஹேதீஹ யத்நத: ।। 140 ।।

அஶநாயாபிபாஸாப்⁴யாம் ம்ருத்யாோ ரூபம் ப்ரசக்ஷதே ।।
ப்ராணஸ்ய தத்ர ஸம்வர்கா³த்³வாகா³த³த்⁴யாத்மதை³வயோ: ।। 141 ।।

ஏதஸ்மாஜ்ஜாயதே ப்ராணோ மந: ஸர்வேந்த்³ரியாணி ச ।।
ஸ்வம் வாயுர்ஜ்யோதிராபஶ்ச ப்ருத்²வீ விஶ்வஸ்ய தா⁴ரிணீ ।। 142 ।।

ஸ்ருஷ்டிமேதாம் ஸமுத்³தி³ஶ்ய தந்மநோ(அ)குருதேதி யா ।।
ஶ்ருதி: ப்ரவ்ருத்தா நிர்வக்தும் யாவத³வ்யாக்ருதம் பரா ।। 143 ।।

யத்³வா விராஜமுத்³தி³ஶ்ய ஸம்கல்பமகரோந்மந:।।
ஆத்மந்வீ ஸ்யாமிதி ததா² ஸாகூத: ஸ்ருஷ்டிகாரண: ।। 144 ।।

ஸ்வவிபூ⁴தீக்ஷணம் ஸ்ருஷ்டௌ விபோ⁴ரர்சநமுச்யதே ।।
ஆபோ(அ)ஜாயந்த இதி ச ஸர்வபூ⁴தோபலக்ஷணம் ।। 145 ।।

வித்³யோத்பத்திப்ரதா⁴நத்வாத்ஸ்ருஷ்டிர்வா ந விவக்ஷ்யதே ।।
ததா²ச ப்ரதிவேதா³ந்தம் ஸ்ருஷ்டிர்நாநாவிதே⁴க்ஷ்யதே ।। 146 ।।

அர்சதோ மே யதோ ஜஜ்ஞே கமம்ப⁴: ஸுக²க்ருத்தத: ।।
அர்காபி⁴தோ⁴(அ)த² ஸம்வ்ருத்த: ப்ராணோ ம்ருத்யு: ப்ரஜாபதி: ।। 147 ।।

உபாஸநமதோ(அ)ஸ்யாபி நாக்³நேரேவேதி நிஶ்சிதி: ।।
அர்கநாமாபி⁴ஸம்ப³ந்தோ⁴ நோபாஸநம்ருதே யத: ।। 148 ।।

யதி³ வா(அ)க்³நேரித³ம் நாம தஸ்ய ப்ரகரணித்வத: ।।
ஆபோ வா அர்க இதி து சித்யநாமார்த²மேவ தத் ।। 149 ।।

ஶர அஸீதி³தி கி³ரா ஶக்த்யவஸ்தா² விவக்ஷ்யதே ।।
ஸா ப்ருதி²வ்யப⁴வச்சேதி விராஜோ ஜந்மஶப்³த³நம் ।। 150 ।।

தபோ(அ)ப்ஸு தப்யமாநாஸு ஹ்யண்ட³ம் ஜஜ்ஞே ஹிரண்மயம் ।।
இதி ஶ்ருதிர்ஜகா³தா³ர்த²ம் யதை²வேஹ ப்ரபஞ்சயதே ।। 151 ।।

ஏவம் வ்யஷ்டிஸமஷ்ட்யாத்மா வைராஜம் தே³ஹமாத்மந: ।।
ப்ராசீக்ல்ருபத³தே²தா³நீம் ஸ்ருஷ்டிஸ்தஸ்ய விவக்ஷ்யதே ।। 152 ।।

ஶ்ராந்தஸ்யேதி து தே³ஹஸ்ய கர்மாயோக்³யத்வமுச்யதே ।।
ஶ்ரமஹேதுரதஸ்தாபஸ்தப்தஸ்யேத்யபி⁴ஶப்³த்³யதே ।। 153 ।।

பா⁴ஸ்வஜ்ஜ்ஞாநம் ப⁴வேத்தேஜோ ரஸ: ப்ராணோ விவக்ஷித: ।।
க்ரியாவிஜ்ஞாநஶக்தித்வாத்ப்ரக்ருதஸ்ய ப்ரஜாபதே: ।। 154 ।।

அநவச்சி²ந்நவபுஷ: பிண்டா³வச்சே²த³ஹேதுத: ।।
ரவஸ்ய கும்பா⁴தி³நேவாஸோர்நிரவர்தத ஶப்³த³நம் ।। 155 ।।

நாமரூபாதி³மத்³தே³ஹஸம்ப³ந்தா⁴த்தத்³வித⁴ர்மக: ।।
அரூபோ(அ)பி ஹி ஸூத்ராத்மாம் லக்ஷ்யதே ரூபவாநிவ ।। 156 ।।

ஸூக்ஷ்மஸ்தூ²லஶரீராப்⁴யாம் சிதா³பா⁴ப்⁴யாமவித்³யயா ।।
ஸம்வ்ருத: பரமேஶோ(அ)பி த்ரைலோக்யாத்மாக்³நிரூச்யதே ।। 157 ।।

அஶரீரம் ஶரீரேஷ்வநவஸ்தே²ஷ்வவஸ்தி²தம் ।।
மஹாந்தம் விபு⁴மாத்மாநம் மத்வா தீ⁴ரோ ந ஶோசதி ।। 158 ।।

விராட³தே³ஹாவநத்³தோ⁴(அ)ஸுரத்⁴யாத்மாத்³யாதி⁴க³: ரவவத் ।।
வ்யஷ்டிதாமேதி தத்³தீ⁴ந: ஸமஷ்டித்வேந திஷ்ட²தி ।। 159 ।।

உர்வ்யாமுத்பாதி³தாயாம் து ஶ்ரமாத்தாபாத்ப்ரஜாபதே: ।।
நிரவர்ததேவாஸ்யா(அ)(அ)த்ஸா பரிச்சே²தா³பி⁴மாநத: ।। 160 ।।

ஸ்தூ²லதே³ஹபரிச்சி²ந்ந: ஸ ஏவா(அ)(அ)த்³ய: ப்ரஜாபதி: ।।
அக்³நிரேஷ யதஸ்தஸ்மாது³பாஸ்யோ(அ)யம் ப்ரயத்நத: ।। 161 ।।

ஸ வை ஶரீரீ ப்ரத²ம: ஸ வை புருஷ உச்யதே ।।
ஆதி³கர்தா ஸ பூ⁴தாநாம் ப்³ரஹ்மா(அ)க்³ரே ஸமவர்தத ।। 162 ।।

அநுபாரல்யதநு: ஸோ(அ)யம்ம் வ்யவஹாரப்ரஸித்³த⁴யே ।।
ஆத்மாநம் வ்யப⁴ஜத்ஸ்தூ²லைஸ்ரிதா⁴ வாய்வக்³நிபா⁴நுபி⁴: ।। 163 ।।

ஸ்வரூபாநுபமர்தே³ந ஸ விராட்³தே³வதாத்மபி⁴: ।।
உபாஸநாதி³ஸித்³த்⁴யர்த²மாத்மாநம் வ்யப⁴ஜத்ஸ்வயம் ।। 164 ।।

மூலாத்மைவ த்ரிதா⁴(அ)(அ)த்மாநமபி⁴நத்ஸ ப்ரஜாபதி: ।।
இத்யஸ்ய ப்ரதிபத்த்யர்தே² ஸ ஏஷ இதி ப⁴ண்யதே ।। 165 ।।

தஸ்ய ப்ரத²மஜஸ்யாகே³ர்விராஜோ(அ)ர்கஸ்ய வாஜிவத் ।।
த³ர்ஶநஸ்ய விதா⁴நார்த²ம் தஸ்ய ப்ராசீதி கீர்த்யதே ।। 166 ।।

யஸ்மாத்காரணமுலங்த்⁴ய கார்யம் நாந்யத்ர வர்ததே ।।
அப்ஸு காரணபூ⁴தாஸு தஸ்மாத³க்³நி: ப்ரதிஷ்டி²த: ।। 167 ।।

அப்ப்ரதிஷ்டா²கு³ணம் தே³வமுபாஸ்தே யோ(அ)நிஶம் நர: ।।
யத்ர க்வ சைதி தத்ராஸௌ ப்ரதிஷ்டா²ம் லப⁴தே ஶூபா⁴ம் ।। 168 ।।

யோ(அ)பா³தி³பரிபாட்²யைவம் விராஜமஸ்ருஜத்ஸ்வயம் ।।
கீத்³ருக்³வ்யாபாரஸம்யுக்த: ஸோ(அ)ஸ்ராக்ஷீதி³தி ப⁴ண்யதே ।। 169 ।।

அத்த்ருஸர்கோ³(அ)த²வோக்த: ப்ராக³ந்நஸர்கோ³(அ)து⁴நோச்யதே ।।
அஶநாயாவதோ யஸ்மாந்நாஸ்த்யந்நவிரஹாத்ஸ்தி²தி: ।। 170 ।।

த்ரேதா⁴ வ்யப⁴ஜதா³த்மாநமித்யேதத்³வா ப்ரத³ர்ஶ்யதே ।।
அக்³நிப்ராணௌ புரைவோக்தாவத² ஸம்வத்ஸரோத்³ப⁴வ: ।। 171 ।।

மநஸா ஜ்ஞாநநிர்தே³ஶஸ்ரயீ வாகி³தி ப⁴ண்யதே ।।
ஸர்க³க்ரமம் ஸ வேதோ³க்தம் ஜ்ஞாநேநா(அ)(அ)லோசயத்ப்ரபு⁴: ।। 172 ।।

ஜ்ஞாநேநாப்ரதிகே⁴நாஸௌ வேதோ³க்தாம் ஸ்ருஷ்டிபத்³த⁴திம் ।।
ஸமந்வாலோசயச்ச²பு⁴: ஸிஸ்ருக்ஷுர்விவித⁴ம் ஜக³த் ।। 173 ।।

ஆலோச்யாலோசகயோர்ஹி யோகோ³ மிது²நமுச்யதே ।।
ப்ரஸித்³த⁴ம் மிது²நம் சாத்ர ந கத²ம்சந யுஜ்யதே ।। 174 ।।

அநந்தராக்³நிஸம்ப³ந்த⁴ப்ரஸங்க³விநிவ்ருத்தயே ।।
அஶநாயேதி ஹி ப்ராஹ மூலகாரணஸம்க³திம் ।। 175 ।।

ஜக³த: ப்ரக்ரியாபீ³ஜம் யத³வைஷீத்புரா க்³ருஹீ।।
த்³வைதைகத்வாத்மகம் ஜ்ஞாநம் கர்ம ச ஜ்ஞாநஸம்ப்⁴ருதம் ।।
பா⁴வநா ச தயோரேதத்ரயம் ரேதோ(அ)பி⁴தீ⁴யதே ।। 176 ।।

ஸ்ருஷ்ட்யாலோசநஹேத்வேதத்ஸ்ருஷ்டாவாவிரபூ⁴த்³விபோ⁴: ।।
தத்³பா⁴வபா⁴ப்³யப: ஸ்ருஷ்ட்வா ரேதோபீ³ஜேந ஸ ப்ரபு⁴: ।। 177 ।।

ஸர்வலோகைகபீ³ஜேந க³ர்ப்⁴யர்ண்ட³ந ப³பூ⁴வ ஹ ।।
அப ஏவ ஸஸர்ஜா(அ)(அ)தௌ³ தாஸு வீர்யமவாஸ்ருஜத் ।। 178 ।।

தத³ண்ட³மப⁴வத்³தை⁴மம் ஸஹஸ்ராம்ஶுஸமப்ரப⁴ம் ।।
இத்யேவம் மநுநா(அ)ப்யுக்த: ஶ்ரௌதோ(அ)யம் ஸர்க³விஸ்தர: ।। 179 ।।

ஆபோ ஹ வா இதி ததா² ஹ்யயமேவ க்ரம: ஶ்ருதௌ ।।
ஜ்ஞாநகர்மாதி³வீஜஸ்ய க³ர்ப⁴ ஏவம் ப்ரஜாபதே: ।। 180 ।।

ஸ ஸம்வத்ஸரோ(அ)ப⁴வதி³தி பரிமாணோ(அ)யமுச்யதே ।।
அஶநாயாதி³மத்த்வாத்ஸ ஸ்வபா⁴வப³லசோதி³த: ।। 181 ।।

ஸ்ருஷ்ட்²வா(அ)(அ)த்³யம் க⁴ஸ்மர: புத்ர தமபி⁴வ்யாத³தா³த்க்ஷுதா⁴ ।।
பி⁴நத்தி ஸர்வமர்யாதா³ம் நாந்வயாத்³யப்யபேக்ஷதே ।। 182 ।।
அஸ்ய த³க்³தோ⁴த³ரஸ்யார்தே² கோ ந குர்யாத³ஸாம்ப்ரதம் ।। 183 ।।

அந்ந ஏவ யதோ வ்ருத்திரத்துரந்நாத³ ஏவ ச ।।
அந்நஸ்ய யுக்தமேவாதஸ்தமபி⁴வ்யாத³தா³தி³தி ।। 184 ।।

ஜந்மாந்தரஸமப்⁴யஸ்தவித்³யாகர்மாதி³ஹேதுத: ।।
ஜந்யகர்மப்ரயுக்த: ஸஞ்ஶிஞுர்பா⁴ணித்யதா²கரோத் ।। 185 ।।

யதோ²க்தஹேதுவஶக³: ஸ்வபா⁴வப்ரஹிதோ(அ)ப்யஸு: ।।
குமாரோத்த²ரவத்ரஸ்த: ஸ்வபா⁴வம் சிச்சி²தே³ ப⁴யாத் ।। 186 ।।

அத்யந்தமபி ஶூராணாம் ஸ்வஸ்வபா⁴வைகஹேதுத: ।।
தித்திராதி³ஸமுத்பாதே வேபது²ர்ஜாயதே ப⁴யாத் ।। 187 ।।

ஏவம் ஸ ஶிஶுஸம்ராவஸம்லப்³தா⁴லோசநக்ஷண: ।।
ஐக்ஷதேஹ ந காமார்த: கஶ்சிதா³லோசநே க்ஷம: ।। 188 ।।

மந்யதிஶ்சாபி⁴பூர்வோ(அ)யம் ஹிஸார்த²: ஸ்யாத்ப்ரஸித்³தி⁴த: ।।
யதீ³மமபி⁴ஹிம்ஸிப்யே கநீயோ(அ)ந்நம் ப⁴வேத்³த்⁴ருவம் ।। 189 ।।

காரணாத³ல்பமேவ ஸ்யாத்தத்³வ்யாப்தேரதி³திர்யத: ।।
அந்நமல்பம் ததோ(அ)ப்யல்பாத்கநீயோ(அ)ந்நம் ப⁴வேத³த: ।। 190 ।।

லோகே(அ)பீத³ம் ஸுப்ரஸித்³த⁴மாங்க³நாபா³லபண்டி³தம் ।।
ஜக்³த⁴நி:ஶேஷவீஜஸ்ய தத்ப²லம் நா(அ)(அ)ப்யதே(அ)ண்வணி 191 ।।

குமாரவக்த்ரோத்³நதயா வாசர்கா³தீ³ந்ஸஸர்ஜ ஸ: ।।
பஶ்வாதீ³ம்ஶ்ச குமாரேண ஹ்யாத்மநா(அ)ஜீஜநஜ்ஜமத் ।। 192 ।।

ஸ்ரஷ்ட்ரத்ரோ: கார்யப⁴க்ஷ்யாப்⁴யாமந்யோந்யாவ்யதிரேகத:।।
ஸ்ரஷ்ட்டத்வாத்ஸ ஸ்ருஜத்யேவ ரவாத்³யதே(அ)ந்நம் ஸதா³(அ)(அ)த்³யத:।। 193 ।।

ஸர்வமத்தி யத: ஸ்ருஷ்டம் தஸ்மாத³தி³திருச்யதே ।।
நாமஜ்ஞஸ்தமுபாஸீந: ஸர்வஸ்யாத்தா(அ)தி³திர்ப⁴வேத் ।। 194 ।।

ஸர்வாத்த்ருத்வேந ஸித்³தே⁴(அ)ர்தே² ஸர்வாந்நோக்தி: கிமீர்யதே ।।
அந்நமேவ ப⁴வேத³ந்நம் நாந்நமத்ரஸ்ய குத்ரசித் ।। 195 ।।

ப்ராணாத்மா(அ)த்தைவ ஸோ(அ)வஶ்யமுபாஸநவலாத்³ப⁴வேத் ।।
ய ஏவமபி⁴தா⁴நஜ்ஞ உபாஸீதாதி³திம் ஸதா³ ।। 196 ।।

அஶ்வாஶ்வமேத⁴நாம்நோ(அ)த² காரணப்ரதிபத்தயே ।।
ஸோ(அ)காமயத இத்யாதி³: பரோ க்³ரந்தோ²(அ)வதார்யதே ।। 197 ।।

யஜ்ஞேந பூ⁴யஸா யக்ஷ்ய இத்யேவம் ஸ ப்ரஜாபதி: ।।
அஶ்வமேதோ⁴ ப⁴வேத்³பூ⁴யாந்பூ⁴யோத³க்ஷிணகோ ஹி ஸ: ।। 198 ।।

யஜேய பூ⁴யோ(அ)பீத்யேவமகாமயத பா⁴வித:।।
க்ரத்வாத்மேத்யபி⁴மாநேத்³த⁴: பூர்வஜந்மந்யபூ⁴த்ப்ரபு⁴: ।। 199 ।।

பூர்வஜந்மாபி⁴நிர்வ்ருத்தப்ரயோகா³பேக்ஷயோச்யதே ।।
பூ⁴யோ யஜேயேதி வச: ஸதா³ தத்³பா⁴வபா⁴வநாத் ।। 200 ।।

க்ரத்வாத்மைவாபி⁴ஸம்பந்நோ த்³வைதைகத்வாத்மக: ப்ரபு⁴: ।।
இஹ தத்ப²லதாம் யாதோ பூ⁴யோவாக்³யுஜ்யதே தத: ।। 201 ।।

காரணப்ரவணம் ஸர்வம் கார்யம் த்³ருஷ்டம் ஜக³த்யபி ।।
ப்ரக்ருதிம் யாந்தி பூ⁴தாநி நிக்³ரஹ: கிம் கரிஷ்யதி ।। 202 ।।

யஶோவீர்யைகஹேதுத்வாத்ப்ராணா யஶ இஹேஷ்யதாம் ।।
யஶ: ப்ரகாஶரூபேண வீர்யம் தத்³ப³லஹேதுத: ।। 203 ।।

உத³க்ராமத்³யஶோ வீர்யம் விராஜ: ஶ்ரமகர்ஶிதாத் ।।
லிங்கா³த்மேஹ யஶோ வீர்யமுப⁴யம் ஹி தது³த்³ப⁴வம் ।। 204 ।।

பூர்வதே³ேஹே(அ)பி⁴ஷங்கோ³(அ)பூ⁴த³பவித்³த⁴தநோரபி ।।
ஸங்க³த்யாகோ³ ஹ்யஸம்பா⁴வ்யோ விநைகாத்ம்யாவவோத⁴நாத் ।। 205 ।।

ஜாததே³ஹாபி⁴ஷங்க³: ஸஸ்தாதா³த்ம்யப்ரதிபித்ஸயா ।।
மேத்⁴யமித்யாதி³கம் காமம் ஸோ(அ)காமயத காமுக: ।। 206 ।।

அபவித்³த⁴யஶோவீர்யே ஶரீரம் கவியோக³த: ।।
யதோ(அ)ஶ்வயத³தோ(அ)ஶ்வோ(அ)ஸு: ஸம்வ்ருத்த: ஸ ப்ரஜாபதி: ।। 207 ।।

வ்யபேதஸத்³யஶோவீர்யமமேத்⁴யம் மேத்⁴யதாமகா³த் ।।
தத்ப்ரவேஶாத்³யதோ(அ)தோ(அ)யமஶ்சமேதோ⁴(அ)ப⁴வத்ப்ரபு⁴:।। 208 ।।

அஶ்வாஶ்வமேதா⁴வேவம் ச ப்ராஜாபத்யாத்மநா(அ)ஞ்ஜஸா ।।
அபி⁴ஷ்டுதௌ கத²ம் நாம ப⁴வேதாமிதி ப⁴ண்யதே ।। 209 ।।

காலலோகாதி³வபுஷஸ்த்வஶ்சஸ்யாக்³நேஶ்ச ஸாம்ப்ரதம் ।।
ஸமஸ்யோபாஸநம் வாச்யமித்யர்தோ² க்³ரந்த² உத்தர: ।। 210 ।।

விதா⁴யகபதா³பா⁴வாத³ஸம்கா³நம் பரஸ்பரம் ।।
பதா³நாமிதி மா ப்ராபதி³த்யர்தே²யம் பரா ஶ்ருதி: ।। 211 ।।

ஏஷ ஏவம் யதா²தத்த்வமஶ்வமேத⁴ம் விவேத³ ய: ।।
வக்ஷ்யமாணேந ரூபேண வேத³ வித்³யாத³தஸ்ததா² ।। 212 ।।

ஆத்மாநமஶ்வம் ஸம்கல்ப்ய காலலோகாதி³த⁴ர்மிணம் ।।
ததா²வித⁴ஶரீர: ஸந்ஸர்வலோகபிதாமஹ: ।। 213 ।।

யஜேயமஶ்வமேதே⁴ந பூ⁴யோ(அ)பீத்யப்⁴யமந்யத ।।
பூ⁴ர்லோகாத்³யாத்மகம் ஸோ(அ)ஶ்வமாத்மாநம் நிரவக்³ரஹம் ।। 214 ।।

யாவத³ப்³த³ முமோசாஶ்வம் ஸ்வச்ச²ந்த³ம் முக்தப³ந்த⁴நம் ।।
தத: ஸம்வத்ஸராதூ³ர்த்⁴வம் தம் சாப்யாலப⁴தா(அ)(அ)த்மநே ।। 215 ।।

ஸ்வாத்மாவயவபூ⁴தாப்⁴யோ தே³வதாப்⁴யோ யதா²யத²ம் ।।
க்³ராம்யாரண்யாந்பஶூந்ப்ராதா³த³ந்யாப்⁴ய: ஸ ப்ரஜாபதி: ।। 216 ।।

யதோ(அ)கரோத்³விராடே³வம் தஸ்மாதே³வேஹ யாஜ்ஞிகா: ।।
ப்ரோக்ஷிதம் ஸர்வதே³வத்யம் ப்ராஜாபத்யம் துரம்க³மம் ।। 217 ।।

ஆலப⁴ந்தே யதஸ்தஸ்மாத்³யதா²வ்யாக்²யாததத்த்வவித் ।।
குர்யாதே³வம் யதோ²க்தார்த²ம் ம்ருத்யுத்வப்ரதிபித்ஸயா ।। 218 ।।

கர்மோபாஸநமுக்த்வா(அ)த² தத்ப²லோபதி³தி³க்ஷயா ।।
ஏஷ வா இதி யத்நேந ஹ்யாஜகா³மோத்தரா ஶ்ருதி: ।। 219 ।।

த³ர்ஶநாத்³யபி⁴நிர்வ்ருத்தோ யஸ்த்வேவம் ஹயஸாத⁴ந: ।।
ப்ரத்யக்ஷம் ப²லரூபேண ஸ ஏஷ இதி த³ர்ஶ்யதே ।। 220 ।।

அஶ்வமேத⁴க்ரியாபூர்வபரிணாமைகவர்த்மநா ।।
அஶ்வமேதோ⁴ ரவி: ஸாக்ஷாது³ஷா இத்யாதி³நோதி³த: ।। 221 ।।

தஸ்ய ஸம்வத்ஸர ஆத்மா தஸ்யா(அ)(அ)தி³த்யைகஹேதுத: ।।
தஸ்ய க்ரத்வாத்மநஶ்சித்யோ யோ(அ)ங்க³பூ⁴த: புரோதி³த: ।। 222 ।।

ப²லாத்மக: ஸ ஏவைஷ பார்தி²வோ(அ)க்³நி: ப்ரத³ர்ஶ்யதே ।।
ஆத்மாந ஏதே தஸ்யாபி த்ரயோ லோகா யதோ²தி³தா ।। 223 ।।

க்ரதுதத்ஸாத⁴நாத்மாநாவாதி³த்யாக்³நாீ யதோ²தி³தௌ ।।
நிர்வ்ருத்தாத்மாதி⁴காரௌ தாவேகைவாஸௌ ப⁴வேத³ஸு: ।। 224 ।।

அஶநாயாவதீ யோக்தா ம்ருத்யு: ஸர்வாந்நக⁴ஸ்மரா ।।
ஸைவா(அ)(அ)த்மா விது³ஷ: ஸாக்ஷாதா³த்மா ஸ்யாத³ஜரோ(அ)மர: ।। 225 ।।

நைநமாத்⁴யாத்மிகோ ம்ருத்யுஸ்தந்ம்ருத்யுத்வாத³வாப்நுயாத் ।।
ஸக்ருந்ம்ருத்வா(அ)ஸுதே³ஹேந முச்யதே ஸர்வப³ந்த⁴நாத் ।। 226 ।।

அக்³ந்யாதி³பே⁴த³பி⁴ந்நாநாம் தே³வதாநாமஶேஷத: ।।
ஆத்மா(அ)பி⁴ந்நோ ப⁴வத்யேஷ யதோ²க்தோபாஸநாது³த⁴: ।। 227 ।।

ஶாஸ்ரோக்தஜ்ஞாநயுக்தாநாம் கர்மணாம் ஜ்ஞாநதஸ்ததா²।।
ஸர்வத்ர வேத³ஶாஸ்ரே(அ)ஸ்மிந்ம்ருத்யுபா⁴வ: ப²லம் ஶ்ருதம் ।। 1 ।।

ஆத்⁴யாத்மிகபரிச்சே²த³வ்யாவ்ருத்திர்யத்ஸமாஶ்ரயாத் ।।
ஸ ம்ருத்யுர்ம்ருத்யுஶப்³தே³ந ப²லபூ⁴தோ(அ)த்ர ப⁴ண்யதே ।। 2 ।।

யா த்வஶ்வமேத⁴க³த்யுக்தி: ஸோபலக்ஷணஸித்³த⁴யே ।।
கர்மஜ்ஞாநாந்தராணாம் ஸ்யாந்நாஶ்சமேத⁴க்³ருஹீதயே ।। 3 ।।

அல்பீய:ப²லஸம்ப்ராப்திரல்பீயோஜ்ஞாநகர்மத:।।
அல்பத்வமபி⁴பூ⁴தே: ஸ்யாத்தயோராஸுரபாப்மபி⁴: ।। 4 ।।

குதஸ்தஸ்யாபி⁴பூ⁴தஸ்ய ராகா³த்³யாஸுரபாப்மபி⁴: ।।
உத்³பூ⁴தி: கர்மணோ(அ)த்யர்த²ம் ஜ்ஞாநஸ்ய ச நிக³த்³யதாம் ।। 5 ।।

ம்ருத்யும் ஸாக்ஷாத³வாப்நோதி ஜ்ஞாநயுக்தேந கர்மணா ।।
இத்யேதத்³ப³ஹுஶோ(அ)ஶ்ராவி பூர்வக்³ரந்தே²ஷு சா(அ)(அ)க³மை: ।। 6 ।।

தஜ்ஜ்ஞாநோத்பத்திவிக்⁴நாய த்⁴வஸ்திக்ருஜ்ஜ்ஞாநலப்³த⁴யே ।।
உத்³கீ³த²தே³வதாவாப்த்யை ப்ராரப்³தே⁴ஹோத்தரா ஶ்ருதி: ।। 7 ।।

நநு ம்ருத்யோரதிக்ராந்தேரூத்³கீ³த²ஜ்ஞாநகர்மணோ: ।।
ப²லஸ்ய ஸம்ஶ்ரவாந்நாதோ ம்ருத்யுப்ராப்திஸ்தயோ: ப²லம் ।। 8 ।।

நாக்³ந்யாதி³தே³வதாத்மத்வதத்ப²லாவக³மாச்ச்²ருதே: ।।
ஸ்வாபா⁴விகாஸங்க³ம்ருத்யோரதிக்ராந்தி: ப்ருத²க்ப²லம் ।। 9 ।।

கோ(அ)ஸௌ ஸ்வாபா⁴விக: பாப்மா தஸ்யோத்³ப்⁴யூதிஸ்ததா² குத: ।।
தஸ்மாந்நிவ்ரு்த்தி: கேந ஸ்யாத்கத²ம் வேத்யேதது³ச்யதே ।। 10 ।।

யதோ²க்தார்த²ப்ரஸித்³த்⁴யர்த²ம் ஶ்ருதிராரவ்யாயிகாத்மிகா ।।
த்³வயா ஹேத்யேவமாத்³யேயம் ப்ரசக்ராம பரீக்ஷிதும் ।। 11 ।।

ப்ராஜாபத்யம் பத³ம் யோ யோ ஹ்யதி⁴காரீ பரீப்ஸதி ।।
தந்நிர்தா⁴ர்யாநயா ஶ்ருத்யா பத³மாப்நோத்யுபாஸநாத் ।। 12 ।।

பூர்வஜந்மநி யத்³வ்ருத்தம் வர்தமாநப்ரஜாபதே: ।।
தத³வத்³யோதகோ ஹேதி நிபாதோ(அ)த்ர ப்ரயுஜ்யதே ।। 13 ।।

ப⁴விஷ்யத்³வ்ருத்திமாஶ்ரித்ய யஜமாந: ப்ரஜாபதி: ।।
இஹாபீ⁴தீ⁴யதே(அ)ந்யஸ்து ந கஶ்சித்ஸப்ரயோஜந: ।। 14 ।।

ஜ்ஞாநகர்மோபதே³ஶோ ஹி நரம் ப்ரத்யேவ ஸர்வதா² ।।
ஸர்வ: ஶ்ரௌதோ யதஸ்தஸ்மாத்ஸ ஏவேஹாபி⁴தீ⁴யதே ।। 15 ।।

தத்கர்மஜ்ஞாநஜத்வாச்ச தத்ப்ராணா: ஶுத்³த்⁴யஶுத்³தி⁴ஜா: ।।
ப்ராஜாபத்யா இஹோச்யந்தே வாகா³த்³யுக்தேஶ்ச லிங்க³த: ।। 16 ।।

உத்³கீ³தோ²பாஸ்திஸம்ப³ந்தா⁴த்³தூ³யா ஹேத்யாதி³கஸ்ய ச ।।
உபாஸ்யார்த²விஶுத்³த்⁴யார்தா² ப்ரவ்ருத்தா(அ)(அ)க்²யாயிகா தத: ।। 17 ।।

அப்⁴யாரோஹஜபஸ்யேஹ ப்ராண ஏவாஸ்து தே³வதா ।।
கஸ்மாத்³வாகா³த³யோ நேதி தத்பரீக்ஷா(அ)த ஈர்யதே ।। 18 ।।

அந்வயவ்யதிரேகாப்⁴யாம் ப்ராணப்ராதா⁴ந்யஸித்³த⁴யே ।।
ப்ரவ்ருத்தா(அ)(அ)க்²யாயிகா யத்நாத்³வாகா³தீ³ந்த்³ரியநிந்த³யா ।। 19 ।।

ஶாஸ்ரஸ்வபா⁴வஜஜ்ஞாநகர்மஸம்ஸ்காரஹேதுத: ।।
தே³வாஸுரத்வம் ப்ராணாநாம் நிருத்³தோ⁴பாதி⁴காரணாத் ।। 20 ।।

ஸஹஸ்ராதி³ர்யதா² பே⁴த³: ப்ராணஸ்யைகஸ்ய ஶப்³த்³யதே ।।
பூ⁴யோதி⁴காரபே⁴தே³ந வாகா³தீ³நாம் ததா² பி⁴தா³ ।। 21 ।।

ஸஹஜம் ஸர்வபூ⁴தாநாம் வ்ருத்தமாஸுரமிஷ்யதே ।।
யத்நாதே⁴யம் யதோ தை³வம் ஜ்யாயாம்ஸ: ஸ்யுஸ்ததோ(அ)ஸுரா: ।। 22 ।।

இஹ வாகா³த³ய: ஶப்³தா³ தே³வதார்தா²பி⁴தா⁴யகா: ।।
மர்த்யத்வாந்ந து க்³ருஹ்யந்தே கரணஸ்தா²நகோ³சரா: ।। 23 ।।

தே³வதைகாத்ம்யமேவேஹ தை³வஜ்ஞாநக்ரியாப²லம் ।।
அத்⁴யாத்மாதி³பரிச்சே²த³ ஆஸுரத்வாந்ந க்³ருஹ்யதே ।। 24 ।।

ஹிம்ஸாபி⁴ப்ரவணம் சேத: ப்ராயேண ஶ்ரேயஸாமபி ।।
பூ⁴யாம்ஸோ(அ)தோ(அ)ஸுரா தே³வா: கநீயாம்ஸோ(அ)தியத்நஜா: ।। 25 ।।

த⁴ர்மாத⁴ர்மைகஸாத்⁴யத்வாஹ்ப்³ரஹ்மாதே³: ஸ்தா²வராவதே⁴:।।
அஸ்பர்த⁴ந்த ததோ(அ)ந்யோந்யம் தை³தேேயாம் விபு³தை⁴: ஸஹ ।। 26 ।।

ஆஸுரேப்⁴யோ(அ)தி⁴காரேப்⁴யோ வ்யுத்தா²ப்யேஹ ப்ரஜாபதிம் ।।
தை³வீர்பூ⁴மீர்நயாமைநமிதி தே³வசிகீர்பிதம் ।। 27 ।।

தை³வேப்⁴ய ஏநமாச்சி²த்³ய காமக்ரோதா⁴தி³ஸாத⁴நா: ।।
ஆநயாமா(அ)(அ)ஸுரீர்பூ⁴மீரிதி தை³தேயநிஶ்சிதி: ।। 28 ।।

யத்ராயத்ரஸமுத்தா²ப்⁴யாம் வ்ருத்திப்⁴யாம் தே³வதா³நவா: ।।
தை³வ்யாஸுரீப்⁴யாமந்யோந்யமஸ்பர்த⁴ந்த விரோத⁴த: ।। 29 ।।

பூ⁴யோ ப³லேந தே தே³வா ஆஸுரேண நிராஶ்ரயா: ।।
அர்த்³யமாநா ந ஶரணம் லேபி⁴ரே(அ)ல்பத்வகாரணாத் ।। 30 ।।

அநீக்ஷமாணாஸ்தே ஶர்ம ஸம்பூ⁴யோசு: பரஸ்பரம் ।।
க்ரியதாமவிசாரேண ஹந்தேத்யநுமதௌ பத³ம் ।। 31 ।।

அஸ்மஜ்ஜிகீ³ஷூநஸுராஞ்ஜித்வோத்³கா³த்ராத்மஸம்ஶ்ரயாத் ।।
அதிலங்க்⁴யா(அ)(அ)ஸுரம் பா⁴வம் தே³வதாத்மாநமாப்நும: ।। 32 ।।

உத்³கீ³த²தே³வதாவாப்திர்ஜ்ஞாநகர்மமுச்சயாத் ।।
அப்⁴யாரோஹஜப: கர்ம ஜ்ஞாநம் த்விஹ பரீக்ஷ்யதே ।। 33 ।।

விதி⁴ஶேஷார்த²வாத³த்வாந்நேத³ம் ஜ்ஞாநநிரூபணம் ।।
இதி சேந்நைததே³வம் ஸ்யாதே³வம் வேதே³தி தத்³விதே⁴: ।। 34 ।।

உத்³கீ³த²விதி⁴ஶேஷஶ்சேது³த்³கீ³த²ப்ரக்ருதௌ ஶ்ரவாத் ।।
நாதத்ப்ரகரணாந்ந்யாய்யமிதோ(அ)ந்யத்ர ச தத்³விதே⁴: ।। 35 ।।

வித்³யாப்ரகரணத்வாச்ச நேஹோத்³கீ³தோ² விதீ⁴யதே ।।
ஜபஸ்ய சாப்யநித்யத்வாத்ஸ்யாதே³வாம்வித்ப்ரயோஜ்யதா ।। 36 ।।

உதா³ரப²லவத்³யஸ்மாத³பி ஜ்ஞாநமிஹ ஶ்ருதம் ।।
தத்³தை⁴ததி³த்யதோ ஜ்ஞாநம் ப²லவத்த்வாத்³விதி⁴த்ஸிதம் ।। 37 ।।

ஶுத்³த்⁴யஶுத்³த⁴யுக்திதஶ்சேஹ ப்ராணோபாஸா விவக்ஷிதா ।।
வாகா³தி³நிந்த³யா முக்²யப்ராணோபாஸா ந சேதி³ஹ ।। 38 ।।

விதி⁴த்ஸிதா(அ)த² தந்நிந்தா³ ஸ்துதிஶ்சாநஸ்ய கிம்ப²லா ।।
அதோ(அ)ர்த²வாதா³த்³தி⁴ விதி⁴ர்லிங்கா³த³த்ராநுமீயதே ।। 39 ।।

ப்ராணஸ்வரூபாபத்திஶ்ச யதோபாஸாப²லம் ஶ்ருதம் ।।
உபாஸநமதோ(அ)நஸ்ய விதி⁴த்ஸிதமிதீக்ஷ்யதாம் ।। 40 ।।

உபாஸநமஸோ: காமமஸ்து ஸூக்தோபபத்தித: ।।
ஶுத்³த்⁴யாதி³கு³ணவத்தா து ந மாநாது³பபத்³யதே ।। 41 ।।

கு³ணவத்தா(அ)ப்யஸோரஸ்து யதா²(அ)ஸ்யோபாஸநம் ததா² ।।
ப்ராமாணிக்யுப⁴யத்ராபி ப்ராப்திர்யஸ்மாதி³ஹேக்ஷ்யதே ।। 42 ।।

நநு ஸ்துத்யர்த²தைவாஸ்ய ஶுத்³த்⁴யாதே³ரவக³ம்யதே ।।
உபாஸாவிதி⁴ஶேஷத்வாத³ர்த²வாதோ³(அ)த ஈக்ஷ்யதாம் ।। 43 ।।

ப்ராமாணிகோ(அ)பி⁴ஸம்ப³ந்தோ⁴ யஸ்மாத்ப்ராணஸ்ய க³ம்யதே ।।
கிம்ப³லம் ஸமுபாஶ்ரித்ய ஶுத்³த்⁴யாதே³ரர்த²வாத³தா ।। 44 ।।

நஹி மாநம் விஹாயேஹ ஸாத்⁴யஸாத⁴நநிஶ்சிதௌ ।।
சக்ஷுரந்யத்ப்ரபஶ்யாமோ யத்³ப³லாத்ஸ்யாத³யம் ம்ருஷா ।। 45 ।।

ஆஸந்யத்வாத³யோ(அ)ந்யஸ்ய ந ச யோஷாக்³நிவத்³யத: ।।
தேஷாம் ப்ரத்யக்ஷத: ஸித்³தே⁴ரத: ஶுத்³த்⁴யாதி³மாநஸு: ।। 46 ।।

அக்ஷாத்³யவிஷயா யே து கு³ணா ஆக³மதோ மதா: ।।
மாநாவிரோதா⁴த்கேநைஷாம் ஶுத்³த்⁴யாதீ³நாம் ம்ருஷார்த²தா ।। 47 ।।

ஶ்ரோத்ராதி³வத்ப்ரமாணாநாமஸாதா⁴ரணமேயதா ।।
தந்மேயப்ரத²நே மாநம் ந கிம்சித³நுபூ⁴தித: ।। 48 ।।

பரமார்தா²திரேகாத்³வா(அ)பே⁴தா³த்³வா பரமார்த²த: ।।
வஸ்துந: ஸ்யாந்ம்ருஷாத்மத்வம் நைவமப்யுபபத்³யதே ।। 49 ।।

லப⁴தே வ்யதிரேகம் சேத்பரமார்தா²த்ததோ(அ)பரம் ।।
ஸ்வமஹிம்நைவ தத்ஸித்³தே⁴: கிமிவ ஸ்யாந்ம்ருஷார்த²தா ।। 50 ।।

பரமார்தா²த்மகத்வே து ந கிம்சித்³விதத²ம் க்வசித் ।।
அஸத்யஸ்யாப்யஸத்யத்வம் பரமார்த²ஸாதா³த்மநா ।। 51 ।।

ஸத்யாஸத்யவிபா⁴கோ³(அ)யமவிபா⁴கா³த்மவஸ்துநி।।
ப்ரத்யக³ஜ்ஞாநஹேதூத்த²ஸ்தத்³வோதா⁴தே³வ தத்³த⁴தி: ।। 52 ।।

ஸ்வாபா⁴ஸப²லகாரூட⁴ஸ்தத³ஜ்ஞாநஜபூ⁴மிஷு ।।
தத்ஸ்தோ²(அ)பி தத³ஸம்ப³த்³த⁴ ஈஶ்வராத்³யாத்மதாம் க³த: ।। 53 ।।

தத³ஜ்ஞாநம் தது³த்த²ம் ச ஜக³த்க்ருத்ஸ்ரம் ததா³த்மகம் ।।
யதோ(அ)தஸ்தத³நூத்³யா(அ)(அ)ஹ ஹ்யாத்மைவேதி ஶ்ருதி: ஸ்பு²டம் ।। 54 ।।

ஐகாத்ம்யமேவ மாநாநாம் ஸர்வேஷாம் மேயமிஷ்யதே ।।
யதா² ததா² ப்ரவக்ஷ்யாம உத³ர்கே(அ)ப்யுபபத்திபி⁴: ।। 55 ।।

மித்²யேதிப்ரத்யயோத்பத்திஸ்ததா² காரணதோ³ஷத: ।।
பா³த்⁴யஜ்ஞாநஸ்ய ஹேது: ஸ்யாந்நாதோ(அ)ந்யத்³வாத்⁴யகாரணம் ।। 56 ।।

ந சேஹோப⁴யமப்யஸ்தி குதோ மித்²யேதி ப⁴ண்யதே ।।
மிதேர்மேயே ஸமாப்தத்வாந்மித்²யாத்வம் ந மிதேர்ப⁴வேத் ।। 57 ।।

தஸ்மாத³விபரீதார்த²ஜ்ஞாநாச்ச்²ரேயோ ஹ்யாவாப்யதே ।।
விபரீதார்த²தாயாஸ்து ந ஹேதுர்ஜக³தீக்ஷ்யதே ।। 58 ।।

வஸ்துநிஷ்டை²வ மா யஸ்மாந்ந தத³ஜ்ஞாநஜாஶ்ரயா ।।
தஸ்மாத்தந்மோஹவித்⁴வஸ்தௌ த்⁴வஸ்தி: ஸ்யாந்மோஹஜஸ்ய ச ।। 59 ।।

ந சைவம் ஸதி மாநாநாம் த்³வ்யர்த²தா ஸ்யாத்கத²ம்சந ।।
யதா²பூ⁴தார்த²போ³தி⁴த்வமேவமேத்ர மிதேர்ப⁴வேத் ।। 60 ।।

ஈஶ்வராதி³விகல்பாநாம் ப்ரத்யக்³வஸ்த்வவிகல்பிதம் ।।
விஷயோ, ந ம்ருஷாபு³த்³தி⁴: பரமார்தே² விநா யத: ।। 61 ।।

யாவத்கிம்சிந்மிதே: ப்ராப்தம் ந தந்மித்²யா மிதத்வத: ।।
மித்²யேதி க்³ராஹயச்சா²ஸ்ரமநர்தா²ர்த²ம் யதோ ப⁴வேத் ।। 62 ।।

நாம்நி ப்³ரஹ்மேதி த்³ருஷ்டம் சேந்ந பே⁴த³ப்ரதிபத்தித: ।।
ப்ரதிமாவத்³தி⁴ நாமாதௌ³ ஜ்ஞாதே ப்³ரஹ்மேதி தீ⁴ரியம் ।। 63 ।।

யதா² நிர்ஜ்ஞாதபே⁴தே³ ஹி விஷ்ணுதீ⁴ருபலாந்மநி ।।
விதீ⁴யதே ததா² நாம்நி ப்³ரஹ்மபு³த்³தி⁴விம்தீ⁴யதே ।। 64 ।।

அஜ்ஞாதரஜ்ஜுதத்த்வாோ ஹி ரஜ்ஜும் ஸர்பதி⁴யேக்ஷதே ।।
நாமாதௌ³ து யதோ நைவம் தஸ்மாத³ஸதி³த³ம் வச: ।। 65 ।।

ப்³ரஹ்ம நைவேஹ வஸ்த்வஸ்தி, த்³ருஷ்டிரேவேதி சேந்மதம் ।।
நர்கா³தி³ஷு ஸதாமேவ ஸத்ஸு த்³ருஷ்டிஸமந்வயாத் ।। 66 ।।

கௌ³ணஸ்ய முக்²யாபேக்ஷத்வாந்முக்²யம் ப்³ரஹ்ம விநா ந ஸத் ।।
கௌ³ணம் ப்³ரஹ்ம யதா² கௌ³ணோ வஹ்நிர்முக்²யாக்³நிபூர்வக: ।। 67 ।।

ந சாஸத்³விஷயா காசித்³வுத்³தி⁴ர்ஜக³தி வீக்ஷ்யதே ।।
ஸர்வார்த²வ்யபி⁴சாரே(அ)பி ஸம்வித³வ்யபி⁴சாரிணீ ।। 68 ।।

ந சாபீஹா(அ)(அ)க³மாபா⁴ஸோ(அ)சோத³நாலக்ஷணத்வத: ।।
க்ரியார்தை²ரவிஶிஷ்டத்வாத்³வித்³யார்தோ²க்தே: பராத்மநி ।। 69 ।।

ஜ்யோதிஷ்டோமாதி³கா யத்³வத்³விஶிஷ்டாநேகஸாத⁴நா ।।
ஏவம்க்ரமப்ரயுக்தாங்கா³ ததா² சைவம்ப²லா க்ரியா ।। 70 ।।

அந்யப்ரமாணாவிஷயா வாக்யாதே³வாவக³ம்யதே ।।
யதா² ததே²ஹாபூர்வாதி³வஸ்தூக்தேரேவ க³ம்யதே ।। 71 ।।

ந ச வாக்யாத்³விபர்யஸ்தா யதி³ வா ஸம்ஶயாத்மிகா ।।
பு³த்³தி⁴ருத்பத்³யதே(அ)ஸ்மாகம் யதா²பூ⁴தார்த²போ³தி⁴ந: ।। 72 ।।

கார்யாபா⁴வாத³யுக்தம் சேந்நோக்திர்பு³த்³தே⁴ஸ்ததா²ர்த²த: ।।
பா⁴வநார்த²ஸ்ய நைவேஹ பா⁴வ்யர்த²த்வாத்ததா²ர்த²தா ।।

கிம்து மாநார்பிதத்வாத்ஸா யதா² பூ⁴தார்த²தேப்யதே ।। 73 ।।
நாபி தத்³தி⁴ஷணாயாஶ்ச கார்யத்வாத்ஸ்யாத்ததா²ர்த²தா ।।

ப்ரமாணாபி⁴ஜநாதே³வ யதா²பூ⁴தார்த²தா தி⁴ய: ।। 74 ।।
அந்யோந்யாஶ்ரயதாதோ³ஷ: கார்யப்ராமாண்யவாதி³ந: ।। 75 ।।

ப்ரமாணாதி⁴க³தௌ ஸத்யாம் பும்ஸோ மேயாநுரோத⁴த: ।।
அநுஷ்டே²யோ(அ)நநுஷ்டே²ய இதி பஶ்சாந்மதிர்ப⁴வேத் ।। 76 ।।

ஏகரூபம் யதோ மாநம் விருத்³தா⁴நேகரூபிணாம் ।।
பா⁴நுவத்³போ³த⁴கம் த்³ருஷ்டம் நாதோ(அ)நுஷ்டே²யதோ மிதி: ।। 77 ।।

நந்வவாக்யப்ரமாணத்வமநநுஷ்டா²நதோ ப⁴வேத் ।।
பதா³நாம் ஸம்ஹதிர்யஸ்மாந்ந த்³ருஷ்டேஹ க்ரியாம் விநா ।। 78 ।।

பதா³ர்த²த்வே ச தத்ஸித்³தி⁴ர்லிங்க³ப்ரத்யக்ஷஸம்ஶ்ரயாத் ।।
ஆக³மைகப்ரமாணத்வாந்நா பதா³ர்த²த்வமிஷ்யதே ।। 79 ।।

அஸ்யஸ்மீத்யப்⁴யுபேதத்வாந்நைவமப்யுபபத்³யதே ।।
அஸ்தி மேருர்யதா² வர்ணசதுஷ்டயவிஶேஷண: ।। 80 ।।

அகார்யே(அ)பி ஹி மேர்வாதா³வஸ்தி மேருரிதி ஶ்ருதே: ।।
ஸம்யக்³தீ⁴ர்ஜாயதே யத்³வத்ததா² தத்த்வமஸீத்யத: ।। 81 ।।

மேர்வாதி³ஜ்ஞாநவச்சேத்ஸ்யாந்நிஷ்ப²லத்வாத³மாநதா ।।
நைவம் தத்ப²ரலஸாக்ஷாத்த்வாஜ்ஜ்ஞாநோத்³பூ⁴தேரநந்தரம் ।। 82 ।।

பி⁴த்³யதே ஹ்ருத³யக்³நந்தி²ர்ப்³ரஹ்மாப்யேதீதி ச ஶ்ருதே: ।।
ந சார்த²வாத³தைதஸ்யாம் ஜுஹ்ராமிவ ப²லஶ்ருதே: ।। 53 ।।

நிஷித்³தா⁴நிஷ்டஸம்ப³ந்தோ⁴ வாக்யாதே³வாநக³ம்யதே ।।
ந சாநுஷ்டே²யதா தஸ்ய மநாக³ப்யுபபத்³யதே ।। 84 ।।

நிஷேத⁴ஸம்ஸ்க்ருததி⁴யோ நிஷித்³த⁴விஷயே ந ச ।।
பலாண்ட்³வாதா³வகரணாத³ந்யா தீ⁴ர்ஜாயதே ஶ்ருதே: ।। 85 ।।

யதா² நிஷேத⁴வாக்யேப்⁴யோ நாந்யா(அ)கரணதோ மதி: ।।
தத்த்வமஸ்யாதி³வாக்யேப்⁴யஸ்தத்³வதே³வேதி நிஶ்சய: ।। 86 ।।

ம்ருக³தோயே ப்ரவத்தஸ்ய த்ருடா³ர்தஸ்யோஷரேக்ஷணாத் ।।
தமோத்⁴வஸ்தௌ நிவ்ருத்தி: ஸ்யாத்ததா²(அ)(அ)த்மஜ்ஞாநதோ(அ)பி ந: ।। 87 ।।

தஸ்மாந்நிஷேத⁴ஶாஸ்ரஸ்ய யதா² பூ⁴தார்த²நிஷ்ட²தா ।।
பும்வ்யாபாரஸ்ய க³ந்தோ⁴(அ)பி ந தத்ராஸ்தீதி நிஶ்சய: ।। 88 ।।

ஆத்மயாதா²த்ம்யவிஜ்ஞாநநிஷ்ட²தா தத்³வதீ³க்ஷ்யதாம் ।।
தத்த்வமஸ்யாதி³வாக்யாநாம் நாநுஷ்டா²நம் மநாக³பி ।। 89 ।।

கலஞ்ஜப⁴க்ஷணஸ்யேவ நநு ந ஶ்ரௌதகர்மண: ।।
அஜ்ஞாநஹேத்வநர்தா²ர்த²காரிதா க³ம்யதே மிதே: ।। 90 ।।

நைவமஜ்ஞாநஹேதுத்வாநர்தா²ர்த²த்வேந துல்யதா ।।
கலஞ்ஜப⁴க்ஷணேநாதஸ்தந்நிவ்ருத்தௌ நிவர்ததே ।। 91 ।।

ஶாஸ்ரமாத்ரநிமித்தத்வாந்நித்யாநாம் நைவமிப்யதே ।।
மித்²யாஜ்ஞாநாதி³ஹேதுத்வம் காம்யாநாமிவ சேந்மதம் ।। 92 ।।

நாவித்³யாராக³த்³வேபாதி³தோ³ஷவ்ருஷ்டஸ்ய தத்³விதே⁴:।।
ஸ்வர்கா³தி³காமிநோ யத்³வத³க்³நிஹோத்ரவிதி⁴ஸ்ததா² ।। 93 ।।

மோஹகாமாதி³து³ஷ்டஸ்ய நித்யம் கர்ம விதீ⁴யதே ।।
ந ஸ்வத: காம்யநித்யத்வவிவேகோ(அ)ஸ்தீஹ கர்மண: ।। 94 ।।

கர்த்ருஸ்தே²ந ஹி ஸ்வர்கா³தி³காமதோ³ஷேண காம்யதா ।।
அதோ நாந்யேந காம்யத்வம் கர்மண: ஸ்யாத்கத²ம்சந ।। 95 ।।

ஆவிரிஞ்சாத்³விரக்தஸ்ய தத்³விவிக்தாத்மகாமிந: ।।
மோக்ஷே பும்ஸோ(அ)தி⁴கார: ஸ்யாந்ந காமாபஹ்ருதாத்மந: ।। 96 ।।

பராச: காமாநித்யேவம் காமாநித்யபரம் ததா² ।।
யோ(அ)காம இதி தத்³வச்ச ஶ்ருதி: காமநிஷேத⁴நீ ।। 97 ।।

அவித்³யாயா ந சோச்சி²த்தௌ ஜ்ஞாநாத³ந்யத³பேக்ஷ்யதே ।।
ஜ்ஞாநோத்பத்தௌ ந சைவாந்யச்ச²மாதி³ப்⁴யோ ஹ்யபேக்ஷ்யதே ।। 98 ।।

ஶமாத்³யுத்பத்தயே நாந்யத்³பு³த்³தி⁴ஶுத்³தே⁴ரபேக்ஷ்யதே ।।
பு³த்³தி⁴ஶுத்³தௌ⁴ ச நித்யாதி³கர்மப்⁴யோ நாந்யதி³ஷ்யதே ।। 99 ।।

ஆத்மாஜ்ஞாநைகஹேதுத்வாத்³வாஹ்மந: காயகர்மணாம் ।।
ஆத்மஜ்ஞாநேந தத்³பா³தா⁴த்கர்மாபேக்ஷா குதோ ப⁴வேத் ।। 100 ।।

யத³ஜ்ஞாநாத்ப்ரவ்ருத்திர்யா தஜ்ஜ்ஞாநாத்ஸா குதோ ப⁴வேத் ।।
ப்ரத்யக்³ஜ்ஞாநோத்³ப⁴வே தஸ்மாத்ஸமாப்தி: ஸர்வகர்மணாம் ।। 101 ।।

ந சோச்சி²ந்நாத்மமோஹஸ்ய ஸதை³வா(அ)(அ)த்மதி⁴ய: ஸ்தி²தே: ।।
ப்ரதீச்யவஸரோ(அ)ஸ்தீஹ வாங்மந:காயகர்மணாம் ।। 102 ।।

கர்மணோ(அ)வஸரஶ்சேத்ஸ்யாத்த்வத்³பி⁴க்ஷாவஸரோ யதா² ।।
நா(அ)(அ)த்மவஸ்துநிமித்தத்வாத்ஸம்யக்³பு³த்³தே⁴: ஸதா³ ஸ்தி²தே: ।। 103 ।।

ந வஸ்த்வவஸராபேக்ஷம் ஸ்வத:ஸித்³த⁴த்வகாரணாத் ।।
க்ரியைவாவஸராபேக்ஷா தஸ்யா: காரகதந்ரத: ।। 104 ।।

ஸம்யக்³ஜ்ஞாநஶிரிவப்லுஷ்டம் குதோ(அ)ஜ்ஞாநம் புநர்ப⁴வேத் ।।
ஶுத்³த⁴தோ³ஷோத்³ப⁴வத்வாச்ச ந து கர்மைவமிஷ்யதே ।। 105 ।।

க்ஷுதா⁴தி³தோ³ஷஹேத்வேவ த்வஸ்மத்³பு⁴ஜ்யாதி³ நோ மதம் ।।
நியதாநேகஹேதுத்வாந்நாதோ பு⁴ஜிஸமா க்ரியா ।। 106 ।।

தோ³ஷஹேதாவபி ததா² காலாதி³நியமஸ்ததா² ।।
ப⁴வத்³பி⁴க்ஷாடநாதௌ³ ஸாதி³தி சேந்நைததே³வ து ।। 107 ।।

நைவாயம் நியமோ(அ)ஸ்மாகம் பரிஸம்க்²யா ஹி ஸா யத: ।।
க்ரியாப்ரயோக்த்ரீ நாப்யேஷா, தஸ்மாத்³விஷமமுச்யதே ।। 108 ।।

நாதோ(அ)பவாத³க்ருத்ஸா ஸ்யாதை³காத்ம்யஜ்ஞாநஜந்மந: ।।
ஸர்வகர்மாதி⁴காராணாம் நிஷேதா⁴யா(அ)(அ)த்மதீ⁴ப⁴வ: ।। 109 ।।

நிஷேத⁴விதி⁴வத்தஸ்மாத்ப்ரத்யக்³யாதா²த்ம்யதீ⁴விதி⁴: ।।
ப்ரத்யஹ்மோஹைகஹேதுத்வாத்³வாட்³மந:காயகர்மணாம் ।। 110 ।।

தஸ்மாத்³வஸ்த்வேகநிஷ்ட²ஸ்ய ப்ராமாண்யம் வசஸோ த்⁴ருவம் ।।
ப்ரதிஷேத⁴விதே⁴ர்யத்³வது³ப⁴யோரவிஶேஷத: ।। 111 ।।

ஸ்வாபா⁴விகைகதோ³ஷாம்த்யாம் வ்யவஹார இஹா(அ)(அ)ஸுர: ।।
ஶாஸ்ரைகஹேதுர்தை³வ: ஸ்யாத்தயோ: ஸ்பர்தா⁴ விரோத⁴த: ।। 112 ।।

ப்ராக்ருதாஸங்க³விஜ்ஞாநகார்யே ஹ்யதி⁴க்ருதி: ஸ்வத: ।।
ஸுரத்³விஷாம் ஸுராணாம் து ஶாஸ்ரோத்த²ஜ்ஞாநதீ³பித: ।।
கர்மஜ்ஞாநாதி⁴கார: ஸ்யாத்ஸம்க்³ராமஸ்தத்³விரோத⁴த: ।। 113 ।।

உத்கர்ஷோ மாநுஷாத்³வர்த்⁴வம் பும்ஸ: கேவலத⁴ர்மத: ।।
அதோ⁴பா⁴வஸ்த்வத⁴ர்மாத்ஸ்யாத்³த்³வாப்⁴யாம் மாநுஷ்யஸம்ப⁴வ: ।। 114 ।।

ஆக்³ரஜஸ்தா²ணுபர்யந்தஶரீரக்³ரஹணாந்யத: ।।
லோகேஷ்விதி ஶ்ருதிர்வக்தி விரோத⁴ஸ்தந்நிப³ந்த⁴ந: ।। 115 ।।

அதோ⁴லோகப²லேஷ்வேவ ப்ராக்ருதஜ்ஞாநகர்மஸு ।।
யத்நாதா³ஸஞ்ஜநீயோ(அ)யம் பிதேத்யஸுரநிஶ்சய: ।। 116 ।।

ப்ராக்ருதாஸங்க³தோ முக்த்வா பிதா(அ)யம் தை³வஸாத⁴நை: ।।
உத்க்ருஷ்டவ்யோ யதா²ஶக்தி விபு³தா⁴நாம் சிகீர்ஷிதம் ।। 117 ।।

நரப்ரஜாபதிதநாவேவம் தே³வாஸுரா மித²: ।।
ஸ்வஸ்வபா⁴வாநுரோதே⁴ந தே(அ)ஸ்பர்த⁴ந்த ஸ்வவ்ருத்திபி⁴: ।। 118 ।।

யதோ³த்³ப⁴வதி ஶாஸ்ரோத்தா² தை³வீ வ்ருத்திஸ்ததா³(அ)(அ)ஸுரீ।.
வ்யேதி யஸ்மாத்ததோ(அ)ஶேஷம் தே³வாநாம் ஸ ஜய: ஸ்ம்ருத: ।। 119 ।।

ஆஸுரீ து யதா³ ஸேநா காமக்ரோத⁴புர:ஸரா ।।
ஜாயதே ஹ்யஜயஸ்தேஷாமஸுராணாம் ஜயஸ்து ஸ: ।। 120 ।।

ஸ்வாபா⁴விகத்வாதா³ஸுர்யா பூ⁴யஸ்யா ஸேநயா(அ)ர்தி³தா:।।
ந ஶர்ம லேபி⁴ரே தே³வா: ஸ்வாத்மத்ராணாஸமீக்ஷணாத் ।। 121 ।।

ஸ்வபூ⁴மேஶ்சாவ்யமாநாநாம் ஸுராணாமஸுரைஸ்ததா³ ।।
ப்ராது³ராஸீந்மதி: ஸாத்⁴வீ தை³தேயப⁴யநாஶிநீ ।। 122 ।।

உத்³கீ³யம் ஸமுபாஶ்ரித்ய ஜ்யோதிஷ்டோமக்ரதாவிஹ ।।
திரஸ்க்ருத்யா(அ)(அ)ஸுரம் தை³வம் பா⁴வம் யாமோ(அ)து⁴நா வயம் ।। 123 ।।

கர்த்ருத்வாதீ³ஹ யத்ஸித்³த⁴ம் வாகா³தி³த்³வாரமீக்ஷ்யதே ।।
ஆத்மநஸ்தத³வித்³யோத்த²ம் நிரவித்³யே நிஷேத⁴த: ।। 124 ।।

லௌகிகோ வைதி³க: ஸர்வோ வ்யவஹாரஶ்ச வக்ஷ்யதே ।।
அந்நத்ரயாதி⁴காரே ஹி மநஆதா³வநாத்மநி ।। 125 ।।

பூ⁴தேஹாநுவிதா⁴யித்வாத்க்ஷேத்ரஜ்ஞஸ்ய தமஸ்விந: ।।
கூடஸ்தா²த்மாதிரேகேண ரூபமந்யந்ந லக்ஷ்யதே ।। 126 ।।

ஏவம் தா: ஸம்ப்ரதா⁴ர்யோசுருத்³கீ³த²ம் ஸாத⁴நம் பரம் ।।
தத்பரீக்ஷாம் ப்ரயத்நேந சக்ரு: ஸம்பூ⁴ய தே³வதா: ।। 127 ।।

வாசம் ஸம்பா⁴வயாமாஸுரியம் ஹ்யுத்³கீ³த²கர்மணி ।।
அத்யர்தே² வ்யாப்ருதா த்³ருஷ்டா வாசமூசுஸ்தத: ஸுரா: ।। 128 ।।

த்வம் ந உத்³கீ³ய உத்³கா³நம் த்வத்ப்ரதா⁴நம் ப⁴வத்வித³ம் ।।
உத்³கீ³த² இதி சோத்³கா³நம் கர்மைவேஹாபி⁴தீ⁴யதே ।। 129 ।।

ஸ்தோத்ரேணாஸ்யாபி⁴ஸம்ப³ந்தா⁴த்³ப⁴க்திமாத்ரம் ந து க்வசித் ।।
வாக³பி⁴மாநிநீ சேஹ வாக்ஶப்³தே³நாக்³நிருச்யதே ।। 130 ।।

விஷயோ(அ)த்⁴யேஷணாயா ஹி சேதநாவாந்யதோ மத: ।।
உபாஸிக்ரியயா யோகோ³ தே³வதாயா இஹேஷ்யதே ।। 131 ।।

அதோ(அ)பி தே³வதைவேஹ வாக்ஶப்³தே³நாபி⁴தீ⁴யதே ।।
தத்³பூ⁴தே: புருஷார்த²த்வாத்³தே³வதா ஹீஶ்வரா பரா ।। 132 ।।

ஸைவாத: ப்ரதிபத்தவ்யா ஸர்வாஸு த்⁴யாநபூ⁴மிஷு ।।
ந த்விஹ ப்ரதிபத்தவ்யா: கரணஸ்தா²நகோ³சரா: ।। 133 ।।
பாரார்த்²யாசேதநத்வாப்⁴யாம் மர்த்யத்வாச்சாபி காரணாத் ।। 134 ।।

ஏவம் வாகா³த³ய: ஶப்³தா³ தே³வதார்தா²பி⁴தா⁴யிந: ।।
ஸர்வத்ர ப்ரதிபத்தவ்யா யத்ரோபாஸா விவக்ஷிதா ।। 135 ।।

ஜபமந்ராபி⁴தே⁴யேயம் வாகி³த்யேவம் விநிஶ்சிதா: ।।
உபாஸாம்சக்ரிரே தே³வா ஏஷைவோத்³கீ³த²தே³வதா ।। 136 ।।

தே³வாப்⁴யுத³ய உத்³கா³நம் தே³வேப்⁴யோ(அ)ர்தா²ய வாகி³யம் ।।
யதா²ஶக்த்யுத³கா³யத்தம் யோ போ⁴கோ³ வாங்நிப³ந்த⁴ந: ।। 137 ।।

யேந போ⁴கே³ந வாக்³தே³வாம்ஶ்சக்ஷுராதீ³நஹர்நிஶம் ।।
ஸாக்ஷாத³வதி தம் போ⁴க³முத³கா³யத³ஶேஷத: ।। 138 ।।

பவமாநேஷு ஸோத்³கா³த்ரீ யாஜமாநம் யதா²விதி⁴ ।।
ப²லமுத்³கா³ய ஶேஷேஷு ஹ்யுத³கா³யத³தா²(அ)(அ)த்மநே ।। 139 ।।

ஸ்தோத்ரேஷு பரிஶிஷ்டேஷு வாகா³கா³யத³தா²(அ)(அ)த்மநே ।।
யத்கல்யாணம் வத³த்யேஷா ஹ்யாத்மநே தத³சீக்லபத் ।। 140 ।।

யதா²ஶாஸ்ரம் யதா²யோக³ம் வர்ணதோ³ஷவிவர்ஜிதம் ।।
வர்ணோச்சாரணஸாமர்த்²யம் மமைவாஸ்து ததீ³த்³ருஶம் ।। 141 ।।

கல்யாணவத³நோத்த²ம் யத்க்ருத்ஸ்நம் தே³வேப்⁴ய ஏவ தத் ।।
ப²லம் வத³நமாத்ரம் து வாச ஏவ ந தை³விகம் ।। 142 ।।

தமஸ்யுத்ஸார்யமாணே து வாசோத்³கா³த்ரா ஸுரத்³விஷாம் ।।
ஸ்வாதி⁴காராச்ச்யாவ்யமாநாஸ்தே விது³ர்தே³வஹ்ருத்³க³தம் ।। 143 ।।

அநேந வாசோத்³கா³த்ரா நோ ப³லம் த்⁴வாந்தம் து தே³வதா: ।।
ஜ்யோதிஷா ஸ்வேந நிர்ஜித்ய யாஸ்யந்த்யக்³ந்யாதி³ரூபதாம் ।। 144 ।।

மஹந்நோ ப⁴யமாயாதமிதி பு³பு³தி⁴ரே(அ)ஸுரா: ।।
கர்மண்யநுசிதே தேஷாம் ப்ரஹீணமநஸாம் ததா³ ।।
வத³நாதா³வபி⁴ஷ்வங்க³ ஆத்மஸம்பா⁴வநாத³பூ⁴த் ।। 145 ।।

யத்கல்யாணமிதி ச்சி²த்³ராத்³விது³: ஸுரசிகீர்ஷிதம் ।।
அநேந வை ந உத்³கா³த்ரா வாசா(அ)த்யேஷ்யந்தி ஸ்வம் வபு: ।। 146 ।।

இதி ஜ்ஞாத்வா ஹ்யபி⁴த்³ருத்ய ஸ்வைராஸங்க³ஶரோர்மிபி⁴: ।।
விவிது⁴ஸ்தாநதோ²த்³கா³த்ரும்ஸ்தே வித்³தா⁴ஸ்தத்யஜு: க்ரியா: ।। 147 ।।
நாநாத³ந்யஸ்ய ஸாமர்த்²யம் வித்³யதே(அ)ஸுரநாஶநே ।। 148 ।।

அநேநாப்ரதிரூபேண வசஸா கார்யஶாயிநா ।।
பாப்மாதி³தோ³ஷஸம்பர்க: காரணஸ்தோ²(அ)நுமீயதே ।। 149 ।।

வ்யுத்தா²யா(அ)(அ)க்²யாயிகாரூபாச்ச்²ருதி: ஸ்வவபுஷா(அ)து⁴நா ।।
ஆசஷ்டே காரணே வ்ருத்தம் கார்யகே³ணாஸுராத்மநா ।। 150 ।।

த்³ருஷ்டேநாப்ரதிரூபேண கார்யகே³ணாநுமீயதே ।।
காரணே பாப்மவேதோ⁴(அ)பூ⁴த்³யோ வாசி ப்ராக்ப்ரஜாபதே: ।। 151 ।।

ஸ யோ வாச்யஸுரை: க்ஷிப்த: பாப்மா கார்யே ஸ த்³ருஶ்யதே ।।
ப்ரமாவிரோதி⁴ யத்³வாக்யம் தத்தத்கார்யஸமாஶ்ரயம் ।। 152 ।।

ஸ ஏவ ஸ இதி ஹ்யுக்தி: கார்யகாரணஸம்ஸ்த²யோ: ।।
ப்ரஜாஸு ஸாக்ஷாத்³ய: பாப்மா யஶ்ச தத்காரணாஶ்ரய: ।। 153 ।।

க்⁴ராணம் சக்ஷுஸ்ததா² ஶ்ரோத்ரம் மநஶ்சைவமநுக்ரமாநு ।।
வத்ருர்தே³வா யதா² வாணீம் வித்³தா⁴: ஸர்வே ததா²(அ)ஸுரை: ।। 154 ।।

கர்மேந்த்³ரியாணாம் ஸர்வேஷாம் வாகே³வாத்ரோபலக்ஷணம் ।।
சக்ஷு:ஶ்ரோத்ரே தீ⁴ந்த்³ரியாணாம் மநோ பு³த்³தே⁴ஸ்ததை²வ ச ।। 155 ।।

க்ருத்ஸ்ரம் ஜக³த³நாதா³ய நைகஸ்யாபீஷ்யதே க்ரியா ।।
ப்ராணஸ்ய கிமு வக்தவ்யம் க்ருத்ஸ்நாத்⁴யாத்மேந்த்³ரியக்³ரஹ ।। 156 ।।

யத்³யபீத³ம் ஜக³த்க்ருத்ஸ்நம் க்³ருஹ்யதே ஸம்ஹதத்வத: ।।
ததா²(அ)பி சோதி³தோ(அ)த்ரார்த² உபாஸ்யோ நா(அ)(அ)க³தோ(அ)ர்த²த: ।। 157 ।।

கல்யாணேதரரூபேண பரிஶிஷ்டேஷ்வபீக்ஷ்யதே ।।
விபா⁴க³ ஆஸுரோ வேத⁴ஸ்தேந தேப்வநுமீயதே ।। 158 ।।

அதஸ்தத³ர்த²மாஹேயமேவம்விதி புந: ஶ்ருதி: ।।
யதா² வாகா³த³யோ வித்³தா⁴ஸ்தத்³வஜ்ஜ்ஞேயாஸ்த்வகா³த³ய: ।। 159 ।।

ஸித்³தா⁴ந்வாகா³தி³த்³ருஷ்டாந்தாந்புரஸ்க்ருத்யாத உச்யதே ।।
ஏவம்வித்யுக்தஶேஷாணாம் பாப்மவித்³த⁴த்வஸித்³த⁴யே ।। 160 ।।

அவித்⁴யந்நிதி யோ(அ)ர்தோ²(அ)ஸ்ய தத்³வ்யாக்²யாநாய யத்யதே ।।
ஸ்வை: ஸ்வைஸ்தாநிந்த்³ரியாஸங்கை³: பாப்மபி⁴ஸ்த உபாஸ்ருஜந் ।। 161 ।।

யத்ஸம்ஸர்கே³ புரா சக்ருரவித்⁴யம்ஸ்ததி³ஹோச்யதே ।।
யா வித்³தா⁴ தே³வதாஸ்தாஸாம் ப்ரக்ரியாஸம்ஹ்ருதி: ப்ருத²க் ।। 162 ।।

ஆஸங்க³பாப்மபி⁴ர்வித்³தா⁴ யஸ்மாத்³வாகா³த³யோ(அ)ஸுரை: ।।
வர்ஜநீயாஸ்ததஸ்தா: ஸ்யுர்நோபாஸ்யா: ஶ்ரேய ஈப்ஸுபி⁴: ।। 163 ।।

ஏவம் நிராஶா: பூர்வாஸு தே³வதாஸ்வஸுரார்த³நாத் ।।
பாரிஶேஷ்யாத³தா²(அ)(அ)ஜக்³முர்மத்⁴யமம் ப்ராணமாத³ராத் ।। 164 ।।

அதே²த்யநந்தரோக்தி: ஸ்யாத்ததா²(அ)பி⁴நயவ்ருத்தயே ।।
இமமித்யப்ரஸித்³த⁴த்வாத்ப்ராணஸ்யேஹ த்வகா³தி³வத் ।। 165 ।।

அஸ்தி யஸ்மாத³ஸுர்நித்யமாஸந்யோ(அ)யமதோ மத: ।।
வாகா³தி³ப்⁴யோ விபா⁴கா³ர்த²ம் விஶேஷணமஸோரித³ம் ।। 166 ।।

ஜபமந்ராபி⁴தே⁴யோ(அ)த்ர பாரிஶேஷ்யாத்ப்ரதீயதாம் ।।
உத்³கீ³த²தே³வதா ப்ராண இத்யபூ⁴த்ஸுரநிஶ்சய: ।। 167 ।।

மத்ர்ரப்ரயோகே³ ஸர்வேஷாம் ஸம்நிதௌ⁴ தத்ப்ரகாஶிதம் ।।
பா⁴ரமுத்ஸஹதே வோ़டு⁴ம் யோ(அ)நோ யாமஸ்தமாஶ்ரயம் ।। 168 ।।

பரீக்ஷமாணாஸ்தே த்ராணம் யதோ²க்தாக்²யாநவர்த்மநா ।।
க்ரமேணா(அ)(அ)ஸேது³ராஸந்யம் ப்ராணம் பாப்மபராபா⁴வத் ।। 169 ।।

ஶ்ரேயோர்தி²நாம் மநுஷ்யாணாமுபாஸ்யப்ரதிபத்தயே ।।
இயமாரவ்யாயிகா சக்ஷுர்நாந்யதோ²பாஸ்யநிஶ்சிதி: ।। 170 ।।

ய: ப்ராணே போ⁴க³ இதி ந பூர்வவத்³ப⁴ண்யதே(அ)த்ர கிம்‌ ।।
வாகா³தீ³நாமிவ யதோ நாஸோர்போ⁴கோ³ விஶிஷ்யதே ।। 171 ।।

அக்ருத்ஸ்நபோ⁴க³தோ யுக்தம் வாகா³தி³ஷு விஶேஷணம் ।।
ஸர்வஸ்யைவாஸுபோ⁴க³த்வாத்கிம் குதோ(அ)த்ர விஶிஷ்யதே ।। 172 ।।

அபி⁴ஸம்தி⁴ரவிவ்யத்ஸந்நித்யபூ⁴த்ஸுரவித்³விஷாம் ।।
அநிஷ்டி²தகி்ரயாரம்போ⁴(அ)விவ்யத்ஸந்நிதி ப⁴ண்யதே ।। 173 ।।

விவ்யத்ஸோத்³தே³ஶமாத்ரேண ப்ராணோ ஹந்தா ஸுரத்³விஷாம் ।।
இத்யர்த²ப்ரதிபத்த்யர்த²மீத்³ருக்³த்³ருஷ்டாந்த உச்யதே ।। 174 ।।

பி³பி⁴த்ஸாயை யதா² வேகா³ல்லோஷ்ட: க்ஷிப்தோ(அ)ஶ்மநோ(அ)ந்திகாத் ।।
நஶ்யேத்ஸ்வவேகா³ச்ச²ததா⁴ ஹ்யாரவணாஶ்மஸமாக³மாத் ।। 175 ।।

அப்ரத்⁴ருஷ்யம் ததா² ப்ராணம்ருத்வா நேஶு: ஸஹஸ்ரதா⁴ ।।
தை³த்யாஸ்தந்நாஶதோ தே³வா தே³வா ஏவாப⁴வந்ஸதா³ ।। 176 ।।

அத ஏவ மநுஷ்யத்வஹேதவோ(அ)ப்யஸுரா: ஸமம் ।।
விநேஶுர்விஷ்வக்³க³தயோ லோஷ்ட: க்ஷிப்தோ யதா²(அ)ஶ்மநி ।। 177 ।।

ப்ராணஸ்வபா⁴வஸம்பத்தே: ப்ராணவத்³தே³வதா அபி ।।
தே³வா ஏவாப⁴வந்தை³த்யக்ருத்ஸ்நபாப்மவிநாஶத: ।। 178 ।।

வாகா³தீ³ந்த்³ரியஸம்கா⁴தோ யஜமாநோ யதா² புரா ।।
ப்ராணாத்மபா⁴வாத்³த⁴த்வா(அ)(அ)கோ³ வைராஜம் ரூபமாப்தவாந் ।। 179 ।।

ததா² யஸ்தமுபாஸீத யதோ²க்தாரவ்யாநவர்த்மநா ।।
விராஜைவா(அ)(அ)த்மநா ஹத்வா பாபம் ப⁴வதி ஸோ(அ)சிராத் ।। 180 ।।

ஜீவாவிஷ்ட உபாஸ்யோ(அ)த்ர தே³வதாவிக்³ரஹ: ஸதா³ ।।
ப்ராணோ ஹிரண்யக³ர்பா⁴த்மா யாவத்தத³பி⁴மாநதா ।। 181 ।।

பா⁴வநோபசயாத்³த⁴த்வா பரிச்சே²த³ம் ஸ்வமாஸுரம் ।।
தே³வதாந்மாநமேத்யாஶு ஸதா³ தத்³பா⁴வபா⁴வித: ।। 182 ।।

தத்தமோமாத்ரவித்⁴வம்ஸாந்நது ப்ராணாதி³ராப்யதே ।।
கார்யத்வாத்காரணம் முக்த்வா ந ஹி தத்கார்யஸம்ப⁴வ: ।। 183 ।।

தே³வோ பூ⁴த்வேஹ தே³வோ(அ)ஸௌ பா⁴வநோபசயாத்³ப⁴வேத் ।।
பும்வ்யாபாரோத்³ப⁴வத்வம் ந: ஶ்ருத்யா(அ)பி ப்ரதிபாதி³தம் ।। 184 ।।

ப்³ரஹ்மைவாப்யேதி ப்³ரஹ்மைவ ப்ராக³ப்யாஸீத்³யதோ(அ)த்³வயம் ।।
தந்மோஹமாத்ரவித்⁴வம்ஸாதி³த்யபி ஶ்ருதிஶாஸநம் ।। 185 ।।

ஸ்வத:ஸித்³தௌ⁴ தத³ந்யேஷாம் ஶ்ருதிகோப: ப்ரஸஜ்யதே ।।
அதோ(அ)ந்யதா³ர்தே தத்³வச்சாப்யேகமேவேதி ச ஶ்ருதி: ।। 186 ।।

நாவ்யாக்ருதாதே³: ஸம்ஸித்³தௌ⁴ பரமாத்மாதிரேகத: ।।
ப்³ரஹ்மவந்மாநமஸ்தீஹ ததா² நிர்மோக்ஷதா(அ)(அ)பதேத் ।। 187 ।।

அதா²(அ)(அ)த்மாவித்³யா(அ)வ்யக்தாதி³ரூபேண ப்ரத²தே ததா³ ।।
தந்நிவ்ருத்தௌ நிவ்ருத்தி: ஸ்யாந்நிவ்ருத்தி: கேவலாத்மதா ।। 188 ।।

ப்ராணஸ்யேவ பராபூ⁴தோ த்³விஷந்பாப்மா(அ)(அ)ஸுரோ(அ)கி²ல: ।।
உபாஸீநஸ்ய தம் ப்ராணம் க்ருத்ஸ்நோ நஶ்யேத்ததா²(அ)(அ)ஸுர: ।।
த்³விஷம்ஶ்சாப்யத்³வஷஞ்ச²த்ருராஸுராத³ந்ய இஷ்யதே ।। 189 ।।

நித்யவிக்⁴நக்ருதே³வைஷ ப்ராணாப்தாவாஸுரோ மத: ।।
அதோ விஶேஷ்யதே ஶ்ருத்யா த்³விஷந்ப்⁴ராத்ருவ்யரூபயா ।। 190 ।।

உக்தாஸுரபராபூ⁴தௌ நாந்யோ(அ)ரிரவஶிஷ்யதே ।।
ய ஏவம் வேதே³தி விதி⁴: ப²லோக்தேரர்த²வாத³த: ।। 191 ।।

அாநுஷங்கி³ப²லோக்த்யா வா தது³பாஸா விமுக்தயே ।।
ஆத்மவித்³யாதி⁴காரே(அ)ஸ்மிம்ஸ்தது³பாஸாவிதா⁴நத: ।। 192 ।।
ஆத்மவித்³யோபகாரித்வம் தஸ்மாத்³வாக்யாச்ச க³ம்யதே ।। 193 ।।

அதா²யாஸ்யாங்கி³ரோதூ³ர்பி⁴ர்விஶிஷ்டமஸுகர்மகம் ।।
உபாஸநம் விதா⁴ஸ்யாமீத்யாரப்³தை⁴ஷோத்தரா ஶ்ருதி: ।। 194 ।।

அநுவாதா³த்³விதி⁴ர்ஜ்யாயாநநுவாதே³ வ்ருதா² ஶ்ரம: ।।
புருஷார்தா²பி⁴ஸம்ப³ந்தா⁴த³தோ விதி⁴ரிஹா(அ)(அ)ஶ்ரித: ।। 195 ।।

ஶ்ரூயதே ப²லஸம்வந்தோ⁴ யாஸூபாஸாஸு தாஸ்விஹ ।।
த³த்⁴நேந்த்³ரியாதி³வஜ்ஜ்ஞேயோ விதி⁴ர்கு³ணஸமாஶ்ரய: ।। 196 ।।

ப்ரதா⁴நப²லஸம்ப³ந்தோ⁴ யத்ர து ஸ்யாச்ச்²ருதேர்முகா²த் ।।
விஶிஷ்ட: ஸ விதி⁴ர்ஜ்ஞேயோ யதா²(அ)(அ)க்³நேயாத³யஸ்ததா² ।। 197 ।।

அவாப்தாக்³ந்யாதி³ரூபாஸ்தே ப்ராணாலிங்க³நஸம்ஶ்ரயாத் ।।
க்ருதோபகாரம் ஸ்ம்ருத்வோசு: ப்ராணா வாகா³த³யஸ்ததா³ ।। 198 ।।

அநந்தாக்³ந்யாதி³பா⁴வேந யோ ந: ஸஞ்ஜிதவாநஸு: ।।
க்வ ந்வஸௌ வர்ததே ஹ்யாத்மா யோ(அ)ஸ்மச்ச²த்ருவிநாஶக்ருத் ।। 199 ।।

விதர்கயந்தஸ்தே ப்ராணா உக்த்வைவம் ப்ரத்யகா³த்மஸு ।।
குர்வாணமுபகாரம் தம் த³த்³ருஶு: ப்ராகி³வா(அ)(அ)த³ராத் ।। 200 ।।

லோகே(அ)பி ஹி விசார்யார்த²மத² ஸம்வித³தே ஜநா: ।।
யதா² வாகா³த³யஸ்தத்³வத்³விஜவ்ரு: ப்ராணமாத்மநி ।। 201 ।।

ஸாமாந்யோக்தாவாஸ்ய இதி தத்³விஶேஷணமுச்யதே ।।
அந்தரித்யந்யதா² மா பூ⁴த்ப்ரஸங்க³: ப்ராணநிஶ்சிதௌ ।। 202 ।।

த்வகா³த³யோ(அ)பி ஸந்த்யாஸ்யே யதோ(அ)தஸ்தத்³விஶேஷணம் ।।
விஶிநஷ்டி தத: ப்ராணமாஸ்யாந்தர்விலசாரிணம் ।। 203 ।।

ஆஸ்யபர்யந்தஶாயீநி த்வகா³தீ³நி ந மத்⁴யத: ।।
ப்ராணஸ்து மத்⁴ய ஆஸ்யஸ்ய தஸ்மாத³ந்தர்விஶேஷணம் ।। 204 ।।

ஸர்வேந்த்³ரியாணாமத²வா ப்ராண ஆத்மேதி கத்²யதே ।।
அயமாஸ்யே(அ)ந்தரித்யேவமரநாபி⁴நித³ர்ஶநாத் ।। 205 ।।

அயமாஸ்யே(அ)ந்தரித்யேவம் ப்ராணம் த்³ருஷ்ட்வா யத: புரா ।।
வ்யாஜஹருரமராஸ்தஸ்மாத்ப்ராண ஆயாஸ்யஸம்ஜ்ஞித: ।। 206 ।।

அங்கா³நாம் கரணாநாம் ச ரஸ: ஸாரோ யதஸ்தத: ।।
ப்ராண ஆங்கி³ரஸ: ப்ரோக்தஸ்தத்³வித்³பி⁴ஸ்தத்³கு³ணாஶ்ரயாத் ।। 207 ।।

கத²மாங்கி³ரஸ: ப்ராண இத்யஸ்ய ப்ரதிபத்தயே ।।
அந்வயவ்யதிரேகாப்⁴யாமுபரிஷ்டாத்ப்ரவக்ஷ்யதே ।। 208 ।।

ததா²(அ)ந்யாம்(அ)பி கு³ணோ(அ)நஸ்ய தூ³ரிதி ப்ரதிபாத்³யதே ।।
உதா³ரப²லஸித்³த்⁴யர்த²ம் ஸா வா ஏஷேத்யத: ஶ்ருதி: ।। 209 ।।

உபாஸ்திக்ரமஸித்³த்⁴யர்த²ம் க்ரமப⁴ங்கோ³(அ)யமிஷ்யதே ।।
யதோ(அ)தோ(அ)ங்கி³ரஸம் த்யக்த்வா தூ³ரித்யேவாபி⁴தீ⁴யதே ।। 210 ।।

விஶிஷ்டோபாஸ்திரேவேயம் ப்ரதா⁴நப²லகீர்தநாத் ।।
நாயம் கு³ணவிதி⁴ர்ஜ்ஞேயஸ்தத்ப²லஸ்யாஶ்ருதத்வத: ।। 211 ।।

க்ரியாயாம் கு³ணபூ⁴தோ(அ)ர்தோ² தே³வதேத்யுபதி³ஶ்யதே ।।
அஸ்த்யுபாஸிக்ரியாயோகோ³ தே³வதா(அ)தோ(அ)ந உச்யதே ।। 212 ।।

தூ³ரமேவம்வித³: பாப்மா கத²மத்⁴யவஸீயதே ।।
ஏவம்வித்த்வவிரோதி⁴த்வாத்³தூ³ரம் பாப்மா ப⁴வேத³த: ।। 213 ।।

விஷயேந்த்³ரியஸம்ப³ந்த⁴ஜோ ஹி பாப்மா(அ)(அ)ஸுரோ யத: ।।
ஶ்ரௌதாநந்தாத³ஹம்மாநாத்பரிச்சி²ந்நோ விருத்⁴யதே ।। 214 ।।

சக்ஷுராதி³பரிச்சே²த³: ப்ராக்ருதஜ்ஞாநஹேதுத: ।।
யுக்தோ(அ)த்⁴யாத்மைகரூபஸ்ய பா³த⁴: ஶாஸ்ராபி⁴மாநத: ।। 215 ।।

பரிஸ்பந்தா³த்மிகா வ்ருத்தி: ஶ்ரோத்ராதி³ஷ்வபி வித்³யதே ।।
ப்ராணஸ்யாதே²ந்த்³ரியாணாம் து ஶப்³தா³த்³யர்தா²வலேஹிநீ ।। 216 ।।

ஶப்³தா³தி³க்³ராஹிணீ வ்ருத்தி: ஸ்வைராஸங்கா³த்மபாப்மபி⁴: ।।
தூ³ஷிதா ந பரிஸ்பந்தோ³ தூ³ரம் ம்ருத்யுரஸோஸ்தத: ।। 217 ।।

ம்ருத்யுர்தூ³ரம் யதா² ப்ராணாத்ததா³த்மத்வாத்ததா²(அ)(அ)ஸுர: ।।
தத்³வித³ஶ்ச ப⁴வேந்ம்ருத்யுர்தூ³ரமித்யுபதி³ஶ்யதே ।। 218 ।।

தி³ஶாமந்த இஹ க்³ராஹ்மோ மத்⁴யதே³ஶோபலக்ஷித: ।।
அநந்தாகாஶதே³ஶத்வாந்நாஞ்ஜஸா(அ)ந்தோ தி³ஶாம் யத: ।। 219 ।।

ஶ்ருதிஸ்ம்ருதிஸதா³சாரஸம்ஸ்க்ருதாஶயவஜ்ஜநம் ।।
அவதீ⁴க்ருத்யாந்தத்வோக்தேர்நது தோ³போ மநாக³பி ।। 220 ।।

மத்⁴யதே³ஶாவதி⁴ஸ்தஸ்மாத்³தி³க³ந்த இதி க்³ருஹ்யதே ।।
ப்ராத்யந்திகஜநோத்³தே³ஶ: பாபீயோஜநஸம்ஶ்ரயாத் ।।
வர்ஜ்யதே(அ)த்ர: ப்ரயத்நேந தத்³வித்³பி⁴ரது⁴நாதநை: ।। 221 ।।

தேஷு ப்ரத்யந்ததே³ஶேஷு தந்நிவாஸிஷு சா(அ)(அ)ஸுராந் ।।
யதோ விந்யத³தா⁴த்ப்ரணஸ்தஸ்மாத்தத்³வர்ஜயேத்³த்³வயம் ।। 222 ।।

ஜநோ விஶிஷ்டோ தே³ஶேந தே³ஶோ ஜநவிஶேஷித: ।।
பாப்மோபஸ்ப்ருஷ்டமுப⁴யம் ஶிஷ்டாஸ்தத்³வர்ஜந்த்யத: ।। 223 ।।

ஸமாஹாரோ(அ)த²வா பே⁴தோ³ நேதி³த்யேதத்பத³ம் ப⁴வேத் ।।
அநீப்ஸிதாநிவ்ருத்தி: ஸ்யாத்ஸமாஹாரே(அ)விவக்ஷிதே ।। 224 ।।

இத்த²ம் ந சேத³ஹம் குர்யாம் ப்ரதிஷேத⁴ஶ்ருதீரிதம் ।।
அந்வவாயாநி பாப்மாநம் ப்ரதிஷேதா⁴திலங்க⁴நாத் ।। 225 ।।

இதி பே⁴த³விவக்ஷாயாம் வ்யாரவ்யா கார்யா பத³த்³வயே ।।
மாஙர்த²ஸ்து ததா²(அ)பே⁴தே³ வ்யாக்²யேய: ப்ரதிஷேத⁴க்ருத் ।। 226 ।।

ஸாமாந்யவிபயஶ்சாயம் நிஷேதோ⁴ நாநவித்³க³த: ।।
வலவந்ப்ரக்ரியாதோ ஹி வாக்யம் ஸாமாந்யமாத்ரக³ம் ।। 227 ।।

ஆஸுரேணாவருத்³தா⁴ஸ்தாந்வாகா³தீ³ந்ஹதபாப்மந: ।।
தே³வத்வம் ப்ராபயத்ப்ராண: கத²மித்யேதது³ச்யதே ।। 228 ।।

ஜ்ஞாநதோ(அ)ஜ்ஞாநஹாநி: ஸ்யாத்³தே³வத்வம் பா⁴வநாப³லாத் ।।
ஆநந்தர்யே க்ரியாத்³வித்வாத³த²ஶப்³தோ³ ப⁴வேத்³த்⁴ருவம் ।। 229 ।।

ம்ருத்யுமத்யவஹத்ப்ராண: ஸாமாந்யோக்தேர்விஶேஷத: ।।
விஶிஷ்டதே³வதாவாப்திர்வாகா³தீ³நாம் ப்ரபஞ்ச்யதே ।। 230 ।।

நேதீ³யஸீ யதோ(அ)ந்யேப்⁴யோ வாகே³வோத்³கீ³த²கர்மணி ।।
ப்ராணஸ்ய தேந ஸோத்³கா³து: ப்ரத²மேத்யபி⁴தீ⁴யதே ।। 231 ।।

வாகா³த்³யக்³ந்யாத்³யவாப்த்யைவம் பாப்மநோ(அ)பாஸ்ய ஸர்வத: ।।
வைராஜம் பத³மேத்யேவம் யஜமாந: ஸுபா⁴வித: ।। 232 ।।

கல்யாணாஸங்க³ஸம்ப³ந்தா⁴த்³வாகா³த்³யத⁴ர்மகாரணம் ।।
த்யக்த்வா(அ)நம் முக்²யமாத்மாநமாஶ்ரயேந்ம்ருத்யுவர்ஜிதம் ।। 233 ।।

வாகா³த்³யை: பஞ்சபி⁴ர்யுக்தம் விராஜம் ஸாதி⁴பௌ⁴திகம் ।।
ஹித்வா(அ)த்⁴யாத்மபரிச்சே²த³ம் ததஸ்தம் ப்ரதிபத்³யதே ।। 234 ।।

ஸாதி⁴பூ⁴தாதி⁴தை³வம் ச நாமரூபக்ரியாத்மக: ।।
ஸூத்ரம் ப்ராணோ(அ)ங்கி³ரா: ஸத்யம்ருக்ஸாமேத்யந உச்யதே ।। 235 ।।

தமேகம் ஸர்வபூ⁴தேஷு ஜ்ஞாநகர்மப²லாஶ்ரயம் ।।
ஆஸ்வபா⁴வாத்மவிஜ்ஞாநாது³பாஸ்தே ய: ஸ தம் வ்ரஜேத் ।। 236 ।।

உக்தமப்⁴யுத³யார்தே² யத்³வாகா³தீ³நாமதா²து⁴நா ।।
ஆகா³நமவஶிஷ்டேஷு ஸ்தோத்ரேஷூத்³கா³துருச்யதே ।। 237 ।।

ஸாமாந்யபோ⁴ஜ்யவிஷயஸ்த்வந்நஶப்³தோ³ யதஸ்தத: ।।
ஆத்³யமித்யுச்யதே தஸ்ய விஶேஷணதயா வச: ।। 238 ।।

யத ஆதா³வித³ம் வ்ரு்த்தமந்நாகா³நமநாத்மநி ।।
தஸ்மாத்தத்கார்யபூ⁴தாஸு ப்ரஜாஸ்வத்³யாபி த்³ருஶ்யதே ।। 239 ।।

யத்³தி⁴ கிம்சேதி ஸர்வார்த²மேவேத்யத்ராவதா⁴ரணம் ।।
ப்ராணேநைவ து தத்ஸர்வம் லோகோ(அ)ந்நம் ஹ்யத்தி ஸர்வதா³ ।। 240 ।।
அந்நோபகார: ஸர்வேஷாமவிஶிஷ்ட: ஸமீக்ஷ்யதே ।। 241 ।।

அதா²வதா⁴ரணம் கஸ்மாத³நேநைவேதி ப⁴ண்யதே ।।
ப்ராணத்³வாரக ஏவைஷாமுபகாரோ ந து ஸ்வத: ।। 242 ।।

கத²ம் தத்³தூ³ாரகஸ்தேஷாமுபகார இதீர்யதே ।।
நநு தூ³ரிதி ஹி ப்ராண உக்தோ வாகா³தி³வத்கத²ம் ।।
ஆத்மார்தா²ந்நாத்³யஸம்கீ³தேர்வித்³தோ⁴ நா(அ)(அ)ஸுரபாப்மபி⁴: ।। 243 ।।

ஸ்தி²திமாத்ராபி⁴ஸம்ப³ந்தா⁴ந்நாயம் தோ³ஷ இஹேஷ்யதே ।। 244 ।।
அஸாவந்நம் ஸ்தி²தம் யஸ்மாத்³தே³ஹம் ப்ராணாநவத்யத: ।।
யத்நாச்ச்²ருதிரதோ வக்தி த்விஹாந்நம் ப்ரதிதிஷ்ட²தி ।। 245 ।।

ஸ்தி²திமாத்ரம் ஹ்யஸோரந்நம் யத்³வாஸங்கோ³ ந ஶங்க்யதே ।।
ப⁴ர்தா ஶ்ரேஷ்ட²: புரோ க³ந்தா ஹ்யந்நாதோ³(அ)தி⁴பதிஸ்ததா² ।।
இத்யாதி³கு³ணவித்⁴யர்த²ம் பரோ க்³ரந்தோ²(அ)வதார்யதே ।। 246 ।।

அயம் கு³ணவிதி⁴ர்ஜ்ஞேய: ப்ரத்யேகம் தத்ப²லஶ்ருதே: ।। 247 ।।
ஜக்³த⁴மந்நம் யதோ தே³ஹலிங்க³பா⁴வேந யாதி ந: ।।
பரிணாமம் வ்ரஜத்தஸ்மாதே³தாவதி³தி ப⁴ண்யதே ।। 248 ।।

த்வயைஷா(அ)(அ)த்மார்த²மாகீ³தே த்வய்யேவாந்நமதோ(அ)கி²லம் ।।
வயம் சாந்நம்ருதே ஸ்தா²தும் நாலம் க்ஷணமபீஶ்சர ।। 249 ।।

ஸதர்ப்யாத: ஸ்வமாத்மாநமந்நேநாஸ்மாநபீஶ்வர ।।
ஆபா⁴ஜயஸ்வ க்ஷுதி⁴தாம்ஶ்சா²ந்த³ஸத்வாண்ணிசோ(அ)ஶ்ரவ: ।। 250 ।।

மாம்ருதே(அ)ந்நம் ந வ: ஶக்தம் போஷ்டும் க்ஷணமபி க்வசித் ।।
அந்நார்தி²நோ(அ)தோ மாம் ஸர்வே(அ)ப்யபி⁴ஸம்விஶதா(அ)(அ)ஶுவை ।। 251 ।।

தேநைதா தே³வதா: ஸர்வாஸ்த்ருப்யந்த்யந்நேந ஸர்வஶ: ।।
இத்யர்த²ஸ்ய குத: ஸித்³தி⁴ரிதி சேது³ச்யதே யத: ।। 252 ।।

த்ரிதா⁴ ஜக்³த⁴ம் ப⁴வத்யந்நம் பரிணாமவிஶேஷத: ।।
ஸ்த²வீயாந்மத்⁴யமோ(அ)ணீயாநித்யேவம் காலதோ(அ)க்³நித: ।। 253 ।।

ஸ்த²வீயாந்யாத்யதோ⁴பா⁴கோ³ ரஸாதி³க்ரமஶோ(அ)பர: ।।
ஸ்தூ²லம் ஹ்யுபசிநோதீமம் குட்³யம் ம்ருத்ஸ்நேவ ஸர்வதா³ ।। 254 ।।

யஸ்த்வணீயாந்நஸ: ஸூக்ஷ்ம: ஸ ஊர்க³ம்ருதமுச்யதே ।।
நாடீ³: ஸூக்ஷ்மா: ப்ரவிஶ்யாஸௌ தே³வதா: ப்ரீணயத்யத² ।। 255 ।।

ஸ்வாம்யர்த² ஏவ சோத்தம்ப⁴ஸ்த்ருப்திராபூர உச்யதே ।।
ததஸ்து யா ஸுகோ²த்³பூ⁴திர்விஜ்ஞாநாத்மந ஏவ மா ।। 256 ।।

தா ஏதா தே³வதா: ஸப்தத³ஶ ஜ்ஞாநக்ரியாத்மிகா: ।।
ஸோ(அ)யம் ஸப்தத³ஶக்³ராமோ போ⁴க்து: கரணலக்ஷண: ।। 257 ।।

பு³த்³தீ⁴ந்த்³ரியாணி பஞ்சைவ ததா² கர்மேந்த்³ரியாண்யபி ।।
வாயவ: பஞ்ச பு³த்³தி⁴ஶ்ச மந: ஸப்தத³ஶம் விது³: ।। 258 ।।

அபாஸ்தாத்⁴யாத்மரூபாணாம் தே³வதாநாம் ஸமாஶ்ரயா: ।।
பூ⁴தபஞ்சகமேவேத³ம் ஸாதா⁴ரண்யாத்³ப⁴வேத்ஸதா³ ।। 259 ।।

பயோம்போ⁴வதி³த³ம் லிங்க³ம் நாநாரூபை: ஸமந்விதம் ।।
ஆவிர்பா⁴வதிரோபா⁴வை: காரணாத்மநி வர்ததே ।। 260 ।।

கூடஸ்த²போ³த⁴தந்மோஹசிதா³பா⁴ஸைகமாத்ரயா ।।
ஜாக்³ரத்ஸ்வப்நாவயம் பீத்வா ஹ்யாஸ்தே ப்ராணாத்மநாம் ப்ரபு⁴: ।। 231 ।।

அபாஸ்தாஶேஷபா³ஹ்யார்த²ஸ்தஜ்ஜவாஸநயா(அ)ஞ்சித: ।।
அத்⁴வஸ்தப்ரத்யக³ஜ்ஞாநோ விரிஞ்ச: பர உச்யதே ।। 262 ।।

ஜாக்³ரத்காலே விஸேஷேண ஸ்தி²த்வா ஹ்ருத³யஸத்³மநி।।
த்³வாஸப்ததிஸஹஸ்ராணி நாடீ³ர்வ்யாப்யாவதிஷ்ட²தே ।। 263 ।।

ஸ ஏஷ பரமாத்மைவ ஸ்வாத்மமோஹஸஹாயவாந் ।।
ப்ராணாத்மநா கரோத்யேஷ பஶ்யத்யக்³ந்யாத்மநா ததா² ।। 264 ।।

இந்த்³ராக்³நீ தாவிமாவுக்தௌ ப்ராண இந்த்³ரஸ்தயோர்மத: ।।
ப்ரகாஶகத்வாத்³வாக³க்³நிரேவமேக: ப்ரஜாபதி: ।। 265 ।।

அத்ர்ராத்³யபே⁴த³தோ த்³வௌ வா யதி³ வா(அ)த்⁴யர்த⁴ உச்யதே ।।
யதி³ வா(அ)யம் யத்ரஸ்ரிஶத்³த்³வாஸப்ததிரதா²பி வா ।। 266 ।।

அநந்தபே⁴த³பி⁴ந்நோ வா ஏக ஏவாந உச்யதே ।।
ஸர்வோ(அ)ப்யேஷ விகல்பஶ்ச புநரேகைகஶஸ்ததா² ।। 267 ।।

தே³வாஸுராதி³பே⁴தே³ந ஜாதிரூபக்ரியாகு³ணை: ।।
ஏகைகோ(அ)நந்ததாம் யாதி புநரேகாத்மதாமத: ।। 268 ।।

ஸமஸ்தவ்யஸ்ததைவேஹ ப்ரத்யக³ஜ்ஞாநபூ⁴மிகா ।।
ந த்வபாஸ்தஸமஸ்தாந்த⁴அயே நேதி நேதி பராத்மநி ।। 239 ।।

ஸர்வேணைவ விகல்பேந யதோ²க்தேநாவதிஷ்ட²தே ।।
யதா²தி⁴காரம் ஸர்வத்ர பரோ ஜக³தி ஸர்வதா² ।। 270 ।।

ந ஹி க்ருத்ஸ்நமநாதா³ய ஜக³தே³தந்மநாக³பி ।।
க்ரியாயை காரகம் கிம்சித்தஸ்மாத்ஸர்வாத்மநேஹதே ।। 271 ।।

காரணாத்மா ஜக³த்க்ருத்ஸ்நம் ஶ்ரௌதத³ர்ஶநஸாத⁴ந: ।।
யத: ப்ராக³கரோத்கர்ம தத்கார்யே(அ)பி ததா² தத: ।। 272 ।।

ஏகாபூர்வப்ரயுக்தத்வாத்ஸமஸ்தவ்யஸ்தரூபிணாம் ।।
ஸர்வ: ஸர்வமுபாதா³ய ஸர்வத்ராத: ப்ரவர்ததே ।। 273 ।।

அத்⁴யாத்மாத்³யதி⁴பூ⁴தாதி⁴தை³வதம் ஸர்வதா³(அ)கி²லம் ।।
ஸர்வம் ஸர்வக்ரியா: குர்யாதே³காபூர்வப்ரயுக்தித: ।। 274 ।।

யத: ப்ரஜாபதி: பூர்வமேதஸ்மிந்த³ர்ஶநே ஸ்தி²த: ।।
யஜ்ஞேந கர்மணா(அ)ஸ்ராக்ஷீஜ்ஜக³தே³தச்சராசரம் ।। 275 ।।

நாட்³யோ(அ)ஸ்ய ரஶ்மயோ(அ)நந்தா ஹ்ருத³யம் மண்ட³லம் ரவே: ।।
அஹோராத்ராணி தாவச்ச ஶதஸம்வத்ஸராயுஷ: ।। 276 ।।

ஏதயா ஸம்பதா³ பூர்வம் யஜமாநேந தத்³விதா³ ।।
அக்³நயோ(அ)ர்காஶ்சிதா ஆஸந்ஷத்³வ த்ரிம்ஶத்ஸஹஸ்ரஶ: ।। 277 ।।

ஏகைகஸ்மிந்பரிஸ்பந்த³ ஏவம் ஸர்வா(அ)பி தே³வதா ।।
ஏகா சாநேகரூபா ச ஹ்யத்⁴யாத்மாதி³விபா⁴க³த: ।। 278 ।।

விப்⁴வீ ஸர்வக³தா(அ)நந்தா ஸமாப்தா ச ப்ரதிக்ரியம் ।।
ப்ரதித்³ரவ்யப²லம் க்ருத்ஸ்நா க²ண்டா³தௌ³ கோ³த்வவத்ஸ்தி²தா ।। 279 ।।

ஏஷ ப்ரஜாபதேருக்தோ மஹிமா தத்³வதே³வ து ।।
யஜமாநோ(அ)பி தாதா³த்ம்யாத்ததை²வ ப⁴வதி த்⁴ருவம் ।। 280 ।।

கு³ணோபாஸ்திப²லோக்த்யர்த²மேவம் ஹேதி ஶ்ருதி: பரா।।
யதோ²க்தார்த²முபாஸீநம் ப்ரதி ப்ரவவ்ருதே(அ)து⁴நா ।। 281 ।।

வாகா³த³யோ(அ)பி⁴ஸம்விஷ்டா ஜீவநார்த²மநம் யதா² ।।
ஜ்ஞாதயோ(அ)பி⁴விஶந்த்யேவம் தத்³வித³ம் ஜீவநார்தி²ந: ।। 282 ।।

ப⁴ர்தா ச ஸம்நிவிஷ்டாநாம் ஶ்ரேஷ்ட²ஶ்ச கு³ணதோ ப⁴வேத் ।।
யதோ²க்தகு³ணவைப²ல்யம் புர ஏதா ந சேத்³ப⁴வேத் ।। 283 ।।

ஸர்வமேதத்³வ்ருதை²வ ஸ்யாந்ந சேத்³தீ³ப்தாக்³நிமாந்ப⁴வேத் ।।
அந்நாத³ இத்யதோ வக்தி ஸாப²ல்யப்ரதிபத்தயே ।। 284 ।।

த்³விஷத்ஸு ஸ்வேஷு ச ந சேதா³தி⁴பத்யம் ததா²(அ)பி ச ।।
ப்ரோக்தவைப²ல்யமாஶங்க்ய ஹ்யாஹாதி⁴பதிதாம் ப²லம் ।। 285 ।।

ப்ராண ஆத்மேத்யுபாஸீநோ யதோ²க்தம் ப²லமஶ்நுதே ।।
தஜ்ஜ்ஞாதயோ(அ)பி ப²லிநோ யதா² வாகா³த³யஸ்ததா² ।। 286 ।।

ப்ராணஸம்ஸ்பர்தி⁴நோ யத்³வத்³விநேஶுரஸுராஸ்ததா² ।।
ப்ராணவித்³வித்³விஷ: ஸர்வே நாலம் பா⁴ர்யேப்⁴ய ஏவ ச ।। 287 ।।

உத்³பு³பூ⁴ஷதி யோ த்³வேஷாத்ஸ்வேஷு ப்ராணவித³ம் ப்ரதி ।।
ப்ரதிஸ்பர்தீ⁴ ந ஸோ(அ)லம் ஸ்யாத்³ப⁴ரணாய கத²ம்சந ।। 288 ।।

நாஸௌ ஶ்ரேஷ்ட²: புரோக³ந்தா நாந்நாதோ³(அ)ஸுரவத்³ப⁴வேத் ।।
ந ச ஜ்ஞாதிஷ்வதி⁴பதி: ஸ்பர்த⁴மாநோ(அ)நவேதி³நா ।। 289 ।।

ஸோ(அ)க்³ராஸ்யாங்கி³ரஸ: ப்ரோக்தஸ்தத்ராயாஸ்யோ யதா² ததா² ।।
நிர்ணீத: ப்ராக³தே²தா³நீமாங்கி³ரஸ்த்வவிநிர்ணய: ।। 290 ।।

பூர்வோக்தஸ்யாநுவாதோ³(அ)யம் ஸோ(அ)யாஸ்யேத்யாத்³யுபக்ரம: ।।
ஶ்ருத்யா(அ)(அ)ங்கி³ரஸ்த்வஸித்³த்⁴யர்த²முச்யதே ந்யாயபூர்வகம் ।। 291 ।।

ஸித்³தோ⁴(அ)ங்கா³நாம் ரஸ: ப்ராண: ப்ராணோ(அ)ங்கா³நாம் ரஸ: கத²ம் ।।
ஹீதி ஹேதாவத: ப்ராஹ தத்³வ்யாக்²யாநாய சோத்தர: ।। 292 ।।

யஸ்மாத்கஸ்மாச்சித³ங்கா³த்³தி⁴ ப்ராண உத்க்ராமதீஹ நு: ।।
நீரஸம் மத்ததே³வாங்க³மாஶு ஶுஷ்யதி தத்ர ச ।। 293 ।।

யத ஏவமித³ம் த்³ருஷ்டமந்வயவ்யதிரேக: ।।
தஸ்மாதா³ங்கி³ரஸ: ப்ராணோ ஜ்ஞேய ஆத்மேதி பண்டி³தை: ।। 294 ।।

கார்யஸ்ய ரூபபூ⁴தஸ்ய கர்மண: கரணஸ்ய ச ।।
ந கேவலம் ப்ராண ஆத்மா நாம்நோ(அ)ப்யாத்மேதி ப⁴ண்யதே ।। 295 ।।

ஏவம் ஸர்வாத்மகத்வேந ஸ்துவந்ப்ராணம் ப்ரயத்நத: ।।
ஆத³ரம் குருதே ஶாஸ்ரமுபாஸ்யத்வாய தே³ஹிநாம் ।। 296 ।।

ப்³ருஹஸ்பத்யாதி³பி⁴ர்த⁴ர்மைரஸோரந்யது³பாஸநம் ।।
விஶிஷ்டமபி⁴தி⁴த்ஸ்வாஹ ஶாஸ்ரம் பூர்வவதே³வ ச ।। 297 ।।

வாக்³வ்யாப்ருததமா த்³ருஷ்டா யத உத்³கீ³த²கர்மணி ।।
தே³வதா ஸைவ ந ப்ராண இத்யாஶங்க்யேத³முச்யதே ।। 298 ।।

கௌஷ்ட்²யாக்³நிப்ரேரிதோ வாயுர்நாநாஸ்தா²நஸமாஹத: ।।
வர்ணதாமேதி யேநாத: ப்ராண ஏவ ப்³ருஹஸ்பதி: ।। 299 ।।

யஜுர்ப்³ரஹ்மேதி ஶ்ரவணாத³ந்தே ஸாம்நோ க்³ரஹாத³பி ।।
ருக்³யஜு:ஸாமநிர்தே³ஶ: க்ரமேணேதி ப்ரதீயதே ।। 300 ।।

ஸேதி வாசோ(அ)பி⁴தா⁴நம் ஸ்யாத³ம: ப்ராணாபி⁴தா⁴ ததா² ।।
ஸாமோப⁴யம் ஸமுதி³தம் கு³ணப்ராதா⁴ந்யரூபத: ।। 301 ।।

ஏகார்த²வ்ருத்திதா யஸ்மாத்தேநைகவசநம் க்ருதம் ।।
ஶப்³த³யோ: ஸாமயோஸ்தஸ்மாத்ப்ராண: ஸாமாபி⁴தீ⁴யதே ।। 302 ।।

இதரஸ்யாபி ஸாமத்வம் ப்ராணநிர்வர்த்யதோ மதம் ।।
ப்ராண ஏவ தத: ஸாம யுக்தோ வாகு³பஸர்ஜந: ।। 303 ।।

நி:ஶேஷபூ⁴தஸாம்யாத்³வா ஸாம ப்ராணோ(அ)பி⁴தீ⁴யதே ।।
ப்ரத்யக³ஜ்ஞாநஹேதுத்வாத்தஜ்ஜஸ்ய(அ)(அ)நந்த்யமுச்யதே ।। 304 ।।

அதிஸூக்ஷ்மஶரீரா ஹி புத்திகா ப்லஷிருச்யதே ।।
புத்திகாதி³ஶரீரேண ஸம: ப்ராணஸ்ததா³ஶ்ரயாத் ।। 305 ।।

மஶகேப⁴விராஇதே³ஹை: ஸம: ப்ராணோ யதோ²தி³த: ।।
ததா² ஹைரண்யக³ர்பே⁴ண லிங்கா³த்மா ஸம ஏவ து ।। 306 ।।

வாய்வாத்மநி ஸமாப்தத்வாத்கரணாநாமஶேஷத: ।।
ஸர்வதே³ஹஸமத்வம் ஸ்யாத்ப்ராணிகர்மாநுரூபத: ।। 307 ।।

ப்ரதிப்ராணிபரிச்சே²தோ³ ஜ்ஞாநகர்மாநுரோத⁴த: ।।
த⁴ர்மாத⁴ர்மாநபேக்ஷ: ஸந்நாநந்த்யேநாவதிஷ்ட²தே ।। 308 ।।

ஸாம்ந ஆப்நோதி ஸாயுஜ்யமைகாத்ம்யம் ப்ராணரூபதாம் ।।
ஸமாநலோகதா(அ)நேந ஸாலோக்யமிதி ஶப்³த்³யதே ।। 309 ।।

விகல்பாஸம்ஶ்ரவாத்³வித்³வாநஶ்நுதே(அ)த: ப²லத்³வயம் ।।
வைசித்ர்யாத்³பா⁴வநாதே³ர்வா த்ரிவித⁴ம் ப²லமுச்யதே ।। 310 ।।

பூ⁴யோல்பீய: ப²லத்வம் சேத்துல்யஸாத⁴நயோர்ந தத் ।।
யோகை³ஶ்வர்யாத்ஸமா ஸித்³தி⁴: காலாதே³ரீஶ்வராத்³யத: ।। 311 ।।

ஏகமேவ ஜக³த்³வீஜமீஶாபி⁴ப்ராயஹேதுத: ।।
பூ⁴ரிநாநாப்ரபே⁴தே³ந ப்ரத்யாத்மம் வ்யவதிஷ்ட²தே ।। 312 ।।

குர்யாந்மேராவணுதி⁴யமணௌ மேருதி⁴யம் ததா² ।।
ஸர்வத்ராப்ரதிதா⁴த்யேவ ப்ரத்யக³ஜ்ஞோ மஹேஶ்வர: ।। 313 ।।

அதத்த்வஜ்ஞஸ்ய தமஸோ ரஜ்ஜ்வஜ்ஞாநோரகா³தி³வத் ।।
அஷ்டாவஸ்தா²ப்ரபே⁴தே³ந மித்²யாஜ்ஞாநம் ப்ரஜாயதே ।। 314 ।।

ப்ரத்யக³ஜ்ஞாநவித்⁴வஸ்தௌ ரஜ்ஜ்வஜ்ஞாநஹதாவிவ ।।
தத்கல்பிதநிவ்ருத்தி: ஸ்யாத³ஷ்டாவஸ்த²ஸ்ய போ³த⁴த: ।। 315 ।।

அநாத்மவஸ்து ஸகலம் ப்ரத்யக³ஜ்ஞாம்நஹேதுஜம் ।।
யதா² ததோ²த்தரத்ராபி யுக்திபி⁴ஶ்சாபி⁴தா⁴ஸ்யதே ।। 316 ।।

ஔத்³கா³த்ரமேவ சோத்³கீ³தோ² ப⁴க்திர்வா காசிதி³ஷ்யதாம் ।।
ப்ரஸித்³தே⁴ரிதி சேந்மைவமுத்³கீ³தோ² ஹ்யஸுரேவ து ।। 317 ।।

உபஸர்க³ உதி³த்யேப ஸ சாத்யந்தக்ரியாஶ்ரித: ।।
ஸம்யோஜ்ய க்ரியயா(அ)தஸ்தம் வ்யாசஷ்டே ஶ்ருதிரஞ்ஜஸா ।। 318 ।।

உத்தப்³த⁴ம் வித்⁴ருதம் யஸ்மாத்ப்ராணேந ஜக³தி³த்வரம் ।।
உத்ப்ராணோ(அ)த: ப்ரஸித்³த⁴ஸ்து கு³ணாது³த்³கீ³த² உச்யதே ।। 319 ।।

அநயா கீ³யதே யஸ்மாத்³கீ³தா² வாக்தேந ப⁴ண்யதே ।।
உச்ச கீ³தா² ச தத்³யோகா³து³த்³கீ³த² இதி ஶப்³த்³யதே ।। 320 ।।

உத்³கா³தா நைமிஷீயாணாமயாஸ்யோபாஸநாத³பூ⁴த் ।।
அயாஸ்யநாமா ஸோ(அ)கா³யத்³வாசா ப்ராணப்ரதா⁴நயா ।। 321 ।।

ப்³ருஹஸ்பத்யாதி³பி⁴ர்த⁴ர்மைருபாஸ்யாநமநோ ப⁴வேத் ।।
பா⁴வநோத்கர்ஷதோ(அ)தோ(அ)யம் விசாரஸ்தம் ப்ரதீஷ்யதே ।। 322 ।।

ஹ்ருத³யேநாபி⁴ஸம்ப³ந்தா⁴த்³தே³வதா(அ)த்ர ப்ரஜாபதி: ।।
Line 2 miss ।। 323 ।।

வாகீ³ஶ்வரத்வாதி³ந்த்³ரோ வா யதி³ வா வர்ணதே³வதா ।।
பத³வாக்யஸ்வரஸ்தா²நநாதா³தி³விஷயா(அ)பி வா ।। 324 ।।

ஏவம் விப்ரதிபந்நேபு நாநாவாதி³ஷு நிஶ்சித:।।
ப்ராணப்ரதா⁴நயா வாசா ஹ்யயாஸ்யோ(அ)கா³யதி³த்யத: ।।
ப்³ரஹ்மத³த்தஶ்சகாரோச்சை: ஶபத²ம் வாதி³ந: ப்ரதி ।। 325 ।।

யதி³தோ(அ)நப்ரதா⁴நாயா வாசோ ஹ்யந்யேந கேநசித் ।।
தே³வாந்தரேண ஸோ(அ)கா³யத³யாஸ்ய: ப்ராணவிக்³ரஹ: ।। 326 ।।

ஸர்வப்ரமாணபூ⁴தோ(அ)பூ⁴து³த்³கா³தா ஸத்ரிணாம் புரா ।।
விஸம்வாத³ஸ்த்வபூ⁴த்தேஷாமுத்³தி³ஶ்யோத்³கீ³த²தே³வதாம் ।। 327 ।।

உத்³கா³தா நைமிஷீயாணாம் மத³ப்⁴யுபக³தாத்³யதி³ ।।
ப்ராணவாக்³த்³வயதோ(அ)ந்யேந தே³வேநாஸௌ ப்ரயத்நவாந் ।। 328 ।।

உத³கா³யத்ததா³ ஸோமோ ப⁴க்ஷ்யமாண: ஶிரோ மம ।।
மித்²யாபி⁴வாதி³ந: ஸாக்ஷாத்³விபாதயது ஸத்வர: ।। 329 ।।

ஶ்ருதி: ஸமர்த²யாமாஸ வாசேதி ஶபத²க்ரியாம் ।।
ஶபத²ஸ்யாபி மாநத்வமஸ்மாதே³வ து காரணாத் ।। 330 ।।

வாச: ப்ராணஸ்ய ச யத உத்³கீ³தே² வ்யாப்ருதி: ஸ்பு²டா ।।
ப்ராதா⁴ந்யேந தத³ந்யேஷாம் ந ததா² லக்ஷ்யதே ஸதா³ ।। 331 ।।

ஆக்ருத்யர்தா²பி⁴ஸம்ப³ந்தா⁴த³பி⁴தா⁴நஸ்ய ந ஶ்ருதே: ।।
ப்³ரஹ்மத³த்தாபி⁴ஸம்ப³ந்தா⁴த³நித்யத்வம் ப்ரஸஜ்யதே ।। 332 ।।

உத்³கீ³த²தே³வதாமேவம் பரீக்ஷ்யாதா²து⁴நா ஶ்ருதி: ।।
ஸ்வாதி³த⁴ர்மாபி⁴ஸம்ப³ந்த⁴ம் ப்ரசக்ராம ப்ரபா⁴ஷிதம் ।। 333 ।।

யாஜமாநமித³ம் ஜ்ஞாநம் ஸ்வாதே³: ப்ராக்³யத்ஸமீரிதம் ।।
பஞ்சமாத்³யுக்தித்³ருஷ்ட்யா(அ)ஸ்ய ஹ்யேகவாக்யத்வஹேதுத: ।। 334 ।।

ஸ்வஸுவர்ணப்ரதிஷ்டா²தீ⁴ருத்³கா³துரிதி க³ம்யதே ।।
ருத்விங்நாமாபி⁴ஸம்ப³ந்தா⁴ந்ந த்வஸௌ யஜமாநகா³ ।। 335 ।।

ஏஷ ஏவம்விது³த்³கா³தேத்யமுதோ லிங்க³தோ ப⁴வேத் ।।
உத்³கா³துரபி விஜ்ஞாநம் த்³ருஷ்டார்த²த்வாச்ச காரணாத் ।। 336 ।।

கர்த்ராஶ்ரிதம் ஸ்வம் விஜ்ஞேயம் மாது⁴ர்யாதீ³ஹ ஸாமநி ।।
யதஸ்தத்³த⁴நவத்தஸ்மாத்ஸ்வரார்த²ம் யத்நமாசரேத் ।। 337 ।।

த⁴நவந்தம் யதா² யத்நாத்³தி³த்³ருக்ஷந்தீஹ ஸம்க⁴ஶ: ।।
ததா² யத்நாத்ஸமீக்ஷந்தே ஸ்வரஸம்பத்ஸமந்விதம் ।। 338 ।।

பா³ஹ்யவித்தேந ஸம்ப³ந்த⁴முக்த்வா(அ)தா²ந்தர்த⁴நாத்மநா ।।
ஸம்ப³ந்த⁴ம் வக்துகாமேயம் ப்ரசக்ராமோத்தரா ஶ்ருதி: ।। 339 ।।

பா³ஹ்யோ(அ)ஸ்ய த⁴ர்ம: ஸௌஸ்வர்யம் ஸௌவர்ண்யம் த்வாந்தரம் த⁴நம் ।।
தத³ந்தரதமோ(அ)நஸ்ய ப்ரதிஷ்டா²கு³ண உச்யதே ।। 340 ।।

ஜிஹ்வாமூலீயகாதீ³நி ஹ்யஷ்டௌ ஸ்தா²நாநி வாகி³ஹ ।।
கா³நப்ரதிஷ்டா²ஹேதுத்வாத்³தீ⁴தி ஹேதுவசஸ்ததா² ।। 341 ।।

அந்நப்ரதிஷ்ட²மாகா³நமேக ஆஹுர்விபாஶ்சித: ।।
அநிஷேதா⁴த்³தூ³யோரேகா ப்ரதிஷ்டே²ஹாவஸீயதாம் ।। 342 ।।

அந்நஸ்ய பரிணாமே(அ)ந: ஸ்தி²தோ கீ³தித்வமேதி ஹி ।।
அநப்ரதிஷ்டா² தே³ஹோ(அ)த: ஶ்ருத்யேஹ ப்ரதிபாத்³யதே ।। 343 ।।

உபாஸநம் விகல்பேந வாக³ந்நாஸ்வ்யப்ரதிஷ்ட²யோ: ।।
வாக்ப்ரதிஷ்ட²முபாஸீத யதி³ வா(அ)ந்நப்ரதிஷ்டி²தம் ।। 344 ।।

யத³ர்த²மதியத்நேந மஹிமா(அ)நஸ்ய கீர்தித: ।।
அப்⁴யாரோஹஜப: ஸோ(அ)த² ப்ராப்தாவஸர உச்யதே ।। 345 ।।

யதோ²க்தஜ்ஞாநவத்தாயாமித³ம் கர்ம விதி⁴த்ஸ்யதே ।।
கார்த்ஸ்ந்யேந தஸ்ய சோக்தத்வாத³தஸ்தத³பி⁴தீ⁴யதே ।। 346 ।।

ஏவம் வித்³வத்ப்ரயோஜ்யத்வாத³த ஏவ ந ஸூத்ரிதம் ।।
நித்யகர்மேவ ஸூத்ரேஷு தேந வித்³வத்ப்ரயோஜ்யதா ।। 347 ।।

உத்³கீ³த²லிங்க³ஸம்யோகா³த்³கா³நமாத்ரே(அ)ஸ்ய ஶக்தித: ।।
நியமோ(அ)ஸ்யைவகாரேண பவமாநேஷு கத்²யதே ।। 348 ।।

ததோ(அ)பி காலஸம்கோசம் ஸ வா இத்யாதி³நா(அ)நத³த் ।।
ப்ரஸ்தோதா ப்ரஸ்துயாத்³யத்ர ததை³தாநி ஜபேதி³தி ।। 349 ।।

ஏதாநீதி ச நிர்தே³ஶாத்³யஜூம்ஷீத்யவக³ம்யதே ।।
ஶ்ருதாவேவ ச த்³ருஷ்டத்வாத்ஸ்வர: ஶாதபதோ² ஜபே ।। 350 ।।

ஜபகர்மாபி⁴தா⁴ சேயமப்⁴யாரோஹ இதீஷ்யதே ।।
யோகி³கீ சாபி⁴தா⁴ ஜ்ஞேயா க்ரியாயோக³ஸ்ய ஸம்ப⁴வாத் ।। 351 ।।

ஹித்வா(அ)த்⁴யாத்மபரிச்சே²த³ம் தை³வம் வீஜமத: பரம் ।।
அப்⁴யாரோஹத்யநேநாதோ ஹ்யப்⁴யாரோஹோ ஜப: ஸ்ம்ருத: ।। 352 ।।

திரோஹிதார்த²ரூபத்வாந்மந்த்ராணாம் ந ந்ருதீ⁴க³தி: ।।
மந்த்ரார்த²ம் ஸ்வயமேவாதோ வ்யாசஷ்டே ஶ்ருதிரஞ்ஜஸா ।। 353 ।।

பூர்வம் பதா³ர்தா²ந்வ்யாக்²யாய பஶ்சாத்³வாக்யார்த²மவ்ரவீத் ।।
ப²லம் பஶ்சாத்³யதோ²க்தஸ்யேத்யேஷ வ்யாக்²யாக்ரம: ஶ்ருதே: ।। 354 ।।

யத்ஸ்யாத்ஸ்வாபா⁴விகம் ஜ்ஞாநம் யச்ச கர்ம ஸ்வபா⁴வஜம் ।।
தத³த⁴:பாதஹேதுத்வாந்மந்த்ரே(அ)ஸதி³தி ப⁴ண்யதே ।। 355 ।।

ஸத்³தே³வபா⁴வஹேதுத்வாச்சா²ஸ்ரீயே ஜ்ஞாநகர்மணீ ।।
ஸத்பதே³நாபி⁴தீ⁴யேதே மந்த்ரே(அ)ஸ்மிந்ப்ராக்³யதோ²தி³தே ।। 356 ।।

அஸந்ம்ருத்யுஸ்தயோர்ஜ்ஞேய: பூர்வயோர்ம்ருத்யுஹேதுத: ।।
அம்ருதம் ம்ருத்யுகா⁴தித்வாச்சா²ஸ்ரீயே ஜ்ஞாநகர்மணீ ।। 357 ।।

ஆஸுரஜ்ஞாநகர்மப்⁴யாம் மாம் வ்யுத்தா²ப்யாத² தஜ்ஜிதே: ।।
க³மயா(அ)(அ)ஶு ததோ தை³வே ஶாஸ்ரீயே ஜ்ஞாநகர்மணீ ।। 358 ।।

மந்த்ரார்தே² யத்நமாஹாத² ஹ்யம்ருதம் மாமிதி ஶ்ருதி: ।।
த்³விதீயமந்த்ராநூக்தி: ஸ்யாத்தமஸோ மேத்யுதீ³ரணம் ।। 359 ।।

ஆபேக்ஷிகத்வாந்ம்ருத்யு: ஸ்யாச்சா²ஸ்ரீயே ஜ்ஞாநகர்மணீ ।।
ஸ்வார்த²ம் ப²லமபேக்ஷ்யைதே பரார்த²த்வாத்தமோ மதே ।। 360 ।।

ஸாத⁴நாத்தமஸோ மாம் த்வம் ஜ்யோதி: ஸாத்⁴யம் நாயம்ருதம் ।।
ப²லாப்த்யைவ தமோத்⁴வம்ஸாத³ம்ருதம் மேத்யதோ(அ)வத³த் ।। 361 ।।

பூர்வயோர்மந்த்ரயோர்யோ(அ)ர்தோ² விஸ்தரேணோதி³த: புந: ।।
மந்த்ரேண ஸ த்ருதீயேந ஸம்க்ஷேபேணாபி⁴தீ⁴யதே ।। 362 ।।

ப்ரஸங்க³முத்தரே மந்த்ரே பூர்வயோரிவ வீக்ஷ்ய ஹி ।।
திரோஹிதார்த²தாமாஹ நாத்ரேத்யாதி³வச: ஶ்ருதி: ।। 363 ।।

யதா²ப்ரார்தி²தமாகா³ய யாஜமாநம் ப²லம் பரம் ।।
த்ரிஷ்வேவ பவமாநேஷு யதா² வாகா³தி³பி⁴: புரா ।। 364 ।।

அத² யாநீதராணீதி ஹ்யுத்³கா³தா(அ)ந்நாத்³யமாத்மநே ।।
ஆகா³யேத்³வசநாத்கர்து: காமயோகோ³(அ)பி க³ம்யதே ।। 365 ।।

கஸ்மாதா³த்மந ஆகா³யேதி³தி ஹேதுரிஹோச்யதே ।।
யஸ்மாத்ஸ ஏஷ ஏவம்விது³த்³கா³தா(அ)தோ(அ)ந ஏவ ஸ: ।। 366 ।।

அதோ(அ)லமாத்மநே காமாநாகா³தும் ஸ்வாமிநே ததா² ।।
யஸ்மாதீ³ஶ்வர உத்³கா³தா காமாவாப்தாவத: ஶுப⁴ம் ।। 367 ।।

தஸ்மாத்தேஷு வரம் காமம் யஜமாநோ யதா²ருசி ।।
நவஸூத்³கீ³யமாநேஷு தம் வ்ருணீதாவிசாரயந் ।। 368 ।।
ப்ரயோகா³நுக³மே சைதத்³த³ர்ஶநம் யேந சோத்³யதே ।। 369 ।।

தஸ்மாத்ஸ்யாத்³தே³வதாவாப்திர்ஜ்ஞாநகர்மஸமுச்சயாத் ।।
தஸ்மாந்ந காசிதா³ஶங்கா கர்மிணம் ப்ரதி வித்³யதே ।। 370 ।।

கர்மஹீநே(அ)பி விது³ஷி ஸ்யாந்ந வேத்யதிஶங்க்யதே ।।
ததா³ஶங்காபநுத்த்யர்த²ம் தத்³தை⁴ததி³தி ஹி ஶ்ருதி: ।। 371 ।।

இஹைவ தே³வபூ⁴தத்வாதா³ஶங்கா கிம்நிப³ந்த⁴நா ।।
ஜபகர்மாநவோதா⁴ப்⁴யாம் லோகப்ராப்தௌ ஹி ஶங்க்யதே ।।
ஜ்ஞாநாதே³வ ப⁴வேந்நேதி தத்³தை⁴ததி³தி ஹி ஶ்ருதி: ।। 372 ।।

ஜீவதோ தே³வபூ⁴தஸ்ய பா⁴வநோபசயாத்குத: ।।
தே³வாராப்தௌ ப⁴வேச்ச²ங்கா மநுஷ்யஸ்ய ததா³ப்திவத் ।। 373 ।।

கர்மிணோ(அ)பி ஹி தே³வாப்திர்ஜ்ஞாநாதே³வ ந கர்மண: ।।
ஸமுச்சயாத்து தத்ப்ராப்தாவாக³மாதே³வ நிஶ்சிதி: ।। 374 ।।

தத்³தை⁴தத்ப்ராணவிஜ்ஞாநம் யதா²வ்யாக்²யாதரூபகம் ।।
ப⁴வேல்லோகஜிதே³வேஹ கர்மஶூந்யமபி த்⁴ருவம் ।। 375 ।।

ந ஹைவாலோக்யதாயை நுரஸ்யா(அ)(அ)ஶா(அ)பீஹ வித்³யதே ।।
இஹைவ லோகபூ⁴தத்வாத³ப்ராப்தே(அ)ர்தே² ஹி ஶங்க்யதே ।। 376 ।।

இஹைவா(அ)(அ)ஸுரபா⁴வஸ்ய ப்ராணோ(அ)ஸ்மீத்யபி⁴மாநத: ।।
ப்ரத்⁴வஸ்தத்வாத்குத: ஶங்கா தந்மூலாஸம்ப⁴வாத்³ப⁴வேத் ।। 377 ।।

இத³மத்ர விசிந்த்ய ஸ்யாஜ்ஜ்ஞாநகர்மஸமுச்சயாத் ।।
தே³வபா⁴வ: கிமுத்³கா³துர்யஜமாநஸ்ய வா(அ)த² கிம் ।। 378 ।।

ந ஸமுச்சய உத்³கா³து: கர்மாபா⁴வாதி³ஹேஷ்யதே ।।
பரகர்மப்ரவேஶாத்ஸ்யாது³த்³கா³தா ந ஸ்வகர்மணி ।। 379 ।।

க்ரியாயோகா³ச்ச தந்நாம்நோ ஜ்ஞாநாப்⁴யாஸோ(அ)பி து³ர்லப⁴: ।।
ஸாக்ஷாத்க்ருதிஶ்ச ஸம்தத்யா ஸம்ததிஶ்ச ந வித்³யதே ।। 380 ।।

ந ச தீ⁴ஜந்மமாத்ரேண பரமாத்மப்ரபோ³த⁴வத் ।।
ஸம்பா⁴வ்யோ தே³வபா⁴வோ(அ)ஸ்ய தே³வோ பூ⁴த்வேதி ச ஶ்ருதே: ।। 381 ।।

உத்³க³துர்விது³ஷோ நாபி பரகீயேந கர்மணா ।।
ஸமுச்சயப்ரஸித்³தி⁴: ஸ்யாத்தயோர்பி⁴ந்நாஶ்ரயத்வத: ।। 382 ।।

யஜமாநஸ்ய கர்மாஸ்தி ஜ்ஞாநம் தூத்³கா³த்ருஸம்ஶ்ரயம் ।।
ஸமுச்சயோ(அ)தஸ்தஸ்யாபி பி⁴ந்நாதி⁴ஷ்டா²நதோ ந ச ।। 383 ।।

மதம் தத்³யாஜமாநம் ஸ்யாஜ்ஜ்ஞாநம் யத்ப்ராகு³தீ³ரிதம் ।।
ஸ்வயமேவ க்ருதார்த²த்வாத்கா(அ)பேக்ஷா(அ)ஸ்யர்த்விஜம் ப்ரதி ।। 384 ।।

கர்மண்யுத்³கா³த்ரபேக்ஷாவஜ்ஜ்ஞாநே(அ)பீதி மதம் யதி³ ।।
உத்³கா³துரபி தத்துல்யம் நோத்³கா³தர்தே க்ரியாம் யத: ।। 385 ।।

யாஜமாநம் யதா² கர்ம ஹ்யாஶ்ரித்ய ப²லவத்³ப⁴வேத் ।।
அந்நாத்³யாகா³நமுத்³கா³துஸ்தஜ்ஜ்ஞாநம் தத்³வதா³ஶ்ரிதம் ।। 386 ।।

ஸமுச்சயாச்சேது³ப⁴யோருத்³கா³த்ருயஜமாநயோ: ।।
தே³வபா⁴வ: கிமர்தே²யம் தத்³தை⁴ததி³தி ஹி ஶ்ருதி: ।। 387 ।।

ஸர்வாஶ்ரமாணாம் தர்ஹீத³ம் ஸாமாந்யேநாபி⁴தீ⁴யதே ।।
தத்³தை⁴ததி³தி ஸித்³த⁴த்வாது³த்³கா³த்ருயஜமாநயோ: ।। 388 ।।

தே³வபா⁴வேந விஜ்ஞாநம் ஸம்ஸ்கரோத்யேவ தத்³தி⁴யம் ।।
பரார்த²மபி ஸத்கஸ்மாத³நபேக்ஷம் ந ஸித்³த⁴யே ।। 389 ।।

ஜ்ஞாநகர்மப²லம் சைதத்கர்மகாண்ட³ப்ரசோதி³தம் ।।
ஆத்மைவேத்யாதி³ஶாஸ்ரேண ஸ்ருஷ்ட்யாதௌ³ கர்த்ருதோச்யதே ।। 1 ।।

ஜக³து³த்பத்திஸம்ஹாரஸ்தி²த்யாதௌ³ ஜக³தா³த்மந: ।।
க்ரியாதீ⁴ப²லபூ⁴தஸ்ய ஸ்வாதந்த்ர்யமுபவர்ண்யதே ।। 2 ।।

ஸ்துத்யா(அ)நயா ச வேதோ³க்தக்ரியாஜ்ஞாநஸ்துதிர்ப⁴வேத் ।।
க்ருதா விவக்ஷிதம் த்வத்ர ஸர்வமப்யேததீ³ரிதம் ।। 3 ।।

வைதி³கம் ஸாத⁴நம் ஜ்ஞேயம் ஜ்ஞாநகர்மாத்மகம் புரா ।।
மஹாநர்த²ப²லாயைவ ந மோக்ஷாயேதி நிஶ்சிதி: ।। 4 ।।

வைதி³கம் ஸாத⁴நம் ஸர்வமவித்³யோத்த²த்வகாரணாத் ।।
தீவ்ராநர்த²ப²லாயேதி ப்³ரஹ்மவித்³யாதி⁴காரத: ।।
விவக்ஷிதோ(அ)ர்தோ² யத்நேந தத்³வைராக்³யவிதி⁴த்ஸயா ।। 5 ।।

யதோ(அ)விரக்த: ஸம்ஸாராந்நா(அ)(அ)த்மஜ்ஞாநாய கல்பதே ।।
ததே³ததா³த்மதத்த்வம் ஹி பத³நீயமிதீரணாத் ।। 6 ।।

புத்ராதி³ப்⁴யஸ்ததா² ப்ரேயாநிதி வக்ஷ்யதி ஸாத³ரம் ।। 7 ।।
வேதோ³க்தம் நிகி²லம் பும்ஸ: ஸத்த்வஶுத்³தி⁴ப²லம் ஸ்ம்ருதம் ।।
கர்ம த்⁴யாநாதி³கம் யத்நாச்ச்²ரேயோர்தி²பி⁴ரநுஷ்டி²தம் ।। 8 ।।

ஸம்யக்ஸம்ஶுத்³த⁴தி⁴ஷண: ஸம்ஸாரம் வேத்தி தத்த்வத: ।।
த்³ருஷ்டஸம்ஸாரதத்த்வஶ்ச வைராக்³யம் ஸம்ஸ்ருதேர்வ்ரஜேத் ।। 9 ।।

ஆவிரிஞ்சாத்³விரக்தோ ஹி ஸம்ஸாராந்நிவிவ்ருத்ஸதி ।।
ந சோக்தஜ்ஞாநகர்மப்⁴ய: ஸா நிவ்ருத்தி: ப்ரஸித்⁴யதி ।। 10 ।।

வாஹ்மந:காயகர்மப்⁴யஸ்தத்ஸாத்⁴யகடுகத்வத: ।।
வ்யுத்தா²யாநர்த²நி:ஸாரஸாத⁴நாந்யநுமார்க³தி ।। 11 ।।

நித்யாந்யபி ச கர்மாணி தத்ஸம்ஸ்காரப²லாஶ்ரயாத் ।।
பரித்யஜதி ஸர்வாணி க்ருத்ஸ்நஸம்ஸாரதோ³ஷத்³ருக் ।। 12 ।।

ஸம்ஸாரவஹ்நிஜம் து³:க²ம் ஸம்பா⁴வயதி நா பரம் ।।
பூ⁴யோ து³:க²ம் கிமந்யத்ஸ்யாந்நித்யாநுஷ்டா²நஹாநித: ।। 13 ।।

முக்தேர்பி³ப்⁴யத இத்யாதி³ ததா²ச ஶ்ருதிஶாஸநம் ।।
தந்மூலா ச ஸ்ம்ருதி: ஸாக்ஷாத்³வேதா³நித்யாதி³கா ஸ்பு²டா ।। 14 ।।

அவிஜ்ஞாதம் பரம் தத்த்வம் ஜநிமத்காரணம் ஶ்ருதௌ ।।
ஆந்த்யாத்கார்யாத்ததே³வ ஸ்யாத்ஸர்வகார்யவிஶேஷணம் ।। 15 ।।

தேந தேநா(அ)(அ)த்மகார்யேண ஸ்வாத்மாபா⁴ஸதமோவதி⁴: ।।
விஶிஷ்ட: ஸம்ருஜே விஷ்ணுஸ்தேஜோப³ந்நாதி³ மாயயா ।। 16 ।।

அவித்³யயா(அ)ஸ்ய ஸ்ரஷ்ட்வத்வம் கூடஸ்த²ஸ்யாபி ஸர்வதா³ ।।
யதா²வஸ்துதி⁴ய: ஸூதே: ப்ராங்நித்யம் தேந தந்மதம் ।। 17 ।।

ஜ்ஞாநகர்மாதி³தந்த்ரம் ஸத்ஸூவம் ஜஜ்ஞே ததோ விபோ⁴: ।।
ஜ்ஞாநக்ரியாஶக்திமத்³யத்³யத்ரேத³ம் ஜக³தா³ஹிதம் ।। 18 ।।

விராட³பி ததோ ஜாதஸ்ரைலோக்யாத்மகதே³ஹவாந் ।।
யதோ²க்தஜ்ஞாநகர்மப்⁴யாம் மநோர்ஜந்ம ததோ(அ)பி ச ।। 19 ।।

யா மஹாப்ரலயாத்ஸ்ருஷ்டி: ஸா விரிஞ்சஸ்ய வக்ஷ்யதே ।।
ஆந்தரப்ரலயாத்³யா து விராஜோ(அ)தீ⁴யமுச்யதே ।। 20 ।।

ஸ வை ஶரீரீ ப்ரத²ம: ஸ வை புருஷ உச்யதே ।।
ஆதி³கர்தா ஸ பூ⁴தாநாம் ப்³ரஹ்மா(அ)க்³நே ஸமவர்தத ।। 21 ।।

ப்ரத்யக்³பூ⁴த: பரார்தே²ப்⁴யோ யோ(அ)நந்யாநுப⁴வம் ப்ரதி ।।
ப்ரத²தே ஸ இஹா(அ)(அ)த்மேதி ஜக³த்யஸ்மிந்நிக³த்³யதே ।। 22 ।।

ஆத்மாபா⁴ஸைகஸம்ஸித்³தே⁴ஸ்தத³ஜ்ஞாநஸமுத்³ப⁴வம் ।।
ஆத்மைவ ப⁴ண்யதே மோஹாத்ததா³த்மாவ்யதிரேகத: ।। 23 ।।

ஏவேத்யவத்⁴ருதாவேததா³த்மீயார்த²நிஷேத⁴க்ருத் ।।
மந்வாதி³ ஜந்மந: பூர்வமாத்மைவேத³மபூ⁴ஜ்ஜக³த் ।। 24 ।।

அத்⁴யாத்மாதி³விபா⁴கே³ ஸ்யாதா³த்மாத்மீயாதி³பே⁴த³தீ⁴: ।।
தஸ்மிந்நஸதி ஸா ந ஸ்யாத³பேக்ஷாவிரஹாத்³விபோ⁴: ।। 25 ।।

மிதோ²பாஸ்தவ்யபேக்ஷம் ஹி நாமரூபாதி³மஜ்ஜக³த் ।।
ப்ரத்யஹ்மாத்ரப்ரமாணம் ஸ்யாத்பராஙேவைதி சித்ரதாம் ।। 26 ।।

அபாமார்க³லதேவாயம் விருத்³த⁴ப²லதோ³ ப⁴வ: ।।
ப்ரத்யக்³த்³ருஶாம் விமோக்ஷாய ஸம்ஸாராய பராக்³த்³ருஶாம் ।। 27 ।।

வ்யாக்ருதாவ்யாக்ருதம் விஶ்வம் ப்ரத்யக்ப்ரத்யயமாத்ரகம் ।।
மோஹோத்தா²ஹமிதிஜ்ஞாநாத்³ப⁴யாரத்யாதி³மத்³ப⁴வேத் ।। 28 ।।

அஹம்மமேதிவிஜ்ஞாநம் வித்³யயா த்⁴வம்மிதம் யதா³ ।।
ததா³(அ)த்³வயே த்³ருஶௌ த்³ருஷ்டே ந ப⁴யாதி³ தமோஹதே: ।। 29 ।।

இத³ம் தீ⁴நாமக³ம்யம் யச்சித்ரம் ஸத்ப்ரத²தே ஹிருக் ।।
மந்வாதி³ ஸ்ருஷ்டேஸ்தத்பூர்வமாத்மைவாபூ⁴தி³த³ம் ஜக³த் ।। 30 ।।

ஏதாவத்³வாஸ்தவம் வ்ருத்தம் மோஹோத்த²ம் ப⁴ண்யதே(அ)து⁴நா ।।
கோஶபஞ்சகதாம் யாத: ப்ரத்யக³ஜ்ஞாநதோ யத: ।। 31 ।।

ஸ ஏஷ பரமோ(அ)ப்யாத்மா காமாவித்³யாத்³யுபப்லவாத் ।।
ஸம்வ்ருத்த: புருஷாகார இத்யநுக்ரோஶதீவ ந: ।। 32 ।।

ஆநந்தா³த்³யந்நபர்யந்தாந்காரணேதரரூபிண: ।।
புருஷாதி³ப்ரகாராம்ஸ்தாந்ப்ரத்யக்தத்த்வாநலக்ஷயத் ।।
புருஷவித⁴ இத்யுக்த்யா ஹ்யூர்த்⁴வம் சைவம் ப்ரவக்ஷ்யதே ।। 33 ।।

வாஹ்மந:ப்ராணகோஶாம்ஸ்ரீந்விராட³ந்நமய: ஸ்வயம் ।।
தத்³தே⁴த³மிதி சா(அ)(அ)நந்தோ³ நைவேஹேதி ததோ²ச்யதே ।। 34 ।।

அக்³நிர்மூர்தே⁴தி ச ததா² மந்த்ரேணாபி ப்ரகாஶித: ।।
ஸாமாநாதி⁴கரண்யம் ச தத்³தே⁴த³மிதி யுக்திமத் ।। 35 ।।

ப்ருதி²வ்யாத்³யக்ஷராந்தஶ்ச ப்ரஶ்நோ வாசக்நவஸ்ததா² ।। 36 ।।
ப்ரத்யக்³த்³ருஷ்ட்யநுவித்³தா⁴ஹம்ப்ரத்யயைகப்ரமாணக: ।।
ஸோ(அ)நுவீக்ஷ்யா(அ)(அ)த்மமோஹோத்த²த்³ருஷ்ட்யா(அ)வித்³யோத்த²ரூபகம் ।। 37 ।।

யத³ப்⁴யஸ்தம் புரா(அ)ஸ்யாபூ⁴த³ஹமேவேத³மித்யத³: ।।
த³ர்ஶநம் தத³பேக்ஷ்யாயமநுஶப்³த³: ப்ரயுஜ்யதே ।। 38 ।।

அஹமேவேத³மஸ்மீதி த³ர்ஶநம் யத்ஸுபா⁴விதம் ।।
தத்ப²லம் யத்தத³ந்வீக்ஷ்ய நா(அ)(அ)த்மநோ(அ)ந்யத்³த³த³ர்ஶ ஸ: ।। 39 ।।

தஸ்மாத³ர்தா²ந்தராஸூதேரேகபிண்டா³த்மமாத்ரத: ।।
நாபஶ்யத³பரம் கிம்சித்ஸோ(அ)ஹமித்யப்⁴யதா⁴த³த² ।। 40 ।।

த்ரைலோக்யாத்மகதே³ஹாத்மா நாபஶ்யத³பரம் ப்ருத²க் ।।
பி⁴ந்நார்தா²நபி⁴ஸம்வந்தா⁴த்ப்ரதீச்யேவாஸ்ய தீ⁴ரபூ⁴த் ।। 41 ।।

ஸஶப்³த³ம் த³ர்ஶநம் யாத்³ருக்ப்ராக³ப்⁴யஸ்தம் ததை²வ ஸ: ।।
வ்யாஜஹார ப²லாவஸ்தோ² ஹ்யஹமித்யாத்மவாசகம் ।। 42 ।।

உபாஸநார்த²ம் நாமாஸ்ய தஸ்யோபநிஷதி³த்யத: ।।
அதோ(அ)ஹமித்யநேநைவ ஹ்யாத்மநா(அ)(அ)த்மாநமப்⁴யதா⁴த் ।। 43 ।।

அஹமித்யப்⁴யதா⁴த³க்³ரே யஸ்மாதா³த்மாநமாத்மநா ।।
அஹம்நாமாப⁴வத்தஸ்மாத்³விராடே³ஷ ப்ரஜாபதி: ।। 44 ।।

தத்கார்யகே³ண லிங்கே³ந ஜ்ஞாபயந்காரணாபி⁴தா⁴ம் ।।
தஸ்மாத³பீதி வக்த்யேதாம் ப்ரஸித்³தி⁴ம் லோகஸாக்ஷிகீம் ।। 45 ।।

யதோ²க்தமஹிம: கஸ்மாத்ஸம்வ்ருத்த: புருஷோ விராட் ।।
இதிஹேதூபதே³ஶாய ஸ யதி³த்யாதி³ ப⁴ண்யதே ।। 46 ।।

மிதோ² ஜிகீ³ஷதாம் பும்ஸாம் ஜ்ஞாநகர்மாதி³ஸாத⁴நை: ।।
புரா தே³வாத்மதாம் யோ(அ)கா³த்ப்லுஷ்டாஸ்தேநேதரே ஜிதா: ।। 47 ।।

வைராஜபத³ஸம்ப்ரேப்ஸோர்யஜமாநமஹாஜநாத் ।।
ஏநாம்ஸ்யௌஷத்³யதோ(அ)க்³ரே(அ)த: ஸம்வ்ருத்த: புருஷாபி⁴த⁴: ।। 48 ।।

ஔஷத்ஸ்வாந்பாப்மந: பூர்வம் ஜ்ஞாநாத்³யதிஶயாக்³நிநா ।।
வைராஜபத³லிப்ஸுப்⁴யஸ்தேநாஸௌ புருஷாபி⁴த⁴: ।। 49 ।।

யதோ²க்தோபாஸநப²லம் வக்ஷ்யாமீத்யுத்தரம் வச: ।।
ஓஷதீத்யாதி³கம் ஜ்ஞேயம் வேதோ³பாஸீத ய: ஸதா³ ।। 50 ।।

யோ(அ)ஸாவதீந்த்³ரியோ(அ)க்³ராஹ்ய: ஸூக்ஷ்மோ(அ)வ்யக்த: ஸநாதந: ।।
ஸர்வபூ⁴தமயோ(அ)சிந்த்ய: ஸ ஏவ ஸ்வயமுத்³வபௌ⁴ ।। 51 ।।

புருஷோ(அ)ஸ்மீத்யுபாஸ்த்யர்த²ம் புருஷார்தோ²(அ)யமுச்யதே ।।
ஓஷதீத்யுக்தித: ஸாக்ஷாத்³கு³ணோபாஸ்திப²லஶ்ரவாத் ।। 52 ।।

அபி⁴ஷ்டுதம் ப்ரயத்நேந ப²லம் யஜ்ஜ்ஞாநகர்மணோ: ।।
ஏவம்மஹிமமப்யேதத்ஸம்ஸாரம் நாத்யவர்தத ।। 53 ।।

ப்ரத்யக்³யாதா²த்ம்யவிஜ்ஞாநவிரஹாத³ந்யஸாத⁴ந: ।।
யாவத்கிம்சித்ப²லம் நாத³: ஸர்வாநர்த²நிவ்ருத்தயே ।। 54 ।।

நிரஸ்தாதிஶயம் கர்ம ஜ்ஞாநம் சா(அ)(அ)ப்யாபி பா³லவத் ।।
யதோ(அ)பி³பே⁴த³வித்³யாவாநதோ(அ)ஸாவஸ்மதா³தி³வத் ।। 55 ।।

ந ஹ்யவித்³யாமநாதா³ய வஸ்துயாதா²த்ம்யஸம்ஶ்ரயாத் ।।
கஶ்சித்³பி³பே⁴த்யபி³பே⁴ச்ச தேநாவித்³வாந்ப்ரஜாபதி: ।। 56 ।।

ப்ரத்யக்³யாதா²த்ம்யவித்³யைவ நி:ஶேஷபுருஷார்த²க்ருத் ।।
இத்யேதத்ப்ரதிபத்த்யர்த²ம் விராட்ஸ்தா²நஸ்ய குத்ஸநம் ।। 57 ।।

யதோ(அ)விபே⁴த்³விராத்³பூர்வமேகாக்யஸ்மீதி மூட⁴வத் ।।
தஸ்மாத்தத்கார்யபூ⁴தோ(அ)ஜ்ஞ ஏகாக்யத்³ய பி³பே⁴தி நா ।। 58 ।।

ஏவம் ப⁴யாபி⁴பூ⁴த: ஸ ஈக்ஷாம்சக்ரே(அ)த² லோகவத் ।।
ப⁴யாஹேது யதா²தத்த்வத³ர்ஶநம் க்ருதவாந்விபு⁴: ।। 59 ।।

ஸ்ரஜீவ கல்பிதாஹிர்நா தத்ர்ராஸாதா³குலேந்த்³ரிய: ।।
ஆலோசயேத்³யதா²தத்த்வம் பீ⁴த்⁴வஸ்தௌ தத்³வதீ³ஶ்வர: ।। 60 ।।

ஆலோசயந்யதா²தத்த்வமபாஸ்தத்⁴வாந்ததத்³ப⁴வம் ।।
அநந்யாநுப⁴வம் ஸாக்ஷாத்³த³த³ர்ஶைகாத்ம்யமாத்மநி ।। 61 ।।

ப்ரத்யக்³யாதா²த்ம்யவிஜ்ஞாநஶிகி²ப்லுஷ்டமஹத்தமா: ।।
ஆப்தாஶேஷபுமர்தோ²(அ)த² ஸோ(அ)மந்யத ததோ விராட் ।। 62 ।।

தே³ஹேந்த்³ரியமநோபு³த்³தி⁴பா⁴வாபா⁴வாதி³ஸாக்ஷிணம் ।।
ப்ரத்யஞ்சம் மதி³தி ப்ராஹ தத்³ருஷ்ட்யா நேக்ஷதே த்³வயம் ।। 63 ।।

ப்ரதீச்யேவ யதே³ஹா(அ)(அ)த்மா ப்ரத்யகா³த்மாநமீக்ஷதே ।।
அந்வயவ்யதிரேகாப்⁴யாம் ப்³ரஹ்மஸ்மீதி ததே³க்ஷதே ।। 64 ।।

ப்ரத்யக்³த்³ருஷ்ட்யா தத³ஜ்ஞாநதஜ்ஜம் நைவேக்ஷதே ஸ்வத: ।।
ப்³ரஹ்மப்ரதீசோரைகாத்ம்யாத்ததூ³ரீக்ருத்ய க³ர்ஜதி ।। 65 ।।

ப்ரத்யக்தாம் மதி³தி ப்ராஹ த்வந்யந்நாஸ்தீதி சைகதாம் ।।
கஸ்மாதி³தி ச ஹேதூக்திர்பீ⁴த்யாசிக்ஷிப்ஸயா பரம் ।। 66 ।।

ப்ரத்யக்தா ப்³ரஹ்மணோ யஸ்மாத்³ப்³ரஹ்மதா சா(அ)(அ)த்மந: ஸ்வத: ।।
ஏவம் ஸதி குதோ மே பீ⁴ரிதி வித்³வாம்ஸ்ரபாயதே ।। 67 ।।

ப்³ரஹ்மவித்³யாம்ருதே நாந்யத்³ப⁴யஹேதுவிநாஶக்ருத் ।।
ஸம்பா⁴வ்யமிதி ந: ப்ராஹ தத ஏவேதி ச ஶ்ருதி: ।। 68 ।।

ப்ரத்யக³ஜ்ஞாநமேவைகம் பீ⁴திஹேதுர்ப⁴வேத்³யதி³ ।।
தத ஏவேதி வசநம் ததே³வம் ஸ்யாத்ஸமஞ்ஜஸம் ।। 69 ।।

கஸ்மாத்³த்⁴யபே⁴ஷ்யதி³தி ச பூர்வோக்தார்த²ஸமர்த²நம் ।।
ஶ்ருத்யா(அ)காரி குதோ பீ⁴திர்த்⁴வஸ்தாஜ்ஞாநதது³த்³ப⁴வே ।। 70 ।।

ப்ரஜாபதேராவிரபூ⁴த்குத ஏகத்வத³ம்ர்ஶநம் ।।
ஶாஸ்ராசார்யாதி³தத்³தே⁴தோரஸத்த்வாத்தத³ஸம்ப⁴வ: ।। 71 ।।

அந்யாநபேக்ஷம் தத³பூ⁴தி³தி சேந்நைவமிஷ்யதே ।।
அஸ்மதா³தே³ரபி ததா² ப்ரஸங்க³: ஸ்யாந்ந சேக்ஷ்யதே ।। 72 ।।

மதம் ஜந்மாந்தராப்⁴யாஸஸம்ஸ்காரோத்த²மித³ம் யதி³ ।।
நைரர்த²க்யப்ரஸக்தி: ஸ்யாத்ஸம்யக்³ஜ்ஞாநஸ்ய ஸர்வத: ।। 73 ।।

த³க்³தா⁴ஶேஷாந்தராயஸ்ய விராஜோ(அ)பி மஹத்தம: ।।
நாதா⁴க்ஷீதா³த்மவித்³யா ந: கா(அ)(அ)ஶா(அ)வித்³யாபநுத்தயே ।। 74 ।।

அந்த்ய ஏவ தமோகா⁴தீ ப்ரத்யயஶ்சேந்மதம் யதி³ ।।
ஸ்யாத³நைகாந்திகோ ஹேதுரந்யாந்த்யேஷ்வஸமீக்ஷணாத் ।। 75 ।।

நாந்த்யோ(அ)வித்³யாபநுத்³போ³த⁴ இதி ஸர்வத்ர க³ம்யதாம் ।।
ஐகாத்ம்யவஸ்துபோ³தி⁴த்வாது³பாந்த்யப்ரத்யயோ யதா² ।। 76 ।।

ஸ்யாத்³வா ஸத்ஸாத⁴நோத்பத்தேர்லோகவஜ்ஜ்ஞாநமாத்மந: ।।
யதே²ஹ கார்யகரணை: புண்யகர்மோத்³ப⁴வைர்ந்ருணாம் ।। 77 ।।

ப்ரஜ்ஞா மேதா⁴ ஸ்ம்ருதி: ஸ்தை²ர்யே ஜ்ஞாநாதா³வவஸீயதே ।।
வைஶாரத்³யம் ததை²வ ஸ்யாத்³விராஜோ(அ)பி மஹாதி⁴ய: ।। 78 ।।

ஜ்ஞாநமப்ரதிக⁴ம் யஸ்ய வைராக்³யம் ச ஜக³த்பதே: ।।
ஐஶ்வர்யம் சைவ த⁴ர்மஶ்ச ஸஹஸித்³த⁴மிதி ஸ்ம்ருதி: ।। 79 ।।

ஸஹைவ ஸித்³த⁴ம் சேஜ்ஜ்ஞாநம் பீ⁴திஹேதோரஸம்ப⁴வ: ।।
த்⁴வாந்தாபத்⁴வம்ஸிரவிணா ந தம: ஸஹ ஜாயதே ।। 80 ।।

நைவமந்யோபதே³ஶார்த²ப்ரதிஷேத⁴பரத்வத: ।।
ஸஹஸித்³த⁴கி³ரஸ்தஸ்மாந்நைஷ தோ³ஷ: ப்ரஸஜ்யதே ।। 81 ।।

ஶ்ரத்³தா⁴தாத்பர்யஶுஶ்ரூஷாப்ரணிபாதாதி³ ஸாத⁴நம் ।।
வித்³யாஜந்மைகஹேதூநாம் வைப²ல்யம் சேந்ந தத்³யத: ।। 82 ।।

கு³ணவத்³தோ³ஷவத்³ரூபவிகல்பிதஸமுச்சிதம் ।।
வித்³யாஜந்மைகஹேதுத்வால்லோகவத்ஸ்யாத்ஸமஞ்ஜஸம் ।। 83 ।।

ரூபாதி³ஜ்ஞாநஸம்பூ⁴தௌ தத்³தே⁴தூநாமநேகதா⁴ ।।
விகல்போ த்³ருஶ்யதே லோகே ததே²ஹாபீதி நிஶ்சிதி: ।। 84 ।।

கு³ணவத்³தோ³ஷவத்த்வம் ச ததை²வ ச ஸமுச்சய: ।।
ப்ரபோ³தோ⁴த்பத்திஹேதூநாம் த்³ருஷ்டோ போ³தா⁴தி³கார்யக்ருத் ।। 85 ।।

வ்ருஷத³ம்ஶாத³யோ ராத்ரௌ நேத்ரகோ³சரஸம்க³தி -
மாத்ரேண ரூபம் வீக்ஷந்தே நாபேக்ஷந்தே ததோ(அ)பரம் ।। 86 ।।

அதீதாநாக³தாத்³யர்த²ஜ்ஞாநோத்பத்தௌ ச ஹேதுதாம் ।।
யோகி³நாம் மந ஏவ ஸ்யாத³ஸ்மாகம் ஸர்வ ஏவ து ।। 87 ।।

தோ³ஷவத்³கு³ணவத்த்வேந விகல்போ(அ)நேகதா⁴ புந: ।।
மாத்ருமாநப்ரமேயாணாம் கு³ணாவத்³தோ³ஷவத்த்வத: ।। 88 ।।

நாதிக்ராந்தப⁴வே த்வாஸீஹ்ப்³ரஹ்மவித்³யா ப்ரஜாபதே: ।।
இத்யேதத்³க³ம்யதே(அ)வித்³யாப⁴யாரத்யாதி³மத்த்வத: ।। 89 ।।

வித்³யாயாம் சேந்ந மோக்ஷோ(அ)பூ⁴த்கஸ்யா(அ)(அ)ஶா நோ வ்ருதா² ப⁴வேத் ।।
மோக்ஷே ப⁴யஶ்ருதேர்நார்த²ஸ்தத்ர கோ மோஹ இத்யத: ।। 90 ।।

ஏகாகிநோ விராஜோ வா(அ)வித்³யாஸம்வீதசேதஸ: ।।
பூர்வஜந்மோத்த²ஸம்ஸ்காராத்³ப⁴யமாவிரபூ⁴தி³ஹ ।। 91 ।।

ப⁴யப்ரத்⁴வம்ஸிநம் ஹேதுமீக்ஷாம்சக்ரே(அ)த² ஜாதபீ⁴:।।
மத்தோ யந்நாந்யத³ஸ்தீதி ஹ்யத² கஸ்மாத்³விபே⁴ம்யஹம் ।। 92 ।।

ஏக ஏவாஹமஸ்மீஹ த்³விதீயாத்³தி⁴ ப⁴யோத்தி²தி: ।।
த்³விதீயோ ந மத³ந்யோ(அ)ஸ்தி கஸ்மாத்³தோ⁴தோயம் மம ।। 93 ।।

தத ஏவ விராடை³க்யவிஜ்ஞாநாதே³வ தத்³ப⁴யம் ।।
வீயாய ந பரஜ்ஞாநாத³தோ(அ)ரதிரபீஷ்யதே ।। 94 ।।

ஏகாக்யஸ்மீதிவிஜ்ஞாநாத்ர்ரைலோக்யாத்மைககோ³சராத் ।।
அகா³த்³ப⁴யம் யதோ(அ)தோ(அ)பூ⁴த³ரதிஸ்தஸ்ய காமிந: ।। 95 ।।

ஸம்யக்³விஜ்ஞாநவித்⁴வஸ்தாவவித்³யாயா: குதோ(அ)ரதி: ।।
த்⁴வஸ்தாந்த்⁴யஸ்யாபி ஸா சேத்ஸ்யாத³நிர்மோக்ஷ: ப்ரஸஜ்யதே ।। 96 ।।

நாவித்³யாகா⁴திவிஜ்ஞாநாத்³ப⁴யத்⁴வஸ்திரபூ⁴த்³விபோ⁴: ।।
அரத்யுத்³பூ⁴திலிங்கே³ந ஹ்யயமர்தோ²(அ)வஸீயதே ।। 97 ।।

ந சேஹாவஸரோ(அ)ஸ்த்யஸ்ய ஸம்யக்³ஜ்ஞாநஸ்ய கஶ்சந ।।
பிண்ட³ஸ்ருஷ்டௌ ப்ரவ்ருத்தாயாம் நாகஸ்மாஜ்ஜ்ஞாநகீ³: ஶுபா⁴ ।। 98 ।।

ப்ரக்ரியாநுசிதம் வஸ்து ஸுஸாத்⁴வபி ஸமீரிதம் ।।
அகாலகுஸுமாநீவ நைவ ப்ரீதிகரம் ஸதாம் ।। 99 ।।

மிது²நாரதிமோஹாதே³: ப்ரத்யக்³யாதா²த்ம்யவேதி³ந: ।।
ஆக³மைஸ்து நிஷித்³த⁴த்வாத்குதஸ்தஸ்யேஹ ஸம்ப⁴வ: ।। 100 ।।

ஆத்மக்ரீட³ ஆத்மரதிக்ரியாவாநிதி சா(அ)(அ)க³ம: ।।
ததா²(அ)(அ)த்மமிது²ந இதி யஸ்த்வாத்மரதிரித்யபி ।। 101 ।।

கார்யகாரணஸம்ப³ந்த⁴: ஸாவித்³யஸ்யைவ யுக்திமாந் ।।
அபூர்வாநபராத்³யுக்தேர்ந த்⁴வஸ்தாந்த்⁴யஸ்ய யுஜ்யதே ।। 102 ।।

அப்யுத்பந்நாத்மபோ³தா⁴நாமதி⁴காராஸமாப்தித: ।।
அரத்யாதி³ யதா² த்³ருஷ்டம் ததை²வ ஸ்யாத்ப்ரஜாபதே: ।। 103 ।।

அப்ரவிஷ்டஸ்வபா⁴வஸ்ய ஸஶப்³தே³ந பரிக்³ரஹாத் ।।
ஸ ஏஷ இத்யத்ர வாக்யே நைவா(அ)(அ)கஸ்மிகஶப்³த³நம் ।। 104 ।।

அஸம்தோஷாக்ஷமாஹேதோஶ்சேதஸோ யா(அ)நவஸ்தி²தி: ।।
ஸா வித்⁴வஸ்தாத்மமோஹஸ்யாப்யரதி: ஸம்ப³பூ⁴வ ஹ ।। 105 ।।

யதோ(அ)ரதிக்³ரஹக்³ரஸ்ததி⁴ஷணோ(அ)பூ⁴த்ப்ரஜாபதி: ।।
ஏகாகீ தேந தத்ஸ்ருஷ்டாவேகோ ந ரமதே நர: ।। 106 ।।

ஶ்ரௌத்வா(அ)நயா ப்ரஸித்³த்⁴யா து கார்யலிங்கே³ஶ்ச காரணம் ।।
ஸதா³(அ)நுமிந்வதே ஸாம்க்²யாஸ்ததா² சாந்யே(அ)பி வாதி³ந: ।। 107 ।।

அரத்யபநுநுத்ஸு: ஸந்ஸ த்³விதீயம் யதா²ரூசி ।।
விராடை³ச்ச²த்³ருதே(அ)வித்³யாம் நேச்சே²ஶஸ்யோபபத்³யதே ।। 108 ।।

ஸோ(அ)ரத்யதிக்³ரஹாவிஷ்டஸ்தத³பத்⁴வஸ்தயே விராட் ।।
ஸம்ஸக்தஜாயாபும்மாநோ யாவாம்ஸ்தாவாந்வபூ⁴வ ஹ ।। 109 ।।

ஸ்ரீபுமாம்ஸௌ பரிஷ்வக்தௌ யாவந்மாநௌ ப³பூ⁴வது: ।।
ஸ தாவத்பரிமாணோ(அ)பூ⁴த்³யோகே³ந பரமேஶ்வர: ।। 110 ।।

இச்சா²மாத்ரமரத்யுத்த²ம் பும்ஸ்யலப்³த⁴ஸ்தி²தி ஸ்ரியம் ।।
ப்ரயுங்கே யோக்³யதஸ்தஸ்யாஸ்தத³லப்³த்⁴வா(அ)ரதி: ப்ரபோ⁴: ।। 111 ।।

உபஸ்தி²தே ச மநஸி தஸ்ய யோஷித³பூ⁴த்க்ரதோ: ।।
ஸத்யஸம்கல்பஹேதோ: ஸ ஸ்ரீஸக்த இவ சாப⁴வத் ।। 112 ।।

மிது²நத்³வாரிகா யா(அ)ஸ்ய ஸ்ருஷ்டி: ஸைவைது⁴நோச்யதே ।।
யதோ(அ)ஸாவிமமேவாத² த்³விதா⁴(அ)(அ)த்மாநமபாதயத் ।। 113 ।।

இமமேவேத்யவத்⁴ருதேர்ந விராஜோ த்³விதா⁴(அ)பி⁴தா⁴ ।।
ய: ஸ்ரீபும்ஸ்பரிமாணோ(அ)பூ⁴த்ஸ ஏவாதோ த்³விதா⁴க்ருத: ।। 114 ।।

பாதநாதே³வ நிர்வ்ருத்தே: பதிபத்ந்யௌ ஜக³த்யபி ।।
யோஷித்³வித³லவத்³பா⁴தி பும்ஸ: ஶுக்த்யாதி³பா⁴க³வத் ।। 115 ।।

ஸ்த்யாகாங்க்ஷோ ஹி து பா⁴கோ³(அ)யம் புமாகாஶஸ்தத: ஸ்ரியா ।।
ஸம்யகா³பூர்யதே வ்யோம ஶுக்திஸம்புடவத்³த்⁴ருவம் ।। 116 ।।

விராஜமம்ருஜத்³ப்³ரஹ்மா ஸோ(அ)ஸ்ருஜத்புருஷம் விராட் ।।
புருஷம் தம் மநும் வித்³தி⁴ யஸ்யேயம் மாநவீ ப்ரஜா ।। 117 ।।

தாம் ஸ்ரியம் மைது²நேநாத² மநு: ஸமப⁴வத்ததா³ ।।
ஸ்வகர்மபி⁴ர்நியுக்த: ஸம்ஸ்ததா² சோத்பாத்³ய கர்மபி⁴: ।। 118 ।।

பூ⁴ரிஜாத்யபி⁴ஸம்ப³ந்தோ⁴ ஜந்யகர்மவஶாத்ஸ்ரியா: ।।
மநோஶ்சைவம் ஸமர்ஜேத³மாபிபீலிகமாத்மந: ।। 119 ।।

த்³வம்த்³வயுக்தம் ஜக³த்யஸ்மிந்யாவத்கிம்சித்ஸமீக்ஷ்யதே ।।
தத³ஸ்ராக்ஷீந்மநு: ஸர்வே ஸ்ரீபும்த்³வம்த்³வப்ரயோக³த: ।। 120 ।।

மநோ: ஸஶதரூபஸ்ய பிண்ட³ஸ்ருஷ்டிரிஹோதி³தா ।।
ஸோமாக்³நீந்த்³ராதி³கா யா(அ)பி ஸா(அ)ப்யுக்தவத³பேக்ஷ்யஸ: ।। 121 ।।

ஜக³த்ஸ்ருஷ்ட்வா(அ)(அ)த்மந: ஸாக்ஷாஜ்ஜ்ஞாநகர்மாதி³ஸாத⁴ந: ।।
அவேத்ஸ்ருஷ்டம் ஜக³த்ஸ்ரஷ்டா ஹ்யஹம் வாவாகி²லம் ஜக³த் ।। 122 ।।

அஹம் வாவ ஜக³த்ஸ்ருஷ்டம் யதோ(அ)ஸ்ருக்ஷ்யஹமேவ தத் ।।
ஸ்ருஷ்டிநாமா மநுர்ஜாத ஏதஸ்மாதே³வ காரணாத் ।। 123 ।।

யதா² மநுரித³ம் ஸ்ருஷ்டமஹமஸ்மீத்யபு³த்⁴யத ।।
ஏவமந்யோ(அ)பி யோ வேத³ ஸ்ருஷ்டிக்ருத்ஸ்யாத³ஸாவபி ।। 124 ।।

ம்ருஷ்டாநாமத² பூ⁴தாநாமக்³ந்யாதி³ப்ரமுகா² இமா: ।।
அநுக்³ரஹீத்ரீர்வக்ஷ்யாமீத்யத: ப்ரவவ்ருதே ஶ்ருதி: ।। 125 ।।

பே⁴தா³த³தி⁴க்ருதேரேஷாமக்³ந்யாதீ³நாமநேகதா⁴ ।।
பே⁴தோ³ வர்ணேஷ ஸர்வேஷ ப்³ரஹ்மக்ஷத்ர்ராதி³லக்ஷண: ।। 126 ।।

அநுக்³ராஹகதே³வாநாம் ஸர்கோ³(அ)யம் ப்ரஸ்துதோ மஹாந் ।।
தத்ராக்³நேருதி³தோத்பத்திர்ந த்விந்த்³ராதே³ரிஹோத்யதே ।। 127 ।।

அவித்³யாதி⁴க்ருதௌ தேஷாம் ஸ்ருஷ்டிரூர்த்⁴வே ப்ரவக்ஷ்யதே ।।
கர்மாதி⁴க்ருதிஸம்ப³ந்த⁴ப்ரதிபத்த்யர்த²மேவ து ।। 128 ।।

தம் ஸர்க³முக்தவத்ஸர்வமபேக்ஷ்யேஹோபஸம்ஹ்ருதி: ।।
அவித்³வத்³தே³வதாபி⁴த்திப்ரதிஷேதா⁴ய ஸாம்ப்ரதம் ।। 129 ।।

கு³ணோத்பத்திக்ரியாரூபஸ்துதிநாமாத்³யுபாதி⁴பி⁴: ।।
விபி⁴த்ஸந்தி ஸ்வதோ(அ)பி⁴ந்நாம் தே³வதாம் மூட⁴த்³ருஷ்டய: ।। 130 ।।

யதி³த³ம் கர்மிண: ப்ராஹு கர்மபூ⁴மாவமேத⁴ஸ: ।।
அமுமக்³நிமமும் ஸோமம் யஜேதி யஜிஸம்ஶ்ரவாத் ।। 131 ।।

யஜேதி லிங்கா³ந்நிந்தை³ஷா கார்மிணாமேவ க³ம்யதே ।।
ந து வித்⁴வஸ்தமோஹாநாம் ப்ரத்யங்பா⁴த்ரைகஶாயிநாம் ।। 132 ।।

யஸ்த்வாத்மரதிரேவ ஸ்யாதா³த்மத்ருப்தஶ்ச மாநவ: ।।
ஆத்மந்யேவ ச ஸம்துஷ்டஸ்தஸ்ய கார்யம் ந வித்³யதே ।। 133 ।।

உத்பந்நைகாத்ம்யயாதா²த்ம்யபா⁴ஸ்வத்³விஜ்ஞாநபா⁴ஸ்கர -
ஸம்ப்லுஷ்டாவித்³யாப³ஹுலதமஸாம் கர்மநிஹ்நுதிம் ।। 134 ।।

ஸர்வகர்மாதி⁴காராணாம் நிஷேத⁴ம் ப்ரத்யபீபத³த் ।।
புராண: ஶாஶ்சதோ விஷ்ணு: ப்ரபந்நாய கிரீடிநே ।। 135 ।।

மிதோ² பி⁴ந்நம் யதா³ஹுஸ்த ஏகைகம் தே³வமத்⁴வரே ।।
தத³ஸத்ப்ரதிபத்தவ்யம் யதோ(அ)பி⁴ந்நைவ தே³வதா ।। 136 ।।

பே⁴த³க்³ராஹி ந நோ மாநம் க⁴டாதா³வபி வித்³யதே ।।
கிமு நி:ஶேஷபி⁴ந்நார்த²வ்யாபிந்யாத்மந்யஸௌ மயி ।। 137 ।।

நாபா⁴வாராதி³வத்³விஶ்சமத்⁴யாத்மாதி³விபா⁴க³வத் ।।
ஓதப்ரோதாத்மநா தஸ்தௌ² விராட்மூத்ராதி³வஸ்துஷு ।। 138 ।।

விவிதா⁴(அ)ஸ்யை வ ஸா ஸ்ருஷ்டிரிதா ஹேதுஸமீரணம் ।।
காரணம் ந விஹாயேஹ கார்யமந்யத்ர வர்ததே ।। 139 ।।

யத ஏவமதோ தே³வா: ஸர்வே(அ)பி ஸ்யு: ப்ரஜாபதி: ।।
தஸ்யாம் தஸ்யாமதி⁴க்ருதௌ தத்தத்³ரூபம் ப்ரபத்³யதே ।। 140 ।।

ஏக ஏவ து விஶ்வாத்மா மாயயா மோஹயஞ்ஜக³த் ।।
ஏகதாம் ப³ஹுதாமேதி கும்ப⁴வந்மணிஸம்ஶ்ரय़ாத் ।। 141 ।।

அபி⁴ந்ந ஏவ பூ⁴தாத்மா ப்ரதிபூ⁴தஸமாப்தித: ।।
ஏகதா⁴ ப³ஹுதா⁴ சைவ த்³ருஶ்யதே ஜலசந்த்³ரவத் ।। 142 ।।

அத்ர விப்ரதிபத்³யந்தே தத³ந்யாத்மநிஷேதி⁴ந: ।।
ஹிரண்யக³ர்ப⁴ ஏவா(அ)(அ)த்மா ய: பராத்மேதி கீ³யதே ।। 143 ।।

ஸம்ஸார்யேவேஹ ஸ இதி ததா²(அ)ந்யே(அ)பி ப்ரசக்ஷதே ।।
பக்ஷயோரநயோ: ஶ்ரேயாந்க: பக்ஷ இதி சிந்த்யதே ।। 144 ।।

விரிஞ்ச ஏவ து பரோ மந்த்ரப்³ராஹ்மணவாக்யத: ।।
இந்த்³ரமித்யாதி³மந்த்ரோக்திரேஷ ப்³ரஹ்மேதி ச ஶ்ருதி: ।। 145 ।।

ஏதமேகே வத³ந்த்யக்³நிம் யோ(அ)ஸாவிதிஸ்ம்ருதேரபி ।।
ஸம்ஸார்யேவ ஸ விஜ்ஞேய: ஶ்ருதிமந்த்ரஸ்ம்ருதீரணாத் ।। 146 ।।

பாப்மதா³ஹாரதிபீ⁴திமர்த்யத்வாதி³ஶ்ருதேர்மிதே: ।।
ஹிரண்யக³ர்ப⁴மிதி ச ஸ்மார்தாந்யபி வசாம்ஸி ந: ।। 147 ।।

ப்³ரஹ்மா விஶ்வஸ்ருஜோ த⁴ர்ம இதி கர்மப²லாத்மதா ।।
ஸ்ம்ருத்யா(அ)ப்யபா⁴ணி ப³ஹுஶ: கஸ்ய ஸம்ஸாரிரூபதா ।। 148 ।।

மிதோ²விருத்³த⁴வாதி³த்வாத்³தூ³யோராக³மயோரபி ।।
அப்ராமாண்யப்ரஸக்திஶ்சேந்ந க்ல்ருப்த்யந்தரஸம்ஶ்ரயாத் ।। 149 ।।

ப்ரத்யக³ஜ்ஞாநஜா(அ)நேகவிவிதோ⁴பாதி⁴ஸம்க³தே: ।।
விருத்³தா⁴ர்த²த்வவசஸாம் ஸ்யாதே³கத்ராபி ஸம்ப⁴வ: ।। 150 ।।

அபாஸ்தாவித்³யாதஜ்ஜத்வாத³ஸ்தூ²த்³யுக்திகோ³சர: ।।
ஸ்வாபா⁴ஸாவித்³யோபாதி⁴: ஸந்ஸாக்ஷ்யந்தர்யாமிதாம் வ்ரஜேத் ।। 151 ।।

ததா² ஹிரண்யக³ர்ப⁴த்வம் பு³த்³த்⁴யுபாதி⁴: ஸ ஏவ து ।।
தம:ஸத்த்வரஜோயோகா³த்³யாதி க்ஷேத்ரஜ்ஞதாமஜ: ।। 152 ।।

அபி⁴ந்நபு³த்³த்⁴யா(அ)பி⁴ந்நத்வம் பி⁴ந்நதீ⁴பி⁴ஶ்ச பி⁴ந்நதாம் ।।
ஏதி சித்ஸ்வதமோஹேதோர்ம கிம்சித³பி து³:ஸ்தி²தம் ।। 153 ।।

அஶநாயாவது³த்பத்தேருத்பந்நா: ப்ராணிநோ(அ)கி²லா: ।।
அத்தாரோ(அ)தோ(அ)ந்நவிரஹாந்நாலம் ஸ்தா²நாய ஸம்ஹதா: ।। 154 ।।

தஸ்மாத்ஸோமாந்நஸ்ருஷ்ட்யர்த²ம் பரோ க்³ரந்தோ²(அ)வதார்யதே ।।
யத்கிம்சேத³ம் ஜக³த்யஸ்மிந்நார்த்³ரம் வஸ்தூபலக்ஷ்யதே ।।
ரேதஸஸ்தத்ஸஸர்ஜேஶ உத்பந்நஸ்தி²தயே(அ)ஶநம் ।। 155 ।।

ஜக³த்காரணரூபிண்ய ஆபோ ரேதோபி⁴தா⁴ இஹ ।।
ஸோம ஏவேத்யவத்⁴ருதேரக்³நீஷோமவ்யவஸ்தி²தி: ।। 156 ।।

நாநாக்ரியாபி⁴ஸம்ப³ந்தா⁴த³க்³நி: ஸோமஶ்ச க³ம்யதாம் ।। 157 ।।
ஸோம ஏவேதி தம் வித்³யாத்³யத்³யக்³நிரபி ஹூயதே ।।
ஸோமோ(அ)ப்யக்³நிரிதி ஜ்ஞேயோ யதி³ தத்ராபி ஹூயதே ।। 158 ।।

த்³வேதா⁴ பி⁴ந்நம் ஜக³த்ஸர்வமந்நமந்நாத³ ஏவ ச ।।
அந்நம் சராசரம் க்ருத்ஸ்நமந்நாத³: ப்ராண உச்யதே ।। 159 ।।

ப²லாபி⁴தி⁴த்ஸயேதா³நீம் தே³வஸ்ருஷ்டிவித³: ஶ்ருதி: ।।
ப்ரவர்ததே(அ)த² ஸைஷேதி தத்ஸ்துதிஸ்தாவது³ச்யதே ।। 160 ।।

அநுக்³ராஹகதே³வாநாம் யா ஸ்ருஷ்டிருதி³தா புரா ।।
அதிஸ்ருஷ்டிரநுக்³ராஹ்யஸ்ருஷ்டே: ஸா ஸ்யாத்ப்ரஜாபதே: ।। 161 ।।

அஶ்ரேயோப்⁴யோ(அ)நுக்³ராஹ்யேப்⁴ய: ஸஸர்ஜ ஶ்ரேயஸ: ஸுராந் ।।
யதோ(அ)திஸ்ருஷ்டிஸ்தேநேயம் யைஷேஹாக்³ந்யாதி³ரீரிதா ।। 162 ।।

மர்த்யோ வா யஜமாந: ஸந்நஸ்ராக்ஷீத³ம்ருதாந்ஸுராந் ।।
அதிஸ்ருஷ்டிரத: ப்ரோக்தா ஸா(அ)திஸாத்⁴வீதி நிஶ்சிதா ।। 163 ।।

ப்ரஜாபதிரிவைதஸ்யாம் ஸ்ருஷ்டௌ ஸ்யாத்ஸர்க³க்ருந்நர: ।।
யதோ²க்தஸ்ருஷ்டிவித்³ய: ஸ்யாத்தஸ்யைதத்ப²லமீரிதம் ।। 164 ।।

அவித்³யாபடஸம்வீதசக்ஷுஷாமியதே³வ து ।।
வைதி³கம் ஸாத⁴நம் ஜ்ஞேயம் ஜ்ஞாநகர்மஸ்வபா⁴வகம் ।। 165 ।।

கர்த்ராதி³காரகாபேக்ஷம் விரிஞ்சாந்தப²லப்ரத³ம் ।।
வ்யாக்ருதம் தத³ஶேஷேண ஶ்ருத்யா வ்யாக்²யாயி யத்புரா ।। 166 ।।

அதை²தஸ்ய யதோ²க்தஸ்ய ஸாத்⁴யஸாத⁴நரூபிண: ।।
ஜக³தோ வ்யாக்ருதஸ்யாபூ⁴த்³பீ³ஜாவஸ்தா²(அ)விநஶ்சரீ ।।
தந்நிர்தி³தி³க்ஷயா யத்நாத்ப்ரவ்ருத்தைஷா பரா ஶ்ருதி: ।। 167 ।।

ஸம்ஸ்ருத்யநர்த²ஸ்ய யதோ நிதா³நம் ஸைவ நாபரம் ।।
யதோ மூலமநர்தா²நாமாத்மாஜ்ஞாநம் ஜக³த்யபி ।। 168 ।।

தத்³த்⁴வம்ஸாதே³வ நி:ஶேஷபுமர்தா²ப்திரதோ ப⁴வேத் ।।
ஜிஹாஸிதஸ்யாநர்த²ஸ்ய ஹேது: ஸ்யாத்ஸஶரீரதா ।। 169 ।।

ந வை ஸஶரீரஸ்யேதி ஶ்ருதேரத்⁴யவஸீயதே ।।
த⁴ர்மாத⁴ர்மௌ ச தே³ஹஸ்ய யோநிரித்யாக³மாஶ்ரயாத் ।। 170 ।।

விஹிதம் ப்ரதிஷித்³த⁴ம் ச கர்ம மூலம் தயோரபி ।।
ந ஹ்யக்ரியஸ்ய ஸம்ப³ந்தோ⁴ த⁴ர்மோணாஸ்தீதரேண வா ।। 171 ।।

நாகாரகஸ்ய ஜக³தி க்ரியயா ஸம்க³திஸ்ததா² ।। 172 ।।
தத்³பா⁴வபா⁴வஹேதுத்வாத்காரகத்வஸ்ய காரணம் ।।
ராக³த்³வேஷௌ, ந தௌ முக்த்வா ஜக³த்யந்யத்ப்ரவர்தகம் ।। 173 ।।

ஸ யதா²காம இத்யுக்த்வா க்ரத்வாதே³: ப்ரஸவம் ஶ்ருதி: ।।
காமாபா⁴வே ச தத்³தா⁴நிம் யோ(அ)காமஶ்சேதி சாவத³த் ।। 174 ।।

ஸாத்⁴வஸாத்⁴விதி சாத்⁴யாஸௌ மூலம் வித்³யா தயோரபி ।।
ராக³த்³வேஷௌ யதோ த்³ருஷ்டௌ நைவர்தே ஸாத்⁴வஸாது⁴நீ ।। 175 ।।

அந்தரேண ப்ரமேயார்த²ம் நாபி தே ஸாத்⁴வஸாது⁴நீ ।।
ஸாத்⁴வஸாத்⁴விதி வா ஜ்ஞாநம் ஜ்ஞாதமேயஸ்ய ஜாயதே ।। 176 ।।

ப்ரமாத்ருத்வாதி³ஸம்ப³ந்தோ⁴ நாஸதா³த்மகவஸ்துநி ।।
நஞ்க⁴டாத்³யர்த²விஜ்ஞாநம் ஸத்யேவ ஜக³தீஷ்யதே ।। 177 ।।

ப்ரத்யக்³யாதா²த்ம்யஸம்மோஹம்ருதே ஸத்த்வம் ந குத்ரசித் ।।
ப்ரத்யக்³யாதா²த்ம்யஸம்பு³த்³தௌ⁴ ந ஸத்தந்நாஸது³ச்யதே ।। 178 ।।

அஸாதா⁴ரணமஜ்ஞாநம் ப்ரதீச்யேவ யத: ஸ்தி²தம் ।।
ஏதத்ப்ரமேயமேவாத: ப்ரமாணம் நாந்யதி³ஷ்யதே ।। 179 ।।

ஏவம் ப்ரமேயஸித்³த்⁴யர்த²ம் ப்ரவ்ருத்தைஷோத்தரா ஶ்ருதி: ।।
க்ரியாகாரகரூபே(அ)ஸ்மிந்வ்யவஹாரே தமோந்வயாத் ।।
அக்ரியாகாரகம் வஸ்து பாரோக்ஷ்யாந்நைவ லப்⁴யதே ।। 180 ।।

தத்³த்⁴யத்³ருஷ்டம் ஸத³ஜ்ஞாநகார்யம் ஸ்ரகி³வ பந்நக³ம் ।।
ஸர்வம் பி³ப⁴ர்த்யஸக்தம் ஸத³ஸக்தமிதி ச ஸ்ம்ருதே: ।। 181 ।।

அபூர்வாத்³யாத்மகம் வஸ்து யத்ர ஸாக்ஷாத்ப்ரஸித்⁴யதி ।।
தத்கார்த்ஸ்ந்யால்லப்⁴யதே தத்ர வ்யவஹாரோ ந மோஹஜ: ।। 182 ।।
யதா²ஸித்³தா⁴நுவாதே³ந பூர்வம் நோ ஹ்யப்⁴யதா⁴த்ஸ்பு²டம் ।। 183 ।।

பதா³நீஹ தத³ர்தா²ம்ஶ்ச ப்ரஸித்³தா⁴நேவ லோகத: ।।
ஆதா³ய கர்மஶாஸ்ரம் தந்நிஷேத⁴விதி⁴வோத⁴க்ருத் ।। 184 ।।

இத: பரம் வஸ்துதத்த்வபரீக்ஷணக்ருதக்ஷணா ।।
ஶ்ருதி: ப்ரவ்ருத்தா(அ)தஸ்தாவத்ப்ரமேயோ(அ)ர்தோ²(அ)த்ர சிந்த்யதே ।। 185 ।।

ஸம்ஸாராக்²யமஹாவ்யாதே⁴: கிம் மூலமிதி சிந்த்யதே ।।
தத்³த்⁴வஸ்தயே சிகித்ஸேயம் ததா³ ப²லவதீ ப⁴வேத் ।। 186 ।।

ஊர்த்⁴வமூல இதி ததா² மந்த்ரவர்ணோ(அ)பி வித்³யதே ।।
கீ³தாஸ்வபி ததை²வைததூ³ர்த்⁴வமூலமிதீரணம் ।। 187 ।।

அஶேஷாநர்த²மூலஸ்ய ப்ரத்யக³ஜ்ஞாநரூபிண: ।।
த்⁴வஸ்தௌ த்⁴வஸ்திரநர்தா²நாம் புமர்த²ஶ்ச ஸமாப்யதே ।। 188 ।।

நிரஸ்தாதிஶயாநந்த³ரூபதா ப்ரத்யகா³த்மந: ।।
அதை²ஷ யோ வை பூ⁴மேதி ஶ்ருத்யைவ ப்ரதிபாத்³யதே ।। 189 ।।

ஸ்வத ஆநந்த³யாதா²த்ம்யாத்குதோ து³:கே²ந ஸம்ப்லுதி: ।।
ததா²(அ)பி நிஹ்நுதே ஶாஸ்ரம் ந லிப்யத இதீரணாத் ।। 190 ।।

அஜ்ஞாதாத்மைகஸம்ஸித்³த⁴பீ³ஜாவஸ்த²மித³ம் ஜக³த் ।।
ததி³த்யநேநாப்⁴யதா⁴யி பரோக்ஷார்தா²பி⁴தா⁴யிநா ।। 191 ।।

அவ்யாக்ருதஸ்ய ஜக³தோ பூ⁴தகாலாபி⁴ஸம்க³தே: ।।
ஸுகா²வபு³த்³த⁴யே ஹேதி நிபாதோ(அ)த்ர ப்ரயுஜ்யதே ।। 192 ।।

நாமரூபாதி³விக்ருதம் பராஹ்பா⁴நைககோ³சர: ।।
ஸஹஸ்ரபே⁴த³வத்ஸாக்ஷாதி³த³மா ஜக³து³ச்யதே ।। 193 ।।

ஸாமாநாதி⁴கரண்யஸ்ய ததி³த³ம்பத³யோ: ஶ்ருதே: ।।
கார்யகாரணயோர்நித்யமபே⁴தோ³(அ)த்⁴யவஸீயதே ।। 194 ।।

ந க்ரியாகார்யவிரஹே காரணம் ஸித்⁴யதி க்வசித் ।।
நிஷ்க்ரியம் காரணம் சேத்ஸ்யாத்தத்³வந்நித்யம் ப²லோத்தி²தி: ।। 195 ।।

தயோஶ்ச யுக³பத்³பா⁴வே ந ஸ்யாத்காரணநிஶ்சிதி: ।।
க்ரியாந்தரப்ரஸக்தேஶ்ச தத்கார்யத்வே(அ)நவஸ்தி²தி: ।। 196 ।।

கார்யம் சாக்ரியமாணம் ஸந்ந கார்யத்வம் ஸமஶ்நுதே ।।
அகர்த்ருகம் சேத்கார்யம் ஸ்யாத்காரணம் கார்யதாம் வ்ரஜேத் ।। 197 ।।

காரணத்வாந்ஸத³ந்யஸ்ய கார்யத்வாச்ச ஸதஸ்ததா² ।।
அந்யோந்யாவ்யதிரேகாச்ச குதோ நாஶாதி³ஸம்ப⁴வ: ।। 198 ।।

க்ரியா வா தத்ப²லம் வா ஸ்யாத்காரகம் வா ந கிம்சந ।।
நிரந்வயோ(அ)யம் நாஶ: ஸ்யாதே³ஷாமந்யதமோ(அ)பி ந ।। 199 ।।

க்ரியாயா: ப²லரூபேண த்⁴வஸ்திர்நாவஸ்தி²தேர்ப⁴வேத் ।।
தேந தேந விஶேஷேண காரணம் ப்ரத²தே ஸதா³ ।। 200 ।।

யதா ஜந்மாதி³கர்த்ருத்வாத்³வீஜம் நைவ விநஶ்யதி ।।
நாஶே(அ)பி தஸ்ய நம்ஷ்ட்வத்வாந்ந நம்ஷ்டு: ஸ்யாத்³விநாஶிதா ।। 201 ।।

ஏவம் சேந்ந ஸதோ நாஶோ நோத்பத்திரஸதஸ்ததா² ।।
அவ்யாக்ருதாபி⁴தா⁴நாச்ச கார்யஸ்ய ஸ்யாத்கதா³சந ।। 202 ।।

தத்த்வபோ³தா⁴திரேகேண ந நாஶோ(அ)ந்யோ யதா² ததா² ।।
மஹதா(அ)திப்ரயத்நேந ஹ்யுத³ர்கே(அ)பி ப்ரவக்ஷ்யதே ।। 203 ।।

நாமரூபாத்³யபி⁴வ்யக்தே: ப்ராக்தந: கால உச்யதே ।।
தர்ஹீதி ஹ்யநபி⁴வ்யக்தமவ்யாக்ருதகி³ரோச்யதே ।। 204 ।।

அவித்³யாகர்மஸம்ஸ்காராஸ்தேஜோப்க்ஷ்மாஸூத்ரஸம்ஶ்ரயா: ।।
கே² லீநாஸ்த்வஸ்திதாமாத்ரா அவ்யக்தாக்²யா: ஸஹா(அ)(அ)த்மநா ।। 205 ।।

கார்யகாரணபே⁴தே³ந ப்ரபஞ்சோ ய: புரோதி³த: ।।
யஶ்சோர்த்⁴வம் வக்ஷ்யதே தஸ்மாத்பரஸ்தாதே³தது³ச்யதே ।। 206 ।।

ப்ரத²தே வைஶ்வரூபேண யதோ(அ)வித்³யைவ ஸர்வதா² ।।
அவித்³யாமாத்ரயாதா²த்ம்யாத³தஸ்தத்³தே⁴த³முச்யதே ।। 207 ।।

மா பூ⁴த்³வ்யாக்ருததீ⁴: பும்ஸாம் நாமரூபாத்மவஸ்துநி ।।
ஐகாத்ம்யவ்யக்திதோ(அ)ந்யத்ர தஸ்மாதே³வேதி கீ³ரியம் ।। 208 ।।

ஸாமாநாதி⁴கரண்யோக்திர்வ்யக்தஸ்யாவ்யக்தஸித்³த⁴யே ।।
ந ஹி கார்த்ஸ்ந்யமபி⁴வ்யக்தேர்வ்யக்தஸ்யாகார்த்ஸ்ந்யத³ர்ஶநாத் ।। 209 ।।

ப்ரமாத்ராதி³நிஷேதே⁴ந ஶ்ருத்யா(அ)வ்யாக்ருதமுச்யதே ।।
தத்³வித்திஸாத⁴நாபா⁴வாத்கத²ம் தத³வக³ம்யதே ।। 210 ।।

விதூ⁴தாஶேஷஸம்ப³ந்த⁴மநந்யாநுப⁴வாத்மகம் ।।
கூடஸ்த²ஸம்விந்மாத்ரைகம் ப்³ரஹ்மாஸ்மீதிஸ்வபா⁴வகம் ।। 211 ।।

அதிரோஹிதஸம்வித்கம் ஸதா³நஸ்தமிதோதி³தம் ।।
நி:ஸாமாந்யவிஶேஷம் தத்ப்ரத்யகா³த்மைகநிஷ்டி²தம் ।। 212 ।।

ஸ்வதோ(அ)வபு³த்³த⁴ம் தத்³யஸ்மாந்நிரவித்³யமத: ஸதா³ ।।
ஸம்க³திர்நிரவித்³யஸ்ய நாவித்³யாஹேதுஜைர்மலை: ।। 213 ।।

ஏவம்ஸ்வபா⁴வமப்யேதத³விஜ்ஞாதம் ஸ்வபா⁴வத: ।।
தமோவ்ருத்தமபேக்ஷ்யைதந்ந து யத்³வாஸ்தவம் ஸ்வத: ।। 214 ।।

ஸ்வாநுபூ⁴த்யநுஸாரேண யதோ²க்தோ(அ)ர்தோ²(அ)வஸீயதாம் ।।
மாநஹேத்வதிவர்தித்வாந்நேஹ மாத்ராதி³ஸம்ப⁴வ: ।। 215 ।।

தஸ்மிந்நபஹதத்⁴வாந்தே(அ)ப்யவித்³யா ஸ்வாநுபூ⁴தித: ।।
ஸ்வாநுபூ⁴திர்ந வேத்³மீதி ப்ராகை³காத்ம்யப்ரபோ³த⁴த: ।। 216 ।।

ஜ்ஞாதாத்மதத்த்வோ ஜாநாதி த்ரிகாலம் தத³ஸம்ப⁴வம் ।।
அந்யத: ஸம்க³தி: ஸேயமவிசாரிதஸித்³தி⁴கா ।। 217 ।।

ஸ்வபா⁴வவ்யதிரேகாப்⁴யாம் த்⁴வாந்தஸித்³தே⁴ரஸம்ப⁴வாத் ।।
ந சேத்ப்ரமாணத: ஸித்³தி⁴ரஸ்யாவ்யாக்ருதரூபிண: ।।
ந சைகாத்ம்யஸ்வபா⁴வேந குதஸ்தந்மாநகோ³சர: ।। 218 ।।

தத்³தே⁴த³மித்யநேநோக்திர்வ்யாக்ருதாவ்யாக்ருதாத்மநோ: ।।
ப்ரமாணயோக்³யதைவோக்தா ந த்வைகாத்ம்யமிதாத்மதா ।। 219 ।।

அவ்யாக்ருதமவிஜ்ஞாதம் ப்ரமாணாவிஷயம் மதம் ।।
ப்ரமாணாநபி⁴ஸம்ப³த்³த⁴ம் ப்ரமாணாச்சேதி ஸாஹஸம் ।। 220 ।।

அவிஜ்ஞாதார்த²க³ந்த்ருணி ப்ரமாணாநீதிவாதி³நாம் ।।
ஸர்வேஷாமப்⁴யுபேதோ(அ)ர்த²: குதோ(அ)ஸாவிதி சிந்த்யதே ।। 221 ।।

ஜ்ஞாதோ வா(அ)ர்தோ²(அ)த²வா(அ)ஜ்ஞாத உப⁴யம் வா ந சோப⁴யம் ।।
ப்ரமாணாநாம் ப்ரமேய: ஸ்யாத்ஸர்வமேதத்³விசார்யதே ।। 222 ।।

மேயமாநத்வஸம்பி⁴த்தௌ ந பஶ்யாமோ(அ)த்ர ஸாத⁴நம் ।।
ஜ்ஞாதஸ்யாவ்யதிரேகித்வாத³ஜ்ஞாதஸ்யாப்யமாநத: ।। 223 ।।

ஜக³த்யர்தோ² ஹி ய: கஶ்சிஜ்ஜ்ஞாத ஏவ ஸ பு³த்³தி⁴வத் ।।
மாநாதே³வ ஸ விஜ்ஞாத இத்யேதத்ஸ்யாத்குதோ(அ)மிதே: ।। 224 ।।

மாநாதிரேகாஸம்ஸித்³தே⁴ர்மேய ஏவ ததா² ந கிம் ।।
ந ஹி தீ³பாந்தராத்³தீ³போ பா⁴ரூபத்வம் ப்ரபத்³யதே ।। 225 ।।

ஜ்ஞாதரூபாதிரேகேண நாந்யத்³ரூபம் ஸமீக்ஷ்யதே ।।
ஏவம் சேந்மாநதோ மேயோ விஜ்ஞாத இதி கா ப்ரமா ।। 226 ।।

ந சாபர உபாயோ(அ)ஸ்தி மேயஸத்³பா⁴வஸித்³தி⁴க்ருத் ।।
மாநேப்⁴யஸ்தத்ப²லாஸூதேரந்த⁴காரப்ரந்ருத்தவத் ।। 227 ।।

ஸ்வத ஏவ ப்ரஸித்³த⁴ஶ்சேத்ப்ரமேயோ(அ)ர்த²ஸ்ததா²(அ)பி ந ।।
அநந்யாயத்தஸம்ஸித்³தே⁴ர்மேயத்வம் கிம்நிப³ந்த⁴நம் ।। 228 ।।

நி:ஸாத⁴நோ ந ஸாத்⁴யோ(அ)ஸ்தி நாஸாத்⁴யம் ஸாத⁴நம் க்வசித் ।।
துல்யஶக்திமதாம் நாபி மிதோ²பேக்ஷா(அ)ஸ்தி குத்ரசித் ।। 229 ।।

நாஸித்³த⁴யோ: ஸ்வதோ(அ)பேக்ஷா ஸித்³த⁴யோஶ்சாபி நேஷ்யதே ।।
நாபேக்ஷ்யாபேக்ஷகத்வம் ஹி லோகே(அ)ப்யதிஶயம் விநா ।। 230 ।।

நாபி ஸித்³த⁴: ஸ்வதோ(அ)ஸித்³த⁴ம் ந்ருஶ்ருங்க³வத³பேக்ஷதே ।।
ததா²(அ)ஸித்³த⁴: ஸ்வத: ஸித்³த⁴ம் நாத்யந்தாபா⁴வரூபத: ।। 231 ।।

அபேக்ஷதே சேத்ஸித்³தோ⁴(அ)ஸௌ நாஸித்³தோ⁴(அ)பேக்ஷிதும் க்ஷம: ।।
யேநாதோ(அ)ஜ்ஞாநத: ஸித்³தி⁴ம் ஸ்வத:ஸித்³தோ⁴(அ)ப்யபேக்ஷதே ।। 232 ।।

விஶ்வேஶ்வரோ(அ)பி ப்ராஹைதத்ப்ரபந்நாய கிரீடிநே ।।
பா⁴வாபா⁴வத்வமஜ்ஞாநாத³தத்³வத்யேவ கல்பிம் ।। 233 ।।

நாஸதோ வித்³யதே பா⁴வோ நாபா⁴வோ வித்³யதே ஸத: ।।
உப⁴யோரபி த்³ருஷ்டோ(அ)ந்தஸ்த்வநயோஸ்தத்த்வத³ர்ஶிபி⁴: ।। 234 ।।

ஜ்ஞேயம் யத்தத்ப்ரவக்ஷ்யாமி யஜ்ஜ்ஞாத்வா(அ)ம்ருதமஶ்நுதே ।।
ததா² ந ஜாயத இதி வித்⁴வஸ்தாஶேஷகல்பநம் ।। 235 ।।

வாஸுதே³வ: ஸர்வமிதி ப்ரத்யக்ஷஶ்ருதிபூர்வகம் ।।
அஹம் க்ருத்ஸ்நஸ்ய ஜக³த: ப்ரப⁴வ: ப்ரலயஸ்ததா² ।। 236 ।।

ஸத்யஜ்ஞாநாதி³ரூபஸ்ய ப்ரத்யகா³த்மந ஏவ ச ।।
காரணத்வம் ஸுவிஸ்பஷ்டம் ஶ்ருதௌ ஹி ப³ஹுஶ: ஶ்ருதம் ।। 237 ।।

அஜ்ஞாதாத்மாதிரேகேண ப்³ருவத: காரணம் ததா² ।।
ஸம்யக்³ஜ்ஞாநாந்ந முக்தி: ஸ்யாந்ந ஜ்ஞாநம் வஸ்துநுத்கசித் ।। 238 ।।

கர்மப்⁴யோ(அ)பி ந முக்தி: ஸ்யாத்கர்மாபி ந ஹி வஸ்துநுத் ।।
தஸ்யாநித்யப²லோத்பத்தௌ ப்ரப⁴விஷ்ணுத்வகாரணாத் ।। 239 ।।

கூர்மலோமாதி³வச்சேத்ஸ்யாத³பு³த்³த⁴த்வம் ததா²(அ)பி வ: ।।
ஸ்வத: ஸர்வஜ்ஞதைவ ஸ்யாந்ந வஸ்த்வஜ்ஞாதமஸ்தி ஹி ।। 240 ।।

ந ச மாநாத்ப்ரஸித்³தி⁴: ஸ்யாத்கூர்மலோமாதி³வஸ்துந: ।। 241 ।।
ஜ்ஞாதார்த²வ்யதிரேகேண மாநாநாம் மாநதா யத: ।।
மேயார்தா²பஹ்நுதிஶ்ச ஸ்யாந்நாஜ்ஞாதமிதி ஜல்பத: ।। 242 ।।

ததஶ்ச வேத³ஸித்³தா⁴ந்தஸம்த்யாக³: காரணாத்³ருதே ।।
ந பி⁴த்³யதே ப்ரமேயோ(அ)ர்தோ² மாநாத்³யேஷாம் ச வாதி³நாம் ।।
தேஷாம் து³:ஶகமத்யந்தமபு³த்³தா⁴ர்தா²வபோ³த⁴நம் ।। 243 ।।

ஜ்ஞாநமேயப்ரபே⁴தே³(அ)பி மாநஸ்ய ஸ்வார்த²ரூபிண: ।।
போ³த்³த⁴ராத்³தா⁴ந்தஸக்தி: ஸ்யாத்ஸ்வார்த²ஸ்ய க்ஷணிகத்வத: ।। 244 ।।

ஸ்வார்த²ம் ப்ரத்யேவ ஸம்ஸித்³தே⁴: பரார்த²ஸ்யேஹ வஸ்துந: ।।
ஸ்வப்நாதி³வத³நாத்மார்தோ² ம்ருஷா ஸ்யாத்க்ஷணிகோ(அ)பி வா ।। 245 ।।

ந ச ஸௌக³தஸித்³தா⁴ந்தஸ்தத்ஸித்³தௌ⁴ மித்யபா⁴வத: ।।
மேயமாநைகதோ(அ)பா⁴வாத³ஜ்ஞாதத்வஸ்ய தத்க்ஷணே ।। 246 ।।