बृहदारण्यकोपनिषद्भाष्यवार्तिकम्
॥ पञ्चमाध्यायस्य द्वादशं ब्राह्मणम् ॥
गतिः फलं च वक्तव्यं पूर्वत्र तदनुक्तितः ।।
उपासनानां सर्वेषामित्यर्थः पर आगमः ।। १ ।।
उत्क्रामति यदा विद्वाञ्शरीरादायुषः क्षयात् ।।
आश्वेव वायु दुर्भेद्यं स आगच्छति वेगवान् ।। २ ।।
प्राप्ताय लोकभोगार्थं वायुस्तस्मै विगच्छति ।।
कियच्छिद्रं मरुद्दद्याद्रथचक्रखमानिगीः ।। ३ ।।
द्विकाष्ठसंतताघातमाडम्बरमिहोच्यते ।।
भेरीं च दुन्दुभिं विद्यात्तेनोर्ध्वं यात्युपासकः ।। ४ ।।
लोकं प्रजापतिं ब्रह्म प्रैत्यसौ भावनाबलात् ।।
अशोकमहिमं चेति दुःखतद्धेतुवर्जितम् ।। ५ ।।
शाश्वतीश्च समा नित्या अस्मिल्लोँके वसत्यसौ ।।
पूर्वत्रानुक्तकार्याणामुपास्तीनामिदं फलम् ।। ६ ।।
इति श्रीबृहदारण्यकोपनिषद्भाष्यवार्तिके पञ्चमाध्यायस्य द्वादशं ब्राह्मणम्