बृहदारण्यकोपनिषद्भाष्यवार्तिकम्
॥ पञ्चमाध्यायस्य नवमं ब्राह्मणम् ॥
वद्युद्देहस्य तस्यैव ब्रह्मणोऽन्यदुपासनम् ।।
अशेषपाप्मविध्वस्त्यै श्रूत्याऽथ प्रतिपाद्यते ।। १ ।।
विद्युद्ब्रह्मेति युक्तं तद्विद्युद्धि स्याद्विदानतः ।।
द्यतेरेतद्यतो रूपमवखण्डनकर्मणः ।। २ ।।
तमोऽन्धकारमखिलमवखण्डयति क्षणात् ।।
विद्युद्यथा तथाऽस्मत्तः पाप्मानं तदुपासितुः ।। ३ ।।
इति श्रीबृहदारण्यकोपनिषद्भाष्यवार्तिके पञ्चमाध्यायस्य नवमं ब्राह्मणम्