आनन्दगिरिटीका (छान्दोग्य)
द्वितीयोऽध्यायः: एकोनविंशः खण्डः
पशुविकारपयोदध्यादिना पुष्टिरङ्गानां दृष्टेति पशुदृष्ट्यनन्तरमङ्गदृष्टिमाह –
लोमेति ।
रसो वै यज्ञायज्ञीयमिति श्रुतेरन्नरसविकारेण लोमादीनां सम्बन्धाद्यज्ञायज्ञीयं सामाङ्गेषु प्रतिष्ठितमित्याह –
एतदिति ॥१॥
कुणिः श्मश्रुरहितः ॥२॥
इति श्रीमदानन्दगिरिटीकायां द्वितीयाध्यायस्यैकोनविंशः खण्डः ॥