आनन्दगिरिटीका (छान्दोग्य)
द्वितीयोऽध्यायः: चतुर्थः खण्डः
किमिति वृष्टिदृष्टेरनन्तरमपां दृष्टिः साम्नि क्षिप्यते तत्राऽऽह –
वृष्टिपूर्वकत्वादिति ।
मेघसम्प्लवदृष्ट्या हिङ्कारमारम्भसामान्यादुपासीतेत्याह –
मेघ इति ।
वर्षदृष्ट्या प्रस्तावस्योपास्यत्वे हेतुमाह –
आप इति ।
प्राच्यो नद्यो गङ्गाद्याः । प्रतीच्यस्तु नर्मदाद्या इति भेदः ॥१॥
तर्हि गङ्गादावपेक्षितमपि मरणं न स्यादिति चेत्तत्राऽह –
नेच्छति चेदिति ।
असावुपासको मरुस्थलोष्वपि यथेच्छमुदकवान्भवतीत्यर्थः ॥२॥
इति श्रीमदानन्दगिरिटीकायां द्वितीयाध्यायस्य चतुर्थः खण्डः ॥