आनन्दगिरिटीका (छान्दोग्य)
द्वितीयोऽध्यायः: पञ्चमः खण्डः
किमिति सलिलदृष्ट्यनन्तरमृतुदृष्टिः साम्न्यारोप्यते तत्राऽह –
ऋतुव्यवस्थाया इति ।
ऋतुव्यवस्थानानुरूपं तत्र क्रियाविशेषणम् ॥१॥
कस्यचिदनुपासितुरपि क्रमेण तत्तदृतुफलभोगभागितोपपत्तेर्नेदमुपासनानुरूपं फलमित्याशङ्क्याऽऽह –
ऋतुमानिति ।
सम्पन्नः सर्वदा स्वेच्छावशादिति शेषः ॥२॥
इति श्रीमदानन्दगिरिटीकायां द्वितीयाध्यायस्य पञ्चमः खण्डः ॥