आनन्दगिरिटीका (छान्दोग्य)
षष्ठोऽध्यायः: दशमः खण्डः
आगमनावध्यपरिज्ञानं तत्रेत्युक्तम् ॥१॥
प्रश्नान्तरं व्याचष्टे –
दृष्टमिति ।
विनष्टा इति लोके दृष्टमिति सम्बन्धः । जीवास्तु प्रत्यहं सुषुप्त्यवस्थायां मरणप्रलययोश्च कारणभावं गच्छन्तोऽपि न विनश्यन्तीति यदेतत्तदिति योजना ।
जीवविनाशं शङ्कमानस्य प्रतिबोधनार्थमुत्तरं वाक्यमुत्थापयति –
तथेति ॥२-३॥
इति श्रीमदानन्दगिरिटीकायां षष्ठाध्यायस्य दशमः खण्डः ॥